الفصل الخامس وعشرين - الدرس الخامس - حوار ٢

دلوقتي الحريقة كانت أبتدت الساعة اتنين ألا تلت. كانت حريقة صغيرة كان ممكن مقدور عليها. بس أنا شايف ان في مشكلة حصلت ان المفروض العربيات اللي تطلع مع عربيات المطافي تبقى طالعة يعني عارفة ان دي مواد كيماوية. تطلع لها عربيات مواد كيماوية. أما لما جت عربيات المطافي الميه ما عرفتش تعمل حاجة. النار ابتدت من ورا الجمالون وكانت نار صغيرة، بعد كده النار ابتدت تشد لحد ما دخلت على المبنى اللي هناك دا هوت. وبرضه المبنى برضه فيه مواد كيماوية والمواد الكيماوية ما ينفعش معاها غير حاجة برضه زي الطفايات تطفي مواد كيماوية. بس أنا كشاهد عيان شايف ان عربيات المطافي اللي كانت بتيجي بالرغاوي ديت هي اللي كانت بتقدر تسيطر عليها بس المشكلة ان العربيات دي كانت بتخلص. فلو كنا قدرنا ان تيجي اكتر من عربية من عربيات الرغاوى ديه كنا قدرنا نسيطر على النار.