健康 Health Care for Beginners (2 Dialogues )

喂 !呢處 係 唔係 張 醫生 嘅 診所 呀 ？

係呀 ！

我 想 睇 醫生 ，唔該 你 幫 掛號 喇 。

你 貴 姓 呀 ？ 有 乜嘢 唔 舒服 呀 ？

我 係 王 一港 先生 ，我 覺得 有啲 頭痛 ，間中 有啲 頭暈 ，仲 有啲 作嘔 添 。

你 嘅 病 唔 算 好 嚴重 。 我 話 你 知 ，張 先生 好 忙 。 。。噉 ，我 幾時 可以 睇 醫生 呀 ？ 我 估 你 要 等 三 四 日 先至 可以 見 到 張 醫生 啵 ！

乜嘢 話 ？ 三 四 日 之後 ！ 我 估 嗰陣時 我 已經 死 咗 啦 ！

唔 緊要 ，嗰陣時 請 你 太太 打 個 電話 嚟 我 知 取消 掛號 就 得 喇 ！

唔 得 ！ 唔得 ！ 我 唔 想 等 喇 ，我 而家 就 要 去 醫院 嘞 ！

威廉 ，你 做 乜嘢 左搖右擺 ，跳高 踎低 呀 ？ 你 唔 舒服 呀 ？

係 呀 ！

爸爸 ，我 起身 嗰陣時 覺得 個 肚 唔 舒服 。 去 完 廁所 之後 。 都 仲 有啲 痛 ，所以 我 就 飲 咗 上個禮拜 媽媽 買 返嚟 嗰 樽 藥水 嘞 。

而家 點 呀 ？ 個 肚 仲 痛 唔 痛 呀 ？

我 啱啱 飲 咗 藥水 十分鐘 啫 ，仲 未 知 。

噉 ，做 乜嘢 你 要 左 搖 右 擺 呢 ？

次次 飲 藥水 之前 ，媽媽 都 要 我 要 搖勻 啲 藥水 先 然後 至 飲 ，但係 頭先 飲 藥水 嗰陣時 ，我 唔記得 搖勻 ，所以 而家 左 搖 右 擺 ，希望 可以 補 返 數 啦 。