مئابلة مع طالب
المذيعة: سلام عليكن واهلا وسهلا فيكن في حلئة جديدة من برنامجكن "يلا نتعرف". احنا هلا في مطار سوريا، في سياح اكتير جايين رح روح لعندهن واحكي مع سايح منهن.
المذيعة: لو سمحت بتحكي عربي؟
فادي: اي. طبعاً بحكي عربي.
المذيعة: أهلا وسهلا فيك في سوريا . شو اسمك؟
فادي: أهلا فيك. أنا اسمي فادي.
المذيعة: تشرفنا. من وين انت يا فادي؟
فادي: أنا سوري من مدينة حلب.
المذيعة: كتير حلو. انت شو بتعمل؟
فادي: أنا طالب في جامعة فلوريدا في امريكا.
المذيعة: ممتاز. ايش بتدرس؟
فادي: بدرس ادارة فنادق.
المذيعة: حلو. تحكيلنا ليش انت هون؟
فادي: انا جاي عسوريا ألضي عطلة الصيف في بلدي.
المذيعة: كتير حلو. طيب وايمتا بدك ترجع؟
فادي: بدي ارجع بعد شهرين.
المذيعة: بدك تشتغل في امريكا بعد تتخرج؟
فادي: لا. بدي ارجع عسوريا واشتغل هون في اوتيل الشام.
المذيعة: كتير حلو. وين ساكن في امريكا؟
فادي: أنا ساكن مع عمي ومرتو.
المذيعة: تمام. ايش اكتر اكل سوري اشتئتلو؟
فادي: اشتئت للكبة والفلافل والحمص.
المذيعة: اه كتير زاكي. ايا اماكن بدك تزور في سوريا؟
فادي: بدي ازور سوق الحميدية وقلعة حلب.
المذيعة: طيب. في شي خاص بتحب تعملو خلال زيارتك لسوريا؟
فادي: اي طبعاً. بحب احضر اعراس الاهل والاصحاب.
المذيعة: الله يكتر لالفراح فرصة سعيدة. وبنتمنا لك زيارة حلوة وبنتمنا لك التوفيق بدراستك.
فادي: شكرا كتير.
المذيعة: العفو.
