الفصل السادس وعشرين - الدرس التاني - حوار ٢
تزود التوعية... نقول للناس بلاش الخلفة المتكررة إحنا لازم نمارس دورنا ونوعي الناس، يمكن معلومة ناس كتير ما تعرفهاش مصر في السنة بتزيد أكتر من ٢ مليون نسمة، سكان دولة زي قطر كلها على بعض ٢ مليون نسمة، يعني انت كل سنة بتولد دولة، شوف احنا كل سنة بنولد دولة زي قطر، بس أكيد انت بتولد دولة بدون موارد جديدة انت مهما لقيت ده من بترول وغاز وعملت مشاريع مش هتقدر تكفي دولة جديدة انت بتنتجها كل سنة. التوعية كنا ابتدينا نشتغل كمان دايماً المحور المشكلة دايماً أكتر حاجة بركز عليها قصة تنظيم الأسرة لإن هي في الآخر هي دي مشكلة مصر الحقيقية. عمرك ما هتقدر تحس بأي فرق في البلد طول ما احنا بنوجد هذا العدد، يعني دايما بقول ايه مفيش بلد في الدنيا تصرف على ناس بيخلفوا ستة وسبعة.
