Sudanese Arabic - برنامج عن بورتسودان

المذيعة: تحية ليكم من جديد مشاهدينا الكرام وتحية لكل من انضم لمتابعة فقرات برنامج بيتنا.

زي ما نوهنا قبل قليل انه حننتقل بعد قليل لبورتسودان وحنتابع مع زميلينا مصعب محمود.

المذيع: نحنا قبل ما ننتقل لبورتسودان يا نهى، أنا حابي أسأللك سؤال.

المذيعة: اه...

المذيع: بالتأكيد بورتسودان مدينة جميلة ومنطقة سياحية ومدينة سياحية جميلة جداً. حصل زرت بورتسودان؟

المذيعة: أكثر من مرة. مرتين تقريبا.ً

المذيع: طيب. شنو البلفت نظرك أكثر حاجة في بورتسودان؟

المذيعة: والله...في نقلة حصلت في السنوات الأخيرة. يعني أنا زرت...زرتها يمكن قبل فترة... يعني قبل تمانية سنة...

المذيع: نعم.

المذيعة: أول مرة. بعدها زورناها مع فريق البرنامج قبل سنتين. يعني شكلها اختلف تماما عن زمان.

المذيع: في تطور....

المذيعة: في تطور ....ممكن اقول في قفزة بتاعة تطور يعني مش تطور ساي...يعني الشوراع شكل الكورنيش النيل والشغل الشتغلوه على السياحة.

المذيع: مشيتوا سنقنيب؟

المذيعة: لا ما مشيت سنقنيب ما مشيت سنقنيب.

المذيع: جميل جداً بقولوا أنه سنقنيب هو من أجمل المناطق الموجودة فيها جزر مرجانية على طول ساحل البحر الأحمر، في ناس بقولوا في العالم.

حتى في سياح بيجوا بقولوا أنه المشاهد البشوفها والجزر المرجانية...

المذيعة: اه....

المذيع: ...والكائنات البحرية الموجودة هي ما موجودة في كل المناطق الهم زاروها قبل كدا.

المذيعة: هي الجميل فيها أنه كل مقومات السياحة موجودة فيها. والحكومة هناك اهتمت بموضوع السياحة بشكل كبير جداً.

صلحت الطرق بشكل جميل صلحت كورنيش النيل بقت مهتمة حتى بالانسان.

المنطقة، يعني أقصد أبسط زول في بورتسودان بدا يعرف شنو سياحة. كيف يرويك انت ذاتك كسايح أو كزاير من ولاية تانية. أنه احنا في بورتسودان عندنا كدا...

امشي وكل سمك في السقالة......امشي شارع النيل امشي المحل الفلاني. فهم...فالسياحة بالنسبة ليهم مطورة جداً...

المذيع: بتحسي كل المواطنين أصبحوا أصبحوا حتى مرشيدين سياحيين.

المذيعة: نعم.

المذيع: مرشيدين سياحيين بوريك حتى المناطق الكويسة، مناطق زي ما قلت أنتِ مناطق السمك الكويس والمناطق الانتِ ممكن تمشي تستمتعي بها، تقعدي لوحدك، والمناطق الانتِ ممكن يكون برفقتك شخص وتستمتعي به.

المذيعة: اه.

المذيع: يعني بور سودان أصبحت مدينة سياحية جاذبة جداً.

المذيعة: دعوة لشرب الجبنة هناك.

المذيع: ايوة.

المذيعة: طبعا اجمل الجبنة.....

المذيع: نعم... نعم....

المذيعة:...جبنة أهلنا الهدندوة وأهلنا البجة ونحنا عملنا كان تقريربرضو عن الموضوع دا وكان في فاصلة تنزل حتى وقت قريب ....

المذيع: نعم.

المذيعة: نعم انا كنت بدق فيها الجبنة علموني كيف أقليها بطريقتهم وأدقها ونشربها ونتني وتلتها. حاجات جميلة جداً يعني....هي في حد ذاتها كعادات وتقاليد تعتبر مقبل للسياحة.

المذيع: نعم بالتأكيد. نحنا بنحيي كل أهلنا في ولاية البحر الأحمر وكل أهلنا وبنحيي أهلنا في مروي أيضا بنحيي أهلنا في كل بقاع السودان. فاصل قصير ونرجع.