حياة عيلتنا: مصيبة في العمارة - YouTube

ييي طلعيني بسرعة بسرعة

مش معقول!

اديش صرله خربان وما حدا عم بعمل اشي!

طب شو هلا رح نعمل!!

عصام

عنجد شكرا انك حملت معنا أم خليل بالكرسي

أما هذا المصعد مش عارفة شو آخرته

رح يعمللنا مصيبة!

هيني بقول لك

الله يستر

بصراحة موضوع المصعد صار مزعج كتير

ولازم نلقيله حل

اديش صرلي بقول للجيران لازم يكون في حدا

مسؤول يمشي امور العمارة

ما حدا بيرد

مزبوط عم تحكي

بتعرفي دق الحديد وهو حامي

هلا بدي ابعت على جروب الجيران اقترح عليهم كمان مرة

ايه.. شو باعت ابو سند

بتعرفي يا أم يرن

مزبوط بحكي ابو سند

العمارة صارت قديمة وبدها متابعة

بس مين؟

بابا ماما

بدي اشترك بفرقة المدرسة الموسيقية

ميت مرة قلتلك اتضيعيش وقتك بأشياء تافهة

خلي عقلك بدراستك يا بنت

ماما!!!

مش رح يخرب على دراستي

التدريب بس يومين بالاسبوع وانا كثير حابة

حابة‍؟؟

‍وأنا كتير حابة أعمل اشياء بحياتي

بس مش كل اشي الواحد بحب يعمله بقدر يعمله

يا ست رنا

يلا روحي كملي دراسة بنحكي بعدين!

وهدول الفيتامينات كمان بتوخديهم زي ما اتفقنا

بعد الأكل آه ما تنسي

شايفة ليش اقترحت على الجروب

انك انت تكوني مسؤولة العمارة

يسعدك شو انك ذكية

يا أخي ما بنفع ما بنفع!!

!! هو ما في زلم في العمارة

قال ام سند قال.. هيه!

انا مش فاهم انت ليش معارض هلقد

بدنا نسترزق

قصدي بدنا حدا كفؤ

وبصرحة ما في احسن منك

مزبوط

بتعرفي يا أم خليل

أنا عم بفكر فيها من مبارح

معك حق

أنا عندي خبرة بإدارة العطائات والمشتريات

بحكم شغلي يعني

حتى أبو سند بشجعني أنزل عالانتخابات

قدها وقدود يا أم سند

بس أنا خايفة عليكي من وجع الراس

وجع راس مزبوط بس كمان فيها برستيج

يعني تخيل معاي أبو يزن

يعني بكرة بتكون نازل من السيارة هيك

واحد بحمللك الشنطة وواحد بفتحلك الباب

هيبة يا أخي هيبة بتلبقلك

انت بس رد علي ورشح حالك

وشوف كيف الكل رح ينتخبك

خلص بصير خير

شو حبيبتي.. نويتي؟

صراحة آه

أنا شايفه أنه العمارة بدها شدشدة

وأنا جاهزة

يعني ما بزبط صيانة لإشي مهم مثل المصعد

من دون ما يكون عنا عالأقل

٣عروض من شركات معتمدة

وعطا الكهربجي خليه لشغله

توكلي عالله واحنا كلنا معك

بس أنا خايف عليكي تنزعجي وتتعبي

شو دينا ماما

مزبوط اللي سمعته

بدك تترشحي لادارة العمارة

شو بدك فيها هالشغلة!

اه ماما مزبوط

بس انت ما بتزبطي لهشغلة يا أمي

.. تقعدي تقارعي مع العمال و تصليحات

انت ناقصك

ركزي على جوزك وولادك

ماما

انت اكيد رح تفوزي بكرا

بليز بصير تحطيلنا باسكت بول بورد تحت عشان نلعب

انتو على راسي وعيني

ماما يلا حبيبتي اجو الولاد بحكي معك بالليل أوكي

وبدنا كمان طاولة بيبي فت في الكراج

كل ولاد العمارة عم بحضرولك مطالبنا

شو ابو يزن حضرت الخطاب لبكرا‍؟

ما بدها تحضير ... على السليقة

على فكرة ما تستقل بام سند

طيب ماشي ماشي

انا داخل اريح شوي

دايمة

ماما بصير أنا كمان أقوم؟

ماما انا بدي اقولك شغلة يمكن انت ما بتعرفيها

وانا صغيرة

كان نفسي أدرس جامعة وأتخصص صيدلة

بس أهلي ما خلوني أختار المستقبل اللي بدي اياه

وفضلوا يدرسوا اخواني الشباب بدالي

ماما حبيبتي

عشان هيك بحب تركزي عالدراسة

وبدي ياكي تكبري وتصيري أحلى صيدلانية

بس ماما

أنا كمان بدي أختار التخصص اللي أنا بدي ياه

ومش شرط يكون صيدلة

بس بوعدك انه تدريب الفرقة ما رح يأثر على دراستي

هيو ابو يزززن ونعم الرجال

ايوا ماما

ايوا بابا

اهلا وسهلا بالجميع في هذا اليوم التاريخي في عمارتنا

رح نسمع خطاب أم سند

لأنه ليديز فيرست

بعدين خطاب أبو يزن

شكرا‍ شكرا كثير

عشان ما اخذ من وقتكم

حابة اوزع عليكم دراسة بسيطة عملتها

على وضع العمارة والحلول المقترحة

انتو عارفين العمارة صار عمرها ٨ سنين

وصار بدها صيانة

يعني كل يوم في إشي عم بخرب

في اشي بتصلح مثل الباب الرئيسي للعمارة

وفي اشياء لازم تتغيير زي ماتور المصعد

عشان هيك اقتراحي الأساسي تغيير ماتور المصعد

طبعا الاختيار رح يتم

بعد ما ناخذ ٣ عروض من شركات متخصصة

وهذا أول اشي رح أعمله اذا انتخبتوني

أكلنا هوا

هذا اللي انا خايف منه

ايوا ابو يزن

مش معقول شو هاليافطات اللي عاملينها

شوفوا شوفوا الناس الزوق

يلا ابو يزن !

شكرا شكرا

بصراحة الموضوع ما بده دراسات يا جماعة

يعني الامور سلسلة وواضحة

والشغلات اللي بدها تصليح مثل المصعد

هي عطا موجود وعارف شغله وبوفر علينا كثير

وبعدين اذا صوتوا لست

طبعا مع احترامي للجميع

الكل بعرف انه الستات عندهم ظروفهم

ومسؤولياتهم

وبجيكم اجازة امومة وهذا الولد مرض

وهذا عليه امتحان وقتها مين بده يدير العمارة

بس لاني انا بآمن بالعمل المشترك وبدور المرأة‍

اذا بتنتخبوني

رح اخلي ام سند هي مسؤولة ديكور العمارة

وشكرا

تفضلوا على الكنافة

يسعده المتواضع انا

هي الناس الزوق

طيب يا جماعة

بنشوفكم بعد ساعتين عشان التصويت يعطيكم العافية

شوف ابو يزن

بعطيك صوتي على شرط

بكون انا مسؤولة عن ديكور العمارة

وكمان عن تمثيل العمارة

يعني زي ما تقول انا اكون الوجه الاعلامي للعمارة

أيوا بس انا صرت

اذا بدك تصويت مدام لولو ما في بس

مممممم شو زاكية هالكنافة

ليش المصعد بطيئ؟؟

ااااااه

شو عم بصير ..طلعونا من هون

خلص اسكتوا خلوني أفكر شو نعمل!!!

رح نصلح المصعد تسليك يا زلمة

أي كلام

أي كلام

خليه يشتغله اسبوع وبعدين بخرب

وبنرجع بنصلحه وبرجع بخرب

وبنرجع بنصلحه ولا كيف بدنا نستفيد

قروش قروش

ششش!! سمعتوا شو حكا؟؟

مش وقت هالحكي هلا!!! طلعووونااااااااا

طلعونا ... احنا هون .. ساعدونااا

حمدالله على السلامة حبايبي

ما صار اشي يا جماعة ما تزيدوها

شوف مين بحكي

هيك يعني يا عطا

طلع معها حق أم سند

آه بابا.. هيك حكا.. احنا سمعناه بالاصنصير

يلا صار وقت ننتخب بلاش نتأخر

ماما انت في وضع لا تحسدي عليه

يعني جوزك وجارتك

مزبوط

بس على كل الاحوال اكيد احنا فخورين بالبابا

لحظة حبيبتي قبل ما نطلع

في اشي بدي أعطيكي اياه

رنا

شو هذا..

هاي جامعة لقاها بابا فيها تجسير

وفيها تخصصات كتير بتقدري تختاري اللي بدك ياه

عن جد!!

واحنا كلنا معك حبيبتي

وانا رح اصير أشارك أكثر بالبيت والولاد

ليش هو ابو سند احسن مني يعني

وعطا.. أنا بفرجيه..

يللا نطلع عالتصويت

آه إنصاف ماما

ألف مبروك عالشغل الجديد

في اشي مستعجل؟‍

طالعة أصوت لإنتخابات العمارة

كيف يعني جوزك بده ياخد راتبك؟

هذا الحكي مش مقبول أبدا‍

راتبك لازم تقدري توصليله وتتصرفي فيه بأي وقت

شو‍؟؟؟

ايش بحكيلك؟؟؟

نعم؟ الستات ما بتسلموا مصاري؟

شو هالحكي الفاضي هذا

أوكي أوكي

خلص مري علينا المسا وبنحكي

بدي أروح في شغلة ضرورية لازم أعملها

ما بتسلموا مصاري قال

ماشي

والصوت الاول لام سند والثاني ام سند

والثالث كمان ام سند

ام سند

ام سند

أم سند

كل الأصوات لأم سند

مبروك، ‍ألف مبروك، ‍أحلى أم سند‍، ‍قدها وقدود

بدي ابارك لام سند

انا بصراحة انتخبتها لانها فعلأ بتستاهل

وعندها كفاءة

والمناصب القيادية مثل ما بتعرفوا خلص

بطلت حكر للرجل

وبحب من هذا المنبر

اني اعلن دعمي للمرأة وعلى كل الاصعدة

شكرا كثير ابو يزن

وشكرا لكل الي صوتولي ههههه

وانا عارفة انه انتو كمان دعمتوني

عشان هيك حصتكم بالكنافة محفوظة

تفضلوا وصحتين وعافية