教 你 上完 床 氹 女 嘅 情詩 ：John Donne "The Good-Morrow "

大家 好 我 係 米加

歡迎 又 返到 嚟 西人 文學

我 諗 好多 朋友 又 因為 我 呢條 片 嘅 封面 又 俾 我 呃 咗 入 嚟

不過 其實 我 今集 講 嘅 呢 首 詩 都 係 同 個 封面 個 概念 有關 嘅

所以 放心 啦

上集 我 哋 就 講 咗 Andrew Marvell 嘅 To his Coy Mistress

講 咗 Andrew 仔 用 咩 方法 氹 女 上床 喇

今次 我 哋 又 嚟 講吓 另 一位 高手

同為 Metaphysical Poets 派 嘅 大 文豪 John Donne 啦

一開始 就 當然 要 先 介紹 一吓 呢 位 Donne 哥 係 （乜 水 ）先 啦

John Donne

出生-於1572年嘅倫敦

由於 佢 嘅 家族 都 係 信奉 羅馬 天主教 嘅 關係

佢 嘅 家族 好多 人 都 被 英國政府 因為 不服 國教 嘅 理由 追捕

而 因為 佢 接受過 私人 教育 嘅 關係

所以 佢 喺 11 歲 嗰陣 就 已經 入讀 到 牛津 嘅 hart hall

讀 咗 三年 之後 就 走咗 去 劍橋大學 再 讀 多 三年

但 佢 都 係 無 喺 劍橋 畢業

因為 佢 以 宗教 理由 拒絕 咗 畢業 嘅 陣 嘅 最高 權威 宣誓

導致 佢 攞 唔 到 畢業證書

但 後嚟 因為 佢 兄弟 Henry Donne 嘅 死

令 到 佢 開始 質疑 羅馬 天主教

之後 Donne 哥 一直 都 過得 好 潦倒 嘅

只能 靠 依靠 佢 啲 有錢 朋友 過活

過住 風流 快活 遊山玩水 寫下 文 寫下 詩 嘅 日子

直至 1602 年 成為 咗 下議院 嘅 無償 議員

慢慢 進入 到 佢 人生 嘅 顛峰

加入 咗 英國 教會

攞 到 劍橋 嘅 榮譽 博士

做 埋 聖保羅 座 堂 嘅 教務長

成為 咗 英國 教會 嘅 領袖 之一

期間 寫 咗 好多 關於 健康 、痛苦 同埋 病痛 嘅 文章

得到 廣傳

除 咗 呢 啲 之外

其實 Donne 喺 文學 世界 真 係 影響 好大

因為 佢 可以 話 係 Metaphysical poets 嘅 代表 人物

英國 文學家 John Dryden 曾經 講過

佢 認 為 Donne 影響 咗 形而上學 (Heaffectsthemetaphysics ...)

唔 單 止 係 佢 作 嘅 諷刺作品 (...notonlyinhissatires ...)

同時 包括 埋 佢 寫 嘅 詩句 (...butinhisamorousverses...)

認為 自然 應該 主宰 一切 嘅 理念 (...wherenatureonlyshouldreign...)

以 觀察 方向 嘅 哲學 概念 嚟 將 拓展 「性 」議題 嘅 層次 ….(..andperplexesthemindsofthefairsexwithnicespeculationsofphilosophy...)

亦都係 因為 John Donne 嘅 存在

以致 後 嚟 喺 英國 文學史 上 影響力 深遠 嘅 另 一位 偉大 文學家 Samuel Johnson

先至 創造 咗 Metaphysical poets 呢 樣 嘢

嚟 定義 呢 一堆 追求 Metaphysics 嘅 詩人

無錯 呢 個 WTF am I Reading Memes 嘅 人 就 係 Samuel Johnson

而 我 本人 極度 懷疑 佢 呢 個 樣 就 係 睇完 啲 Metaphysical poets 寫 嘅 嘢 之後 極度 懷疑 人生 嘅 樣 嚟 （講 笑 ）

而 講到 靈與性 上面 嘅 追求

今次 我 哋 講 嘅 呢 一首 詩 正正 就 係 佢 嘅 代表作

我 哋 今次 就 請 嚟 曾經 係 荷里活 身價 最高 嘅 演員

亦 都 曾經 做過 擁有 傾國 傾城 之 貌 嘅 玉 婆 Elizabeth Taylor 老公 嘅 呢 一位 英國 已故 著名 演員 Richard Burton

嚟 為 我 哋 讀出 John Donne 嘅 呢 一首 The Good Morrow

'By my troth '即 係 解 'by my truth '

'Thou and I '即 係 'you and I '

咁 其實 佢 嘅 意思 即係 ：

我 同 你 未 相愛 之前 究竟 做過 啲 乜 做 緊 啲 乜 ？

而 'Bymytroth '其實 就 係 解 「從 心底裡 」嘅 誠實 一樣

基本上 西人 文化 入面 人生 對 伴侣 最 誠實 一刻 就 係 結婚

所以 'By my troth '呢 樣 嘢 就 好似 表達 緊 佢 有 一個 猶如 結婚 嗰陣 咁 誠實 嘅 態度

而 佢 想 知 嘅 就 係 「我 同 你 未 相愛 之前 究竟 做過 啲 乜 做 緊 啲 乜 ？ 」換句 說話 講 即係 有 啲 嘢 發生 咗 而 嗰樣 嘢 係 改變 咗 佢 哋 嘅 關係

昇華 咗 佢 哋 之間 嘅 愛意

咁 究竟 嗰樣 嘢 係 乜 呢 ？

就係 之後 嘅 嗰 句 ：

Weaned 嘅 意思 係 解 斷奶

即係 當 你 想要 個 BB 唔 好 再 食 人奶

開始 食 其他 嘢 嗰陣

你 就要 喺 佢 媽媽 嘅 胸 Wean off 佢 斷 佢 奶

而 呢 句 詩 嘅 字面上 嘅 斷奶 其實 係 一個 比喻 嚟

係 用 嚟 形容 成長

當 你 從小 朋友 長大 成人 咁 解

當然 你 就 唔 會 一 斷奶 就 即刻 變 大個 啦

但 係 當 一個 BB 可以 斷奶 嘅陣

佢 就 唔 再 係 一個 BB

就 會 變成 一個 細路

所以 我 哋 都 會 見到 「成長 」呢 個 概念 係 度

而 其實 Donne 哥 想 證明 嘅 係

以往 未 相愛 之前 嘅 佢 哋 就 好似 細路 一樣 咁 單純 幼稚

但 有 啲 嘢 發生 咗 令到 佢哋 長大 咗 …

Hmm係咪 好耐 人 尋 味 呢

我 哋 睇 埋 落去 就 知 嫁 喇

之後 嗰 句 ：

首先 就 係 Sucked 係 解 啜 咁 解

而 呢 度 又 係 另 一個 地方 可以 聯想 到 佢 啜 緊 嘢 未 斷奶

另外 大家 可能 會 好 奇怪 乜嘢 叫做 Country Pleasures

其實 係 一個 Wordplay 嚟 嘅

喺 英國 大 文豪 莎士比亞 嘅 Hamlet 哈姆雷特 嘅 Act 3 Scene 2 入面

Hamlet 想 瞓 喺 Ophelia 個 大 髀度

而 Ophelia 當時 就 有 啲 受寵若驚

不過 Hamlet 就 話 喇 ：

其實 意思 就 係 Country 嘅 前 音 ”Count ”

無錯 就 係 C-u-n-t Cunt 喇

呢 個 字 點解 我 諗 大家 都 知 嫁 喇

thematters of cunt 嘅 意思 其實 咪 即係 搞 嘢

套用 返落 呢 一句 詩 嘅 時候

大家 應該 就 會 明白 咩 叫做 Country Pleasures 嫁 喇

之後 嗰句 ：

The Seven Sleepers' den 係 一個 天主教 故事 嚟

中文 叫做 以弗所 之 七聖童

傳說 就 係 講 喺 公元 250 年 左右

當時 羅馬帝國 嘅 皇帝 德西烏斯

因為 信奉 羅馬 諸神 而 要求 所有 人民 都 要 信奉 同 敬拜 諸神

否則 格 殺 勿 論

同時 亦 都 大規 搜捕 異教徒

而 呢 個 時候 有 七個 細路 佢 哋 只 係 信奉 上帝 係 唯一 嘅 神

所以 為 咗 免於 恐懼

佢 哋 逃走 咗 去 以弗所 城外 嘅 一個 山洞 入面 避難

而 德 西 烏斯 知道 咗 呢 件 事 之後 就 派 人 封 咗 個 洞口 佢

過 咗 差 唔多 百幾 二百 年 之後

新 上位 嘅 羅馬帝國 皇帝 狄奧多 西 二世 因為 信奉 天主教 嘅 關係

已經 無 再 叫 人 搜捕 異教徒

而 地主 有 見 及 此 就 諗住 用 個 山洞 嚟 畜牧

所以 就 叫 人 解封 咗 個 洞口

點之 唔 解 尤自 可

一解 就 發現 有 七個 細路 喺 入 面

而且 佢 哋 自稱 只 係 瞓 咗 一日

仲 派 咗 其中 一位 入 以弗所 城 買 嘢食

因為 佢哋 仲係 用緊 德西烏斯 時代 嘅 錢幣

所以 就 引起 咗 大家 嘅 注意 ，其中 包括 以弗所 城 嘅 主教

主教 有見 及 此 就 立即 傳 召 佢哋 去 見 佢

佢哋 講 咗 呢 個 故事 俾 主教 聽 之後 ， 講 咗 幾句 上帝 保佑 就 蒙 主 恩召 咗 喇

故事 就 係 咁 上 下 ，套用 返嚟 呢 一句 度

實 就 係 講 緊 同一個 概念 ，因為 迫害 所以 逃走 入洞 ，一 出 洞 就 好似 見到 新世界 一樣

Donne 哥 喺 呢度 又 再 一次 強調 「細路 」呢 個 概念 ，佢 覺得 佢 同 個 女仔 以往 都 係 好似 「細路 」

而 有啲 嘢 發生 咗 令到 佢哋 見到 新世界

而 snorted 呢 個 字 就 係 用 個 鼻 噴 氣 嘅 意思 ，多數 用 嚟 形容 豬

而 同時 Den 亦 都 係 解 動物 住 嘅 洞穴 ，所以 咁 樣 理解 嘅 話

Donne 就 好似 講 緊 佢 哋 未 相愛 之前 就 好似 動物 嘅 幼年期 一樣 ，所以 到 呢 度 ，Donne 頭 四句 就 已經 問 咗 四個 問題

咁 佢 又 點 答 呢 四個 問題 呢 ？

我 哋 睇 埋 之後 嗰句 就 知 ：

四個 問題 ，同一個 答案 ，就 係 Twas so

Twas 嘅 意思 就 係 It Was ，係 It Was 嘅 縮寫

所以 佢 即 係 話 It Was so ，表示 「無錯 ，我 哋 曾經 係 細路 ，係 好似 動物 一樣 嘅 小朋友 」

而 下 一句

即係 解 「呢啲 嘢 加埋 就 好似 無 乜嘢 咁 」，所以 之後 佢 就 講到 ：

呢 句 有 少少 複雜 ，因為 內裡 都 包含 咗 幾多 嘢

不過 應該 唔 難 理解

大體 嚟 講 有 三個 理解 方向

簡單 啲 講 第一句 IfeveranybeautyIdidsee

入面 嘅 beauty 可以 理解 成

「所有 佢 有 生 以來 見過 佢 覺得 靚 嘅 嘢 」，例如 斜陽 之類

加埋 twas but a dream of thee 就 變成 「所有 佢 有 生 以來 見 過 佢 覺得 靚 嘅 嘢 就 係 用 嚟 預備 依家 我 遇見 你 嘅 美 」

「而當 遇上 妳 之後 就 認為 妳 就 係 我 夢寐 以求 想 見到 嘅 嗰樣 靚 嘅 嘢 」

所以 喺 呢 一個 層面 上面 ，Beauty 係 解 世上 所有 靚 嘅 嘢

不過 如果 以 另 一個 方向 理解 就 會 有趣 啲 同 真實 啲 ，不過 就 無 上面 咁 浪漫

就係 基本上 佢 講 嘅 Beauty 就 係指 靚女

簡單 啲 講 即係 佢 諗過 幻想過 見過 睇過 遇過 媾過 搞過 咁 多 靚女 入面

都 無 佢 呢 首 詩 講 嘅 女仔 咁 靚 ，因為 呢 個 女仔 有 啲 嘢 好 特別

聽落 都 幾有 愛意 嘅 雖然 唔 知 個 女仔 Buy 唔 Buy

而 最 後 一 個 方向 理解 就 比較 深 少少

就係 古希臘 哲學家 Plato 柏拉圖 喺 佢 嘅 Republic 理想國 第七卷

一 開始 講 嘅 「地穴寓言 」AllegoryoftheCave 有關

不過 因為 呢 個 太 深 嘅 關係 ，我 就 唔 講 太多

我 會 喺 置頂 留言 度 大致 講下 咩 嚟 就算

費時 令到 對 哲學 無 乜 了解 嘅 兄弟 姊妹 摸 不 著 邊際

不過 基本上 呢 兩句 我 哋 都 會 理解 到 嘅 係 ，詩入面 呢 個 女仔 對於 Donne 哥 嚟講 就 係 猶如 完美 嘅 存在

所以 我 哋 見到 第二個 Stanza 第 一句 劈頭 就 一句 ：

首先 good morrow 其實 就 係 解 good morning 咁 解 ，亦都 可以 指 the good morning

一個 早晨 ，不過 喺 呢 度 good morrow 就 係 good morning

即係 Goodmorningtoourwakingsouls 早晨 我 哋 甦醒 緊 嘅 靈魂

其實 即係 暗示 以往 佢 哋 嘅 靈魂 係 沉睡 狀態 之中 ，而 依家 佢 哋 嘅 關係 就 係 去 咗 一個 新 嘅 次元

琴晚 之前 佢 哋 都 仲 係 小朋友 ，今朝 起身 就 係 進化 咗 喇

因為 乜嘢 ，就 係 因為 佢 哋 watch not one another out of fear

令到 大家 覺得 經過 咗 琴 晚 之後 唔 會 再 怕 大家 會 背叛 對方

然後 Donne 哥 就 用 咗 兩句 媾女 絕句 嚟 接住 呢 度 ，嗱 學 嘢 喇 咁 多位 兄弟 ：

首先 ，簡單 啲 講 就 有 情人 眼裡 出 西施 嘅 英文版

然後 其實 就 等同於 「有了 你 頓覺 輕鬆 寫意 」

就算 好 細 嘅 地方 都 會 好似 呢 個 世界 咁 大

個 情況 就 係 當 你 喺 你 愛人 身邊 瞓醒 嘅 嗰一刻 有 幾 咁 愉快 ，其實 就 係 donne 哥 嘅 感覺

唔好 唔記得 嘅 係 ，Donne 哥 講 呢 句 嘢 嗰陣 仲 係 大 航海 時代 咋 喎

喺 呢 個 時候 Donne 哥 講出 「佢 哋 要 著迷 嘅 嘢 就 只 需要 喺 呢 間 房 同 對方 身上 」

所以 下 一句 就 講到 呢 一樣 嘢

等 啲 探險家 去 探索 唔 同 嘅 新世界 ，呢 度 佢 用 咗 worlds 唔 係 用 Places

其實 深層次 意思 就 係 唔 單止 係 地點 咁 簡單 ，更 多 嘅 係 唔 同 嘅 世界

由 唔 同 嘅 文化 同 國度 組成 。 然後 就 係 ：

等 我 哋 去 掌握 一個 世界 ，我 哋 兩個 都 有 一個 ，而且 都 係 同一個

其實 好 簡單 去 理解 就 係 「你 就 係 我 嘅 世界 」

仲 記得 英國 作家 D.H. Lawrence 有 一個 講法 就 係

'the soul of one man and one woman makes one angel '

其實 就 類似 Donne 哥 喺 呢 度 講 嘅

「你 有 你 嘅 世界 ，我 有 我 嘅 世界 ，但 當 我 同 你 一齊 嘅 陣 ，兩個 世界 就 會 合 二 為 一 ，而 你 同 我 亦 都 會 合 二 為 一 」

呢 個 可能 喺 現代 成日 都 有人 講 ，你 可以 話 係 cliché 陳腔濫調

但 問題 係 喺 嗰個 年頭 算 唔 算 係 cliché 呢 ？

我哋 去 講 cliché 呢 個 Idea 嗰 陣 ，其實 去 諗 嘅 係 點解 cliché 嘅 嘢 會 變成 cliché

就 係 因為 佢 Work ，好多 人 跟 住 用 所以 先 會 濫

但 如果 我哋 數返 400 年 前 Donne 哥 嘅 年代 ，當時 佢 呢 個 Statement 其實 係 一個 好 原創 嘅 概念

可以 話 係 一個 好 準確 同 有 見地 嘅 諗法

所以 睇返 第二個 Stanza ，我 哋 會 發現 成段 就 係 講緊

「呢 個 世界 所有 嘢 都 唔 再 重要 ，只 係 得 返 你 同 我 」

而 第三個 Stanza 一 開始 又 用 咗 一 Pair 好 靚 嘅 句子 ：

第一句 其實 好 簡單 ，試想 像 一下 你 點樣 先 會 喺 其他人 嘅 眼 仔 入 面 見到 你 自己 塊面 ？

無錯 就 係 哄 到 好 埋 嗰陣 喇

而 第二句 就 係 講話 「明顯 佢 哋 就 係 真心 相愛 」。 之後 又 講到

呢 度 就 回應 返 之前 佢 哋 認 為 佢 哋 係 isone 一體 嘅 概念

Hemisphere 係 解 半球 ，咁 兩個 半球 加埋 就 係 一個 球 啦

咁 佢 哋 嗰 一刻 見到 邊度 有 半球 呢 ？

無 錯 就 係 佢 哋 對 眼 喇 。 所以 喺 對方 嘅 眼睛 入面 見到 嘅 世界

比起 佢 用 佢 對 眼 睇 到 嘅 南半球 或者 北半球 都 更加 靚

其實 間接 即係 講 咗 呢 個 喺 眼睛 見到 樣 嘅 距離 嘅 呢 一 刻 比 呢 個 世界 都 靚

而 喺 第二句 我 哋 會 見到 兩個 重點 ：Sharp North 同 Declining West

先講 Sharp North ，我 哋 可以 理解 成 一個 「尖 嘅 嘢 」同 「北方 」

咩 地方 會 見到 「北方 」同 「尖 嘅 嘢 」兩個 概念 一齊 呢 ？

以 嗰個 年代 最 直觀 嘅 角度 睇 就 係 呢 樣 嘢

指南針 可以 借代 旅程 ，指南針 基本上 係 最 重要 嘅 必需品

一個 地方 推移 嘅 概念

Declining 本身 有 一個 衰退 嘅 意思 ，例如 Decliningyears 就 係 晚年 嘅 意思

咁 乜嘢 同 「衰退 」同埋 「西方 」嘅 概念 有關 呢 ？

無錯 就 係 太陽 喇 。 東方 昇 西方 落 ，回應 返 呢 首 詩 嘅 主題 ： good morrow 早晨

同 呢 度 嘅 落日 之 景 ，講 嘅 就 係 時間 推移

無論 時間 同 地方 都 唔 及 佢 同 個 女 仔 之間 嘅 呢 一刻 呢 一個 場景 咁 重要

之後 就 去 到 最後 三句

第一句 就 有 此 少少 迂迴 ，呢個 世界 逝去 嘅 嘢 都 係 因為 唔 平衡

所以 佢 就 其實 講 緊 自己 同 個 女 仔 嘅 愛 都 會 一樣

不過 呢 樣 嘢 唔 會 發生 ，因為 佢 加埋 之 後 嗰 兩句

之後 兩句 嘅 意思 其實 即係

如果 你 愛 我 就 等同於 我 愛 你 咁 多 ，如果 我哋 繼續 好似 呢 一夜 咁 相愛 落 去 ，咁 無 嘢 會 逝去

None can die 更加 可以 理解 成 Immortal 不 死 嘅 概念

所謂 不死 的 真愛 就 係 呢啲 ，但 咩 叫 不死 的 真愛 呢 ？

咪 即係 愛是 永恆 當 所愛 是 你 囉

不過 最後 呢 句 就 有 啲 位 值得 諗 下 ，就 係 嗰個 女仔 其實 點 諗

因為 我 哋 從 成首詩 都 見到 Donne 哥 係 好 Emotional 好 感觸

而 佢 喺 第二個 Stanza 講 嘅 係 Our waking Souls 我 哋 甦醒 緊 嘅 靈魂

而 唔 係 my waking soul 我 甦醒 緊 嘅 靈魂

咁 其實 係 咪 代表 Donne 哥 都 知道 個 女 仔 都 係 相同 諗 法 呢 ？

當然 唔 係 啦 ，呢 個 就 係 Donne 哥 高手 嘅 地方

寫 情詩 最高 嘅 境界 就 係 唔 知醜 ，寫 呢 首 詩 就 係 想 話 俾 個 女 仔 知 Donne 哥 好 冧 妳

同 你 搞完 嘢 之後 有 啲 嘢 仲 變 咗 添 ，所以 如果 佢 用 my waking soul 其實 無 乜 說服力

但 如果 用 Our waking Souls 咁 就 有 說服力 得 多 ，因為 可以 話 埋 俾 個 女仔 聽 ，我知 你 都 Enjoy 嘅

都 鍾意 我 嘅 咁 樣 。 不過 因為 呢 首 係 情詩 嚟 嫁 嘛

都 係 唔 包 生仔 嘅 ，大家 都 唔 會 知 個 女仔 諗 乜

所以 尾二 嗰句 個 If 字 就 好 重要 ，留返 一線

如果 你 愛 我 就 等同於 我 愛 你 咁 多 ，如果

Donne 哥 呢 度 又 教識 咗 大家 一樣 嘢 就 係 ，你 寫 情詩 大膽 啲 唔 緊要

但 留 返條 後路 俾 自己 ，等 自己 就算 樣衰 咗 都 仲 有 得 掹 。 學 嘢 喇 老友

其實 The Good Morrow 呢 一首 詩 都 只不過 係 Donne 哥 芸芸 作品 之中 嘅 其中 一首

donne 哥 仲有 好多 作品 都 寫 得 好 正 ，有 機會 再 同 大家 講 下 佢 其他 關於 唔同 話題 嘅 作品 啦

最後 再次 有請 Richard Burton 為 我哋 讀出 呢 一首 咁 有 意思 咁 識 玩 嘅 情詩 ！

今集 西人 文學 就 講到 呢度 先 ，一連 兩集 嘅 Player 詩人 教 大家 氹 女仔 上床 系列 就此 完滿 結束 喇

唔知 大家 鍾意 邊一首 詩 多 啲 呢 ？

大家 睇 完 今次 呢 首 詩 之後 又 有無 啲 乜嘢 唔明 呢 ？ 喺 留言 度 話 我 知 啦 ！

下 一次 西人 文學 嘅 題目 亦 都 將 會 喺 出 之前 嘅 一個 星期 喺 我 Instagram 度 俾 大家 用 一人 一票 嘅 方式 揀出 嚟

想 參與 投票 一盡 Kongner 責任 嘅 兄弟 姊妹 們 就 記得 留意 我 嘅 Instagram 啦 ！

最後 都 係 果句 啦 ，鍾意 我 呢條 片 嘅 朋友 就 記得 做好 益者 三 有

有 Like 有 Subscribe 有 Share

我 係 米加 ，希望 下 一集 西 人文 學會 再 見到 你 ！