اعترافات بدر
انا مواطن سوري اسمي محمد بدر القلم انا على
معرفة بشخص يدعى انس كنج بتربطني فيه
علاقة صداقة من حوالي اكتر من خمس سنين،
من فترة وقت بلشت المظاهرات بسوريا اجا
صديقي انس و عرض علي، قلي شو رايك انو
نطلع نتظاهر و كزا، قلتلو كيف نتظاهر يعني ،
اتنين شو بنعمل نحنا، قال بنجمع ناس و بنطلع،
فكيف بنجمع ناس قالي انا مستعد ادعمك بفلوس
و نعطي الناس فلوس مشان يطلعوا يتظاهروا
معنا.
الحيت عليه انا عشان يحكيلي من وين عم بجيب
مصاري قام اضطر يحكليلي انو في شخص عم
يدعمو اسمو جمال الجراح و في مراسل بين الاخ
جمال الجراح و انس كنج عامل اسمو احمد عودة
هو اللي عم بنسق بيناتن يعني.
المهم طلعنا اول فترة، جمعنا ناس و كزا
ودفعنالهن فلوس و كزا، و طلعنا عامظاهرة
صارت بالجامع الاموي من حوالي اسبوعين
بالظبط. طلعنا و تظاهرنا و كل شي، ماحدا
تعرضنا يعني.
تاني اسبوع قال انس إنو يعني ما بكفي مظاهرات
لازم نعمل شي تخريبي للبلد، طب ليش يعني، قال
لازم نعمل شي تخريبي للبلد، قال ممكن نعمل شي
تفجير كزا قلتلو بس ماعنا سلاح و ما عنا شي،
قال انت شو بدك، خلال اربعة و عشرين ساعة
بكون عنا سلاح، قلتلو متل شو السلاح قالي
قناصات قواذف ار بي جي، شو بدك موجود حتى
اذا اضطر الامر ممكن دبابات.
شو معقول لهالدرجة؟ قالي شو عم بتفكر انو
هالناس اللي عم يطلعوا مظاهرات عم يطلعوا من
نفسهن؟ اكتر الناس اللي عم يطلعوا مظاهرات
عم يطلعوا بالفلوس يعني.
المهم طلب انس انو نجتمع انا واياه واحمد عودة
بالشام، اجا احمد عودة واجتمعنا بالشام قال هو
مستعد يجيبلنا كل شي، مستعد يأمننا سيارة على
اساس اني انا اسوقها، سيارة امنية يعني و
مستعد هو انو بلحظة نساوي التفجير بالمخفر انو
نصور مباشرة يبعتها عالفيس بوك مشان الناس
تشوف، يعني شوفو رجال الامن شو عم بساوو
شوفو كذا التخريب اللي عم بصير بالبلد.
