宋江 聽咗 父親 嘅 教訓 ，要 做個 孝子 ，情願 死 都 唔願意 留 喺 梁山泊 嚟 落草 噉 話 。
講完 就 喊起 上嚟 ，跪 喺 地下 。
晁蓋 、吳用 、公孫勝 一齊 扶起佢 ，大家 都 話 喇 ：
既然 阿哥 你 堅決 要 去 江州 咯 ，今日 請 阿哥 你 寬心 住 一日 ，聽日 ，一早 送 阿哥 落山 。
噉啊 三番四次 就 留住 宋江 ，喺 山寨 飲咗 一日 酒 。
叫佢 除咗 面枷 佢 都 唔 肯 除 喎 ，佢 一味 同 兩個 差人 就 同起 同坐 。
當晚 就 住咗 一夜 ，第日 朝頭早 起身 ，佢 堅決 要 走 喇 。
吳學究 就 話 ：兄長 你 聽 我 講 啦 ，我 有 個 至好 嘅 朋友 ，而家 喺 江州 做 兩院 押牢 節級 ，佢 係 姓 戴 名 宗 ，當地 啲 人 叫 佢 做 戴院長 。
因為 佢 有 法術 ，一日 能夠 行 八百里 ，所以 人人 都 叫 佢 做 神行太保 。
誒 ，呢個 人 係 十分 仗義 疏財 嘅 。
尋晚 ，小生 啊 寫落 一封 信 ，交畀 兄長 你 帶去 ，到咗 嗰處 喇 就 可以 同佢 做 個 朋友 。
以後 有 咩嘢事 喇 ，就 可以 話畀 眾兄弟 知道 啦 。
眾頭領 見 挽留 宋江 唔住 就 安排 筵席 為 佢 送行 ，攞出 一 大盤 金銀 送 畀 宋江 ；
又 將 二十 兩 銀 啊 送畀 嗰 兩 個 差人 。
叫個 小嘍啰 ，幫 宋江 擔咗 包袱 一齊 送 落 山 。
大家 同 宋江 告別 之後 呢 ，吳學究 同埋 花榮 呀 ，仲 一直 送 咗 過渡 ，上 咗 大路 二十 幾 里 之外 先至 分手 。
噉 宋江 同 兩個 差人 一路 去 江州 咯 喎 。
嗰 兩個 差人 ，見到 山寨 裏頭 咁 多人馬 ，所有 啲 頭領 個個 都 咁 服 宋江 嘅 ，又 得到 佢 嗰度 咁多 銀兩 ，所以 一路 更加 小心 服侍 宋江 。
佢哋 三個人 一路 大概 行咗 半個月 ，就 嚟到 一笪 地方 ，望見 前便 係 一座 高山 大嶺 。
嗰 兩個 差人 就 話 喇 ：
嘿好喇 ，過咗 呢條 揭陽嶺 呀 就係 潯陽江 ，到 江州 係 水路 ，冇 幾 遠 㗎 喇 。
宋江 就 話 ：天色 咁好 ，不如 趁早 過咗 嶺 ，搵 個 地方 住 咯 。
誒 ，係啊係啊 ，押司 講得啱啊 。
三個人 就 加快 腳步 ，行過 道 山嶺 。
行咗 半日 ，過咗 嶺頭 ，望見 山邊 有 間 酒店 ，背靠 石崖 就 門 臨 怪 樹 ，前後 都 係 草屋 嚟 。
喺 樹蔭 之下 呢 ，掛出 一 支 酒旗 。
宋江 一見 就 高興 喇 ，就 同 個 差人 話 ：
啱 喇 ， 我 哋 正話 又飢又渴 ， 原來 呢 度 有間 酒店 呀 ， 我 哋 去 買 碗 酒 飲下 先至行 呢 。
噉 三個人 就 行到 間 酒店 咯 喎 ，入到去 ，嗰 兩個 差人 就 放 落 啲 行李 ，將 水火棍 憑 喺 埲牆 上 。
宋江 等 兩個 差人 喺 上首 坐落 ，佢 自己 呢 就 坐 喺 下首 。
點知 係 坐咗 足足 半個 時辰 ，一個 人 都 唔見 行出嚟 喎 。
宋江 就 大聲 噉 嗌 喇 ：點解 唔見 有個 店主人 㗎 ？喂 有人 冇 啊 ？
只聽見 裏 便 有人 應喇 ：嚟喇嚟喇 ！喺 側 跟 間 屋 行 出 一 個 大漢 。
嗰個人呀 ，滿面赤色嘅鬍鬚 ，一對紅絲虎眼 ，頭上戴一頂爛頭巾 ，身穿一件布背心 打出兩隻手瓜 ，下便圍住一條布手巾 ，就向住宋江三個人行咗個禮 ：
客官 ， 打 幾多 酒 啊 ？
宋江 就 話 ：我哋 行到 肚餓 喇 ，你 呢處 有 啲 咩 嘢 肉 賣 啊 ？
有 熟牛肉 同 渾白酒 啊 。
啱喇 ，你 去 切 兩 斤 熟 牛肉 ，打一角 酒 嚟 先 。
嘿嘿 ，客官 你 唔好 見怪 ，我 呢度 賣酒 係 先 交錢 後 飲酒 。
哦？ 先畀錢 後 飲酒 呀 ，噉 好吖 ，等 我 攞 銀 畀 你 先 。
宋江 就 打開 個 包袱 攞 啲 碎銀 出嚟 。
嗰個人 企 喺 側 跟 偷偷 噉 瞄 下 ，見 個 包袱 咁 墜手 嘅 有啲 油水 喎 ，個 心 啊 已經 有 八成 高興 。
佢 收咗 宋江 嘅 銀 ，就 入去 裏 便𢳂咗 一角 酒 ，切咗 一大碟 牛肉 出嚟 ，放低 三隻 大碗 、三雙 筷子 ，一便 就 斟酒 。
宋江 佢哋 三個人 一便 飲 ，一便就 喺度 傾偈 ，佢哋 話 喇 ：
而家 江湖 上 啲 壞人 好多 㗎 ， 好 厲害 啊 哎 ， 有 唔 少個 好漢 領 咗 嘢 啊 。
嗰啲人 喺 酒 呀 啲 肉 裏頭 就 落咗 蒙汗藥 ，哼 ，麻醉咗 你 就 愛嚟 劏咗 ，劫咗 你 嘅 財物 ，啲 人肉 就 愛嚟 做 包餡 喎 。
嘿嘿 ，之 我 就 唔係 點 信 啫 ，邊 有 噉 嘅 事 㗎 嚱 ？
嗰個 賣酒 嘅 人 就 笑喇 ：
哈哈哈 ，你哋 三個 噉 講 就 唔好 食 ，我啲 酒 同 肉 裏頭 都有 麻藥 㗎 。
宋江 就 笑住 話 喇 ：你 呢個 大哥 聽見 我哋 講緊 麻藥 ，就 嚟 取笑 我哋 喇 ，哈哈哈哈 。
兩個 差人 就 話 ：大哥 ，坐 熱啲 酒 嚟 飲 返 一 碗 都 好噃 。
嗰個人 就 話 喇 ：好吖 ，你哋 要 飲 熱 嘅 係 嘛 ？我 去 坐 熱啲 酒 嚟 。
於是 嗰個人 呢 就 坐 熱咗啲 酒 ，斟 做 三碗 畀 佢哋 。
佢哋 三個人 ，哎 又 餓 又 渴 ，酒肉 到口 喇 邊度 有 話 唔食 㗎 ，噉 三個人 就 各 飲 一碗 喇 。
飲咗 ，只見 嗰 兩個 差人 瞪大 雙眼 ，眼珠 都 定晒 ，口丫角 就 流 口水 ，你 拉 我 扯 景 轟 一聲 就 滾咗 落 地下 嚟 。
宋江 就 跳起身嚟 話 ：咦 ？你 兩個 點解 飲咗 一碗 酒 就 醉 喇 ？
上前 想去 扶佢哋 咯 喎 ，點知 自己 都 頭暈眼花 ，噼啪噉 就 躀低 ，眼光光 噉 成個 麻木 咗 逳 都 唔 逳得 。
酒店 嗰個人 就 話 喇 ：
係好彩數啊 ！好多日冇生意喇 ，今日 個天 送 呢 三隻 行貨 嚟 畀 我 。
佢 首先 就拉住 宋江 對腳 ， 拉 咗 入 去 山岩 邊 嘅 人 肉 作 房裏 便 ， 放 喺 張 剝 人 凳 上 ；
又 出嚟 將 呢 兩個 差人 呢 ，拉埋 入去 。
嗰個人 再 行出嚟 ，將 宋江 佢哋 啲 行李 包袱 ，都 攞晒 去 後便 間 房 。
佢 解開嚟 一 睇 下 ，嘩嗨 ，都係 金銀 嚟 噃 。
嗰個人 就 話 喇 ：
我 開咗 咁多年 酒店 ，都 未曾 遇着 噉樣 嘅 監犯 嘅 。
諒佢 區區 一個 罪人 ，怎會 有 咁多 錢 嘅 呢嚱 ？
哈 ，真係 從天降下 ，賜畀 我 個 咯 ，哈哈哈哈哈哈哈哈哈 。
嗰個人 睇完 ，就 包返好 包嘢 ，然後 出去 門口 就 等 嗰幾個 夥記 返嚟 劏人 咯 喎 。
佢 企 喺 門口 睇 咗 一陣 ，一個 夥記 都 冇 見 返嚟 ，不過 呢 ，見到 下 便 有 三 個 人 上緊 嶺 。
嗰個人 認得 ，就 連忙 迎上去 話 ：
喂 ，大哥 ，去 邊處 嚟 啊 ？
嗰 三個 人 裏頭 有 個 大漢 回答 佢 話 ：
我哋 特登 上嚟 嶺 接 一個 人 ，照睇 係 應該 到 㗎 喇 。
我 每日 都 出 嚟 就 喺 嶺下 便 等 ， 之 等 唔 到 佢 ， 唔 知 喺 邊 處 耽擱 住 呢 ？
嗰個人 就 問 ：大哥 你 等 邊個 啊 ？
個大漢 就 話 ：等 呢個 人 呀 好 架勢 啊 。
邊個 咁 架勢 啊 ？
你 都 怕 聽過 佢 個 大名 㗎 喇 ，就係 濟州 鄆城 縣 宋押司 宋江 。
哦？ 莫非 係 江湖 上 所 講 嘅 山東 及時雨 宋 公明 ？
冇錯喇 ，我 就係 等佢 。
噉佢 因乜事 幹 要 喺 呢處 經過 呢 ？
我 本來 都 唔知 嘅 。
近日 有個 朋友 喺 濟州 嚟 ， 佢 話 鄆城縣 宋押司 宋江 ， 唔 知為 咗 咩 嘢 事 拉 咗 去 濟州 府 ， 判 佢 充軍 去 江州牢 城 噉 。
我 又 諗住 佢 必定 喺 呢處 經過 㗎 喇 因為 冇 第二 條 路 㗎 啦 嘛 。
你 睇下 ，佢 喺 鄆城縣 嘅 時候 我 都 尚且 想 去 同 佢 相會 ，今次 佢 喺 呢處 經過 ，有 話 唔嚟 結識 佢 嘅 咩 ？
所以 我 喺 嶺下 連氣 接咗 佢 四五日 ，不過 一個 咁多 監犯 都 未 見 有 行過 。
我 今日 同 呢 兩個 兄弟 順腳 上嚟 山 ，嚟 你 呢處 買 碗 酒 飲 ，順便 探望 下 你 。
點啊 ，近日 你 嘅 生意 如何 啊 ？
唔怕 同 大哥 你 講 啦 ，呢 幾個 月 頭 呀嘿 真係 拍 烏蠅 。
今日 謝天謝地 ，捉到 三個 行貨 又 有 啲 嘢 添 。
哦 ，三個 咩嘢 人 啊 ，點樣 㗎 ？
哦 ，兩個 差人 ，同 一個 犯人 。
吓 ？噉 呢個 犯人 ，係唔係 黑黑矮矮 好肥下 嘅 呢 ？
吖係啊 ，真係唔係 點 高大 㗎 咋 ，面口 係 紫棠色 嘅 。
你 未曾 逳手 吖 嘛 ？
啱先 拉入去 作 房 ，啲 夥記 都 未 返 所以 未曾 劏 。
噉 你 帶 我 去 認認 佢 。
當時 四個人 就 行入去 山岩 旁邊 嗰間 人肉作房 ，只見 喺 張 劏人凳 上 便 ，擺住 宋江 同 兩個 差人 ，瞓到 直晒 。
嗰個 大漢 睇見 宋江 ，之 又 唔 認得 啊 。
噉啊睇下佢面上嘅金印啦 ，又 睇唔清楚 ，哈 ，真係冇修 。
佢 忽然間 諗起 ：吖 ，係喇 ，去 攞 差人 嘅 包袱 嚟 ，我 睇下 佢 個 公文 就 知喇 。
冇錯冇錯 。
嗰個 酒店 主人 ，就 去 攞咗 差人 嘅 包袱 出嚟 打開 一 睇 ，見到 裏頭 有 一錠 大銀 ，仲有 若干 嘅 散碎 銀兩 添 ；
解開 個 文書袋 嚟 攞 張 公文 一 睇 ，大家 異口同聲 話 喇 ：嗨呀 ，好彩 啊 ！
嗰個 大漢 就 話 喇 ：
真係 個 天 整定 叫 我 今日 上嚟 山 ，好彩 未曾 逳手 ，爭啲 誤咗 我 阿哥 條 命 啊 ！
正是冤仇還報難迴避 ，機會遭逢莫遠圖 。踏破鐵鞋無覓處 ，得來全不費工夫 。
嗰個 大漢 就 話 ：快啲 攞 解藥 嚟 救醒 我 阿哥 先 。
嗰個人 亦都 慌喇 ，連忙 開好啲 解藥 ，就 同 嗰個 大漢 夾手夾腳 ，同 宋江 開咗 枷 ，扶起身 ，將 啲 解藥 灌落去 。
然後 就 四個人 將 宋江 兜 出去 前面 客位 嗰處 ，嗰個 大漢 扶住 宋江 。
宋江 漸漸 醒 ，佢 眼光 光噉 睇咗 咁多人 企 喺 面前 又 唔 認得 嘅 。
只見 嗰個 大漢 就 叫 兩個 兄弟 扶住 宋江 ，佢 自己 呢 就 跪低 喺度 叩頭 。
宋江 就 問 喇 ：吓 ，係 邊個 啊 ？我 唔 係 發夢 吖 嘛 ？
只見 店 主人 亦都 喺度 叩頭 噃 。
宋江 連忙 答禮 話 ：兩位 大哥 請 起身 ，呢度 係 咩嘢 地方 啊 ？請問 兩位 貴姓 ？
嗰個 大漢 就 話 喇 ：
小弟 姓李 名俊 ， 係 廬州 人氏 ， 專 喺 楊子江 撐船 擺渡 為生 ， 好識 水性 ， 人人 都 叫 小弟 做 混江 龍李俊 。
呢個 賣酒 嘅 ，係 呢度 揭陽嶺 人 ，平時 係 專 做 私商 生意 ，人人 都 嗌 佢 做 催命 判官 李立 。
呢 兩個 兄弟 ， 係 呢 處 潯 陽江 邊人 ， 專運 啲 私鹽 嚟 呢 處 做生意 ， 佢 哋 而 家 係 跟 住 我 。
佢哋 喺 大江大河 ，游得 水 駛得 船 。
佢 哋 兩 兄弟 ， 一個 叫做 出洞 蛟 童威 ， 一個 叫做 翻江蜃童 猛 。
噉 童蛟 、童猛 兩個 亦都 拜咗 宋江 四拜 。
宋江 就 問 喇 ：你哋 先頭 麻醉 咗 我 吖 ，噉 點 知道 我 姓名 呢 ？
李俊 就 話 ：小弟 一向 都 好想 結識 阿哥 你 ，總係 冇 機會 。
最近 聽講 阿哥 因 啲 事 要 充軍 去 江州 ，小弟 喺 嶺下 條 大路 處 ，等 咗 足足 幾日 都 未曾 見 阿哥 你 嚟 。
今日 無意之中 上嚟 嶺 上面 飲杯酒 ，見到 李立 ，聽 佢 講起 話 麻醉 咗 一個 犯人 同 兩個 公差 。
小弟 即刻 去 睇下 啦 ，啊 又 唔識 阿哥 你 吖 。
收尾抄 封 公文 嚟 睇咗 先至 知道 真係 阿哥 。
係咯 ，阿哥 你 一直 都 喺 鄆城縣 做 押司 嘅 ，究竟 為咗 咩嘢 事 要 發配 嚟 江州 呢 ？
於是 宋江 就 由 佢 點樣 殺 閻婆惜 講起 ， 一直 講到 石勇 送信 畀 佢 ， 佢 返 屋企 就 畀 人 捉 咗 今次 充軍 嚟 江州 ， 詳詳細細 講 咗 一次 。
四個人 聽咗 就 好感歎 。
李立 就 話 ：阿哥 ，你 不如 就 喺 呢度 住落嚟 罷啦 唔好 去 江州 牢城 受苦 咯 。
宋江 就 回答 佢 話 ：
梁山泊 苦苦 噉 留 我 ， 我 都 怕 連累 咗 屋企 ， 連累 咗 父親 ， 我 都 尚且 唔 肯 喺 嗰 處 住 。
呢處 又 點 留得住 呢 ？
李俊 就 話 ：阿哥 係 個 義士 ，梗係 唔肯 亂嚟 嘅 ，你 快啲 救起 嗰 兩個 差人 先 啦 。
李立 就 連忙 叫 啲 夥記 ，係喇 ，啲夥記 而家 已經 返嚟 喇 ，就 將 幾個 差人 兜 出 嚟 前面 客位 裏 便 ，灌 啲 解藥 畀 佢哋 飲 ，救 返醒 兩個 差人 。
佢哋 仲 懵盛盛 喎 醒咗 就 話 喇 ：係啊 ，哎 我哋 怕 係 辛苦 過頭 喇 ，乜 咁 容易 醉 嘅 。
大家 聽咗 都 唔知 幾 好笑 啊 。
當晚 ，李立 就 擺酒 嚟 款待 大家 ，喺 屋企 過咗 一夜 。
第日 ，又 試 請飲 ，攞啲 包袱 出嚟 還畀 宋江 同 兩個 差人 。
同 李立 相別 之後 ，宋江 就 同 李俊 、童威 、童猛 、兩個 差人 就 落咗 山 ，就 去 李俊 屋企 住落 。
李俊 就 安排好 酒菜 殷勤 噉 接待 ，仲 結拜 宋江 做 咗 兄長 ，留 佢 喺 屋企 住 咗 幾 日 。
宋江 要 走 嘞 ，李俊 留唔住 ，就 攞 啲 銀 嚟 送 畀 兩個 差人 。
嗰日 ，宋江 就 再 戴上 行枷 ，收拾好 包袱 行李 ，辭別咗 李俊 、童威 、童猛 ，離開咗 揭陽嶺 下 ，順住 條 路 就 去 江州 。
三個 人行 咗 半日 ， 係 下午 未時 即 係 兩點鐘 咁 上下 啦 ， 佢 哋 行 到 一 笪 地方 ， 只見 人煙稠密 ， 街市 熱鬧 。
入到嚟 市鎮 之上 ，只見 嗰處 有 班人 圍住 喺度 睇嘢 。
宋江 就 逼埋 去 睇下 啦 ，哈 ，原來 係 一個 打武 賣 膏藥 嘅 。
宋江 同 兩個 差人 就 企定 腳 喺 處 睇 ，睇 佢 使 咗 幾 路 槍棒 。
嗰 個 教頭 放落 手中 嘅 槍 棒 ， 又 打 咗 一套 拳 。
宋江 喝彩 喇佢 話 ：嘿 ，好 武藝 啊 ，好武藝 ！
嗰個人 攞起 一個 托盤 ，對住 睇嘢 啲 人 就 話 ：
小人 出嚟 走江湖 ，喺 好遠 嚟到 嘅 ，借 貴方 一角 寶地 ，開檔 賣 武 。
雖然 冇 驚人 嘅 本事 啊 ，誒 全靠 各位 幫忙 。
呢啲 跌打膏藥 ，功效 神奇 ，有 買 就 請 開聲 ；
如果 唔買 膏藥 ，亦 請 各位 高抬貴手 ，賞賜 啲 銀兩 銅錢 ，唔好 使 小人 空手 返去 。
個 教頭 舉起 個 托盤 ，行咗 一 圈 ，冇 一 個 人 出 錢 畀 佢 。
個 教頭 又 話 喇 ：各位 看官 高抬 貴手 呢 。
又行咗一圈 ，大家 仲係 眼光光 睇住 ，冇 一個人 出錢 打賞 畀佢 。
宋江 見 佢 咁 淒涼 ，行咗 兩 圈 都 冇 人 出錢 ，就 叫 個 差人 攞 咗 五 兩 銀 出嚟 。
宋江 嗌住 佢 話 ：
教頭 ，我 係 個 犯罪 嘅 人 冇 咩 送畀 你 ，呢 五 兩 白銀 ，聊表 薄意 唔好 嫌 少 噃 。
嗰個 大漢 得咗 呢 五兩 白銀 ，托 喺 手 上面 對住 大家 話 ：
哈哈 ，一個 咁 有名 嘅 揭陽鎮 ，竟然 冇 一個 懂事 嘅 好漢 嚟 抬舉 我 。
難得 呢位 恩官 ，自己 係 有事在身 ，又 係 路過 呢度 ，反而 送 畀 我 五兩 白銀 。
哈哈哈哈哈哈 ，真係 當年 卻 笑 鄭元和 ，只 向 青樓 買 笑歌 。慣 使 不論 家 豪富 ，風流 不在 着 衣 多 。
呢 五兩 銀 ，叻過 人哋 嘅 五十兩 。
小人 拜揖 ， 請問 恩官 高姓大名 啊 ？ 你講 畀 小人 聽 ， 等 小人 喺 天下 傳揚 啊 。
宋江 就 回答 話 喇 ：
教師 ，呢些 少錢銀 值得 幾多 吖 ，唔使 多謝 嘅 。
正喺度講緊 ，只見 人叢 裏 便 有 一條 大漢 推開 啲 人 ，逼到 入嚟 大聲 噉 喝話 ：
喂 ，你 呢個 傢伙 ，喺 邊處 學咗 兩道 唔三唔四 嘅 槍棒 ，居然 走嚟 我哋 揭陽鎮 演嘢 係嘛 ？
我 已經 吩咐過 㗎喇 ，叫 大家 唔好 睬 佢 。
哈 ， 你 呢 個 嘢 吖 ， 喺 度 賣弄 有錢 懶叻 噉 ， 將銀 嚟 打 賞 佢 ， 要滅 我 哋 揭陽 鎮上 嘅 威風 ？ 哼 ！
宋江 就 應 佢 話 喇 ：
我 有 我 打賞啲 銀 畀 佢 關 你 咩 嘢 事 啊 ？
嗰個 大漢 一手 就 揪住 宋江 喝佢 話 ：
你呢個賊配軍 ，居然 敢 應 我 嘴 添 呀 ？
點解 唔敢 應 你 啊 ？
嗰個 大漢 舉起 拳頭 劈面 噉 打過嚟 。
宋江 一閃閃 開 。
嗰個 大漢 又 趕 入 一步 。
宋江正 話 想 同 佢 打 過 啫 ， 只見 嗰 個 賣 武 嘅 教頭 ， 喺 啲 人 背後 趕過 嚟 一手 揪住 嗰 個 大漢 頭巾 ， 一隻 手 就 揦 住 佢 條 腰帶 ；
喺 嗰個 大漢 肋骨 上面 一兜 ，噼啪 一聲 將 佢 成個 𢴈 喺 地 嚟 。
嗰個 大漢 正 話 想 話 掙扎 起身 ，又 畀 個 教頭 一 腳 踢 低 咗 。
嗰 兩個 差人 就 勸住 教頭 唔好 打 喇 唔好 打 喇 噉 。
嗰個 大漢 喺 地下 爬 返 起身 ，碌 實 宋江 同 教頭 話 ：
豈有此理 ，你 兩個 嘢 因住 吓 ！
講完 ，就 向住 南 便 趯咗 咯 。
宋江 就 問 嗰個 教頭 話 ：教頭 貴姓 ？邊度 人士 啊 ？
教頭 就 回答 話 ：
小人 係 河南 洛陽 人士 ，姓 薛 名 永 ，祖父 係 老種 經略 相公 帳前 軍官 ，為因 得罪 咗 同僚 ，冇得 做 嘞 。
噉 我哋 做 子孫 嘅 就 靠 玩 下 槍棒 賣 藥 度日 ，江湖 上 ，都 叫 小人 做 病 大蟲 薛永 。
誒 ，請問 恩官 高 姓 大名 ？
小人 姓宋 名江 ， 鄆城縣 人士 。
哦 ，莫非 係 山東 及時雨 宋公明 啊 ？
就係 小人 嘞 。
薛永一 聽完 就 跪低 行禮 。
宋江 連忙 扶住 佢 話 ：我哋 去 飲 幾杯 呢 好唔好 啊 ？
好 啊 ！ 正 係 想 拜識 尊顏 啊 ， 小人 一向 都 冇 機會 見到 兄長 。
薛永 就 即刻 執拾好 槍棒 同埋 啲 藥袋 ，就 同 宋江 行去 附近 嘅 酒店 飲酒 。
點知 個 主人家 就 話 喇 ：酒肉 我 都有 ，之 就係 唔 敢 賣 畀 你哋 食 噃 。
宋江 就 問 喇 ：點解 唔 賣 畀 我哋 食 呢 ？
啱先 同 你哋 打交 嗰個 大漢 已經 搵 人 嚟 吩咐 落 喇 ，如果 賣 畀 你哋 食 呀 ，就 要 將 我 呢間 酒店 打 到 融融爛爛 喎 。
我 真係 唔敢惹 佢 嘅 。
呢 個人 呀 ， 係 呢 處 揭陽 鎮上 一霸 啊 ， 邊個 敢 話 唔 聽 佢 話 㗎 。
宋江 就 話 ：既然 係噉 ，我哋 走 罷啦 。
嗰個 傢伙 梗係 會 返嚟 找 晦氣 嘅 。
薛永 就 話 喇 ：噉 小人 返去 客店 畀 咗 房錢 先 。
一兩日之後 ，小人 亦都 去 江州 同 兄長 相會 ，兄長 行先 啦 。
宋江 又 攞 咗 一二十兩 銀 嚟 送 畀 薛永 ， 告別 咗 就 各自 走人 喇 。
噉 宋江 就 同 兩個 差人 離開咗 呢間 酒店 ，又 去 另外 一間 酒店 飲酒 。
點知 嗰個 店家 又 話 ：小郎 已經 吩咐咗 咯 ，我哋 唔敢 賣 畀 你哋 食 噃 。
你 係 得 餐行 㗎啫 ，唔好 嘥 力 喇 ，冇 用 嘅 。
宋江 同 兩個 差人 ，哎 ，翳到 冇 聲出 。
連氣 行咗 好幾家 都係 一樣 噉 講 。
三個人 嚟到 市頭尾 ，見到 有 幾間 包伙食 嘅 小客店 ，想話 去 投宿 咯喎 ，點知 嗰處 又 係 唔肯 接待 佢哋 。
宋江 問 下 ，佢哋 個個 都係 話 ：小郎 已經 吩咐過 晒 㗎 喇 ，唔准 開房 畀 你哋 三個 住 噉 。
當時 宋江 見唔係 路喇 ，就 同 嗰 兩個 差人 放開 腳步 ，快啲 跟住 嗰條 大路 行咯喎 。
呢個 時候 ，只見 一輪 紅日 低墜 ，天色 昏暗 。
宋江 同 兩個 差人 見到 天色 都 夜 喇 ，個 心 就 越發 慌 啦 。
三個人 就 商量 話 喇 ：唉 ，好地地 唔知 睇 咩 人 賣 武 呢 ，得罪 咗 嗰個 傢伙 。
誒而家 搞到 前不到 村 後不着 店 ，今晚 去邊處 住好 呢 你 話 。
正在着急緊嘅時候 ，只見 遠遠 嗰條 小路 上 就 望見 樹林 深處 ，有啲 燈光 射出嚟 。
宋江 見咗 就 話 喇 ：
啊 ，嗰度 有 燈光 ，梗係 有人 住 㗎喇 ，我哋 去 𠼮 下 佢 ，借住 一夜 咯 。
差人 望 一望 就 話 ：
有燈光嗰處 又唔係 正路 嚟噃 。
宋江 就 話 ：噉 有 乜 修 啊 ？雖然 唔 喺 正路 啫 ，聽日 行 多 三 幾 里 ，有 咩 緊要 啫 ？
於是 三個人 就 行入去 嗰條 小路 。
行 咗 唔 到 兩里 咁 上下 ， 喺 樹林 背後 就 見到 一座 大 莊院 。
宋江 同 兩個 差人 嚟到 莊院 門 前 敲 門 。
裏便嘅 莊客 聽見 就嚟 開門 問 佢哋 話 ：
誒 ，你哋 係 咩嘢 人 啊 ？乜 咁 晏 走嚟 敲門 啊 ？吓 ？
宋江 就 好聲好氣 噉 話 ：
小人 係 個 犯咗 罪 充軍 去 江州 嘅 人 ，今日 錯過咗 客店 ，冇 地方 住 嘞 ，想 喺 貴莊 借宿 一 晚 ，聽朝 照例 拜納 房金 。
噉啊 ，你 喺 處 等陣 先 ，等 我 入去 報 畀 莊主 太公 知 ，得 你 就 喺 處 住 晚 啦 。
莊客 入去 通報 ，冇幾耐 ，佢 出返嚟 話 ：太公 請 你哋 入嚟 喎 。
宋江 同 兩個 差人 到 裏 便 間 大廳 ，參見 咗 莊主 太公 。
太公 又 吩咐 個 莊客 ，帶 佢哋 去 門房 嗰度 過夜 ，整 啲 晚飯 畀 佢哋 食 。
莊客 聽咗 ，就 帶 佢哋 去到 門口 間 草房 ，點起 一眼 燈 ，就 叫 三個人 喺度 休息 ；
攞咗 三份 晚飯 出嚟 畀 佢哋 食 。
食完喇 ，莊客 收咗 碗碟 就 入返去 裏便 。
嗰 兩個 差人 話 ：
押司 啊 ， 呢 處 又 冇 外人 ， 不 如同 你 除 咗 行 枷 舒舒服服 瞓 一 晚 呢 。
宋江 就 話 ：哎 ，噉啊 真係 多得 晒 喇 。
宋江 除咗 行枷 ，同 兩個 差人 就 出去 外便 小便 。
只見 星光 滿天 啊 ， 又 見 打麥場 邊 屋後 便 係 一條 偏僻 嘅 小路 ， 宋江 都 睇 在 眼內 。
三個人 小完便 ，入返 房 閂埋 門 瞓覺 咯喎 。
宋江 同 兩個 差人 就 話 喇 ：
哎 ，難得 呢個 莊主 太公 留 我哋 住 一夜 啊嚱 。
正喺度講緊 ，聽見 外便 有人 點火 把 嚟到 打麥場 ，到處 噉 嚟到 睇 ，到處 噉 嚟 巡 。
宋江 喺 門 嚹 裏 便 裝 出去 ，見到 原來 係 太公 帶住 三個 莊客 ，點起 火把 ，到處 噉 嚟到 巡查 。
宋江 就 同 啲 差人 話 喇 ：
呢 ，呢個 太公 同 我 父親 一模一樣 嘅 ，件件事 都 要 自己 嚟 管 嘅 。
呢呢個時候啊 ，我 父親 亦 係 未曾 去 瞓 㗎 ，仲 係 四周圍 噉 去 巡 㗎 。
正喺度講緊 ，只 聽見 外便 有人 叫 開莊門 。
莊客 就 連忙 嚟 開咗 門 ，就 放咗 六七個人 入嚟 。
為首嗰個人 手裏 便 揸住 朴刀 ，後便 嗰啲 都係 攞住 棍棒 禾叉 嘅 。
借住 火把 光一 睇 ， 死 喇 ， 宋江 認出 嗰 個 揸 朴刀 嘅 ， 正 係 喺 揭陽 鎮要 打 佢 哋 嗰 個 大漢 。
宋江 又 聽見 嗰個 太公 問 佢 ：
小郎 ，你 去 邊處 嚟 啊 ？吓 ，又 同人 打交 啊 ？
咁 夜咯 ，仲 拖槍 帶棍 嘅 ？
個大漢 就 話喇 ：阿爹 你 唔知喇 ，大哥 喺唔喺 屋企 啊 ？
你 大哥 飲醉咗酒 ，喺 後便間亭 處 瞓咗 喇 。
我 去 叫佢 起身 ，我 同 佢 去 追人 啊 。
你 又 同 邊個 嘈 啊 ？你 大哥 起咗 身 ，佢 就 唔 肯 罷休 㗎 喇 。
你 同 我 講 下 啦 。
阿爹 ，你 唔知 喇 ，今日 喺 圩鎮 嗰度 ，有 個 嘢 喺度 打拳 賣 藥 。
哼 ！嗰個 傢伙 唔嚟 拜見 我哋 兩 兄弟 先 喎 ，就 喺度 開檔 做 生意 嘞 ，我 就 吩咐 鎮 上 啲 人 ，一個 錢 都 唔好 畀 佢 。
唔知 喺邊處 嚟咗 個 監犯 ，懶叻噉 ，將 五兩銀 嚟 打賞 畀 佢 ，滅咗 我哋 揭陽鎮 嘅 威風 ！
我話 要 打 嗰個 傢伙 啦 ，點知 畀 嗰個 賣藥佬 ，𢴈低 我 ，打咗 一餐 又 踢咗 我 一腳 ，而家 我 條 腰 仲 痛 啊 。
我 已經 叫 人 四周圍 吩咐 晒 啲 酒店 客店 ，唔 畀 呢 幾個 嘢 飲酒 食飯 住宿 ，等 呢 三個 嘢 今晚 就 冇 地 安身 。
跟住 我 又 叫咗 賭館 嗰 班 人 ，趕到 去 客店 ，捉咗 個 賣藥佬 出盡力 打咗 佢 一餐 ；
而家 將 佢 綁住 ，吊 喺 都頭 屋企 。
聽日 就 拉佢 去 江邊 ，綁埋 佢 一嚿 ，拋咗 佢 落 江 ，出咗 呢啖 氣 ！
嘿 ，不過 追嚟追去 就 追唔到 嗰 兩個 差人 押住 嗰個 監犯 ，前便 又 冇 客店 嘅 ，唔知 佢哋 去咗 邊度 過夜 呢 ？
我 而家 去 嗌埋 大哥 起身 ，分頭 去 追 ，幾大 都 要 捉到 嗰個 傢伙 返嚟 ！
哎啊 ，你 乜 咁 短命相 吖 ！
佢 有 佢 打賞 嗰個 賣藥佬 ，就 關 你 乜嘢 事 至 得 㗎 ！
你 打佢 做乜 呢 ？
而家 畀 人 打親 喇 ，好彩 唔係 幾 重啫 。
你 聽 我 話 ，唔好 畀 你 大哥 知 喇 ，你 畀 人 打 咗 ，佢 肯 罷休 嘅 咩 ？梗係 又 去 害 人 條 命 定 㗎 啦 。
你 聽 我 講 ，返去 房 瞓 啦 。
半夜 三更 唔好 去 敲門 打戶 ，嘈襯 啲 街坊 喇 。
你 都 積返啲 陰功 都 好吖 。
嗰個人 又 唔 聽 太公 話 ，攞住 朴刀 就 行咗 入去 莊裏 便 。
太公 喇喇聲 跟住 佢 尾 追咗 入去 。
宋江 一 聽咗 ，弊傢伙 喇 撞板 喇呢趟 ，佢 同 個 差人 話 我哋 走 罷 啦 。
