the Little Prince 小王子 Chapter 3

我 花 咗 好多 時間 先 搞清楚 佢 喺 邊度 嚟 。 小王子 問 咗 我 好多 問題 ， 但 至於 我 問 佢 嘅 ， 佢 好似 一 啲 都 聽 唔 到 噉 。 不過 佢 無意 中 都 講 咗 好多 嘢 ， 令 我 慢慢 清楚 佢 嘅 底細 。 譬如 話 , 第一次 見到 我 架 飛機 嘅 時候 （ 唔 畫 架 飛機 喇 ， 對 我 嚟 講 太 複雜 ）， 佢 問 我 ：

【 呢 個 係 乜 東東 嚟 ？ 】 【 呢 架 唔 係 乜 東東 。 佢 識得 飛 ， 係 我 架 飛機 。 】 我 好 自豪 噉 話 畀 佢 知 我 識 飛 。 於是 佢 好 驚奇 噉 話 ：

【 咩 話 ？ 你 喺 天 上面 跌落 嚟 ？ 】 我 謙虛 噉 答 ：【 係 呀 。 】 【 啊 ！ 太 好笑 喇 ！ 】 小王子 不停 噉 笑 ， 令 我 少 少 唔 啹， 我 噉 不幸 唔 應該 成為 笑話 。 跟 住 佢 就 話 ：

【 即 係 話 你 都 係 喺 天 上面 嚟 㗎 啦 ！ 你 邊個 星球 㗎 ？ 】 佢 本來 好 神秘 ， 但 嗰 刻 ， 我 立刻 有 頭緒 估到 佢 喺 邊度 嚟 ； 於是 我 有 少 少 突兀 噉 問 佢 ： 【 你 由 第二個 星球 嚟 嘎 ？ 】 但 係 佢 冇 答 我 個 問題 。 佢 一路 望住 我 架飛機 ， 一路 微微 點頭 話 ：

【 你 坐 呢 個 東東 ， 我估 你 都 唔 會 係 喺 好 遠 過 嚟 。 。】 講到 呢 度 ， 我 就 沉思 ， 沉思 ， 再 沉思 。 跟 住 ， 佢 喺 個 袋 度 拎 咗 我 畫 嗰 隻 綿羊 仔 出 嚟 ， 當 係 寶 噉 睇 到 入 晒 神 。

你 可以 想像到 ，【 第二個 星球 】 呢 啲 令人 半信半疑 嘅 話題 會令 我 嘅 好奇心 一發 不可收拾 。 於是 我 想 盡量 知 多 啲 。

【 朋友 仔 ， 你 邊度 嚟 㗎 ？ 你 頭先 講 嘅 【 我 住 嗰 度 】 即 係 邊 ？ 你 諗 住 帶 我 隻 綿羊 仔 佢 邊 呀 ？ 】 佢 靜 咗 一陣 ， 就 答 我 ： 【 好 在 有 你 箱 -， 噉 綿羊 仔 夜晚 就 有 間 屋 喇 。 】 【 係 呀 。 如果 你 乖 ， 我 可以 畫條 繩 畀 你 添 。 日頭 可以 綁住 佢 ， 我 仲 可以 畫 多條 柱 。 】 小王子 似乎 唔 太 鍾 意 。 【 綁住 佢 ？ 有 冇 奇怪 啲 呀 ！ ？ 】 【 如果 唔 綁住 佢 ， 佢 會 四圍 走 ， 好易 唔 見 㗎 。 】 我 呢 位 朋友 仔 又 笑 喇 ： 【 噉 你 話 佢 走 得 佢 邊 唧 ？ 】 【 邊度 都 好 ， 總之 一路 向前走 。 。】 之後 小王子 好 鄭重 噉 講 ： 【 冇 問題 吖 ， 我 住 嗰 度 ， 所有 嘢 都 好 細好細 。 】 跟 住 ， 佢 有 少 少 傷感 噉 補充 咗 句 ： 【 一路 向前走 ， 都 走 唔 好幾 遠 。 】