TINAGALOG BOOK: ANG NAPAKABILIS NA BURIKO (THE DONKEY WHO WENT TOO FAST) w/ TAGALOG SUBTITLES
Ang Napakabilis na Buriko
Kuwento ni David Orme
Iginuhit ni Ruth Rivers
Isinalin sa Tagalog ng Mga Kwentong Tagalog
Minsan, may isang lalaking maraming dalang niyog. Gusto niyang dalhin ang mga ito sa bayan para itinda. Kaya isinakay niya ang mga niyog sa kanyang buriko.
Sadyang napakalayo ang daan patungo sa bayan.
Sa daan, nakilala niya ang isang batang lalaki.
"Gaano katagal bago makarating sa bayan?" tanong ng matandang lalaki.
"Kung bibilisan ninyo, matagal bago ka makakarating," sabi ng bata.
"Kung babagalan mo namang pumunta roon, mabilis kang makakarating sa bayan."
Napag-isip ng lalaki na ang bata ay napakamang-mang.
Walang katuturan ang kanyang mga sinabi.
"Mabilis ang buriko ko," sabi ng lalaki. "Makakarating ako roon bago ka dumating."
Kaya ang lalaki at ang kanyang buriko ay nagmadaling pumunta sa bayan.
Maliksing kumilos ang buriko kaya nag-bagsakan ang mga niyog. Hindi nagtagal, walang natirang laman ang mga basket ng hayop.
Tumigil ang lalaki para magpahinga.
"Ah, hindi," hiyaw niya. "Nasaan lahat ang aking mga niyog?"
Dinampot ng lalaki ang lahat ng nalaglag na niyog. Natagalan siyang gawin ito.
Nang sa wakas ay nakarating na ang lalaki sa bayan, gabi na.
Naroon na ang bata.
"Tingnan ninyo," sabi ng bata.
"Sinabi ko sa inyo kanina na mas mabuti ang mabagal."
Napagtanto ng matandang lalaki na siya pala ang hangal.
Konting Palaisipan:
1. Sa pagtatapos ng kuwento, natutunan ng lalaki ang isang mahalagang aral mula sa bata. Ano sa tingin mo ang natutunan niya?
2. Ano sa palagay mo ang nangyari kung ang lalaki at ang kanyang asno ay mabagal?
3. Bakit inisip ng lalaki na ang bata ay hangal?
4. Saan sa tingin mo nangyari ang kwentong ito? Ano ang dahilan kung bakit naisip mo ito?
5. Sa palagay mo, makikinig ba ang lalaki sa ibang tao sa hinaharap?
Ikaw at ang Kuwento:
1. Sa tingin mo ba makikinig ka sa sinabi ng bata na bagalan ang pag-alis? O, aalis ka ng mabilis?
2. Nakapagbigay ka na ba ng payo sa isang may sapat na gulang, at hindi siya nakinig sa iyo? Ano ang naramdaman mo dito?