حفلة تكريم معلمة
المدير: اهلا وسهلا فيكن ضيوفنا الكرام لحضوركن مناسبة حفلة تكريم الاستاذة المتقاعدة ليلى، الاستاذة ليلى خدمت هاي المدرسة تماني وتلاتين سنة.
معروف عنك يا استاذة ليلى بحبك واخلاصك للتدريس، حضرتك اهتميتي بالتلاميذ وكنت دايما تشجعيهن.
استاذة ليلى، حضرتك ساعدت كتير من الطلاب على النجاح والتفوق، تخرج على ايديك اجيال من التلاميذ هن هلا مهندسين واطباء ومحاميين واساتذة جامعات، الكل بهاي اللحظة بشعر بالحزن لفراقك، في الحقيقة رح نفتقدك كتير.
بنتمنالك سنوات تقاعد كلا خير وبركة وربنا يطول عمرك ويعطيك الصحة والعافية ان شاء الله. طلبت الاستاذة هدى تلقي كلمة بهالمناسبة، تفضلي استاذة هدى.
هدى: بحب اشكرك شخصيا يا استاذة ليلى على مساعدتك لألي اول ما توظفت بالمدرسة ما كان عندي اي خبرة بالتعليم، حضرتك كنت المرشدة لي حضرتك كنت المرشدة ليشجعتيني واعطتيني افكار واساليب في التدريس. عندك اسلوب خاص بالتعليم بتخلي الطلاب يستوعبوا ويفهموا المعلومات حتى ولو كانت معقدة.
وفوق هيك خليتي الطلاب يهتموا بالعلوم، بفضلك كتير من الطلاب اشتركوا بنادي العلوم وعملوا تجارب كتير ناجحة في مختبر العلوم، كتير من الطلاب بعدما انن تخرجوا من المدرسة قرروا يدرسوا ويعملوا بالمجالات العلمية.
تأثيرك الايجابي اللي تركتيه على المدرسة واضح بالرسائل اللي وصلتنا من تالميذك السابقين وبشرفني اقرأ بعض الرسائل المليانة بالتقدير والاحترام لحضرتك.
هاي رسالة من واحد من طلابك السابقين يلى هو هلا رجل الاعمال المعروف حازم سعيد:
استاذة ليلى، من اعماق قلبي بشكرك على المجهود اللي قدمتي لإلي ولكل التلاميذ، قبل ما كنت تلميذ في صفك كنت افكر اني طالب اقل من المتوسط وما كنت ادرس ابدا، بس حضرتك شجعتيني ادرس واثابر واتفوق، ولما كنت افشل كنت تقوليلي لا تيأس ابدا وتخليني احاول لحد ما انجح هذا الاسلوب ساعدني اني اصير رجل اعمال ناجح، انت فعلا استاذة قديرة وبتمنالك الصحة والعافية والعمر الطويل. انت فعلا استاذة قديرة وبتمنالك الصحة والعافية والعمر الطويل.
هاي الرسالة من الطبيبة المعروفة ريما سالم:
ستاذة ليلى، في السابق كنت افكر انو حصة العلوم مملة، وما كان عندي اي رغبة للدراسة، وما كان عندي اي رغبة للدراسة، بس حضرتك خلتيني احب العلوم وانتبه ألهميتو في حياتنا اليومية، اكثر شي بتذكرو انو كان الوقت يمرء بسرعة بدون ما احس كيف الوقت مضى، وبفضلك صار عندي اهتمام لهادا الموضوع وقررت ادرس طب، والحمد الله انا هلا طبيبة اطفال.
بتمنالك سنوات تقاعد طويلة وحياة سعيدة ان شاء الله.
المدير: باسمي وباسم الهيئة التدريسية بنشكرك جزيل الشكر على كل اللي قدمتي للمدرسة، تفضلي يا استاذة ليلى هادي الهدية الرمزية اللي بتعبرعن شكرنا وامتنانا الك. يا استاذة ليلى هادي الهدية الرمزية اللي بتعبرعن شكرنا وامتنانا الك.
ليلى: شكرا كتير الكن وكان شرف كبير الي اني اشتغل معكن، ومو رح انساكن ابدا.
