前文 再續 啊 書 接 上 一回 。
話 說 韋小寶 同 康熙 話 ， 可惜 羅剎 國太過 遠唧 ， 如果 唔 係 呀 ， 奴才 帶 一支 兵去 ， 將呢 個 女王 捉 翻 嚟 請 皇上 睇 下 噉 。
康熙話 ：羅剎國 太過 遠 ，呢幾個字 好 緊要 啊 ，只係 有 呢 五個字 ，我哋 呢一戰 實 贏 嘅 。
羅剎國 雖然 係 火器 犀利 ，騎兵 驍勇 ，但係 佢 遠 啊 ，我哋 係 近 。
佢哋 萬里迢迢 噉 嚟到 東便 ，兵員 、馬匹 、火器 、彈藥 、糧草 、被服 ，乜嘢 嘅 接濟 都 唔 容易 。
而家 ，我 已經 派咗 户部尚書 伊桑阿 ，去 寧古塔 ，起咗 璦琿 、呼瑪爾 兩座 城池 ，大量 積聚咗 糧草 彈藥 ；
又設置咗 十個 驛站 ，使到 軍需 糧餉 供應 暢順 ，源源不絕 。
日前 ，又 傳 旨 蒙古 ，唔准 佢哋 同 羅剎人 貿易 。
再派 黑龍江 將軍 薩布素 到處 派遣 騎兵 ，見到 羅剎人 嘅 糧草 車輛 就 放火 燒鬼佢 ，見到 羅剎 兵 嘅 馬匹 ，即刻 就 劏鬼咗佢 。
韋小寶 好 歡喜 啊 佢 話 ：皇上 噉樣 調派 啊 ，真係 乜乜乜乜 之中 ，乜乜 千里之外 ，呢 一戰 啊 已經 贏咗 七八成 喇 。
噉 亦 唔係 。
羅剎 係 大國 ，根據 南懷仁 講 ，幅員 呀 仲 大過 我哋 中國 ，決不可 輕敵 啊 。
我哋 如果 打咗 敗仗 ，遼東 一 失 ，國本 動搖 。
而佢哋 失敗咗 呢 ，卻係 無關 大局 ，只不過 係 向 西 退卻 而已 啫 。
因此 ，呢一 戰 ，許 勝 不 許 敗 。
你 如果 打敗咗 ，我 就 帶兵 出關 親征 。
第一件事 ，就係 斬 你 嘅 頭 。
康熙 講 呢句 説話 嘅 時候 啊 聲色俱厲 。
韋小寶 話 ：皇上 望 安 。
奴才嘅 人頭 如果 係 冇咗 咯 ，噉 係 畀 羅剎兵 斬落嚟 嘅 啫 ，絕對 唔 能夠 等 皇上 嚟 斬 。
康熙話 ：你 明白 呢一層 就 好嘞 ，兵兇戰危 ，邊個 都 難保 必勝 。
我 只係 要 你 萬萬 不可 輕忽 ，打仗 唔係 油腔滑調 嘅 事情 啊 。
係 。
如果 淨係 行軍 打仗 呢 ，本來 亦 唔使 你 去 嘅 。
不過 呢次 同 羅剎國 開仗 ，並唔係 想 消滅咗 佢 ，只係 要 佢 知難而退 ，唔敢 嚟 侵犯 我國 疆土 就係 喇 。
因此 需要 恩威並濟 ，要 佢哋 感恩戴德 ，兩國 永遠 和好 。
如果 一味 殺戮 ，羅剎 國君主 老羞成怒 ，全國 嚟 同 我哋 打 ，我哋 就算 得勝 ，噉 亦係 兵連禍結 得 不償失 嘅 。
能和則和 ，不戰而屈人之兵 ，噉 先至 係 算上上大吉 。
你 如果 能夠 説服 羅剎國 攝政 女王 下令 退兵 ，兩國 講和 ，噉 先 係 你 大大 嘅 功勞 啊 。
奴才 見到 羅剎 兵 嘅 將軍 之後 ，將 皇上 嘅 聖諭 向 佢哋 開導 ，再 要 佢哋 將 話 ，傳畀 羅剎 國 攝政 女王 。
我 曾經 傳過 好幾 名 西洋 傳教士 嚟 ，詳細 詢問 羅剎國 嘅 歷朝史實 、風土 地理 、軍政 人事 㗎 喇 。
冇錯冇錯 ，皇上 呢啲 係 知 佢哋 又 知 自己 ，百戰百勝 啊 。
嗰啲 傳教士 都 話 ，羅剎人 欺善怕惡 。
如果 一味 同 佢哋 講 好話 ，佢哋 就 會 得寸進尺 ，越嚟越 惡 ，需要 畀 啲 顏色 佢哋 睇下 ，等 佢哋 知道 我哋 唔係 好 蝦嘅 。
因此 我哋 一面 出動 大軍 ，諸事 齊備 ，要 打 就 打 ；
另一面 呢 ，卻係 顯得 我哋 係 禮義之邦 ，中華 上國 ，並唔係 隨便 逞強 蝦人 嘅 。
奴才 知道 喇 。
我哋 有時 呢 ，扮 紅臉 做 惡人 ，掹刀 殺 鬼佢哋 ，有時 呢 又 扮 白臉 做好人 ，笑 騎騎噉 摸 佢 幾下 。
就好比 諸葛亮 七擒 孟獲 ，要 佢哋 輸得 服服帖帖 ，從此 唔敢 造反 。
嘿嘿嘿嘿嘿 ，係噉喇 。
韋小寶 見 康熙 笑容 古怪 ，一諗 ，明白 喇 ，就 笑住 話 ：
誒 就 好比 萬歲爺 ，七擒 小桂子 ，使到 奴才 又 感激 又 害怕 ，從此 呢 再 唔 敢 玩 咩 花樣 嘞 。
小桂子 啊 好比 孫悟空 ， 總之 係 跳 唔 出 萬歲 爺呢 個 如來佛 嘅 手掌心 啦 。
康熙 笑住 話 ：你 大咗 幾歲 ，真係 越嚟越 謙虛 噃 。
你 如果 要 跳出 我 嘅 手板心 呀 ，我 真係 捉 你 唔住 添 噃 。
奴才 喺 皇上 嘅 手板心 裏 便 好 舒服 啊 又 何必 跳出嚟 唧 ？
平吳三桂嘅事 ，講起嚟 你嘅功勞 亦係唔細 ，嗰一趟 呢 ，你啊 趕唔切 參加 。
而家 ，我 派 你 統帶 水陸 三軍 ，出征 羅剎 。
雅克薩城 喺 鹿頂山 嚟 ，我 封 你 為 三等 鹿鼎公 、撫遠 大將軍 。
武便嘅 ，由 都統 朋春 、黑龍江 將軍 薩布素 、寧古塔 將軍 巴海 幫 你 ；
文便嘅 ，由 索額圖 幫 你 。
我哋 先 出 馬步 四萬 ，水師 五千 ，如果 唔夠 ，要 幾多 有 幾多 。
一切 馬匹 軍需 ，都 已經 齊備 喇 。
璦琿 、寧古塔 所存 嘅 軍糧 ，可以 夠 大軍 用 三年 。
野戰炮 有 三百五十 門 ， 攻城炮 五 十門 ， 夠未 吖 ？
康熙 講 一句 ，韋小寶 謝 一句 恩 ，等 佢 講完 喇 ，連忙 跪低 一味 叩頭 。
康熙話 ：羅剎國 喺 雅布薩 同 尼布楚 嘅 騎兵 步兵 ，不過 係 六千 人 唧 。
我哋 以 七八倍 兵力 去 對付 佢哋 ，噉 就係 雷霆萬鈞 之勢 嘞 ，希望 你 唔好 失 咗 我 堂堂 中華 嘅 國威 先至 好 。
韋小寶 話 ：呢一仗 呀 ，係 奴才 代表 皇上 去 打 嘅 。
我哋 只要 有 一點 小小 嘅 挫折 ，都 會 畀 羅剎人 睇小 啦 。
皇上 即管 放心 啦 。
好極喇 ，你 仲有 咩 要 用吖 ？
奴才 喺 台灣 帶咗 五百 名 藤牌兵 嚟 北京 ，佢哋 曾經 同 紅毛兵 打過 仗 ，善於 抵禦 火器 嘅 。
奴才 想 一齊 帶去 盡剿 羅剎 啊 。
噉好到極啦 。
鄭成功 嘅 舊部 打敗 過 荷蘭 紅毛兵 ，你 帶埋 佢哋 去 打 羅剎兵 ，我哋 又 多咗 三分 把握 喇 。
我 本來 擔心 羅剎兵 火器 厲害 ，怕 我軍 將士 傷亡 太多 啊 。
藤牌 能夠 擋住 鳥槍子彈 ，呢啲 藤牌兵 呀 ，貼地 轆過去 ，用 大刀 斬 鬼子兵 嘅 鬼腳 啊 。
哈哈哈哈哈哈哈 ，妙極 ，妙極喇 ！
奴才 有 個 小妾 ，當年 跟埋 我 去過 莫斯科 嘅 ，精通 羅剎鬼話 。
想請 皇上 恩准 ，畀 佢 隨軍 辦事 啊 。
清朝 規矩 出師 嘅 時候 ，喺 軍隊 裏 便 攜帶 家眷 乃係 大罪 嚟 ，因此 要 先行 請求 嘅 。
康熙 岌一岌頭 話 ：知道 喇 。你好好 去 立功 啦 。
韋小寶 叩頭 辭別 ，當 佢 退 到 門口 嘅 時候 ，康熙 問 佢 話 ：
聽講 你 嘅 師父 陳永華 係 畀 鄭克塽 殺 嘅 係唔係 啊 ？
韋小寶 打個 特 ，就 話 ：係 。
鄭克塽 已經 歸降 朝廷 。
我 應承過 佢 ，鄭氏 子孫 一體 保全 。
你 就 唔好 去 為難 佢 喇 。
皇帝 吩咐 ， 韋小寶 只有 應承 啦 。
佢 呢次 返嚟 北京 ，早就 諗定 去 搵 鄭克塽 嘅 晦氣 㗎 嘞 ，誰知 康熙 估到 先 ，就 吩咐 佢 唔准 去 為難 鄭克塽 。
噉 如果 再 逳 佢 呢 ，就 違旨 㗎 嘞 。
韋小寶 諗 ：呢個 衰仔 害死 我 師父 ，唔通 就噉 就算數 ？
耷低 個 頭 慢慢 行 出去 ，忽然 聽見 有人 話 ：韋兄弟 ，恭喜 你 啊 。
韋小寶 聽見 把 聲 好 熟 ，一擔 高頭 ，只見 眼前 有 一個 人 身高 膀闊 ，笑吟吟 噉 望住 自己 ，乃係 御前 侍衞 總管 多隆 啊 。
嘩 嚇到 韋小寶 啊 靈魂 出竅 。
嗰日 ，佢 逃出 皇宮 ，明明 喺 自己 間 屋 ，已經 將 多隆 一 劍 刺死 㗎 啦 ，而家 實 係 佢 隻 鬼魂 嚟 索命 定 喇 。
霎時之間 ，嚇到 佢 全身 滴滴震 ，又 想 轉身 逃跑 ，又 想 跪低 哀求 饒命 。
但 係 兩隻 腳 就 好似 釘 喺 地下 一樣 ， 移動 半步 都 唔 得 啊 。
下身 前後 都 急 噃， 就爭 一 啲 啲 唧 ， 就要 屎尿 齊流 嘞 。
多隆 行 上 幾 步 拉住 佢 隻 手 ，笑住 話 ：
好兄弟 ，多年冇見 ，阿哥 好想念你啊 ，你 一定 係 諸事如意 喇 。
聽講 ， 你 喺 通 食 島上 便 為 皇上 釣魚 ， 皇上 啊 時時 升 你 嘅 官爵 ， 我 聽 咗 啊 好 歡喜 啊 。
韋小寶 覺得 佢 隻手掌 極之 温暖 ，日光 照入嚟 走廊 佢 身邊 呢 亦 係 有 個影 嘅 ，似乎 唔係 鬼魂 啦 ，噉 就 冇 咁 驚嘞 。
一便 係啊係啊噉 應住 佢 ，一便又 怕 佢 記住 以前 嘅 仇恨 ，要 算 嗰筆 舊 賬 。
不過 把 匕首 明明 係 對準 佢 嘅 心臟 ，㓤 入 佢 後心 ，點解 會 唔 死 呢 ？
一時之間 ，點 都 想 佢 唔明 。
多隆 又 話 ： 嗰 日 ， 喺 你 間 屋 處 阿哥 中 咗 暗算 ， 好彩 你 趕走 咗 刺客 ， 我 呢 條命 呀 先至 保得住 咋 。
呢件事 一直 冇 機會 親口 向 你 多謝 ，不過 個心 呢 就 時時 記住 嘅 。
你 又 託 施 瑯 喺 台 灣 帶 禮物 嚟 畀 我 ， 真 係 唔 敢當 啊 。
韋小寶 見 佢 神情 誠摯 ，決 唔係 喺 處 講 反話 ，個心 諗 ：
佢 係 御前侍衞總管 ，皇帝 身邊 嘅 近臣 ，施瑯 呢次 嚟 送禮 ，梗係 有 佢 個 份 啦 。
睇嚟 ，佢 向 施瑯 問起 我 ，施瑯 就 賣 個 順水人情 ，話 禮物 之中 呢 有 一 部分 係 我 送 嘅 ，顯得 佢 同 我 嘅 交情 好好 ，人哋 畀 面 我 就 唔會 為難 佢 喇 。
不過 點解 話 我 趕走 咗 刺客 呢 ？ 哈 ， 呢 件 事 就 我 就 搞 唔 清 喇 。
多隆 見 佢 面色 青青白白 ，一副 神不守舍 嘅 樣 ，以為 佢 畀 康熙 斥責 咗 一輪 ，就 安慰 佢 話 ：
皇上 近來 個 脾氣 啊 有時 唔係 點 好 ，多數 因為 羅剎國 欺人 太甚 啫 ，兄弟 不必 擔心 嘅 。
等陣 落咗 班 ，我哋 好好地 食佢 一餐 ，敘 一敘 。
韋小寶 話 ：皇上 恩德 天高地厚 ，先頭 呀 又 升咗 我 個 官 喇 。
兄弟 嘅 心 非常 感激 ，真係 唔知 點樣 先至 報答 得到 皇上 嘅 恩德 嘞 。
多隆 笑住 話 ：哎呀 恭喜恭喜 。
兄弟 辦事 能幹 ，能夠 同 皇上 分憂 ，加官進爵 ，噉 係 理所當然 嘅 。
韋小寶 見 佢 語氣 同埋 神情 對 自己 又 係 親熱 又 係 羨慕 。
因為 一向 知道 佢 為人 直爽 ，唔會 作偽 ，就 完全 唔驚嘞 。
佢 笑住 話 ：多 大哥 ，唔該 你 等等 ，啊 ，兄弟 好 尿急 啊 ，皇上 傳見 ，吩咐 叮囑 嘅 説話 好多 ，兄弟 忍尿 忍到 而家 ，實在 忍唔住 喇 。
多隆哈哈大笑啊 ，知道 皇帝 召見 臣子 ，如果 唔 示意 召見完畢 ，臣子 係 決唔敢 告退 嘅 。
做臣子嘅 真係 尿急起嚟 呀 ，確係 一件 認真 為難 嘅 事 。
只不過 亦 只有 好似 韋小寶 呢啲 寵臣 ，皇帝 先至 會 同佢 講 咁耐 嘅 説話 嘅啫 。
第啲 大臣 呀 三言兩語 就 叫 佢哋 走 喇 ，亦 輪唔到 佢 尿急 屎急 。
多隆 同 韋小寶 向來 親厚 ，今日 久別重逢 個 心 實在 高興 ，就 拉住 佢 手 ，送 佢 去到 廁所 門口 ，企 喺 門口 等 佢 屙 完 尿 出嚟 。
嗰日 ，韋小寶 為咗 要 救 師父 同 天地會 眾 兄弟 性命 ，無可奈何 就 用 劍 刺 多隆 。
噉 想起 平日 佢 對 自己 好 唔錯 嘅 ，內心 呢 ，亦 實在 過意唔去 。
想 唔 到 居然 冇 死 ， 對 自己 呢 ， 又 一 啲 都 冇 見怪 ， 呢 一 㞘 尿 呀 ， 屙 得 特別 痛快 啊 。
出咗廁所 ，就 用 説話套 問 當日 嘅 情景 嘞 。
多隆 話 ： 嗰 日 我 醒 翻 嘅 時候 ， 已經 喺 床上 呀 瞓 咗 三日 四夜 嘞 。
關太醫 話 ：好彩 我 個 心 啊 ，生得 偏咗 ，刺客 呢 一刀 呢 只係 刺傷 我 個 肺 ，冇 刺到 個 心 。
佢 話 ：好似 我 呢種 個 心生 偏咗 嘅 人 ，十萬 嘅 人 當中 亦 冇 一 個 嘅 噉 話 。
韋小寶 諗 ：哎呀 原來 係 噉嘅 。就 笑住 話 ：
我 一向 以為 大哥 係 個 直 心腸 嘅 好漢 ， 誰知 大哥 係 個 偏心 人 。
大哥 偏心 ， 係 特別 寵愛 邊個 妾 侍 呢 ， 定 係 對 細仔 偏心 啲 啊 ？
多隆 打 個 特 ，跟住 笑住 話 ：
兄弟 你 唔 提 我 都 冇 諗過 啊 。
我 對 第八房 小妾 啊 特別 寵愛 啲 嘅 ，睇嚟 ，就係 偏心 之 故 喇 ，哈哈哈哈哈哈哈哈 。
兩個人 笑咗 一陣 ，韋小寶 話 ：
呢個 刺客 武功 好 高 ，佢 嚟 暗算 大哥 ，兄弟 事前 啊 竟然 都 冇 察覺 。
多隆話 ：噉唔係 ，啱啱 嗰個 時候 ，建寧公主 就 嚟 探 你 噃 。
呢種 事情 ，我哋 做 奴才 嘅 係 唔敢 問 多 一句 㗎嘛 。
我 養咗 三個月 傷 ，噉 先至 好翻晒 。
皇上 諭示 ，係 韋 兄弟 奮勇 救咗 我 條命 ，親手 殺死 刺客 嘅 。
其中嘅 詳細 經過 ，你 亦 不必 提喇 ，總而言之 ，阿哥 非常之 多謝 你 就係 喇 。
韋小寶 噉 先至 知道 係 皇帝 幫 自己 隱瞞 咗 。
一來 係 皇帝 親口 講 嘅 ，多隆 自然 係 信到 十足 啦 。
二來 ，其中 涉及 公主 嘅 隱私 ，宮中 啊 人人 明白 ，呢種 事 啊 越 少 過問 就 越 好 。
就算 有天 大嘅 疑團 啊 ，亦 只有 深深噉 收埋 喺 心底 。
如果 唔係 噉 啊 ，要 車 大炮 嚟 掩飾 ，確係 幾 艱難 㗎 。
韋小寶 內心 有愧 ，覺得 對 呢個 忠厚老實 嘅 人 ，需要 好好 補償 一番 ，就 話 ：
兄弟 喺 台灣 ，帶咗 啲 土產 ，等陣 派 人 送到 大哥 府上 。
多隆 一味 咁 耍 手 佢 話 ： 唔 使 喇 唔 使 喇 ， 我 哋 自己 人 ， 何必 搞 咁 多 嘢 唧 ？
上次 施瑯 帶咗 你嘅 禮物 嚟 ，噉啊 已經 太多 啦嘛 。
韋小寶 突然間 諗起 一件事 ：呢件事 做咗 又 唔 使 本 嘅 ，皇上 就算 知道咗 ，亦 唔 能夠 怪 我 違旨 㗎 。
就問 ：多大哥 ，鄭克塽 呢個 嘢 歸降 之後 ，喺 北京 點 啊佢 ？
多隆話 ：皇上 待 佢 好唔錯 ，封咗 佢 一個 一等 公 。
呢個嘢呀乜嘢都唔得嘅 ，託咗祖宗個福 ，居然 爵位 就 比 你 仲 高 。
嘿 ，唔 講 呢啲 嘞 。
嗰日 我哋 喺度 玩 ，誣賴 佢 欠 咗 班 侍衛 一萬 兩 銀 ，由 兄弟 攞 出嚟 歸還 ，呢件事 大哥 仲 記唔記得 啊 ？
多隆哈哈大笑話 ：記得記得 ！
你 嗰個 相好 個 姑娘 收尾 點 啊 ？如果 仲 係 跟住 嗰個 鄭克塽 ，我哋 而家 又 去 搶 佢 翻嚟 。
呢個 姑娘 啊 早就 做咗 我 老婆 喇 ，仔 都 生咗 喇 。
係呀 ？哎 恭喜 ，恭喜晒 ！
其實呀 ，鄭克塽 嗰個 嘢 喺 京師 裏 便 ，理 佢 係 一等公 二等公 吖 ，終歸 係 個 無權無勢 嘅 空頭 爵爺 。
我 哋 就算 蝦 到 上門 啊 ， 諒 佢 連屁 都 唔 敢 放多 一個 啊 。
呢種 投降 歸順 嘅 藩王 ，成日 都 慌失失 ，怕 皇上 疑心 佢 個 心服氣 ，又 要 造反 。
我哋 亦 唔使 蝦佢 ，不過 殺人 填命 欠債 還錢 ，係 天公地道 嘅 事 吖 。
咪話佢 不過 係 個 一等 公 啊 ，就算 係 親王 貝勒 ，亦 唔能夠 欠 人 嘅 債 賴 數 唔 還 㗎 。
冇錯冇錯 ，嗰日 佢 欠咗 你 一萬 兩 銀 ，我哋 御前 侍衞 唔 少 人 都 係 見證 ，我哋 而家 就 去 追債 咯 。
呢個嘢啊 ，真係 唔長進 ，噉 淨係 一萬兩銀 呢 ，就 小意思 啦 。
佢 收尾 陸陸續續 ，又 問 我 借咗 唔少 債 ，有 親筆 借據 畀 我 揸住 。
佢 鄭家 三代 喺 台灣 做 王爺 ，搵埋搵埋 嗰啲 金銀財寶 仲 會 少 咩 ？一定 係 帶晒嚟 北京 。
鄭成功 同埋 鄭經 呢 係 好人 ，估計 都 唔會 搜刮 百姓 嘅 。
不過 鄭克塽 呢個 嘢 又 唔同 咯 ，唔通 佢 仲 會 客氣 啊 ？
佢 做 一日 王爺 ，至少 呢 ，亦 刮咗 一百萬 ，兩日 就 二百萬 ，三日 就 三百萬 。
佢 總共 做咗 幾日 王爺 吖 ？你 同 我 算 一筆 賬 。
多隆 張口結舌 佢 話 ：嘩 ，乜 咁 厲害 㗎 ？
韋小寶 話 ：兄弟 等陣 將 借據 送嚟 畀 大哥 ，呢 一筆 錢 呢 ，兄弟 自己 係 唔要 嘅 。
唔得 ，唔得 ，阿哥 幫 你 去 追債 ，擔保 啊 一 錢銀 都 唔會 少 。
我 帶 埋 手下 嘅 侍 衞 登門 追債 ， 就算 有 天大 嘅 膽 啊 亦 唔 敢 唔 還 嘅 。
呢筆債呢 ，大啊大咗啲 ，呢個嘢 當年 花天酒地 ，使 錢 呢 就 好似 流水 一樣 。
噉一下 要 還清 確實 係 唔 容易 嘅 。
噉樣啦 ，大哥 ，你 帶人 去攞 ，如果 係 十日八日 還唔出 呢 ，就 叫佢 化整為零 ，分別 寫 借據 ，債主 呢 ，都 寫 成 啲 侍衛 兄弟 嘅 名 。
每張 借據 一千 兩 一張 又 好 ，二千 兩 一張 又 好 。
邊個 侍衛 攞到 手 喇 就係 佢 嘅 。
噉點得啊 ？班侍衛 個個 都係 你 老部下 ，同 老上司 辦 一啲 追債 嘅 小事 ，仲要 賞 錢 咩 ？成咩樣 吖 ？
佢哋 都 係 我 老 部下 ，係 好 兄弟 好 朋友 。
呢幾年嚟 ，兄弟 快馬加鞭 噉 加官進爵 ，不過 呢 ，就 一直 都 冇乜 好處 畀 大家 ，想 落 啊 真係 唔好意思 。
呢幾百萬兩銀 ，各位 侍衞 兄弟 分咗 佢 算喇 。
多隆 大吃一驚 佢 話 ： 咩 ， 咩 ， 咩 有 成 ， 成 ， 幾百萬兩 銀 啊 ？
韋小寶 微笑 話 ：本錢 呢 ，亦 冇 咁多 嘅 ，總之 係 利 上 加 利 噉 滾 上去 ，數目 就 唔少 嘞 。
呢筆錢 ，大哥 你 自己 分 多 幾成 啦 。
多隆 仲 係 唔 信噃 ：幾百萬 兩 ，乜 ，乜 ，乜 真係 咁多 㗎 ？
韋小寶 話 ：所以 呢 ，要 分開 嚟 寫 借據 ，追起 上嚟 就 方便 啲 。
呢件事 ，唔好 拉埋 我 落去 。
如果 畀 啲 御史 知道咗 ，奏 我 一本 ，話 兄弟 交結 外藩 放債 圖利 ，唔 大 唔 細 亦係 個 罪名 吖 。
但係 如果 御前侍衞 問 佢 追 賭債 ，每 人 一千 二千 銀 嘅 事 ，就 完全 唔 緊要 嘞 。
大哥 如果 怕 御前侍衛 獨食 唔係 點好 ，不妨 約 啲 驍騎營 嘅 軍官 一齊 去 吖 。
佢 哋 亦 都 係 我 嘅 老 部下 ， 分 啲 好處 畀 佢 哋 亦 應該 嘅 。
多隆猛 話 係 係 係 噉 。
佢 打定 主意 喇 ，呢筆 債 追 咗 翻嚟 呢 ，至少 有 一 大半 要 還畀 韋小寶 。
佢 雖然 慷慨大方 啊 ，不過 唔能夠 由得 佢 血本無歸 嘅 。
韋小寶 啊 十分 得意 嘞 ，諗住 多隆 帶埋 呢班 如狼似虎 嘅 御前 侍衞 ，同 驍騎營 軍官 去 追債 ，鄭克塽 呢下 呢 就 有得 頭 赤 喇 。
雖然 有 皇上 吩咐 在先 ，唔能夠 親自 去 同 鄭克塽 為難 ，報 殺師 嘅 大 仇 啊 ，但係 噉樣 一搞 ，至少 都 會 散 咗 佢 成 半家產 。
呢件事 ，鄭克塽 多數 係 啞仔 食 黃蓮 唔敢 出聲 嘅 。
就算 畀人 知道咗咯 ，不過 係 御前侍衞 同 驍騎營 軍官 去 追 賭債 嘅 私事 啫 。
人哋 只會 話 鄭克塽 係 個 紈绔子弟 ，嚟到 京師 仍然 賭錢 胡鬧 ，邊個 都 唔會 怪到 佢 韋小寶 頭上 嘅 。
嗱 各位 ，欲知 後事 如何 ，且 聽 下回 分解 。
