旅遊 同埋 駕駛 Traveling and Driving (3 Dialogues )

李 太 ，你 行 得 咁 快 ，趕 住 去 邊 處 呀 ？

我 趕 住 去 買 旅遊 飛 啫 。 旅遊 公司 而家 舉辦 一 個 『澳門 兩 日 遊 』節目 ，喺 澳門 玩 兩 日 一 晚 ，費用 只 係 一 千 蚊 之嘛 。

咁 平 ，我 唔 信 。 呢 個 旅遊 節目 有 啲 乜嘢 服務 同 享受 呢 ？

日頭 有啲 乜嘢 服務 同 享受 我 唔 知 ，但係 夜晚 喺 五星級 酒店 住 一 晚 就 已經 好抵 嘞 。 呢啲 酒店 房間 當然 唔 少 得 有 電視機 喇 ，雪櫃 喇 ，雙人床 喇 ，洗身房 喇 ，酒店 仲 有 暖水 泳池 等等 。

李 太 ，你 對 澳門 嘅 酒店 服務 同 設備 都 好 熟識 啵 ！

當然 喇 ，我 係 澳門 一 間 大 酒店 嘅 公關 整理 啵 。

你 係 外行人 都 話 呢 個 旅遊 節目 抵 玩 ，噉 我 都 去 買 飛 參加 囉 。

小姐 ， 我 要 搭 一 五 零 號 班機 去 倫敦 。 請問 我 喺 呢處 報到 ，啱 唔 啱 呀 ？

一 五 零 號 班機 喺 下晝 四 點 半 鐘 起飛 去 倫敦 。 你 喺 呢處 報到 就 啱 嘞 。 請 你 交 你 嘅 護照 ，簽證 ，同 飛機票 俾 我 喇 。

呢 兩 件 係 我 嘅 行李 ，請 你 幫 我 過磅 啦 。

先生 ,你 嘅 行李 過重 啵 ！ 仲 有冇 其他 行李 呀 ？

仲 有 兩 件 手提 行李 都 係 好 輕 嘅 。 我 嘅 行李 過重 咗 幾多 磅 呀 ？

唔 算 好 多 ，只 係 兩 磅 啫 。

對 唔 住 ，請 你 通融 一下 喇 ，得 嗎 ？

問題 唔 大 ，但係 下次 你 就 要 多 啲 注意 行李 嘅 重量 啦 。 好 嘞 ，你 攞 返 你 嘅 護照 同 機票 喇 。

唔該 你 話 我 知 旅遊 保險 嘅 櫃檯 喺 邊處 呀 ？ 免稅 洋酒 又 喺 邊 處 買 呢 ？

嗰 兩 個 櫃檯 都 喺 四 號 閘口 附近 ，你 唔 會 搵 唔 到 嘅 。

唔該 晒 。

你 咁 開心 ，我 估 你 今朝早 參加 嘅 汽車 駕駛 考試 成績 一定 好 好 嘞 。

我 都 估 我 嘅 成績 幾 好 。

考試 管 考 咗 你哋 乜嘢 呀 ？

佢 考 咗 我 好 多 嘢 ，譬如 泊位 喇 ，斜路 開車 喇 ，慢駛 喇 ，停車 喇 ，窄 路 掉頭 喇 ，手掣 同 腳掣 用 得 好 唔 好 喇 ，對 路面 嘅 情況 反應 夠 唔 夠 快 喇 等等 。

結果 係 點樣 ，你 知 唔 知 呀 ？

佢 冇 講 嘢 啵 ！ 我 揸 車 返 駕駛 考試 局 嘅 寫字樓 嗰 陣時 ，佢 可能 覺得 好 舒服 ，訓 咗 喺 車 裡便 仲 未 醒 ，要 我 同 佢 嘅 同事 兩 個 人 一齊 抬 佢 落 車 。