新聞 發佈會 (09 月 16 日 下午 1 時 )–高級 科學 主任 李子祥

Transcript 十號 嘅 颶風 信號 呢 同埋 紅色 暴雨 警告 信號 呢 係 現正 生效 嘅 。 噉 喺 下晝 嘅 一點鐘 呢 ，強 颳風 「山竹 」呢 就 位於 香港 嘅 西南 偏南 呢 大約 係 一百 公里 嘅 。 噉 我 地 預計 呢 「 山竹 」 呢 就 會 繼續 採取 一個 西北 偏西 嘅 方向 移動 啦 ， 就 移 向 廣東 西部 沿岸 。 根據 而家 預測 嘅 路徑 呢 ，「山竹 」呢 就 會 喺 未來 幾 小時 呢 係 最 接近 香港 同埋 珠江 口 嘅 一帶 㗎 喇 ，噉 呢 大約 係 會 喺 香港 以南 一百 公里 以內 呢 係 掠過 嘅 。 噉 由於 「山竹 」嘅 横流 相當 廣闊 啦 ，而 佢 亦都 帶有 極 具 破壞 力 嘅 颶風 及 暴風 嘅 風力 嘅 ，噉 所以 呢 對 係 香港 係 有 一個 嚴重 嘅 威脅 。 而 同時 呢 ，佢 嘅 風暴潮 同埋 大雨 呢 係 下晝 亦都 會 影響 香港 嘅 。 喺 三 樣 嘢 夾埋 嘅 情況 之下 呢 ，我 哋 預計 呢 惡劣 嘅 天氣 呢 會 喺 下 晝 繼續 㗎 。 而 部分 地區 嘅 情況 可能 比 今朝 早 更 差 ，所以 市民 呢 應該 盡量 做 哂 所有 防風災 嘅 準備 㗎 。

噉 雷達 睇 到 呢 就 「山竹 」已經 大約 移 到 去 香港 嘅 南面 左右 嘅 地區 啦 ，而 佢 嘅 雨帶 呢 係 繼續 影響 香港 嘅 。 所以 我 哋 預計 呢 佢 相關 嘅 狂風大雨 呢 仍然 都 會 喺 下晝 呢 影響 香港 。

而 風 方面 呢 我 哋 而家 普遍 吹 𡁵 暴風 至 颶風 程度 嘅 偏東風 ，噉 隨住 「山竹 」移向 我 哋 嘅 西南 面 嘅 時候 呢 ，我 哋 嘅 風向 呢 逐漸 會 拗 向 東南 甚至 係 偏南 嘅 方向 嘅 。噉 所以 有 啲 而家 係 受 遮擋 嘅 地方 呢 ，稍後 呢 就 可能 會 變得 當風 喇 。所以 市民 要 留意 風向 同埋 風力 嘅 變化 。除 左 大風 同 大雨 之外 呢 ，「山竹 」亦 都 為 我 哋 帶來 明顯 嘅 風暴潮 㗎 。噉 我 哋 預計 呢 隨住 佢 經過 香港 以南 掠過 呢 ，佢 嘅 風暴潮 呢 會 喺 維多利亞港 呢 喺 下 晝 嘅 時間 呢 為 香港 嘅 維多利亞港 嘅 水平 (水位 )呢 ，會 上升 到 水平面 (基準面 )大約 三 點 五 米 或 以上 㗎 。噉 而 喺 大澳 地區 呢 ，喺 下晝 兩點 至 五點 之間 呢 ，佢 個 水位 會 上升 到 喺 海圖 基準面 大約 三點八米 或 更 高 嘅 。噉 而 喺 吐露港 嘅 地方 呢 ，我哋 而家 錄得 嘅 水平面 係 大約 喺 基準面 大約 嘅 四點五米 左右 嘅 。噉 我哋 預計 呢 下晝 嘅 水位 有機會 再會 繼續 上升 嘅 ，噉 所以 市民 你 要 留意 喇 ，因為 呢 喺 大雨 同埋 風暴潮 嘅 共同 影響 之下 呢 ，低窪 地區 同埋 沿岸地區 係 好 有機會 出現 嚴重 嘅 水浸 㗎 。噉 我哋 香港 呢 我哋 預計 呢 下晝 嘅 情況 呢 係 會 繼續 受到 「山竹 」所 相關 嘅 大雨 啦 、狂風 啦 、達到 颶風 程度 嘅 風力 (嘅 風力 )影響 啦 ，同埋 海面 呢 係 有 極巨 浪 嘅 。咁 (介 )加上 風暴潮 嘅 影響 呢 ，天氣 會 非常 之 惡劣 嘅 。市民 呢 應該 留 喺 室內 或者 安全 嘅 地方 ，切勿 冒險 呢 就 出外 去 追 風 逐 浪 。