الفصل الخامس وعشرين - الدرس الخامس - حوار ١

النهارده حصل عدد من الحرائق في الغردقة وصلت لأرقام كبيرة وخسائر كبيرة في الحقيقة بالملايين طبعاً. احنا عندنا في البيوت البني آدم بيبقى خايف إناه لما تنقطع الكهربا وترجع، ترجع أقوى شوية فالحاجات تضرب، اللي عنده جهاز أي نوع من الأجهزة الكهربائية تضرب . يبدو إن ده اللي حصل بالظبط في الغردقة، لإن انقطاع التيار الكهربائي وعودته بيرجع بجهد عالي. ده أدى لخساير كبيرة مدينة الغردقة بالكامل، اتقطع فيها الكهربا، وبعدين رجعت بعد 15 دقيقة بشدة كبيرة جداً، فحصلت تمن حرايق. بالإضافة طبعاً لاتلاف عدد كبير من الأجهزة الكهربائية سواء على مستوى أجهزة مثلاً التكييف المنزلية، التكييفات المركزياة الكبيرة في القرى والفنادق السياحية، والنهارده وفقاً للحماية المدنية في الغردقة، كان فيه تمن بلاغات بوقوع حرائق، كلها بسب الرتفاع المفاجئ في التيار الكهربائي .