Food - Lesson 8
عادةً بطلب مي قبل الأكل لما أطلع آكل برة عالغدا أو العشا. وما بحب أشرب عصير أو قهوة أو شاي. قبل أسبوعين تغديت مع دلال بمطعم سفرة. وكل ما أروح هناك بحب أطلب صحن شيش كباب وجمبو طبق تبولة. وكتير بحب عندهم سمبوسك الجبنة المقلية فدايما بطلبه. أطباقهم الجانبية بتشهي، ومرات، بس بطلب أطباق جانبية من غير طبق رئيسي، وخبزهم بكون طالع من الفرن وفريش، وبحب آكلي رغيفين خبز مع الزيتون وزيت الزيتون إلى بقدموه مجانا
لخصتلكم شوية عبارات ممكن تستخدموها لما تزورو عمان وتطلعو عالغدا أو العشا.
١ .ممكن كاسة عصير رمان.
٢ .ممكن كاسة مي لو سمحت؟
٣ .ممكن اطلب خبز زيادة، لو سمحت؟
٤ .ممكن اطلب كمان زبدية رز، لو سمحت؟
٥ .ممكن تجيب لي الفاتورة، لو سمحت؟
٦ .ممكن طبقين شيش كباب، لو سمحت.
٧ .ممكن أطلب جاج مشوي مع بطاطا مشوية؟
٨ .اه، لو سمحت.
٩ .ممكن كاسة ليمون مع نعنع.
١٠ .ممكن قنينة مي، وكاستين عصير ليمون مع نعنع وأرجيلة وحدة بلو مست، لو سمحت؟
