الفصل السابع وعشرين - الدرس الأول - حوار ٣
صديق: طب ومفيش حلول للموضوع ده؟
صديقة: على أرض الواقع حالياً مفيش أي حلول فعلية لإن تركيا متبعة سياسة المماطلة ومتبعة سياسة الأمر الواقع كل أما بيطلبوها إنها تيجي تحضر حوار بترفض وتتهرّب.
صديق: طبعا لإنها دولة قوية وتبع حلف شمال أطلنطي.
صديقة: طبعا وبتلعب (تتلاعب) بالعبارات تقول لأ دي أنهار حدودية لكن فيه قرار من الأمم المتحدة لو كنت تسمع قال مفيش فرق جوهري مابين الأنهار الحدودية والأنهار الدولية.
صديق: المفروض كده أيوه.
صديقة: طبعا وبتخلط مابين الملفات يعني بتخلط مابين ملفاتها السياسية مع العراق وسوريا ومابين الملف المائي بتقول إن العراق... بيدعم منظمات إرهابية بيعملوا... أنشطة ضد تركيا.
صديق: آه آه.
صديقة: لأ وكمان بتقول إن... ال... ال... طبقاً للاسس الزراعية... علوم الزراعة يعني الميه اللي بتديها للعراق وسوريا دي كفاية قوي للمشروعات.
صديق: ده كده مش هيبقى فيه حل غير الحرب!
