教育 Education for Life (2 Dialogues)

我 覺得 香港 學生 讀書 真 係 辛苦 嘞 。

係呀 ！ 我 都 同意 。 佢哋 每 日 都 要 讀 中文 、英文 、數學 、地理 、歷史 同 科學 。 而且 平均 每 個 禮拜 都 有 兩 三 科 要 測驗 。

仲 有 呀 ！ 佢哋 嘅 課本 又 重 又 多 ，每 日 要 帶 返 學校 嘅 課本 同 練習簿 就 唔 會 少 過 十 磅 重 。

我 個 仔 今 年 只係 十 歲 之 嘛 ，喺 小學 讀書 ，但 係 佢 晚晚 都 要 溫習 差唔多 四 個 鐘頭 先至 可以 做 完 啲 功課 。

我 唔 明白 啲 先生 點解 俾 咁 多 功課 佢哋 。

我 話 喺 中學 教書 仲 麻煩 呀 !又 要 教 佢哋 又 要 管 佢哋 ，尤其是 管 佢哋 ，因為 而家 啲 後生仔 個個 都 唔 鍾意 被 人 管 嘅 喇 。

好彩 我哋 個個 都 唔 係 教書 先生 啫 。 如果 唔係 ，我哋 都 冇 時間 一齊 喺 呢處 傾偈 啦 。

香港 政府 教育 香港 市民 真 係 失敗 嘞 。

你 講 邊 方面 嘅 教育 呢 ？

好 多 方面 啦 ，尤其 是 一般 嘅 公共 秩序 方面 。

咦 ！ 前邊 有 個 警察 好似 要 檢控 個 汽車 司機 啵 ！ 我哋 去 睇 吓 喇 ！

先生 ，你 睇 唔 睇到 嗰 盞 交通燈 呀 ？

睇 到 啊 ！

你 睇 唔 睇到 係 紅燈 呀 ？

睇 到 啊 ！

噉 ，點解 你 仲 要 衝紅燈 呢 ？

唔 好彩 ，因為 我 睇 唔 到 你 ！

張太 ，你 睇 吓 ，呢啲 就 係 香港人 對 一般 公共 秩序 嘅 教育 嘞 ！

每 個 社會 都 有 一 啲 壞 份子 ，唔 係 個個 人 都 一樣 嘅 。 香港 嘅 教育 都 有 好 嘅 方面 嘅 。