في المطعم
الجرسون: مرحبا. أهلا وسهلا فيكي بمطعم الطاحونة.
الزبونة: شكرا.
الجرسون: اتفضلي. هاي الطاولة جنب الشباك الكبير منيحة؟
الزبونة: اه كتير منيحة. شو هالمنظر الحلو.
الجرسون: أنا اسمي رامي وأنا جرسونك. كيف حالك اليوم؟
الزبونة: الحمدالله. ماشي الحال. وانت؟
الجرسون: الحمدالله. تمام.
الزبونة: وحياتك جيبلي قنينة مية معدنية كبيرة لأني عطشانة كتير.
الجرسون: حالا. اتفضلي هي المية.
الزبونة: شكرا.
الجرسون: هادي المنيو الجديدة. بتحبي تطلبي هلا ولأ أرجع بعد شوي؟
الزبونة: أعطيني خمس دقايئ لو سمحت.
الجرسون: ولا يهمك.
الجرسون: جاهزة. بتحبي تطلبي هلا؟
الزبونة: اي.
الجرسون: بتحبي تشربي شي تاني؟
الزبونة: اي. كاس عصير بردئان زغير لو سمحت.
الجرسون: ماشي.
الزبونة: إللي. في عندكو خبز عربي؟
الجرسون: اي طبعاً. عنا خبز عربي أسمر وعادي وخبز طابون وخبز مرئوئ عالصاج.
الزبونة: ممتاز. لكان جيبلي خبز عربي أسمر سخن من فضلك.
الجرسون: ولا يهمك.
الزبونة: بتقدموا سلطات ومازة مع الوجبة؟
الجرسون: أي. في مطعمنا هون، لما بتطلبي الصحن الرئيسي، بنقدملك سلطات ومجموعة مازات.
الزبونة: سلطات ومازات متل شو؟
الجرسون: سلطة تركية وتبولة. والمازات متل الحمص والفلافل والباباغنوج والمخالات وكبة نية وزيتون أسود وأخضر.
الزبونة: طيب تمام
الجرسون: شو بتحبي تطلبي أكل؟
الزبونة: شو بتنصح اللحمة المشوية ولا الجاج ولا السمك؟
الجرسون: كلو ممتاز وعلى زوئك.
الزبونة: ممكن تجيبلي صحن كبير كباب وصحن وسط بطاطا مئلية؟
الجرسون: الكباب عنا كتير طيب. هادا اختيار ممتاز.
الزبونة: ممتاز.
الجرسون: كيف الاكل؟ انشالله عجبك؟
الزبونة: بصراحة الاكل زاكي كتير. والخدمة ممتازة. ممكن تجيبلي كمان صحن كباب لو سمحت؟
الجرسون: حالأ. كل شي هون طازة وبنجيبو يوم بيوم.
الزبونة: واضح.
الجرسون: بتحبي اجيبلك اشي تاني؟
الزبون: لا. من فضلك ممكن تعطيني الفاتورة؟
الجرسون: حاضر. وصاحب المطعم بحب يقدملك فنجان قهوة عربية او امريكية تحلاي بقلاوة او صحن فواكهة طازة كبير عحساب المحل.
الزبونة: فنجان قهوة عربية وفواكه طازة بكون منيح. هادا شخص كريم. اشكرو عني وأنا بدير بالي عليك بالبخشيش.
الجرسون: شكراً. تعالي مرة تانية واسألي عني.
الزبونة: اي ولا يهمك.
الجرسون: الله معاك
الزبونة: شكرا ومع السلامة
الجرسون: مع السلامة.
