After Completing University

سنة 2005 خلصت الجامعة وقدمت ورق للقوات، الجيش. بعد كده تجندت في القوات المسلحة وكانت أصعب، أصعب مشكلة في حياتي إن أنا اتجندت. لأن التجنيد خد وقت طويل مني، سنة وشهرين. شهرين تدريب وسنة في القوة الأساسية، يعني محسوب كجندي من جنود القوات المسلحة. بس بعد ما خلصت حياتي الجندية، ملقيتش وظيفه ولا أي حاجة، ومشكلة معظم الشباب مفيش وظايف. تعتبرأعلى مشكلة في مصر نسبة البطالة العالية. أنا يعني دورت على شغل كثير، لكن الواسطة و المحسوبية منتشرة جدا، أنا الحمد لله فاتح مشروع صغير على قدي، مسميه مكتبة الشروق. المشروع داه، الحمد لله،الى حد ما، بلاقي في نفسي، لما بجتهد فيه، لكن لو ما اجتهدش فيه مش حلاقي فيه نفسي.