Að fara í vinnuna

Ofureinföld íslenska.

4. [fjögur]. Að fara í vinnuna

Ég þarf að fara í vinnuna. Ég klæði mig. Það er kalt úti. Ég set á mig húfu. Ég fer í vettlinga. Ég opna hurðina. Ég geng að bílnum. Ég opna bílinn. Ég fer í bílinn. Ég set bílinn í gang. Ég set hendurnar á stýrið. Ég bakka út úr bílastæðinu. Ég keyri í vinnuna.

Ég legg bílnum í bílastæði fyrir framan vinnuna mína. Ég geng að hurðinni og opna hurðina. Ég sest við skrifborðið mitt. Ég kveiki á tölvunni. Ég skoða tölvupóstana mína. Ég svara nokkrum tölvupóstum. Ég skrifa nokkra tölvupósta sem ég þarf að senda. Ég fer á fund. Yfirmaðurinn minn talar á fundinum. Ég tala líka á fundinum. Klukkan fimm fer ég heim aftur.