مرحبا أنا حسن. أهلا وسهلا فيكم معي من جديد. اليوم رجعت
مع ضيفتنا المحبوبة مها. اليوم أنا ومها راح نحكي عن موضوع مهم
كثير بعالم تعلم اللغات.
واللي هو موضوع الترجمة أو الـ subtitles. هل بنستخدم الترجمة؟ هل الـ subtitles. هي شيء
كويس ولا شيء مو كويس؟ أنا اليوم حابب آخذ رأي مها بهذا الموضوع ونتناقش فيه مع بعض.
مرحبا مها وأهلا وسهلا فيك معنا اليوم. مرحبتين ميرسي إلك أهلا فيك.
أهلين فيك. مها هلا أنتِ نحن
في اختلاف بيناتنا بـ المحتوى اللي بنقدمه.
أنتِ كثير من فيديوهاتك بتعتمد كثير على الترجمة. أنا حسب ما لاحظت أنتِ بتستخدمي
بتحطي الـ subtitles بالعربي وبالإنجليزي. أما أنا عندي أسلوب مختلف. أنا ما بستخدم
الترجمة. فأنا اليوم حابب نحكي عن هذا الموضوع. ليش
نحن عندنا طرق مختلفة؟ شو السبب اللي أنتِ يعني سببك لحتى تستخدمي الـ subtitles ؟
وشو رأيك؟ هل الترجمة هو شيء بيساعد الطلاب على التعلم أسرع؟
ولا ممكن يكون له تأثير سلبي؟
حلو كثير هذا الموضوع على فكرة. حبيته. صراحة معك حق. أنا كثير بعتمد على
الترجمة. وكل فيديوهات ما في ولا فيديو بعمله إلا
ما بحط عليه ترجمة. مزبوط بالعربي وبالإنجليزي.
عن جد يعني أنا ما فيي أقول إنه طريقتي أنا صح وطريقتك أنت غلط أو بالعكس.
هالطريقتين مختلفين. بس اثنيناتهم فعالين يعني بيعطوا نتيجة حلوة. وبالنهاية
اثنيناتهم يعني بيعتمدوا على الاستماع، على نفس المبدأ،
أوكي؟ هلأ أنا ليش بحط ترجمة؟ لأنه أنا صراحة
بركز أكثر على يعني
الموضوع يلي بدي أحكي فيه، بحاول قد ما فيي أحكي بطريقة مفهومة وواضحة، بس أنا ما
بستعمل كثير شو بيقولوا؟ فيجوالز، ما بستعمل صور، ما
بستعمل، ما بقدر أعمل كثير، ما بعمل كثير فيديو إديتينغ، يعني اللي بيحضرني بيعرف
إنه أنا فيديوهاتي كثير بسيطة. بس أنا بقعد على الكرسي وبحكي كل الوقت، و
يعني إديتينغ كثير بسيط. فإذا أنا ما رح حط
ترجمة، إذا أنا ما حطيت الترجمة للتلاميذ أكيد هن بيقدروا يستفيدوا من الفيديوهات،
بس مش مثل مع ترجمة، ليش؟ لأنه
عن جد أنا أول شيء أجتني هذه الفكرة أني أعمل هذه
التشانل، لأنه أنا تعلمت لغتين بهذه الطريقة. أول
لغة هي الإنجليزية، تعلمتها من خلال مشاهدة الأفلام، يعني أنا كنت أحضر كثير
أفلام. كانت الترجمة بالعربي، نحن بلبنان منحضر
أفلام إنجليزية، إيه أميركانية مع ترجمة بالعربي.
فلما بلشت أحضر ما كنت أعرف إنجليزي كثير. وشوي شوي مع الترجمة صرت أعرف إنه هذه
الكلمة هيك معناتها، من خلال قراءة الترجمة بالعربي، حتى لو الترجمة هي بلغة
ثانية. فهيك أنا تعلمت إنجليزي، رجعت هلأ من ثلاث
سنين تقريباً بلشت أتعلم روسي بنفس الطريقة.
أكثر شيء مع قناة اسمها راشن وذ ماكس.
كمان هو بيحط الترجمة بالإنجليزية وبالروسي وبكذا لغة، أنا صراحة كثير حبيت
فكرة الترجمة، لأنه أنا إذا عم بحضر فيديو بالروسي وما فهمت شيء كلمة، كيف بدي أعرف
شو معناتها؟ يعني أوقات حتى لو أنا سمعتها، ما رح أقدر أعرف كيف بدي أكتبها
أو كيف بدي ألفظها. الترجمة بالروسي بتساعدني أعرف كيف بدي
ألفظها لأن أنا بشوف الأحرف. أها.
والترجمة بالإنجليزي بتساعدني أعرف معناها.
أها. ف
يعني بالنسبة لي أنا هيدي الطريقة كتير بحبها. و
بتكون أنت يعني بنفس الوقت عم تسمع و دماغك عم بيتعلم ال طريقة يلي بيحكوا فيها هول
الناس يعني اللي هيدي لغتهم الأصلية. وبنفس الوقت بتكون عم تقرأ الترجمة وعم
كأنه دماغك عم بيتعلم الكلمة مرتين يعني بيقرأ وبيشوف وعم بيسمع.
إيه هيك ك- هيك بتنطبع أكتر الكلمة براسك إنه أنت
قرأت المعنى وسمعتها وربطتهم مع بعضهم. أها.
أكيد. هلا اللي فهمته أنا منك يعني إنه لما
بتكون المادة ما نا كتير سهلة للفهم، لما بتكون المادة صعبة مثل فيلم أو شخص عم
يحكي بطريقة طبيعية يعني، لما تكون المادة صعبة شوي على المتعلمين، فالترجمة بتحل هي
المشكلة، بتحل المشكلة، بتخلي الواحد يفهم لأنه إذا ما كان في ترجمة فهو ما رح
يفهم شي، وهذا أكيد ما إنه ما ما بيساعده على
التعلم، صح؟ هيك يعني بشكل أساسي. إيه.
أكيد. أكيد. طيب، هل أنت بتعتقدي إنه ممكن تكون
الترجمة مضرة بتعلم اللغة؟
[ضحك] هلا هي بتحل مشكلة أكيد، أنا متفق، بس هل
ممكن إنه إيه الاعتماد عليها كتير، إيه يعني
هلا أنا بصراحة ما بآمن بفكرة إنه الواحد فيه يسمع ويقرأ بنفس الوقت، أنا بشوفها
شغلة يعني صعبة كتير، يعني أنا ما بتخيل الدماغ
فيه يعمل الشغلتين سوا. لأنه ممكن هو عم يسمع ويقرأ بنفس الوقت.
بس لا إنه عم يقرأ منيح ولا إنه عم يسمع منيح. فما بعرف أنتِ شو شو رأيك يعني؟ هل
ممكن يكون إلها ضرر يعني بـ تعلم؟
هلأ أنا يعني عن جد ما في يعني ما بوافقك على هيدي النقطة. لأنه أنا أنا هيك قدرت
أنا أتعلم مثل ما قلتلك لغتين بهيدي الطريقة. والدماغ بيقدر يعمل أكثر من شغلة
بنفس الوقت. هلأ بيقولوا النسوان بيقدروا يركزوا [ضحك] أكثر من شغلة.
أكثر من الرجال. هي هي كتير
[ضحك] أوت أوف ماي كومفورت زون. أنا
أقرأ وأسمع. [ضحك]
تو ماتش. لأ بس عن جد فيك. بلا فيك فيك. هلأ أنا
بعتقد إنه بالنسبة لإلي هي منا مضرة بالترجمة. هلأ ما بعرف إذا في
أشخاص إذا بدهم يعتمدوا على الترجمة بطريقة يعني كلية. إنه هني ما بدهم يركزوا
كتير على جزء الاستماع و بدهم يركزوا أكثر على القراءة. إيه هون بتكون شوي مضرة.
لأنه هني كأنه هدفهم إنه يفهموا شو عم بيصير
بالفيلم. بس مش كتير هدفهم إنه هيدا الشخص كيف عم يحكي وشو عم بيقول. شو هن الكلمات.
عرفت كيف؟ مع العلم إنه أنا يعني ما كان هدفي أتعلم
الإنجليزي. بس تعلمتها. لأنه كانت طريقة كتير طبيعية. و أنا يعني
هيدي فكرتنا نحن إنه الاستماع غصباً عنك أنت بيعلمك. حتى لو أنت ما بدك تتعلم. خلص
دماغك بيصير يحفظ ويعرف هيدي اللغة كيف بتشتغل. هيدا الحلو.
فـ صح. أتفقت معك كتير.
هيدا يمكن يكون الضرر الوحيد. إنه مثل ما قلت إذا الواحد مش قادر يركز كتير على
الأصوات وعلى الاستماع. حيركز على القراءة أكثر. إيه هون يمكن تكون. [تنحنُح]
بس إنه إيه بالنسبة لإلي هيدا ما بيمنع إنه الواحد يتعلم
اللغة. اها.
أنا بتفق، أنا بقول بأنه يعني الواحد إذا عم يستمع حتى بالترجمة
بدون ترجمة يعني مع الوقت وهو عم عم يستفاد شيء يعني.
ايه، فا ايه، أو يمكن نحن منصير نناقش إنه شو هي الأفضل والأحسن.
ايه، بس بتخيل أنا بالحالتين أو يعني في فائدة كثير كبيرة من الاستماع للغة اللي
عم تحاول تتعلمها. ايه، هلا طيب، ايه، سؤال، أنتِ مثلاً كنتي
تستخدميها بتعلم الإنجليزي بالبداية، وطبعاً هذا الشيء صار تلقائي، أنتِ ما
كنتي عم تفكري، أنتِ كنتي عم تتابعي أفلام، فجأة حسيتي
بالغلط. بالغلط يعني اكتسبتي اللغة، صرتي مستواكِ
تحسن. فهل بتعتبري إنه يعني بيختلف استخدام
ضرورية استخدام الترجمة على حسب المستوى؟ يعني إذا الواحد ايه، يعني بيتغير إذا هو
مبتدئ، إذا هو متوسط، شو رأيك يعني؟ بهذا الموضوع.
صح. أكيد أكيد،
إذا كان شخص عم يحضر فيديو للمبتدئين ايه، فيديو بسيط كثير وسهل، وموجود صور،
والشخص عم يعمل حركات بإيديه، وعم بفرجي الناس
شو عم يعمل. أكيد هون مش بحاجة للترجمة، وبالعكس هذه
الطريقة كثير منيحة، وكثير حلوة. وهون نحن مثل ما نحن بنتعلم اللغة
كأطفال يعني، أو حتى إذا أنا هلا رحت سافرت على بلد، ما راح يكون في حدا يترجم
لي. واليوم أنا راح أحكي عن الكتب.
هي كتب، هذا كتاب، هذا كتاب. هيدا الشخص راح يجي يحكي معي، راح ي-
يفرجيني ويدلني يعني، هيدي شو، [تنحنُح] هيدي شو، ايه.
يأشر، ي- ي- يأشر.
فينا نتعلم. [ضحك]
هيأشر لي، ايه، هيدا شعر، وما بعرف شو، ايه. [تنحنُح]
أكيد هذا مصاري مصاري اعطيني مصاري
مصاري أكيد [تنحنُح] أكيد هيك ايه
كل الناس بتفهم عليك [ضحك]
ايه هذا أكيد يونيفيرسال ايه مش بحاجة هون للترجمة لا بس إذا كان الفيديو مستواه
أعلى وأعلى ومثل ما قلت إذا مستوى متوسط أو متقدم إذا الناس عم يحكوا بسرعة إذا
الناس عم يحكوا بطريقة كتير طبيعية يعني عم نحضر نحن شي فيديو مش معمول لتعليم
اللغة عم نحضر مسلسل أو فيلم ما رح يحكوا بطريقة واضحة يعني بالروسي أوقات كتير لما
يحكوا بياكلوا نص الكلمات يعني ما بيقولوا الكلمة كلها بياكلوا نصها والله
فأنا شخص شخص عم يتعلم كيف بده يفهم هيك كمان مستحيل حتصير كتير صعبة القصة فأكيد
حسب المستوى وحسب طبيعة الفيديو إذا شخص هيك قاعد عم يحكي وما عم يأشر وما عم يعمل
حركات وما عم يجرب يشرح ايه أنت كيف بدك تفهم مستحيل تفهم
اها [تنحنُح]
صح ايه بتفق معك أنا بصراحة عندي يعني عندي نفس وجهة النظر
هلا طيب إذا عم نحكي على السبتايتلز يعني لما عم
نقول هل يعني بتفضلي
الواحد يقرأ إنجليزي عربي ولا التنتين ولا كيف كمان في واحد يقرأ
الترجمتين ويسمع [ضحك]
أنا عشان هيك عم بضحك لأنه قبل شوي قلت لهم إنه كيف بده يركز الواحد عم يقرأ
ترجمة [تنحنُح] وعم يسمع أنا رح أقول لك أكثر إنه أنا فيديوهاتي عم حط لهم
للتلاميذ درجمه وبنفس [ضحك] الوقت عربي وإنجليزي وعم بحكي بدهم يسمعوني وبدهم
يشوفوا العربي والإنجليزي فينا فينا عنجد فينا أكيد يعني
مش سهلة بس فينا فينا نعمل بوز يعني إذا حسينا بشي بشي كلمة جديدة فينا نشوفها
بالعربي وبالانجليزي. نرجع نسمعها أكثر من مرة, بنلاقي حل أكيد.
اها. ايه, بس ايه, إذا
إذا بدي جاوبك على سؤالك إنه أنا بقولهم للتلاميذ دائماً, لما بدهم يسمعوا فيديو
من فيديوهاتي, أول مرة يسمعوا بدون ما يقرأوا ترجمة أبداً.
اها. يحاولوا يشوفوا هن قديه رح يقدروا يفهموا,
ليحددوا إذا كان هذا مستواهم ولا لأ. يعني على القليل بدهم يفهموا الموضوع عن شو
بيحكي الفيديو. أكيد أكثر من 50% من الـ المحتوى.
اها. ايه, إذا حسوا إنه هن ما عم يفهموا عن شو
الموضوع, ومش قادرين يفهموا حتى 50% يعني ما يحاولوا بالنسبة لإلي, أو إنه
أحسن يروحوا على شي أسهل. هذه أول شغلة. ثاني مرة بدهم يسمعوا مع
ترجمة بالعربي. ليش؟
ليش؟ لأنه كمان, لما يسمعوا ثاني مرة, يمكن يكونوا هن شي كلمة بيعرفوها.
اها. بس ما قدروا يلقطوها وأنا وعم بحكي. لما
يـ يشوفوها بالعربي ويقرأوها, رح يفهموا. فهيك بعدنا نحن بجو العربي, وبعدنا نحن
دماغنا عم بيجرب يفهم من دون أي ترجمة. اها.
وثالث مرة, يسمعوا بـ مع الإنجليزي, أو مع إذا بدهم هن يستعملوا لغتهم. ايه, الترجمة
الأوتوماتيك يعني. فـ هون بيتأكدوا إنه هن يلي فهموه هو صح. يعني نحن أوكي, حسينا
حالنا عم نفهم, بس يمكن عم نفهم شي غلط. اها.
يمكن المعنى مش هيك. فبده يتأكدوا إنه هن يلي فهموه صح. وثاني شي, بيتعلموا كلمات
جديدة من خلال بيشوفوا الترجمة يعني. اها.
إذا شي كلمة, أكيد رح يمرق كلمات جديدة, فيهن يتعلموها بهذه الطريقة من خلال
الترجمة. هيك أنا عادةً بنصحهم للتلاميذ يعملوا. شو رأيك أنت؟
حلو. يعني, هلا لنلخص إنه أول مرة اسمعوا
بدون أي ترجمة. اسمعوا العربي, حاولوا تفهموا الفكرة بالعربي.
إذا عم تفهموا الفكرة, فـ أوكي, كملوا, شوفوا مرة ثانية, اسمعوا بـ مع الترجمة
العربية. أه, و وبعدين, لأنه هذا بيساعد كمان على
تعلم القراءة بالعربي. أه, بعدين, إذا ما, يعني إذا كان في
صعوبة, فـ إنه فيك تستخدم الترجمة الإنجليزية, صح؟ هيك أنا فهمت صح؟
مضبوط, يعني بلا ترجمة, إذا المستوى منيح, ترجمة بالعربي, بنشوف اللفظ, بنشوف
الكلمات يلي ما قدرنا نسمعهم, بس يمكن نحن بنعرفهم, وثالث مرة بالإنجليزية لنتأكد من
المعنى, و نتعرف على, نتعلم كلمات جديدة يعني.
أها. هلأ أنا, من تجربتي بـ
لما بلشت تابع مسلسلات بالإسباني. أه, وكان يعني أصعب, الـ, بتعرفي
المسلسلات يعني هي يمكن أصعب شيء باللغة. أه, يعني أصعب من, من مستواي, فكان, كان
إنه في بعض الأماكن إنه ما, ما عم بفهم أبداً.
أه, وحط الترجمة بالإسباني أو السبتايتلز. وأحس إنه فعلاً حتى مع الـ هي, إنه
أحياناً, أحياناً تنحل المشكلة, بس أحياناً مع الترجمة ما يكون, يكون تعبير,
أه, يعني تعبير من الحياة اليومية, أنا ماني, ماني سمعانه قبل.
فما أفهم الفكرة يعني, إنه أوكي, فهمت الـ, الـ كلمات أنا, بس ما فهمت الفكرة شو
عم يحاولوا يقولوا يعني. فـ بهيك حالات كنت فوراً أرجع أعيد
المقطع, وأحط الإنجليزي. وفعلاً كنت إنه لما نكمل بالـ, بالمسلسل,
أحس حالي مرتاح. أه, بس هي بشكل عام, أنا بعتبر إنه إذا الواحد طالما في, يعني يفهم
الفكرة العامة, ما يخسر. أفكار أساسية. أه.
دائماً رح يخسر شيء من التفاصيل, إذا هو عم يسمع بلغة عم يتعلمها.
أه, بس إذا عم يفهم الفكرة الأساسية، فأنا بتفق إنه يحاول يشوفه ب- بدون أي سبتايتل،
بعدين يستخدم ال- سبتايتل باللغة اللي عم بيحاول يتعلمها، بحالتنا هي العربي.
صح. وبعدين إذا ما مشي هذا الحال، ف-
يسمع، يعني يستخدم ال- إنجلش مشان تحل هالمشكلة، ومشان فيه يكمل، لأنه غير هيك
يعني ما راح يكون عم يفهم شيء، وهذا الشيء أكيد ما له.
آه، ما له هو comprehensible input يعني. آه، و comprehensible input هو اللي
يعني هو اللي بيساعد على التعلم بطريقة أسرع.
حلو كثير. طيب، أنا عندي فضول كثير أعرف شو الفيدباك اللي بتسمعيها من طلابك أو
تلاميذك. آه، التلاميذ شو شو بيقولوا؟ هل هن-
يعني بيطلبوا الترجمة باللغتين؟ آه، شو شو رأيهم؟ شو تجربتهم؟ يعني من
خبرتك أنت بالتعامل، يعني من آراء ال- فيدباك يعني من ال- تلاميذ.
صح. آه، والله التلاميذ أنا كثير بيعتمدوا على
الترجمة، يعني هيك أنا فهمت.
آه، كثير بينبسطوا بيعني لما يحضروا الفيديوهات و بيجربوا يعملوا مثل ما أنا
لهم، يعني يسمعوا الفيديو ثلاث مرات بهيدي الطريقة. و هالطريقة عم بتساعدهم، يعني هن
عم بيقولوا لي نحن هيك مبسوطين بهالطريقة، عم نتعلم كلمات جديدة. آه، ما
فيني ما أحط الترجمة، لأنه دائما هن عم يتعلموا كلمات جديدة من خلال الترجمة، يلي
هي عادة إنجليزي، بس في عندي تلاميذ ما بيحكوا إنجليزي، بيقدر اليوتيوب يترجم لهم
للغتهم بطريقة أوتوماتيك، يعني حتكون 90%، 99% مضبوطة، لأنه هو راح يعتمد على ال-
النص اللي أنا كتبته بالعربي ويترجمه. ف- إيه، التلاميذ هيك يعني إذا بحط فيديو
بدون ترجمة تلاميذ ما ما بعرف إذا راح يستفيدوا مثل ما مع ترجمة.
أه يعني بشك بالموضوع حتى أنه هلا هن كثير
مبسوطين أنا عم بحط لهم ترجمة بنفس الوقت بالعربي وبالإنجليزي كمان عم بيقولوا لي
أنه هيدي الطريقة عم بتساعدهم مش بس التلاميذ يعني الناس من اليوتيوب يلي عم
بيتابعوني. أه هن اقترحوا أصلاً علي هيدا الشيء أنا
ما كنت مفكرة بالموضوع ولما حدا قال لي أنه أعملي هيك بلشت أعمل هيك. وانبسطت
صاروا يقولوا لي يي واو فكرة حلوة. يعني معناتها أنه هن عم بيحققوا عم
بيستعملوا عم بيقرأوا الترجمة وعندي أنا بيبين بالستنجز أنه
قديه بالمية من التلاميذ عم بيسمعوا مع ترجمة فهن أكثر من 50%
أه أوكي أوكي واو حلو حلو. يلي بيشغلوا الترجمة تبع اليوتيوب
يعني كابشنز أه ما بيبين عندي إذا أه ما بيبين
إذا عربي أو إنجليزي أو أي لغة بس بيبين ال يوتيوب بيعرف أنه مين اللي عم يكبس
الكبسة ال هيدا السي سي الـ caption هن أكثر من 50% عادةً عندي أنا.
واو وأنت بتحطي كمان الـ caption يعني أون ذا سكرين
بي بتحطيها بالعربي إذا ماني غلطان صح؟ صح يعني أنا بحطها بالعربي هي جزء من
الفيديو هن ما فيهم يشيلوها وهن تحت بحطوا بالإنجليزي
أو بلغة ثانية أو بلغتهم هن إذا بدك. حلو حلو كثير يعني في نص الطلاب بيستخدموا
الترجمة ال إنجليزي و نص يعني ما بيشغلوا الـ caption
واو موضوع مثير بصراحة هو موضوع معقد يعني في كثير
يعني أنا بعتقد بيتغير كثير على ال يعني حسب ال
المحتوى المتوفر حسب مستوى الطالب يا في كثير عوامل يعني بتأثر فما في إجابة
بسيطة أنه اه ترجمة أو بدون ترجمة أحياناً الترجمة تكون كثير مفيدة بس أنا برأيي ما
لازم الواحد يعني إذا في بدون ترجمة فهو يختار الطريق اللي اللي بدون ترجمة.
اه مثل ما كمان أنتِ قلتي. اه مها شكراً كثير على هالمحادثة اللطيفة
وأنك شاركتي معنا رأيك وتجربتك وتجربة طلابك اه بتمنى نكمل محادثاتنا الجميلة
وبشوفك بحلقة جاية إن شاء الله. ميرسي كثير لإلك أكيد بشوفك قريباً مع
السلامة. شكراً باي باي.
