من متى الناس بتقدر تيجي وتنام على تخت ناس لما بكونوا تعبانين؟
مش لازم يستأذنوا؟
ما كان في حدا نستأذن منه.
ليش هالقد مزعوجه من هاد الإشي؟
إنت صاحبة جميل؟
عشان هيك؟
لا أنا مش صاحبة جميل إذا مهتمة تعرفي.
جميل بدرسني اللغة.
بتمزحي معي؟
انت طالبه عند جميل؟
ما بتقدري تستغبيني.
لا, انا بحكي عنجد.
جميل يعلمني اللغه العربيه.
بس إنتي بتحكي عربي منيح.
ما بصدق بانك طالبه عنده.
اه، انا أو بالأحرى كنت هيك.
لما إجيت هون ما كنت بحكي اللغة منيح.
وبمجرد العيشه مع جميل تعلمتي تحكي بهالطلاقة؟
هو ساعدك لهالدرجة؟
أنا مش بس بحكي، أنا كمان بكتب منيح وما عندي أي مشكلة بقراءة الكتب الصعبة.
اذن كيف تعلمتي؟
شو السر؟
