Emotion and Feelings in Salah Jaheen Emotion and Feelings in Salah Jaheen

سهام: ...آيه إلي بيشغل صلاح جاهين أو آيه إلي بيثير اي إنسان يقرأ صلاح شاهين، أنا نفسي، بيثيرني إن أنا بحس أنو إنسان يعني حيران ما بين اليأس واليقين، مش الشك واليقين، لأ، الياس والرجاء، يعني الفرح والحزن. Siham: ...what occupies Salah Jaheen or what excites anyone who reads Salah Shaheen? I myself, it excites me if I feel that he is a human being, i.e. confused between despair and certainty, not doubt and certainty, no, despair and hope, i.e. joy and sadness. وداه كان واضح جداً كتير يعني جدا جدا من رباعياته. حديكي مثلاً حاجات مثلا كان رجل محتار، لهو قادر يكون سعيد السعاد التامة إلى هو بيرجوها، ولا هو برضوا حزين الحزن التام إلي هو بنقدر نقول صلاح شاهين داه رجل حكيم. أن عن نفسي سعيدة بإحساس الحيرة إلي يخلي العقل دايما في تفكير وسؤال، طب ليه والزاي...

أمل: كتعقيب يعني أعتقد إن هو ليع نظره في الحياة والموت يعني..هي مش حيرة بقدر ما هي فكرة واحد بيتأمل وبيسأل نفسه لسا ملقيش الإجابه. هو مش محتار لأنه عارف إن الإجابة يعني موجوده بمكان ما أو حيعرفها بوقت ما.

سهام: إنتي عارفة إلي بصير..يعني شاعر جميل جدا إلي هو كامل الشناوي. معروف عنه شاعر الحب والليل والموت. كان بيخاف جدا من الموت عشان كده كنت بتحسي بالموت داه بشعره كنت بتحسي بالإحساس داه بشعره. حلى لوهو بيقاوم الموت وبيدي امل للحياة كنتي برضوا بتحسيها بشعره. هل صلاح شاهين؟...يعني انا بحس برابط معين ما بين صلاح شاهين وما بين كانل الشناوي. ممكن عبقرية التعبير، يعني الإتنين ليهم (...) في التعبير رائعة جدا ، يمكن اليأس، بس الياس عند كامل الشناوي..

أمل: هو ليه أكتر من حاله يعنين صعب إن إحنا...هو كان يائس، وكان، لكن كان بيفرح، يعني هو كان في حالات...

سهام: لكن كامل الشناوي كان سوداوي، يعني مثلا في قصيدة "يوم ولدت" لما بيقول:

عدت يا يوم مولدي

عدت يا أيها الشقي

ليتك يوم مولدي كنت

يوماأ بلا غد.

داه كامل الشناوي إلي محدش يلاقي سودويه غير كده. لكن حتى لو قلنا في نظرة بلا ش نقول سودوية لكن تشاؤميه في شهر صلاح جاهين، لكن فكرة على حكاية خفة دمة ديه، في حاجة بتفكرني بالمصريين، هو يمكن عشان دمه خفيف أوي هو حزين أوي. يعني دايما تلاقي...سمة في المصريين كده....

سهام: ممكن يا جماعة هو داه إلي بقول عليه موليير "لهو الإنسان بأصفاده." يعني الصعيدي ممكن هو الي يجي يطلع النكتة. فبدل ما حد يقولها عندي فديني بقوله أنا أهو.

نجله: اكتر الناس حزنا من جواهم يعني، فتلاقي يعني إن المصريين كده فيهم طبع يقوله نكت كتير وإن ملقيوش حاجه يتريقوا عليها يتريقوا على نفسهم.

أمل: لأن هم بيعيشوا أسوا الظروف. يعني..

سهام: بيقول آيه، في رباعية من رباعياته، بيقول:

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !! !

سهام: شايفة، شايفه، داه إلي انا بقلك عليه. بتيجي حتة التفائل إلي عنده، مش عارفة، بقلك:

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

سهام: حوان، مش حيوان. هو ليه تعبيرات على فكرة غريبة، حوان، وشجرايه، يعني مفيش في اللغة العربية لفظ شجراية، وإنتي لما بتسمعيه بتلاقيه جميل وودنك مبتفرش منها.

أمل: ممكن نسمعها يعني لغة بنسمعها بالشارع وبنسعمعها بالتلفزيون وبمسلسلات الأفلام.

نجله: هو بيدلع اللغة.