حياة عيلتنا: انتبه يا سند - YouTube
سالي، احزري شو صار معي اليوم؟
شو؟
اليوم وديع كان بمشي بالصف بيتخوت علي بصوت عالي عامل حاله كوول
طنشته، لف لقى المس بوجهه
أما شو اتبهدلك بهدلة
طبعاً ما إنت شايف المس
ما هو عشان هيك طنشته أصلاً
يييي شوف ما أحلاها
آخ إنتي وهوسك بالحيوانات
مرحبا يا شطور، شو إسمك؟ إنت ساكن هون؟
آه عمو إسمي سند
وين بيتك؟
بيتي بالشارع هناك
عم بدور على صيدلية، ابني مريض كثير وبدو دوا ضروري، بتعرف صيدلية قريبة؟
آه آه أكيد في صيدلية في الشارع الثاني يعني بتلف من هون وبترجع تدخل يمين
مريت كثير من هداك الشارع، شو رأيك تيجي معي تفرجيني وين؟ وأنا برجعك بعدين
سند!
شو مالك؟
مين هدول؟ وشو بدهم فيك؟
فضحتيني كإني ولد صغير عاملة حالك المحقق كونان
يا حرام الزلمة ابنه مريض وبدو إياني أدله على الصيدلية
سند إنت ما بتعرفهم، كيف كنت بدك تطلع معهم بالسيارة؟
يعني يموت ابنه وهو بدور عصيدلية، لعبت دور الأخت الكبيرة خفي علينا
طب يلا يلا بلاش نتأخر والماما تقلق علينا بس نفسي أفهم كيف كنت رح تطلع معهم
مرحبا يا حلوين
أهلين بابا
هاي بابا
يعطيك العافية خليني أقوم أجهز لك الأكل
ما تغلبي حالك حبيبتي نفسي مسدودة بعد هالخبر اللي سمعته
خبر شو؟ خير؟
طلال ابن أبو طلال بتعرفيهم اللي عندهم مكتبة بآخر الشارع
آه، شو ماله؟
كان بيلعب بالشارع جنب المكتبة وإجت سيارة بتسأله عن صيدلية
تخيلي! حاولوا يخطفوه الله ستر إنه أبوه كان بالمكتبة وانتبه
ولا كان راح فيها الولد
شو بتحكي؟ معقول! شو صاير بهالدنيا
زي ما بقول لك والشرطة هيها عم بتدور عالسيارة
معقول نفس السيارة؟
يلا إحكيلهم شو صار
أصلاً أنا أكيد ما كنت رح أطلع معهم
أكيد، "يا حرام الزلمة ابنه مريض يموت يعني؟"
قديش مرة حكينا أوعك تحكي للغربا أي معلومات عنك
لا اسمك ولا وين بيتك ولا مدرستك ولا منطلع مع حدا غريب
ولا بيقول عني المحقق كونان كمان
وحتى لو حدا حزنك عليه وطلب منك تروح معه وتساعده
ما لازم ترد وبتقول له روح اطلب مساعدة من حدا كبير
وحتى لو قال لك البابا أوالماما بيقولوا لك تعال اطلع معي ما ترد عليهم
برافو عليكي يا بابا إنك وقفتيه من إنو يطلع بس كان لازم تحكي معنا على طول وتخبرينا
أنا غلطت متأسف
أوعك تعيدها، مفهوم؟
احنا منحكي هالحكي لمصلحتكم، خليني أروح عالشرطة أبلغ عن اللي صار معكم
بابا خدني معك أنا متذكر شكل الزلمة يعني ممكن أساعد
وأنا يمكن عندي صورة السيارة لما كنت بصور بالبسة مبينة السيارة من بعيد
ممم، وشو كان لون السيارة
السيارة كان لونها أخضر على ذهبي
وهي صورتها
شكراً يا ولاد هاي معلومات جداً مهمة هي بعتتها للمركز الرئيسي
وأكيد رح تساعدنا نمسك هالمجرمين والشكر لأبو سند كمان
هذا واجبنا
خذوا يا ولاد وراق تعليمات السلامة واقروها منيح
ووزعوها على صحابكم وجيرانكم عشان نوعيهم كيف يتعاملوا مع الغرباء
بعض الأشخاص الغرباء يمكن يبينوا لطيفين بس بيكونوا خطر على حياتنا
ما بصير أحكي لأي شخص غريب معلومات عني أو عن بيتي أو عن مدرستي ولا أركب معه بالسيارة
ولا أروح معاه أي مكان ولا آكل أو أشرب أيشي بيقدملي إياه حتى لو قال لي "تعال أفرجيك إشي"
أو "ساعدني بهالإشي" لازم أهرب وأطلب المساعدة من حدا بثق فيه
أنا جاي فوراً
شو سيدي لقوه؟
هي لقوه وأنا لازم أتوجه للموقع أنا فخور فيكم جداً يا ولاد
وإنتوا كمان يا صحاب إذا بتحبوا تنزلوا تعليمات السلامة مشان تستفيدوا منها أو توزعوها عصحابكم اكبسوا هون
