前文 再續 啊 書 接 上 一回 。
話說 圖爾布青 一路 行 ，就 唔見 敵人 ，見到 中國人 嘅 農舍 住宅 呢 就 下令 燒毀 ，男女 百姓 一概 殺頭 。
行咗 二十幾 里 嘞 ，忽然間 聽到 馬蹄聲 ，有 一隊 軍馬 衝過嚟 。
圖爾布 青喝令 隊伍 散開 。
只見 一隊 清軍 騎兵 縱馬 跑嚟 ，大約 有 五百幾人 啦 ，紛紛 放箭 。
圖爾布 青 啊 哈哈 大笑話 ：
中國 蠻子 只係 會 放箭 ，點 及 我哋 羅剎人 嘅 火槍 厲害 啊 。
一聲令下 ，眾槍 齊發 ，噉啊 十幾名 清兵 啊 跌咗 落馬 。
忽然間 ，嗙嗙嗙嗙 清軍 打起 銅鑼 ，清軍就 掉轉 馬頭 ，向住 南 便 跑嘞噃 。
圖爾布 青 下令 追趕 。
噉 呢隊 清軍 騎兵 所 騎 嘅 呢 ，都 係 精選 良馬 跑得 好快 ，一時 就 追唔上 。
追咗 七八里 ，只見 前便 樹林 旁邊 ，豎起 一面 黃龍旗 ，噉 羅剎兵 就 猛追 過去 ，見到 係 清軍 嘅 七八座 營帳 。
羅剎兵 啊 開火 槍 轟擊 。
喺 營帳 裏 便 ，有 幾十 名 清軍 就 跳 出嚟 ，射 咗 幾 箭 ，就 騎馬 向 南 跑 嘞 。
羅剎兵 前鋒 啊 衝入 營帳 ，見到 清軍 都 已經 走晒 嘞 。
圖爾布 青 落咗 馬 行 入 營帳 ，只見 枱面 擺住 酒肉菜餚 ，仲係 熱氣騰騰 嘅 ；
地下 啊 拋 滿咗 金錠 、銀錠 、錦衣 、珠寶 。
圖爾布青 就 歡喜 到 癲 啦 佢 話 ：
呢個 係 中國 蠻子 嘅 大將 ，匆匆忙忙 逃走 ，連 金銀 都 嚟唔切 冚𠾴唥 帶走 咯 。
大家 上馬 快啲 追 ，捉到 蠻子 大將 重重 有賞 。
蠻子 大將 身邊 攜帶 嘅 金銀珠寶 啊 一定 極之多 㗎 ， 大家 去 搶 啊 ！
眾兵 將見 咗 啲 金銀珠寶 ， 即刻 你 搶 我 奪 ， 有 啲 啊 攞 起 枱 上 嗰 啲 酒肉 就 食 。
聽見 主帥 嘅 命令 ，大聲 歡呼 湧出 營帳 紛紛 上馬 ，噉 跟住 蹄印 向 東南方 追過去 嘞 。
沿途 只見 金錠 、銀錠 、刀槍 、弓箭 跌 喺 路邊 。
眾兵將 都 話 中國 兵 見到 羅剎 大軍 嚟到 啊 ，已經 嚇到 屁滾尿流 ，連 兵器 都 掉低 晒 喇 。
又 追 一陣 ，只見 條 路 處 ，有 幾 對 靴 ，幾 頂 紅纓帽 。
圖爾布青話 ：中國 蠻子 嘅 元帥 將軍 改裝 逃命 ，多數 係 扮成 兵仔 ，唔好 畀 佢 呃到 啊 。
隨從 都 話 ：將軍 料事如神 一定 係 噉 嘅 。
圖爾布 青 吩咐 收起 靴帽 佢 話 ：
捉到 中國 蠻子 ，唔理 佢 係 兵仔 定係 火夫 ，要 佢哋 都 嚟 試下 呢 頂 帽 ，着下 對 靴 ，試到 啱嘅 ，多數 就係 大將 喇 。
部屬 又 一齊 稱讚 將軍 聰明 智慧 啊 人 所 莫及 啊 。
再 追咗 幾里 ，又 奪到 清軍 一 座 營帳 。
只見 地下 除咗 金銀 兵器 之外 ，仲有 好多 紅紅綠綠 嘅 女子 衣裙 ，顏色 鮮豔 。
營帳 旁邊 呢 ，又 有 胭脂 水粉 ，手帕 釵 環 等等 女子 飾物 。
眾兵將 色心 大 動 一齊 話 ： 快 啲 追 啊 快 啲 追 啊 ， 中國 蠻子 帶住 女人 㗎 ！
就係噉樣 一路 追住去 ，連 氣 搶咗 七座 營帳 ，就 隱隱約約 ，聽見 前面 一班 人 呼喊 驚叫 嘅 聲音 嘞 。
圖爾布 青企 喺 馬鞍 上 便 ，攞出 千里鏡 望 過去 。
只見 幾里 之外 啊 ，一隊 中國兵 正在 狼狽 逃跑 ，旗幟 散亂 隊伍 不整 。
圖爾布 青 好 歡喜 ，大叫 話 ：追到喇 ！
拔出 馬刀 ，喺 空中 猛咁 虛劈 大叫 話 ：衝 啊 ！殺 啊 ！
帶領 兵將 啊 疾 衝 向前 。
噉 沿途 見到 二十幾 匹 清軍 馬匹 死咗 喺 路上 ，眾 兵將 好 歡喜 噉 叫 ：蠻子 嘅 馬 都 冇 力 跑 喇 ！
就搏命催馬就越追越近 ，眼見 清兵 喺 兩山 之間 嘅 一條 窄路 趯咗 入去 。
圖爾布青 啊 追到 山口 ，見 地勢 咁 險惡 ，嗯 ，覺得 有啲 唔妥 喇 ：
敵人 如果 喺 呢處 埋伏 噉 就 不妙 嘞 噃 。
忽然間 ，聽見 前便 山谷 裏頭 有人 用 羅剎話 叫話 ：中國 蠻子 ，你哋 投降 喇 ，好極 ，好極 ！
有人 叫話 ：哈哈 ，呢次 中國 蠻子 輸得 慘 咯 。
係 本國 官兵 嘅 語音 ，絕對 冇 錯 。
圖爾布 青 歡喜 到 乜嘢 噉 ，再冇 疑慮 喇 就 縱馬 直入 ，後面 二千 幾 名 騎兵 啊 跟住 進入 山谷 。
圖爾布青叫話 ：前面 係 邊一隊 㗎 ？你哋 喺 邊處 ？
只聽見 山坳 後 便 十幾人 齊聲 噉話 ：我哋 喺 呢處 ，中國 蠻子 兵 投降 喇 ！
圖爾布青 叫話 ：好極喇 ！
啱啱 一 提 馬韁唧 ，猛然 聽見 背後 槍聲 乒乒乓乓 咁 響起嚟 。
圖爾布青 吃咗 一驚 ，轉過身 一睇 ，只見 山谷口 煙霧瀰漫 ，左右 兩邊 山邊 樹林 裏 便 火光 閃動 ，火槍 啊 一排排 噉 打過嚟 。
眾 羅剎 官兵 就 齊聲 驚叫 啊 。
圖爾布青 叫話 ：掉轉 馬頭 ，退出 山谷 ！
呢個 時候 ，聽見 兩便 山上 幾千人 大聲 吶喊 ：羅剎兵 ，投降 ，投降 ！
無數 大石 、檑木 轆 落嚟 ，一陣間 ，就 將 條 路 塞實 嘞 。
羅剎 官兵 啊 逼埋 喺 一條 窄窄 嘅 山路 上便 ，你 推 我 擁 人 喊 馬 嘶 亂晒 大龍 啊 。
清兵 啊 居高臨下 ，弩箭 火槍 ，不歇噉 射落嚟 。
圖爾布青 知道 已經 中咗 敵人 詭計 喇 ，眼見 後路 畀 敵人 切斷 ，只有 拉轉 馬頭 大叫 話 ：大家 向前 衝啊 ！
只係 衝出咗 幾丈 唧 ，忽然 聽見 轟轟巨響 ，炮彈 揈過嚟 喇 ，打死 咗 十幾名 士兵 。
圖爾布 青 嚇到 魂飛天外 ，佢 點都 估唔到 清兵 火器 咁 犀利 ，而且 喺 呢啲 崎嶇 山路 裏 便 ，竟然 埋伏 咗 有 大炮 喺 處 。
佢 急急 跳落 馬 ，命令 啲 士兵 唔好 要 啲 馬 喇 ，集中 火力 ，由 來路 衝 出去 。
羅剎兵 啊 紛紛 落馬 ，喺 塞住 山口 嘅 巨石 大木 上面 爬過去 嘞噃 。
後隊 呢 ，就 向 兩便山 上 放槍 掩護 。
羅剎兵 火槍 嘅 火力 犀利 啊 ，射程 又 遠 ，打死 咗 好多 清兵 。
但係 清兵 大炮 不歇 咁 轟過嚟 ，非常 猛烈 。
幾百名 羅剎兵 上下 爬出 左路 嘅 大石 ，突然間 轟隆 一聲 ，喺 地底 爆炸 。
幾百名 兵將 有啲 係 彈咗 上 十幾丈 高 ，有啲 係 斷手 甩 頭 血肉 橫飛 ，僥倖 唔死 嘅 呢 ，就 慌忙 躝翻 轉頭 嘞 。
圖爾布 青見 前後 都 冇 退路 ，束手無策 啦 。
有 一名 軍官 極之 勇悍 ，噉啊 率領 咗 幾十 名 敢死隊 ，由 北邊 就 爬山 過去 ，企圖 殺出 一條 通路 。
但係 山勢 陡削 ，又 光 捋捋 ，難以 落腳 。
只係 爬咗 幾丈 唧 ，就 有 十幾 名 士兵 跌咗 落嚟 ，非 死 即 傷 。
山頂上 嘅 清兵 呢 ，就 掟 啲 石頭 落嚟 ，將 剩低 嗰 幾十 人 全部 打跌 晒 。
嗰個 軍官 ，跌到 腦漿 迸裂 ，當堂 斃命 。
呢個 時候 ，清軍 大炮 就 不歇 咁 轟過嚟 ，打到 羅剎兵 呀 慘叫 連天 啊 。
眼見 再 過 一陣 ， 勢必 全軍覆沒 ， 圖爾布青 大叫 話 ： 唔 打 喇 ！ 停火 ！ 停火 ！
但係 炮聲 同埋 眾兵將 嘅 呼叫 啊 ，將 佢 嘅 聲音 淹沒 咗 。
佢 身邊 啲 官兵 齊聲 大叫 ： 停火 ！ 停火 ！
其餘嘅 兵 啊 亦 跟住 叫喇 。
清軍 停咗 炮火 。
有人 用 羅剎話 叫 ：拋低 刀槍 ，刀劍 ，除晒 全身 衣服 ！
圖爾布 青 好嬲 啊 佢 話 ：只係 拋低 武器 啫 ，唔 除 衣服 ！
清軍 裏 便 有人 叫話 ：拋低 火槍 、刀劍 ，全身 衣服 除 清光 ，可 囉嗦 ！出嚟 飲酒 。唔 除 衣服 嘅 ，死 蠻基 ！
圖爾布青話 ：唔除 衣服 啊 ！
呢句 說話 一 出口 ，清軍 大炮 又 轟過嚟 嘞 。
羅剎兵 之中 呢 有 啲 怕死 嘅 ，即刻 紛紛 拋低 刀槍 開始 除 衫 咯 噃 。
圖爾布 青 舉起 短槍 ，噉啊 射死咗 一名 正在 除 衫 嘅 士兵 ，喝 佢哋 話 ：除衣服 嘅 ，都 處 死刑 ！
但係 喺 清軍 猛烈 嘅 炮火 轟擊 之下 ，將軍 嘅 命令 亦 只有 唔理 喇 。
十幾 名 士兵 啊 全身 除到 赤條條 ，喺 左路 個 山石 上面 爬過去 。
兩邊 山上 清軍 就 拍手 大笑 ，大叫 話 ：快啲 除 衣服 ！
噉啊 除 衣服 逃生 嘅 士兵 越嚟越 多 。
圖爾布 青 開槍 又 打死咗 兩名 兵士 ，不過 點 都 阻止 唔住 咯 。
呢個 時候 清軍 大炮 暫時 停止 ，山頂 上面 有人 叫話 ：要命嘅 ，快啲 除光 衣服 過嚟 。
呢陣時 羅剎兵 將 啊 邊度 仲 有 鬥志 吖 ？十之八九 都 喺度 除 衣服 。
圖爾布 青 長歎 一 聲 ，舉起 短槍 ，對準 自己 嘅 暈精 正 話 想 自殺 。
佢 身邊 嘅 副官 一手 搶 佢 支槍 ，佢 話 ：將軍 ，唔好啊 ，老鷹 留翻 對翼 ，先至 可以 飛越 高山 啊 。
呢句 羅剎 成語 就係 中國話 裏 便 留得 青山 在 ，不怕 冇 柴燒 嘅 意思 。
正喺呢個時候 ，喺 清軍 裏 便 有人 用 羅剎話 叫話 ：
大家 將 圖爾布青 嘅 衣服 除 清光 佢 ，一齊 出嚟 ，否則 又 要 開炮 喇 。
呢句 羅剎話 講得 字正腔圓 ，係 投降咗 個 羅剎兵 ，被 脅迫 而 講嘅 。
圖爾布 青 啊 嬲 到 不得了 。
佢 見 幾 名 部屬 睩 大眼 睇住 自己 ，顯然 係 不懷好意 ，噉 啊 伸手 就 拔 腰間 嘅 佩刀 。
佢 嘅 手指 啱啱 掂到 刀柄 唧 ，後便 有 個 士兵 撲上嚟 攬實 佢 條 頸 。
噉啊 五六 名士兵 一齊 湧上去 將佢 撳咗 喺 地 ，七手八腳 ，當堂 將佢 全身 衣服 啊 剝到 一乾二淨 抬咗 出去 。
羅剎兵將 每 出 一個 ，就 有 兩名 清兵 上嚟 ，將 佢 兩手 反綁 嘅 背後 ，押住 行 咗 幾里 ，就嚟到 一 笪 空曠 嘅 平原 上 便 。
呢一役呀 ，二千幾名 羅剎 官兵 ，除咗 打死 同埋 重傷 嘅 六七百人 之外 ，其餘 一千八百幾名 都係 雙手 反綁 ，赤條條 噉 列成 隊伍 。
秋風 吹過嚟 呀 哎呀 不禁 滴滴 咁 震 啊 。
清兵 將 圖爾布 青 押 喺 羅剎 兵隊伍 前 便 企 響 處 。
羅剎兵將 本來 人人 垂頭喪氣 ，心驚膽戰 嘅 ，突然間 見到 呢位 平時 威嚴苛刻 嘅 將軍 ，變成 噉嘅 樣 ，都 覺得 好好笑 。
有 幾十人 見到 主將 剝光 豬 ， 打出 個 囉 柚 ， 嘿忍 唔 住 笑 出聲 。
越笑越 緊要 ， 冇 幾耐 ， 千 幾名 官兵 啊 齊聲 大笑 啊 。
圖爾布 青嬲 到 死死下 ，轉過身嚟 大聲 噉 喝 ：立正 ！笑咩嘢 你哋 ？
佢 身上 一絲不掛 ，仲 喺度 裝出 呢副 威嚴 嘅 神態 就 更加 滑稽 無比 嘞 。
眾官兵 平日 雖然 對佢 極之 畏懼 ，不過 而家 呢 ，又 點樣 忍得住 笑 呢 ？
喺 大笑聲 中 ，突然 大炮 轟轟轟 噉 響咗 八下 。
跟住 號鼓 齊奏 ，一隊 清兵 喺 山 後 行出嚟 ，打住 黃 旗 ，排列 喺 東便 。
跟住 又 有 三隊 清兵 ，分別 打住 紅 、白 、藍 三色 旗號 ，噉 就 排 喺 東 、南 、西 三面 ，將 羅剎 官兵 就 圍 喺 中間 。
羅剎 官兵 見到 清兵 啊 揸住 刀槍 ，有啲 係 彎弓搭箭 ，有啲 係 平端 火槍 ，盔甲 鮮明 兵器 犀利 。
而 自己 呢 ，身上 光 捋捋 ，就 更加 感到 敵軍 武器 嘅 威脅 。
人人 都 唔 敢 再 笑 嘞 ，個 心 都 好 慌 。
清軍 列 好 隊 之後 ，後山 大炮 開咗 三炮 ，奏起 音樂 ，噉 兩面 大旗 招展 而出 。
左面 大旗 上面 寫住 ：撫遠 大將軍 韋 ；右便 大旗 寫住 ：大清 鹿鼎公 韋 。
幾百名 斬刀手 擁住 一位 少年 將軍 騎馬 而出 。
呢位 將軍 頭戴 紅 頂子 ，身穿 黃 馬褂 ，眉開眼笑 鬼鬼馬馬 ；
左手啊輕搖羽扇 ，宛若 諸葛之亮 ；右手倒拖大刀 ，儼然 關雲之長 ，正乃 韋公小寶 是也 。
佢 縱 馬 出 隊 ： 哈哈 ， 哈哈 ， 哈哈哈 哈哈 ！ 仰天大笑 三聲 ， 就學 大戲 裏頭 曹操 噉 嘅 模樣 。
當其時 圖爾布 青 滿腔 憤怒 ，無可 發洩 ，早就 把心一橫 ，將 生死 置之 度外 嘞 ，佢 大聲 噉 鬧 ：
中國 小鬼 ，你 使 詭計 捉住 我 ，唔算 英雄 ！
要殺就殺 ，點解 噉樣 侮辱 我 啊 ？
韋小寶 笑住 話 ：吖 ，我 點樣 侮辱 你 唧 ？
我 ， 我 ， 我 噉 樣 ， 唔 通 ， 唔 通仲 唔 係 侮辱 ？
你 條 褲 係 邊個 除 㗎 ？
圖爾布 青 當堂 口啞 。
自己嘅 衣服 同埋 條 褲 都係 畀 部屬 夾硬 剝落嚟 嘅 ，噉 似乎 唔能夠 怪 呢個 小鬼 將軍 㗎 噃 。
佢 狂怒 之下 成塊面 唂到 通紅 ，飛步 衝上去 ，想 同 韋小寶 搏命 。
韋小寶 身邊 四名 親兵 行 前 幾步 ，挺起 長槍 ，擸擸 亮 嘅 槍尖 ，對準 咗 佢 。
噉 圖爾布青 啊 只有 停步 嘞 ，情不自禁 噉 雙手 擋住 自己 下體 。
雙方 官兵 睇見 噉嘅 樣 ，笑到 氣咳 啊 。
韋小寶 話 ：你 既然 投降 嘞 ，就 應該 歸順 大清 ，去 北京 向 中國 皇帝 叩頭 。
圖爾布青話 ：唔 投降 ，將 我 斬 成 肉醬 ，我亦 唔 投降 。
韋小寶 提高 把聲 ，問 眾 羅剎 官兵 話 ：你哋 投唔投降 啊 ？
眾官兵 都 耷低頭 唔出聲 。
韋小寶 指住 西便 嘅 白旗 話 ：投降 嘅 軍官 士兵 ，企 去 嗰 便 。
眾 官兵 唔 逳 。
有啲 官兵 嘅 心 呢 就 想 投降 啊 ，不過 見 冇 人 過去 ，就 唔 敢 去 先 嘞 。
韋小寶 話 ：好 ，你哋 邊個 都 唔 投降 吖 嘛 ？
廚子 出嚟 ！
喺 親兵 後便 ，有 十名 廚子 行 出嚟 。
個個 都係 上身 打赤肋 ，手 執 尖刀 鐵簽 ，上前 躬身 聽候 命令 。
韋小寶 對 圖爾布青 話 ：
你哋 羅剎國 有 一味菜 ，霞舒尼克 ，當年 ，我 喺 莫斯科 食過 ，味道 好唔錯 嘅 ，而家 我 又 想 食 喇 。
擰 轉頭 對 十名 廚子 話 ： 做霞 舒尼克 。
十名 廚子 應 佢 話 ：得令 ！
即刻 就 有 二十 名 士兵 ，推咗 十 個 大 鐵爐 出嚟 ，爐 裏頭 ，炭火 燒到 紅一紅 。
羅剎 嘅 官兵 啊 你 睇 我 我 睇 你 ， 唔 知 呢 個 中國 將軍 搞 咩 嘢 鬼 噃。
韋小寶 隻手 一揮 ，就 有 二十 名 親兵 行過去 拉咗 十 名 羅剎兵 過嚟 。
韋小寶 用 羅剎話 話 ：割佢哋 身上 嘅 肉 嚟 ，燒 霞舒尼克 。
霞舒尼克 呢 ，係 用 鐵籤 穿 成 牛肉條 ，用 火 嚟 燒烤 ，係 羅剎國 嘅 第一 名菜 。
十名 廚子 行到 十名 羅剎兵 前 便 ，將 手上 擸擸 亮 嘅 尖刀 高高 舉起 ，一落嚟 ，十名 羅剎兵 齊聲 慘叫 。
親兵 將 嗰 十名 羅剎兵 拉 到 山坡 後 便 ，嘩 地下 鮮血 淋漓 啊 。
十名 廚子 揸住 鐵尖 上 便 ，呢個 時候 已經 串咗 一條條 肉條 嘞 ，噉 攞到 炭爐 上面 燒烤 起嚟 。
羅剎 官兵 呀 驚到 不得了 。
喺 一片 靜寂 之中 ，只 聽見 炭火 必必卜卜 ，肉 上 嘅 脂油 滴入 火 裏 便 發出 滋滋聲 。
韋小寶 話 ：再 拉 十名 羅剎兵 過嚟 ，做 霞舒尼克 。
噉 二十 名 親兵 又 過去 拉 人 嘞 噃 。
被 拉 嗰 十名 羅剎 兵 當中 ， 有 四個 人 大叫 ： 投降 啊 ！ 投降 啊 ！
韋小寶 話 ：好 ，投降 嘅 拉 去 嗰 便 。
親兵 將 降兵 拉 到 白旗 下 便 ，有人 送上 酒肉 。
親兵 又 去 隊 裏 便 另外 拉 四名 。
嗰 四名 兵 ，眼見 投降 嘅 有 酒肉 享受 ，唔 投降 嘅 呢 ，身上 畀 人 割 啲 肉 落嚟 燒 成 霞舒尼克 ，哎呀 咪 喇 。
不由得 亦 大叫 ，投降 噉 。
先頭 倔強 不屈 嘅 六個 士兵 ，呢個 時候 都 驚晒 喇 ，都 叫 投降 嘞 。
噉 既然 有人 帶頭 投降 ，其他 嘅 兵 就 唔 敢 懶硬頸 喇 ，有啲 唔 等 親兵 嚟 拉 ，就 走 到 白旗 下 便 。
一陣間唧 ，一千八百幾 名 羅剎 官兵 都 投降 晒 嘞 。
只係 剩翻 圖爾布青 一個人 ，直篤篤噉 企 喺 原來 嘅 地方 。
韋小寶 話 ：你 投降 定 唔 投降 啊 ？
圖爾布青話 ：寧死不降 ！
韋小寶話 ：好 ，我 放 你 返去 雅克薩 。
吩咐 洪朝 率領 五百 士兵 ，護送 佢 返去 雅克薩城 。
圖爾布青 以為 自己 咁 硬頸 ，呢個 清軍 將軍 啊 必定 要 殺 自己 㗎 嘞 ，吖 而家 居然 釋放 自己 喎 ，大出意料之外 就 話 ：
你既然放我 ，還翻啲衣服畀我啦 。
韋小寶 笑住 話 ：衣服 係 唔能夠 還畀 你 嘅 。
又 吩咐 洪朝 話 ：你 將 佢 送 到 雅克薩 城 。
傳 我 將令 ，暫時 停止 攻城 ，牽住 呢個 打出 囉柚 嘅 羅剎 將軍 ，繞住 城牆 行 三個 圈 ，再 放 佢 入 城 。
洪朝 接咗 將令 ，喺 清軍 眾 兵將 呼喝 笑鬧 聲 中 ，帶兵 押住 全身 赤裸 嘅 圖爾布青 ，去 雅克薩城 嘞 。
洪朝 佢哋 走咗 之後 ，林興珠 問 韋小寶 話 ：
請問 大帥 ， 既然 捉 咗 呢 個 羅剎 將軍 ， 何以 又 放 咗 佢 走 呢 ？
其中 奧妙 ，請 大帥 開導 啊 。
韋小寶 笑住 話 ：今日 我哋 打咗 呢場 大勝仗 ，你 知唔知 用 嘅 係 咩嘢 計策 啊 ？
林興珠 話 ：呢啲 係 大帥 嘅 神機妙算 ，屬下 佩服 得 五體投地 啊 。
呢啲 唔係 我 嘅 神機妙算 ，係 皇上 安排 落 嘅 巧計 。
皇上 話 ：當年 諸葛亮 七擒 孟獲 ，計策 好好 ，吩咐 我 好好地 學下 。
你 有冇 睇過 七擒孟獲 呢齣戲 啊 ？就算 未 睇過 啊 ，總 聽 人 講過 古 㗎 。
諸葛亮啊叫魏延出戰 ，只准輸就唔准贏 ，連氣輸咗一十五陣 。
等 孟獲 奪咗 七座 營寨 ，引 佢 衝入 盤陀谷 ，然後 火燒 藤甲兵 。
我哋 今日 使嘅 ，就係 諸葛亮 嘅 計策 喇 。
噉 各 將領 人人 都 好 佩服 喇 。
嗱 各位 ，欲知 後事 如何 ，且 聽 下回 分解 。
