وظيفة
لبنى: مرحبا تامر كيفك؟
تامر: مش منيح وزهئان.
لبنى: خير انشاالله. شو المشكلة؟
تامر: الشركة اللي كنت اشتغل فيها انكسرت وطلعو كل الموظفين اللي كانو عندهم.
لبنى: وشو بتسوي هلا؟
تامر: عم بدور على شغل صار لي تمن اشهر
لبنى: هادي فترة طويلة. بعتت السي في لشركات؟
تامر: اه بعتت السي في لعشرين شركة وللاسف ما حصلتش الا على انترفيو مرتين.
لبنى: حاولت ادور عالانترنت على وظيفة؟
تامر: اه . بس كتير من الوظايف بتتطلب انئل عمدينة تانية وانا معيض مصاري للنئل.
لبنى: طيب دورت في الجرايد ومكاتب التوظيف؟
تامر: دورت شوي في الجرايد بس مش في مكاتب التوظيف. مش املائي اي اشي ومش عارف شو اسوي.
لبنى: مش اه انت درست محاسبة؟
تامر: اه. انا درست محاسبة وبعدين كملت واخدت ماجستير في ادارة الاعمال تخصص مالية
لبنى: حلو كتير. وايش كان منصبك في الشركة؟
تامر: اشتغلت مساعد محاسب وبعدين ترقيت وصرت مساعد المديرالمالي.
لبنى: حلو كتير.
تامر: اول ما بلشت كنت مسؤول عن تدخيل البيانات على الكمبيوتر, وتحضير جدول معاشات الموظفين. بس بعدين صرت اساعد المدير المالي في تحضير التقارير المالية للشركة.
لبنى: انا بعرف انو شركتنا بدور على موظفين لقسم المالية. معي اللابتوب. بتحب تشوف شو بدهم؟
تامر: اه. طبعاً.
لبنى: بدهم منصب مدير تنفيذي.
تامر: وايش المطلوب لهادي الشغلة؟
لبنى: بكالوريوس إدارة اعمال على الأئل. خبرة في إدارة شركة أملاك عقارية ما بتنلش عن بمتلك مهارات في تسويق عدد من المشاريع العقارية في البيع والتأجير. يكون حسن المظهر ولبق في الحديث ويفضل إجادة اللغة الانجليزية والفرنسية.
تامر: لا. هادي الشغلة مش منيحة الي.
فش عندي خبرة في المجال العقاري وبحكيش فرنساوي . يش في غير هالشغلة
لبني: بدهم كمان مدير مالي. ومتطلبات الشغل . ماجيستير في إدارة الاعمال مطلوب شهادات من مؤسسات معترف فيها. يفضل انو يكون حاصل على شهادة تدقيق حسابات.
تامر: وايش واجبات هادي الوظيفة؟
لبنى: يكون المرشح مسؤول عن التخطيط وإدارة المعلومات المالية وإعداد التقارير السنوية.
تامر: وايش الفوايد اللي بتندمها الشركة؟
لبنى: الشركة بتئمن السكن وبتدفع معاش عالي.
تامر: هادي شغلة مناسبة كتير الي. بحب انو فيها تحدي. هادي الوظيفة اللي كنت احلم فيها رح ائدملها بكرة.
لبنى: انا مبسوطة لقرارك ومش رح تندم لانو الشركة سمعتها ممتازة. انا رح احكي مع المدير ورح اوصي عليك كتير.
تامر: شكرأ.
لبنى: موفأ كتير.
تامر: شكرأ كتير لمساعدتك. يا ريتني شفتك من زمان.
