ومن امتى الناس بيجوا ويناموا علي سرير حد لما يكونوا تعبانين؟
مش المفروض يستأذنوا؟
مكنش فيه حد عشان نستأذنه.
ايه اللي مضايقك كدة؟ انتي صاحبة جمال؟ هو ده السبب صح؟
لا انا مش صاحبة جمال لو كان من حقك انك تعرفي، جمال بيعلمني اللغة.
أنتي بتهزري معايا؟ انتي طالبة عند جمال؟ ولا بتشتغليني؟
لا بجد، جمال بيعلمني عربي.
بس انتي بتتكلمي عربي كويس، انا مش مصدقة انك طالبة عنده.
ايوة،، او بمعنى اصح كنت طالبة عنده.
لما جيت هنا مكنتش بقدر اتكلم اللغة كويس.
وبمجرد العيشة مع جمال اتعلمتي الكلام الطلاقة دي؟ هو ساعدك للدرجة دي؟
انا مش بتكلم بس لكن بكتب كويس ومش بعاني من اي مشاكل في قراية الكتب المعقدة.
طب ازاي اتعلمتي؟ ايه هو السر؟
