×

We use cookies to help make LingQ better. By visiting the site, you agree to our cookie policy.


image

Esperanta Retradio 2020, Manĝebla kovraĵo por fruktoj

Manĝebla kovraĵo por fruktoj

Dum longa tempo plastaj enpakaĵoj estis konsiderataj la plej bona ebleco protekti fruktojn kaj legomojn. Germanaj nutraĵvendejaj ĉenoj nun testas alian vojon.

La nutraĵa komerco troviĝas en problema situacio. Plastaj enpakaĵoj por kukumoj, avokadoj kaj aliaj legomoj kaj fruktoj estas tabuaj por pli kaj pli da klientoj. Sed sen la protekta plasta envolvaĵo fruktoj kaj legomoj ofte pli rapide fariĝas malbonaspektaj kaj tiel nevendeblaj.

La du plej grandaj germanaj komercaj ĉenoj por nutraĵoj pro tio nun testas novajn teknikojn por teni la putreman varon pli longe freŝa ankaŭ sen plasta envolvaĵo. Helpu tiucele maldikega manĝebla protekta kovraĵo kiu metiĝas rekte sur la ŝelon de la fruktoj.

Jam fine de la pasinta jaro la plej granda komerca ĉeno por nutraĵoj komencis vendi en elektitaj superbazaroj avokadojn sur kiuj troviĝis tia "dua haŭto". Ĝi malrapidigu la perdiĝon de akvo kaj la enpenetriĝon de oksigeno. Ambaŭ estas ĉefaj kaŭzoj por la rapida putriĝo de la fruktoj. Danke al la kovraĵo la delikataj fruktoj restu freŝaj du- ĝis trifoje pli longe ol sen protekta kovraĵo.

La protekta mantelo estis disvolvita de usona konzerno kaj konsistas el pure plantaj materialoj kiuj aperas en ŝeloj, semoj kaj en la frukta karno de diversaj specoj de fruktoj kaj legomoj. Laŭ indiko de la produktantoj ĝi estas sengusta, senodora kaj senprobleme manĝebla. Pro la bona akcepto de tiu nova protekta kovraĵo ĉe klientoj kaj komercistoj nun ankaŭ oranĝoj ekde tuj estas vendataj laŭ la nova tekniko.

La ĉefa konkuranto en Germanio nun sekvas tiun ekzemplon ofertante avokadojn kiuj estas prilaboritaj per simila sistemo. La kovraĵo en tiu kazo konsistas el natura sukero, celulozo kaj plantaj oleoj. Ankaŭ ĝi estas bone manĝebla kaj bone digestebla. La konzerno esperas per tio subteni siajn klientojn en la batalo kontraŭ malŝparo de nutraĵoj.

Ĉiujare laŭ aktuala studaĵo de federacia esplorinstituto pli ol 12 milionoj da tunoj da nutraĵoj estas forĵetataj. La plej granda parto, nome 7 milionoj da tunoj devenas el privataj dommastrumejoj. Ĉiu germano forĵetas dum unu jaro ĉirkaŭ 85 kilogramojn da nutraĵoj, taksas la sciencistoj.

Kaj la klopodoj pri evitado de plastaĵoj eĉ plifortigis la problemon. Laŭ informo de faka gazeto ekzemple la rezigno pri plastaj envolvaĵoj ĉe porsalataj kukumoj kondukis al tio ke dum la pasinta aŭtuno signife pli da hispanaj kukumoj devis esti detruitaj, ĉar ili ne estis eltenintaj la longan transportan vojon sen damaĝo.

Ĝis nun la novaj tavolizaj procedoj estas en Germanio aplikataj nur ĉe fruktoj kies ŝeloj ne estas konsumataj. Sed je pli longa vido la kovraĵo povus fariĝi kutima ankaŭ ĉe aliaj produktoj. La usona produktanto disvolvis laŭ propraj indikoj receptojn por 30 diversaj specoj de fruktoj kaj legomoj, inter ili por fragoj, tomatoj, pomoj kaj papriko.

La nova tekniko do povos helpi en la batalo kontraŭ la malŝparo de nutraĵoj.


Manĝebla kovraĵo por fruktoj Edible coating for fruits

Dum longa tempo plastaj enpakaĵoj estis konsiderataj la plej bona ebleco protekti fruktojn kaj legomojn. Germanaj nutraĵvendejaj ĉenoj nun testas alian vojon.

La nutraĵa komerco troviĝas en problema situacio. Plastaj enpakaĵoj por kukumoj, avokadoj kaj aliaj legomoj kaj fruktoj estas tabuaj por pli kaj pli da klientoj. Sed sen la protekta plasta envolvaĵo fruktoj kaj legomoj ofte pli rapide fariĝas malbonaspektaj kaj tiel nevendeblaj.

La du plej grandaj germanaj komercaj ĉenoj por nutraĵoj pro tio nun testas novajn teknikojn por teni la putreman varon pli longe freŝa ankaŭ sen plasta envolvaĵo. Helpu tiucele maldikega manĝebla protekta kovraĵo kiu metiĝas rekte sur la ŝelon de la fruktoj.

Jam fine de la pasinta jaro la plej granda komerca ĉeno por nutraĵoj komencis vendi en elektitaj superbazaroj avokadojn sur kiuj troviĝis tia "dua haŭto". Ĝi malrapidigu la perdiĝon de akvo kaj la enpenetriĝon de oksigeno. Ambaŭ estas ĉefaj kaŭzoj por la rapida putriĝo de la fruktoj. Danke al la kovraĵo la delikataj fruktoj restu freŝaj du- ĝis trifoje pli longe ol sen protekta kovraĵo.

La protekta mantelo estis disvolvita de usona konzerno kaj konsistas el pure plantaj materialoj kiuj aperas en ŝeloj, semoj kaj en la frukta karno de diversaj specoj de fruktoj kaj legomoj. Laŭ indiko de la produktantoj ĝi estas sengusta, senodora kaj senprobleme manĝebla. Pro la bona akcepto de tiu nova protekta kovraĵo ĉe klientoj kaj komercistoj nun ankaŭ oranĝoj ekde tuj estas vendataj laŭ la nova tekniko.

La ĉefa konkuranto en Germanio nun sekvas tiun ekzemplon ofertante avokadojn kiuj estas prilaboritaj per simila sistemo. La kovraĵo en tiu kazo konsistas el natura sukero, celulozo kaj plantaj oleoj. Ankaŭ ĝi estas bone manĝebla kaj bone digestebla. La konzerno esperas per tio subteni siajn klientojn en la batalo kontraŭ malŝparo de nutraĵoj.

Ĉiujare laŭ aktuala studaĵo de federacia esplorinstituto pli ol 12 milionoj da tunoj da nutraĵoj estas forĵetataj. La plej granda parto, nome 7 milionoj da tunoj devenas el privataj dommastrumejoj. Ĉiu germano forĵetas dum unu jaro ĉirkaŭ 85 kilogramojn da nutraĵoj, taksas la sciencistoj.

Kaj la klopodoj pri evitado de plastaĵoj eĉ plifortigis la problemon. Laŭ informo de faka gazeto ekzemple la rezigno pri plastaj envolvaĵoj ĉe porsalataj kukumoj kondukis al tio ke dum la pasinta aŭtuno signife pli da hispanaj kukumoj devis esti detruitaj, ĉar ili ne estis eltenintaj la longan transportan vojon sen damaĝo.

Ĝis nun la novaj tavolizaj procedoj estas en Germanio aplikataj nur ĉe fruktoj kies ŝeloj ne estas konsumataj. Sed je pli longa vido la kovraĵo povus fariĝi kutima ankaŭ ĉe aliaj produktoj. La usona produktanto disvolvis laŭ propraj indikoj receptojn por 30 diversaj specoj de fruktoj kaj legomoj, inter ili por fragoj, tomatoj, pomoj kaj papriko.

La nova tekniko do povos helpi en la batalo kontraŭ la malŝparo de nutraĵoj.