بيت ماجد صغير كتير ,
هو بدو ينتئل لبيت جديد ,
هو عم يشوف صور لبيوت عالإنترنت ,
في بيت واحد رخيص كتير ,
بس ئديم وفاضي
البيت تاني فيو عفش ,
فيو تخت وتلفزيون وفرن غاز للطبخ ,
ومع هيك البيت غالي .
ماجد قرر أنو يوفر مصاري أكتر ,
وبعدين بيئدر ينتئل السنة الجاية .
هاي هي نفس الئصة منئالة بطريئ مختلفه.
بيتي صغير كتير.
وبدي أنتئل لبيت جديد ,
أنا عم شوف صور لبيوت عالإنترنت ,
في بيت واحد رخيص كتير ,
بس ئديم وفاضي .
و في بيت تاني فيو عفش ,
فيو تخت وتلفزيون وفرن غاز للطبخ ,
ومع هيك هاد البيت غالي .
لهيك قررت أني وفر مصاري أكتر .
وبعدين بئدر أنتئل السنة الجاية .
الأسئلة :
واحد: بيت ماجد صغير كتير.
بيت ماجد كبير شي ؟
لأ .. بيتو مش كبير , بيتو صغير كتير.
اثنان: ماجد بدو ينتئل لبيت جديد.
ماجد بدو ينتئل شي ؟
أي . ماجد بدو ينتئل لبيت جديد.
ثلاثة: ماجد عم يشوف صور لبيوت عالإنترنت.
ماجد عم يشوف صور عالإنترنت شي ؟
أي ' ماجد عم يشوف صور لبيوت عالإنترنت.
أربعة: البيت الأول رخيص كتير .
البيت الأول غالي شي ؟
لأ , البيت الأول مش غالي , هو رخيص.
خمسة : البيت الأول ئديم وفاضي .
البيت الأول ئديم شي ؟
أي , البيت الأول ئديم وفاضي .
ستة: البيت التاني فيو تخت وتلفزيون وفرن غاز للطبخ .
البيت التاني في عفش شي ؟
أي . البيت التاني فيو تخت وتلفزيون وفرن غاز للطبخ.
سبعة: البيت التاني غالي .
البيت التاني رخيص شي ؟
لأ , البيت التاني مش رخيص ' هو غالي .
تمانة: ماجد قرر أنو يوفر مصاري أكتر .
ماجد بدو يوفر مصاري أكتر شي ؟
أي , ماجد قرر أنو يوفر مصاري أكتر.
تسعة: ماجد بدو ينتئل السنة الجاية .
ماجد بيئدر ينتئل هي السنة شي ؟
لأ , ماجد مابيئدر ينتئل هي السنة ' هو بيئدر ينتئل السنة الجاية.
