النشاطات اليومية لطالبة
رنا: مرحبة، اسمي رنا انا بسوي دراسة عن نشاطات الطالب بالكلية. ممكن اسألك شوية اسئلة؟
هالة: طبعاً، تفضلي.
رنا: اي ساعة بتصحي من النوم عادة؟
هالة: عادة بصحى من النوم الساعة سبعة الصبح.
رنا: شو بتعملي بعد ما تصحي من النوم؟
هالة: بشرب قهوة وبعدين بتحمم وبفطر.
رنا: بتعملي اي اشي ثاني قبل ما تروحي عالصف؟
هالة: بسمع لالخبار عالراديو وانا افطر.
رنا: وينتة بتروحي عالجامعة؟
هالة: عادة بروح الساعة ثمانية ونص عشان محاضراتي بتبدا الساعة تسعة.
رنا: لوينتة بتظلي هناك؟
هالة: بظل هناك لحتى اخلص محاضراتي يعني لحد الساعة اربعة وربع.
رنا: شو اشياء ثانية بتعمليها بالجامعة؟
هالة: بين المحاضرات بروح عالمكتبة وهناك بدرس وبعمل واجب البيت.
رنا: سو بتعملي بعد الجامعة؟
هالة: بروح اشوف صاحباتي وبتعشى في الكافتيريا.
رنا: بتلعبي اي رياضة؟
هالة: بلعب باسكيت بول مرتين بالاسبوع، وتنس الطاولة مرة بالاسبوع،
هذا اذا كنت مش كثير مشغولة بالجامعة.
رنا: شو نوع الموسيقى اللي بتسمعيها؟
هالة: بسمع الموسيقى العربية الحديثة، وبسمع الموسيقى الامريكية، انا شخصيا بعزف عالعود
عمالي بوخذ دروس من مدة خمس سنين.
رنا: بتحضري تلفزيون؟
هالة: ايوة، بس مش كثير، بتفرج نص ساعة عامسلسلي المفضل كل ليلة.
رنا: بتستعلمي الانترنت كثير؟
هالة: بستعمل الانترنت لما اعمل ابحاث وبرضو بحب اروح عالفيس بوك عشان اقرأ اخر اخبار صديقاتي.
مرات بقضي وقت طويل عالفيسبوك.
رنا: وشو بتعملي بعطلة نهاية الاسبوع؟
هالة: انا وصديقاتي بنروح عاوسط البلد بنتفرج عافيلم وبنتسوق.
رنا: وشو بتعملي في الاعياد؟
هالة: بسافر عافلسطين وبزور اهلي وهناك بعرف كل اخبارهم.
رنا: شكرا كثير كثير يا هالة.
هالة: العفو.
