RiL Podcast #003 : Our Great Language Game

[Intro]

靳 ：深 喉音 啦 ，我 哋 啱啱 講完 內 爆音 ，依家 又 講 深 喉音 啦 ，係 咪 ？

以 ：喂 ，咪 玩嘢 啊 你 ，我 笑點 好 低 㗎

三 ： 呢 個 …… 呢 個 節目 係 …… 合家 歡 節目 嚟 㗎 呢 個 ， 係

[jingle ]

00:22

以 ：歡迎 大家 返到 嚟 我 哋 〈 絮言 ． 狂想 〉 呢 個 節目 嘅 第三集 啦 ，我 係 以色列

三 ：我 係 三苗

靳 ：我 係 靳尼 啊

以 ： 好 喇 ， 噉 之前 上 兩集 呢 ， 都 係 大概 係 我 哋 啲 主持 就 喺 度 向 大家 講一 啲 資訊 噉 樣 啦 ， 一齊 討論 下 嘢 ， 但 係 今 次 呢 ， 我 哋 就 想 多 一 啲 嘅 互動 喎 ， 噉 我 哋 就 諗 到 呢 ， 一齊 玩 一個 遊戲

三 ：咩 遊戲 啊

靳 ：我哋 係 咪 同 太陽 玩遊戲 啊

三 ：我 都 想 啊 ，而家 呢 度 冇 太陽 啊

以 ：我 呢 度 都 冇 乜 啊 ，香港 好似 係 夜晚 係 咪 啊

靳 ：我 呢 度 都 係 夜晚 嚟 嘅

三 ：香港 最 多 太陽 嘅 ，係 夜晚 ， 但 係 平均 嚟 講 最 多 太陽 嘅 地方

以 ：噉 我 哋 呢 ，就 唔 係 同 太陽 玩遊戲 啊 ，我 哋 呢 就 玩 一個 …… 當然 係 語言 嘅 遊戲 啦 ！ 就係 想 同 大家 一齊 估下 語言 啊 。 噉 呢 我 呢 就 喺 度 準備 咗 某 幾隻 語言 嘅 一 啲 錄音 啦 ，噉 就 畀 另外 兩位 主持 呢 去到 討論 下 ，啊 ，到底 係 咩 語言 嚟 㗎 呢 ？ 嗱 ， 噉 我 呢 一個 遊戲 呢 就 分 咗 四個 唔 同 嘅 level 嘅 。 首先 呢 ， 就 係 一個 熱身 嘅 環節 呢 ， 噉 就 會 有 兩隻 相對 熟識 嘅 語言 嘅 。 但係呢 ，雖然 好多 人 就 認得 呢啲 語言 啦 ，但係 可能 會 唔 知 點解 佢 會 聽得出 係 某一隻 語言 嚟 㗎 喎 。 噉 我 就 會 連續 播 兩個 錄音 啦 ， 噉 你 哋 呢 就 直接 去 到 估 係 咩 語言 喇 。 O 唔 OK 啊 你 哋 ？

靳 ： OK 啊

以 ：準備 好 未 啊

三 ：好 ！ OK，睇 下 ……睇下 係 咩 語言

靳 ：緊張

以 ：好 啦

[01:51 LV1語言 一 ]

以 ：係 喇 ，啱啱 聽到 嘅 就 係 用 某 一 種 語言 講 嘅 《 世界人權宣言 》 嘅 第一條 啦 。 噉 可能 都 已經 估到 㗎 喇 ！ 但係 我哋 聽埋 第二個 錄音 先

[ LV1語言 二 ]

以 ：係 喇 。 噉 我 哋 就 可以 開始 討論 下 ，點樣 知道 邊 隻 係 咩 語言 呢 ？

三 ：係 喇 ，相信 大家 都 知道 呢 兩段 錄音 就 係 日文 同 韓文 啦 。 噉 但 係 我 哋 點樣 可以 聽得出 佢 係 日 韓 呢 ？ 即係 喺 唔 識 呢 兩隻 語言 嘅 情形 底下 。

靳 ：嗯 ，噉 其實 我 哋 要 分開 兩種 語言 嘅 話 呢 ，噉 其實 都 可以 由 佢 嗰 個 音 系 啦 ，即係 佢 嗰 個 語言 入面 有 啲 乜嘢 音 啦 ，同埋 佢 嗰 個 語調 啦 ，入面 呢 ，去 搞清楚 佢 係 啲 乜嘢 語言 嘅 。 噉 其實 因為 每個 語言 呢 ，佢 都 有 佢 好 獨特 嘅 一 啲 特色 喺 入 面 嘅 。 啱啱 嘅 日文 同埋 韓文 呢 ，噉 其實 兩 個 個 音系 呢 其實 都 好 唔 同 嘅 。 噉 我 哋 講 呢 日文 啲 音節 呢 ，就 比較 一 啲 ……多 一 啲 簡單 啲 嘅 音節 。 音節 即係 syllable。 （ 三 ： 係 喇 ） 噉 日文 呢 有 好 多 音節 …… 或者 講緊 大部份 嘅 音節 呢 ， 其實 都 係 由 一個 輔音 （consonant） 同埋 一個 元音 （vowel） 嚟 組成 嘅 。 噉 就 例如 話 か 啊 、ち 啊 嗰 啲 噉 樣 嘅 音節 嚟 組成 啦 。 噉 相 …… 相對 嚟 講 呢 ， 韓文 佢 嗰 個 音節 呢 ， 噉 其實 就 相對 嚟 講 一般 就 比較 複雜 少 少 嘅 。 噉 同埋 呢 ， 佢 相比 日文 啦 ， 日文 淨 係 可以 用 一 …… 一個 n 音 嚟 結尾 ， 噉 …… 噉 當然 喺 唔 同 嘅 情況 之下 ， 佢 n 音 係 可以 有 啲 唔 同 嘅 表現 啦 ， 噉 但 係 喺 韓文 入面 呢 ， 佢 係 有 好多 唔 同 嘅 結尾 啦 。 即係 甚至 可能 用 一啲 p 啊 、t 啊 、k 啊 呢啲 音 嚟 結尾 都 可以 嘅 。 係 喇 噉 即 係 例如 話 你 話 可以 話 凡 係 _ 啊 噉 樣 嗰 啲 噉 樣 嘅 音節 ，都 可以 嘅

三 ：係 囉 ，呢 啲 就 類似 廣東話 嘅 入聲 啦 。 即 係 呢 啲 ptk 啊 ， 甚至 乎 韓文 係 有 一個 類似 l 同 r 之間 噉 樣 嘅 結尾 嘅 音 嘅 ， 噉 呢 個 係 廣東話 裡面 冇 嘅 。 噉 呢 樣 嘢 都 係 韓文 非常 之 凸出 嘅 一個 …… 一個 音 啦 ， 噉 你 有時 聽到 呢 ， 就算 你 唔 識 韓文 呢 ， 都 知道 ， 哦 原來 呢 個 就 係 …… 應該 就 係 韓文 喇 。 （以 ：係 喇 ）噉 其實 韓文 我 都 係 唔 係 好 認識 嘅 ，但 係 我 知道 呢 佢 有 一樣 嘢 ，就 係 同 廣東話 有 少少 似 嘅 ，就 係 佢 有 分 送氣 同 唔 送氣 啦 ，但 係 呢 廣東話 係 分 送氣 唔 送氣 兩個 二元 對立 啦 ，但 係 韓文 係 有 三元 對立 嘅 ，係 有 唔 送氣 啦 、弱 送氣 同 強 送氣 㗎 喎 。 噉 呢 樣 嘢 其實 係 點 㗎 呢 ？

以 ：啱啱 呢 一條 錄音 呢 可能 就 聽得 唔 係 好 清楚 啦 ，呢 一方面 嘅 特色 啦 。 但 係 呢 ， 我 哋 再 去 睇 下 另外 一個 錄音 ， 係 點樣 展現 到 出 嚟 㗎 呢 ？

[語言 一 錄音 二 ]

三 ： 即 係 呢 ， 我 見 呢 條片 好 啲 嘅 ， 佢 就 係 好多 嗰 啲 送 …… 嗰 啲 ch ch 嗰 啲 cha 音 嗰 啲 送氣

以 ：係 啊 係 啊 好多 ch chung

三 ：即係 所以 點解 ……點解 韓文 ……啲 人 扮 韓文 就 成日 都 咩 chung chung chung 噉 呢 ，其實 都 唔 係 完全 冇 道理 嘅 ，噉 當然 佢 唔 係 所有 音 都 係 噉 啦 ，噉 但係 韓文 裡面 都 有 好多 嘅 音節 都 係 有 一 啲 比較 強 嘅 送氣 ，噉 就 好似 cha ssa 或者 pa 呢 一 啲 噉 樣 。 噉 呢 一 啲 咁 大 嘅 送氣 都 係 韓文 嘅 其中 一個 特徵 。

以 ： 好 喇 ， 大家 都 好似 熱 咗 身 啦 ， 噉 就 （ 三 ： 去 下個 level ） 噉 …… 噉 就 準備 好 （ 靳 ： 去 下個 level ） 準備 好聽 啲 唔 同 嘅 語言 喇 。 噉 我 哋 去 到 level 1 啦 ，啱啱 嗰 個 唔 計 係 level 嘅 。 呢 個 level 1 呢 ，就 係 三種 唔 同 嘅 語言 ，噉 我 而家 呢 就 講定 邊 三 種 先 啦 ，就 係 有 德文 啦 、葡文 、同埋 法文 。 噉 個 問題 呢 ，就 係 你 要 聽 晒 三種 ，然 之後 估 邊 一隻 打邊 一隻 喇 喎 。

三 ：好

靳 ：好 啦

以 ：好 ，噉 首先 係 第 一隻 語言

[ LV2 語言 一 ]

以 ：而家 呢 就 第二條 錄音 嘞

[ LV2 語言 二 ]

以 ：噉 之後 去到 第三條 呢 ，就 係 ……

[ LV2 語言 三 ]

三 ：噉 呢 三隻 都 係 幾 唔 同 嘅 語言 啦 ……聽落 去 。 雖然 佢 …… 即 係 佢 有 呢 個 法文 啦 、德文 同 葡文 ，噉 都 係 啲 比較 近 嘅 國家 嚟 嘅 ， 但 係 佢 哋 嘅 語言 都 係 幾 唔 同 嘅 ，聽落 去 。

靳 ：噉 其實 呢 三種 語言 呢 ，其實 都 有 一啲 好 特別 嘅 特徵 嘅 ，噉 都 令到 …… 令到 人 一 聽 呢 ，其實 就 知道 係 啲 乜嘢 語言 嚟 嘅 。 噉 例如 就 係 話 ，我 哋 講緊 ……講返 第一段 先 啦 ，第一段 呢 ，其實 可能 大家 聽過 一 啲 電影 啊 、或者 一 啲 節目 啊 ，噉 樣 ，噉 其實 都 好容易 可以 pick up 到 㗎 。 噉 其實 第一段 呢 ，就 係 法文 嚟 嘅 。 噉 法文 呢 ，其中 一樣 最 重要 嘅 特徵 係 啲 乜嘢 呢 ？ 就係 佢 嗰啲 好多 鼻音 嘅 元音 喇 。 噉 因為 呢 ， 喺 法文 入面 呢 ， 其實 有 幾種 唔 同 嘅 有 鼻音 嘅 元音 嘅 ， 例如 話 ， 即 係 一 啲 ã 啊 ……

三 ：你 識 法文 ，係 啊

以 ： 係 有 幾種 嘅 ， 噉 例如 有 ɛ̃ 啦 ， 有 ɑ̃ ， 有 œ̃ ， 冇 e~ 㗎 ， 係 ， 全部 都 係 變 咗 ɛ̃ 嘅 。

三 ：ɛ̃，係 喇 ，ɛ̃ 。 ɛ̃ɑ̃œ̃ ，係 喇 。

以 ：噉 重點 就 係 唔 單止 佢 有 呢啲 元音 啦 ，而家 係 成日 都 用 嘅 。 即係 你 一句 係 講 幾次 呢啲 噉 嘅 鼻 化 嘅 元音 ，所以 你 一 聽 就 好 容易 會 聽得出 呢 ，佢 好似 係 用 喉嚨 講 嘢 噉 樣 嘅

三 ：好似 鼻塞 、病咗 就 會 好似 好多好多 鼻音 噉 樣

靳 ：好多 鼻音 噉 樣 講 嘢

三 ：噉 其實 好多 其他 嘅 語言 都 有 呢 一 啲 噉 嘅 鼻音 啦 。 其實 葡文 呢 都 係 有 嘅 ，不過 佢 就 唔 ……冇 法文 咁 強烈 啦 ，而 近 少 少 我 哋 嘅 語言 啦 ，其實 台語 ，即係 台灣 嘅 閩南話 呢 ，都 係 成日 有 呢 個 鼻音 啦 。 例如 近少 少 嘅 上海 話 啊 ， 噉 等等 嘅 語言 呢 ， 都 係 有 呢 一個 鼻 化 嘅 元音 嘅 。

靳 ：pháinn-sè ,pháinn-sè（歹勢 ）

以 ：pháinn ,pháinn,pháinn嗰 個 ɑ̃ 就 係

三 ：係 喇 ，呢 個 字裡面 …… 係 喇 。 Pháinn-sè， 好多 人會 省略 咗 呢 個音 啦 ， 但 係 其實 係 有 嘅 ，pháinn-sè， 係 。 係 有 個 鼻音 喺 嗰 個 pháinn 嗰 個 音 度 嘅 。

以 ：係 啦 ，但 係 如果 講開 廣東話 嘅 人 呢 ，可能 會 將個 ɑ̃ 聽 成 咗 ang 啦 ，兩個 呢 都 係 會 有 氣 喺 個 鼻 哥 度 出 嚟 嘅 ，只不過 係 時間 嘅 分別 啦 。 噉 如果 你 嘗試 下個 口擘 大 啲 啦 ，畀 多 啲 空氣 喺 你 嘅 口腔 同埋 鼻腔 裡 面 喺 度 流動 嘅 話 呢 ，噉 你 將 個 ang 就 會 變成 咗 ɑ̃ 㗎 喇 。

三 ：係 喇 ，就 係 噉 樣 。

以 ：好 喇 ，大家 估中 咗 第一個 喇 。 之後 繼續 呢 ……

三 ：噉 就 淨 返 兩個 啦 ……

以 ：德文 同埋 葡文 啦

三 ：邊個 打 邊個 呢 ？

The rest of the transcript is available to Patreon members . Join at :patreon.com/rhapsodyinlingo