小 男人 週記 WEEK 1
第一個 星期
阿寬
一九九六年 三月 五日
我 叫做 阿寬 ，今年 剛剛 卅歲 ，六年 前 今日 結婚 ，估唔到 六年 後 今日 ，我 同 老婆 再 簽 多 張 紙 ，分居 ！
我 自細 鍾意 睇 南 紅 做戲 ，諗住 大個 娶 番 個 「咁上下 」款 嘅 賢妻良母 。 點知 造物 弄 人 ，唉 ！ 唔 好講 ！ 我 老婆 個 身型 有 啲 似 （ 鄭裕玲 ）， 面型 有少少 似 （ 陳 立品 ）， 對眼 似足 （ 陳 復生 ）， 個 嘴 好似 （ 利智 ）， 啲 頭髮 似 （ 林振強 ）。
佢 個 名 改 得 好好 ，叫做 （許 賢淑 ）。 後尾 我 至 知 佢 老豆 好 鍾意 作 大 ！ 佢 英文 名叫 阿 Ann 。
Ann Hui ，同 （許鞍華 ）一樣 ！
_
第一章
星期一
我 唔 想 同 我 老婆 分居 ！
分居 係 佢 提出 ，嗰晚 連 電飯煲 都 會 煲 “燶 ”飯 。
阿 Ann 望住 煲 飯 ，好 惘然 同 我 講 ：「寬 ，我 諗 ，無謂 拖落去 啦 ！ 大家 ……分開 生活 好 唔好 ？ 」我 唔 服氣 ，問 佢 ：「就 係 因為 我 煲 “燶 ”飯 ？ 」「寬 ，大家 咁 大 個人 ，你 知 問題 出 嚮 邊 ！ 」我 連忙 檢查 個 飯煲 ，向 阿 Ann 表示 ：「可能 係 發熱 線 壞 呀 ！ 」其實 我 都 覺得 好悶 啊 ！ 有時 我 寧願 放工 嚮 尖沙咀 跟 啲 著住 短褲 女仔 行 幾條 街 ，都 有趣 過返 屋企 對 住 我 老婆 。 佢 嚮 屋企 都 唔 係 對住 我 ，而 係 對住 個 電視機 ，晚晚 明珠 九三 Ｏ 。
我 唔 可惜 分居 ，我 開始 smell 到 自由 空氣 。 張床 係 晒 我 ！ 我 鍾意 讓 半邊 俾 邊個 女仔 都 得 。
老婆 ，又 睇 吓 點 ？
3 .
星期二
(大古惑 )爆 俾 全 公司 上下 人 等 知 ，話 我 同 老婆 分居 ，仲 訂 咗 個 七 磅 心型 蛋糕 俾 我 ，要 我 當場 切開 ，以示 一刀兩斷 嘅 決心 。 成班友 食得 好開心 。 (大古惑 )稍後 叫 我 自己 找 返條 蛋糕 數 ，如果 我 知道 要 自己 俾 ，至多 五磅 就夠 啦 ！
( Q 太郎 )裏邊 OL 嗰 陣 撞到 我 ，問 我 點解 咁 大劑 。
「喂 ，阿寬 ，節哀順變 啵 ，夫妻 如 衣服 啊 ！ 」我 若無其事 話 ：「我 好開心 啊 ！ 」我 老婆 個 八卦 家姐 Stella 召 我 放工 見 佢 ，去 到 Regent 至 知 佢 帶 埋 個 律師 老公 。 佢 兩個 話 叫 我 同 阿 Ann 好番 喎 。 佢 兩個 唔 知點 ，勸勸 下 自己 都 嗌 起 上 嚟 ，搞到 打爛 Regent 個 花樽 。
咪 終於 我 勸 番 佢 兩個 。
唔 知 點解 ，好似 連 大廈 個 看更 都 知 我 分居 ？
返到 樓下 ，佢 總 係 眼 望望 ，望 乜 喎 ！ 乜未 見過 結婚 未 離婚 但 係 又 分緊 居 嘅 男人 咩 ？
_
4 .
星期三
一早 起身 ，生生猛猛 ，收埋 牆 上面 同 老婆 映 嗰 幅 結婚 相 。
相 裏面 嘅 我 ，真 係 老土 ，件 禮服 著到 成個 侍仔 咁 ，反而 我 老婆 件 婚紗 就 鬼 咁 矜貴 ，係 個 V 領 開 得 低 啲 ，好彩 佢 身材 差 ，冇 乜嘢 睇 。
阿媽 今朝 俾 個 電話 我 ，一 開口 就 喊 ，搞到 我 以為 我 阿爸 死咗 ，喊 半個 鐘頭 至 話 原來 唔 想 我 分居 。
佢 根本 唔 明白 分居 同 離婚 嘅 分別 。 分居 即 係 兩個 國家 關係 惡化 ，降為 代辦 級 ，即 係 仲 係 有 啲 關係 。
我 阿媽 聽到 我話 我哋 仲有 關係 ，開心 好多 ，問 我 幾時 有 孫抱 ，我 睇 佢 都 係 唔 明 咩 叫 分居 。 (大 古惑 )提議 一齊 落 Night Club 玩 ，話 有 個 「媽咪 」 Call 佢 話 有 班 新 女 跳槽 到 。
( Q 太郎 )又 想 去 又 唔 敢 去 。 原來 唔 夠錢 ，佢 老婆 一個月 俾 九百 銀 佢 做 使用 。
(大古惑 )話 借 二千 銀 俾 佢 ！ 放工 ，(大古惑 )問 我 借 二千 銀 。
老婆 ，都 係 叫 佢 阿 Ann 啦 。 佢 打 電話 返 嚟 ，話 漏 套 衫 無 帶 ，佢 暗示 自己 外 家 住 得 好 舒服 。
我 專登 放 套 鹹 帶 ，扭 大聲 啲 俾 佢 聽 。
佢 竟然 以為 係 我度 唉聲嘆氣 喎 。
5 . 星期四
我 終於 都 落 咗 Night Club 。 點 ？
係 呀 ！ 我 依家 係 一個 自由人 ！ 快樂 自由人 ！
如果 我 老婆 ，唔 係 ，係 阿 Ann 知道 ，實 激 到 佢 胃 爆炸 ，哈哈 ！
(大古惑 )同 我 叫 個 小姐 叫做 Becky ，佢 話 係 全場 至 紅 嘅 小姐 ，我 就 覺得 佢 好 醜樣 。
( Q 太郎 )冇 嚟 ！ 佢 嘅 理由 係 ……
「我 老婆 搜到 我 有 四千 銀 ，去 買 洗衣機 。」
Night Club 撞 到 一個 人 ，竟然 係 我 外父 ！ 大家 係 嚮 男廁 度 撞到 嘅 ，當場 呆咗 ！ 佢 竟然 唔 記得 小便 就 出番 去 。
唔 知 佢 會 唔 會 講 俾 老婆 阿 Ann 知 呢 ？
成班人 去 宵夜 ， Becky 「食七噉食 」，望見 佢 食 嘢 個 樣 ，我 詐 頭痛 走 先 。
返到 屋企 已經 四點 幾 ，唔知 阿 Ann 知道 我 去 Night Club 會 點 呢 ？
今日 洗 咗 一千二百 七十 三 個 半 ！ 係 咁 大個 仔 一次 過洗得 最 多 嘅 一日
6 . 星期五
今日 竟然 打風 ！ 三點 幾 報 八號 波 ！ 想話 走頭 之際 ，接到 一個 電話 ，你 哋 估 係 邊個 ？
電話 傳 嚟 Jenny 把 聲 ：「darling ！ 」 Jenny 係 我 以 前個 女朋友 ，佢 結婚 先 過 我 ，結婚 又 多過 我 ，唔 計 同居 都 有 三次 ，淨 係 駛 瞻養 費啊 都 駛 唔 晒 。 「寬 呀 ！ 阿 Cat 話 我 知 你 分 咗 居 啊 ！ 」阿 Cat 點知 我 分居 呢 ？ 「係 佢 男友 Patrick 同 佢 講 咖 咯 ！ Patrick 同 Andrew 好熟 咖 ， Andrew 公司 有個 女仔 Anita 有個 朋友 Yvonne 喺 你 隔籬 公司 做 ，識得 你 廣告公司 個 Receptionist 啊 嘛 ！ 」太 複雜 ！ 「寬 呀 ，幾時 得閒 出 慶祝 你 重獲 自由 呀 ？ 」我 急不及待 ：「就 今晚 啦 ！ 唔 喺 就 聽 日 ？ 」 Jenny 用 一把 甜到 令 我 打 冷 震 嘅 聲 答 我 ：「 聽日 我 約 個 Friend 出海 呀 ！ How about Monday 一 date ？ 」「妳 話 點 就 點 啦 ！ 」今晚 成晚 諗 住 Jenny ！ 佢 有 成 卅 八 吋 半 ！
自由 真 係 可貴 。
「打風 」吹爛 我 一隻 窗 。
都唔知點好 ，不過 ，仍然 幻想住 Jenny
——————
7 星期六 一早 起身 原來 落波 ，又 要 返工 。 (大 古惑 )冇 返 ，打電話 俾 佢 ，佢 話 唔 係 八號 風球 咩 ？ 慌 唔 係 尋晚 打牌 打 通宵 咩 。 佢 好彩 ，娶到 個 好 老婆 。
收到 Jenny 張 分居 賀咭 。 原來 香港 真 係 有 分居 賀咭 ！ 上面 印住 英文 意思 「重獲 新生 」，其實 都 o 岩 啲 赤柱 監 躉 用 ，精神病 患者 出院 後 都 用 。 但 係 有 一樣 ， Jenny 佢 簽名 上面 加 Love 字 ，咩 意思 呢 ？
下晝 去 尖沙咀 行街 ，( Q太郎 )老婆 約 人 ，佢 「一支公 」周 街 逛 ，「太空館 」門口 撞到 佢 。 兩個 麻甩佬 一齊 去 買衫 。
今日 買 半打 纖巧 型 內褲 。
晚黑 著住 一條 張床 打坐 ，對住 塊 鏡 ，十足 個 廣告 一樣 。
掉 兩條 孖 煙囪 。
阿媽 打電話 ，話 聽 日 煲 青 紅蘿蔔 豬 肉湯 ，叫 我 返 去 飲 。
今晚 ，係 首次 分居 後 覺得 好悶 。
死 喇 ！ 分居 未夠 一個 禮拜 就 話悶 ，咁 點 捱 呀 ？
————————
8礼拜日 到 「黃朝百晏 」，起身 好 肚 餓 ，搵 勻 雪櫃 冇 食 。 裏面 有 兩隻 屍體 ，唔知 餓死 定 凍死 呢 ？
落街 買個 飯盒 。 我 硬 係 覺得 個 看 更 佬 知道 我 分居 ，佢 望 我 啲 眼光 都 唔 同 。
下晝 ( 羅 ) 套 西裝 出 嚟 熨 。 熨 直條 領 又 熨 唔 服 個 膊 ，麻煩 。 聽 日 見 Jenny 點呢 ？
夜晚 返 阿媽 度 飲 青 紅蘿蔔 湯 ，一路 飲 阿媽 一路 「娥 」，話 早知 當年 同意 我 哋 同居 ，好過 今日 搞 到 分居 。 呢 啖 湯 真 惡 飲 。
