الفصل الخامس وعشرين - الدرس الخامس - حوار ٣
– بس كنا عايزين نعمل متابعة لحادثة إمبابة اِمبارح اللي هي حصل فيها هبوط أرضي أكتر من متر أو متر ونص وفيه كذا عمارة وقعِت، خلينا نقول إن احنا رحنا المكان مرة تانية في نفس الشارع والمحافظة أكدت إن البيوت اللي موجودة غير مهددة وبعتت لجان عشان... تدرس وضع البيوت وقالت إن العمارات الموجودة لأ ما عليهاش خطر لإن كان فيه فزع كبير جداً امبارح. الحاجة التانية إن هي خيرت الخمسة وتلاتين أسرة اللي تضرروا، اللي بيتهم وقع بسبب أساساً غلطة من الحي، لأن البيوت وقعت مش لخلل هندسي فيها، عشان فيه ميه كانت متسربة... قالت لهم إما تروحوا مساكن للمحافظة بيوت شباب للمحافظة تسكنوا فيها لحد مايتم تدبير الموقف، أو إن انتو تاخدوا "كاش ماني" فلوس في إيديكو تأجروا بيها شقق أو أماكن تباتوا فيها لحد ما الأمور تتدبر.
