the Little Prince 小王子 chapter 7
去 到 第五日 ，一如既往 ，多得 隻 綿羊 仔 ，我 終於 揭開 咗 小王子 身世 嘅 秘密 。佢 好似 靜靜 雞 喺 心入面 諗 咗 個 問題 好耐 ，之後 要 大聲 講出 嚟 噉 ，失驚無神 突然 問 我 ：「如果 綿羊 會 食 樹仔 ，噉 佢 會 唔 會 都 食 花 㗎 ？ 」「綿羊 見到 乜 就 食 乜 㗎 喇 。」 「就算 係 有 刺 嘅 花 都 食 ？ 」「係呀 ，就算 有 刺 嘅 花 都 食 。」 「係 噉 啲 花 要 刺 嚟 做 咩 呀 ？ 」我 時唔時 唔 知點 答 佢 。 當時 我 正 係 嘗試 緊將 一粒 棘 住 我個 引擎 嘅 螺絲 扭 返 出 嚟 . 我 好 擔心 ， 因為 部 飛機 損毀 得 似乎 相當 嚴重 ， 而令 我 更加 之 徬徨 嘅 係 ， 剩 返 嘅 食水 已經 愈 嚟 愈少 。
「係 噉 啲 花 要 刺 嚟 做 咩 呀 ？ 」小王子 一問開 一個 問題 ，就 永遠 都 唔 肯 罷休 。 我 實在 畀 粒 螺絲 搞 到 個人 好 擝 噌 ， 所以 諗 都 冇 諗 就 衝口而出 ：
「 啲 刺 係 乜 用 都 冇 㗎 喇 ， 純粹 係 啲 花想 靠害 囉 ！ 」「噢 ！ 」隨之 而 嚟 嘅 係 一陣 嘅 寂靜 ，然後 佢 話 帶 苦澀 反駁 我 ： 「我 先 唔 會信 你 ！ 啲 花 咁 脆弱 ， 佢 哋 好 單純 㗎 。 佢 哋 好 盡力噉 做好 自己 。 佢 哋 真 係 覺得 自己 有 刺 好 得人驚 㗎 。」
我 冇 出聲 。 嗰 一刻 我 同緊 自己 講 ：「如果 粒 螺絲 再 咁 硬頸 嘅 話 ，我 就 會 搵 個 鎚仔 揼 佢 出 嚟 。」 小王子 又 再 打斷 咗 我 嘅 思路 ：
「而 你 呢 ，你 就 覺得 啲 花 。 。」
「冇 囉 ！ 冇 囉 ！ 我 咩 都 冇 覺得 過 囉 ！ 我 淨係 求 其 噏 啲 嘢 敷衍 你 咋 嘛 。 其實 我 有 啲 好重要 嘅 嘢 做 緊 囉 ！ 」佢 好 诧异 咁 掘 實 我 。 「好 重要 嘅 嘢 ！ 」佢 望住 我 ，見到 我手 上面 揸住 嘅 鎚仔 ，手指頭 全都 污糟邋遢 ，彎低 身 修理緊 部 佢 覺得 極其 醜陋 嘅 機器 。 「你 講 嘢 同 啲 大人 一模一樣 ！ 」呢 句 說話 令 我 覺得 有 少少 慚愧 。 不過 佢 依然 唔 肯 罷休 ：「 你 所有 嘢 都 混淆 晒 。 你 所有 嘢 都 搞錯 晒 ！ 」佢 真 係 好 嬲 。 一頭 金髮 喺 微風 中 不停 噉 擺動 。
「我 知道 有粒 行星 ，上面 住 咗 個 鬼面 係 紫色 個 男人 。 佢 從來未 聞過 任何 花香 ， 從來未 見過 一粒 星星 ， 從來未 愛過 任何 一個 人 。 除 咗 將 啲 數目字 加 嚟 加去 ，佢 從來 未 做過 任何 嘢 。 而 佢 同 你 都 一樣 ，成日 不停 噉 講 自己 嘢 ：『我 係 一個 好 認真 嘅 人 ！ 我 係 一個 好 認真 嘅 人 ！ 』就係噉 ，驕傲 就 令到 佢 自我 膨脹 。 但 佢 噉 樣 唔 係 一個 人 ，而 係 一隻 蘑菇 囉 。」
「一隻 咩 話 ？ 」「一隻 蘑菇 ！ 」小王子 呢 刻 嬲 到 出 晒 煙 。 「幾百萬年 嚟 ，花 都 會 生刺 出 嚟 。但 幾百萬年 嚟 ，綿羊 仔 都 係 噉 食 晒 呢啲 花 。 唔 通 嘗試 下去 了解 點解 啲 花 要 大費周章 生 啲 對 佢 哋 完全 冇 用 嘅 刺 出 嚟 ，真 係 唔 重要 咩 ？ 唔 通 綿羊 同花 之間 嘅 戰爭 ，真 係 唔 重要 咩 ？ 唔 通 呢 啲 嘢 真 係 唔 比 一個 滿面 通紅 嘅 肥 男人 嘅 加數 嚟 得 更 重要 咩 ？ 而 我 本身 就 識得 一朵 世上 獨一無二 嘅 花 ，除咗 喺 我 粒 行星 上面 之外 都 搵 唔 到 。 但 係 只要 一隻 綿羊 仔一淡 就 可以 摧毀 佢 。 就 只 係 噉 ，某 一 朝 ，甚至 乎 根本 佢 自己 都 冇 留意到 自己 做 咗 咩 —哼 ，我 諗 呢 樣 嘢 同樣 都 係 唔 關 重要 啦 呵 ！ 」佢 滿面 都 紅 晒 ，繼續 講 ： 「如果 有人 鍾意 一朵花 ，一朵 千千萬萬 緊星 上面 獨一無二 嘅 花 ，噉 只要 抬頭 仰望 星空 ，佢 就 會 覺得 好開心 。 佢 會 同 自己 講 ：『我 朵花 就 喺 呢 個 夜空 嘅 某處 。 』但 如果 綿羊 仔 食 咗 朵 花 ，噉 對 佢 嚟 講 ，就 會 好似 所有 星光 都 突然 熄滅 一樣 。 我 諗 ，都 一樣 喺 無關 重要 啦 ！ 」佢 已經 唔 能夠 再 繼續 講落 去 ，眼淚 突然 奪眶而出 。 夜幕 低垂 ，我 放低 左手 上 嘅 工具 。 唔 再 擔心 我 把 鎚 仔 ，我粒 螺絲 ，我 嘅 飢渴 甚至 喺 死亡 。 喺 一粒 星星 上面 ，一粒 行星 ，呢 一粒 行星 ，喺 地球 ，有 個 小王子 需要 我 佢 開解 安慰 ！ 我 抱 佢 入懷 ，輕輕 覽住 佢 。 我 同 佢 講 ：「你 鍾 意 啲 朵花 唔 會 有 危險 。 我會 幫 隻 綿羊 畫 一個 口罩 ， 我會 畫 一個 圍欄 圍住 你 朵花 。 我 會 。 。」
我 其實 唔 係 好 知 應該 講 咩 好 。 覺得 自己 笨手笨腳 噉 ，唔 知 應該 點樣 佢 靠近 佢 ，從 遠渡 佢 接通 佢 內心 嘅 世界 。 眼淚 噉 國度 ，真 係 好 神秘 。
