Salah Jaheen’s Quatrains

سهام: بصي الربعيات، أقدر أقول من خلال الربعيات، صلاح جاهين ناقش كل مشاكل الحياة من خلال الربعيات. يعني مثلا حقولك عن حاجة.

نجله: مسألة المواصلات مثلا مناقشة من خلال الربعيات.

سهام: يعني حقولك على حاجة.

نجله: تكلم عن الزحمة ممكن.

سهام: آه وتكلم عن الزحمة، بيتكلم مثلا عن العلاقات الإنسانية إلي بدات تنهد. لأن الناس خاصة ما بين أفراد الأسرة الواحدة، داه إحنا إلي بنعاني منو. بقولك:

قال الشقيق بيمص دم الشقيق...والناس مهياش ناس بحق وحقيق. قلبي رميتوا وجبت غيروا حجر، داب الحجر ورجعت قلب رقيق وعجبي.

...يعني هو بيتكلم على آيه...يا جماعة هو بيتكلم على كذا حاجة في وقت واحد. اعتقد وإنتو برضوا ليكوا وجهة نظر أكيد. أولا بيتكلم عن فساد العالقات الإنسية دي لأقرب الناس يعني بين الأخ والشقيق. الشيقيق يعني بقى مفيش عقل مفيش شيء يمنعه بيمص دم شقيقة خلاص. الغاية بتبرر الوسيلة.

نجله: آه بس دا مش عن...

سهام: داه حقيقي.

نجلة: هو موجود وبيحصل.

سهام: هو موجود ويمكن بدأ يظهر في الفترة إلي إحنا فيها دي دلوقتي بصورة كبيرة جدا.

نجله: أنا ملمستوش أوي.

سهام: أنا لمسته أوي. لمسته أوي من خلال احتكاكي بناس كتير.

نجله: يعني في أولاد بيقولوا حاجة زي كده، يعني انا فاكر عبد الحرمن، يعني عمه وبابا، يعني باباه اساسا مات وعمه أخذ الميراث ومش عارف آيه. على العموم بس مش عارف إذا كان داه حقيقي يعني. يعني هل فعلا في كده انحطاط للأخلاق.

سهام: هي انحطاط للأخلاق وهي برضوا حنرجع لنفس النقطه الأولانية إلي كنت بتتكلمي عنها وهي إنا بعدنا عن ربنا أوي أوي أوي. يعني في بيت جميل جدا، بيتين جميلين جدا للسيدة رابعة العدوية، بتقول:

تَعْصِي الإِله وَأنْتَ تُظْهِرُ حُبَّهُ

هذا محالٌ في القياس بديعُ

لَوْ كانَ حُبُّكَ صَادِقاً لأَطَعْتَهُ

إنَّ الْمُحِبَّ لِمَنْ يُحِبُّ مُطِيعُ

كلنا بنقول إننا بنحب ربنا جدا، طب منا لو بحب ربنا مش حاخد حق أخوي، مش حقتل أمي زي ما بنشوف إبن بيقتل أمه. أو إبن بيقتل أبوه. مش بيتكالب بيبقي أنا وبعض ال(..) حتى لو كان أخوي،أحط أخوي، إبني، المهم إن أنا أوصل. بيناقشها هنا في رباعياته.

نجله: يعني علاقات إنسانية.

سهام: الوطن...ومأساة الوطن. بيناقشها جدا جدا جدا...يمكن...

نجله: آيه مأساة الوطن.

سهام: مأساة الوطن...صلاح شاهين كتب الرباعيات في فترتين مختلفتي. فترة ما قبل 67 و ما بعد 1967....