Daily Routines - Lesson 6

مرحبا وأهلا وسهلا فيكم ب (Speak We Arabic The). اليوم طلبت من زيد اللي بشتغل مقاول إنو يحكيلنا كيف بيقضي يومه

أماني: خبرني عن يومك العادي. أي ساعة بتصحى من النوم؟

زيد: بصحى بكير، الساعة ٧

أماني: وأي ساعة بتطلع من البيت؟

زيد: بعد ما آخد دُش وأفطر، بطلع من البيت الساعة ٨

أماني: كيف بتروح عالشغل؟

زيد: بروح بالسيارة. مكتبي كتير بعيد عن بيتي

أماني: وأي ساعة بتوصل الشغل؟

زيد: بوصل الشغل بعد ٩٠ دقيقة، عالساعة ٩:٣٠

أماني: وبتستمتع بشغلك؟

زيد: آه، كتير. بقابل كتير ناس من خلفيات متنوعة

أماني: وأي ساعة بتخلص؟

زيد: بخلص شغلي الساعة ٧ ،يومي كتير طويل

أماني: وأي ساعة بتوصل البيت؟

زيد: بوصل الساعة ٨:٣٠

أماني: بتمارس أي هوايات؟

زيد: بحب أطلع أصيد وكمان بحب أرسم.

أماني: وين بتروح تصيد؟

زيد: بالعادة بطلع رحلات صيد مع صحابي. وبنروح عالصحرا.

أماني: جدول شغلك مليان، امتى بكون عندك وقت تمارس هواياتك؟

زيد: بحب ارسم المسا بس يجي عبالي. وبروح عالصيد أيام الجمعة.

أماني: وأي ساعة بتنام؟

زيد: ما بسهر، بنام الساعة ١٠ بالليل

أماني: شكراً زيد

زيد: عفواً أماني