天氣 Blowing Hot and Cold (2Dialogues)

而家 天氣 漸漸 冷 嘞 。 我 好 怕 冷 ，我 最 鍾意 曬太陽 嘅 。 天文台 話 今日 會 落雨 ，呢 個 星期六 仲 會 落雪 添 。

我 已經 預備 咗 啲 冷天 衫 啦 。

我 想 聽日 買 個 電暖爐 返嚟 ，你 話 好 唔好 呀 ？

唔 好 。

噉 ，我 要 幾 時 買 呀 ？

唔 好 買 電暖爐 啦 ！

你 買 嘅 嘢 時時 都 唔 實用 嘅 。

我 唔 同意 ， 我 買 嘅 嘢 最 實用 嘅 嘞 。

你 要 知道 買 唔 實用 嘅 嘢 即 係 嘥 錢 。

你 話 我 聽 ，我 買 咗 乜嘢 唔 實用 呀 ？

擠 喺 走廊 牆角 嗰 個 手提 滅火 筒 ，你 舊年 買 嘅 ，一 年 之 內 都 冇 用 過 ，你 話 係 唔 係 唔 實用 丫 ？

張 先生 ，你好 。 去 邊處 呀 ？

我 去 買 冷氣機 。

係呀 ！ 天氣 漸漸 熱 ，買 冷氣機 係 時候 啦 。

陳 先生 ，你 有 乜嘢 打算 呢 ？

我 冇 錢 買 冷氣機 。 天氣 太 熱 嘅 時候 ，我 會 去 海灘 游水 ，飲 啤酒 ，食 雪糕 ，咁 就 唔 熱 喇 。

但係 如果 打風 就 唔 可以 去 海灘 ，落雨 就 唔 可以 去 買 雪糕 。

噉 ，就 點算 呀 ？ 冷氣機 唔 算 好 貴 ， 但 係 好 有用 :你 都 唔 買 ， 真 係 慳 嘞 ！

我 唔 算 慳 啦 ！ 我 話 你 太太 仲 慳 喇 ！

佢 點樣 慳 法 呀 ？

呢 個 禮拜二 我 喺 百貨公司 買 游水 褲 嘅 時候 ，見到 你 太太 ，佢 好 開心 咁 話 我 知 ，佢 只 係 用 咗 一條 你 嘅 舊 領 呔 就 可以 改成 一 套 比 堅尼 嘞 。 你 話 佢 慳 唔 慳 呢 ？