الفصل العشرون - الدرس الخامس - حوار ٣
المذيع: ......عن المصريين انت اصلاً جيت زامبيا يعني؟
المتحدث : أنا جيت زامبيا عشان شغلي يعني انا بشتغل مع شركة لها فروع في دول كتيره يعني في العالم منها دول افريقية فهما عرضوا عليا انا امسك الفرع اللي موجود في لوساكا وبعدين جيت على زامبيا من سنتين تقريباً او اكتر من سنتين بشوية.
المذيع: والوضع هناك؟
المتحدث: .. بلد عادية يعني بلد جميلة مفتوحة فيها بزنس كتير مليانة أجانب استثمارات يعني عربية واجنبية بلد ممتازة يعني
المذيع : نوعية الشغل إيه بقى؟
المتحدث: انا بشتغل في الابيست اللي هو الاسكراب الاكترونيك ده بنجمعه اللي هي الالكترونات اللي هي النفايات الالكترونية وبنصدر على دول أوروبا واليابان وامريكا بنشتغل بقى في شركة عالمية لها فروع هنا في معظم دول.
المذيع : المصريين يعني المجتمع بتاعهم قد إيه؟
المتحدث: في أسر في عائلات في دكاترة في تقريباً مستشفيتين اصحابهم مصريين كام مستشفى المستشفى القبطي في مستشفى تانية فرستباك برضه أصحابها مصريين في شركات مقاولات في شركات اتصالات في مصريين متواجدين يعني وبقوة كمان.