前文 再續 啊 書 接 上 一回 。
話 說 韋小寶 話 施瑯 想學 伍子胥 ， 嚇到 施瑯 啊 冷汗 掂流 ， 成個 都 傻 晒 啊 。
韋小寶 話 ：施將軍 ，皇上 親政 之後 ，所做 個 第一件 大事 係 咩嘢 啊 ？
施瑯 話 ：係 誅殺 奸臣 鰲拜 啊 。
冇錯喇 ，鰲拜 固然 係 奸臣 ，不過 佢 係 顧命大臣 噃 ，當年 攻城破敵 ，對於 大清 大大 有功 。
皇上 曾經 講過 話 ，我 殺咗 鰲拜 ，至 怕 有人 話 我 唔 體恤 功臣 ，又 話 咩 鳥 咩 弓 啊噉 。
嗰句 係 咩嘢 我 就 唔識 講 喇 。
係 鳥 盡 弓 藏 。
係喇 ，連 你 都 係 噉 講 。
誒唔係啊唔係啊 ，我唔係話皇上啊 ，我係講一句成語啫嘛 。
你 係 講 一句 成語 ，嚟 形容 皇上 殺 鰲拜 吖 嘛 。
大人 問我 係 一句 咩 嘢 成語 ， 卑職 不過 回答 大人 嘅 問話 ， 萬萬 唔 敢 ， 誒 唔 ， 唔 敢 誹謗 皇上 。
韋小寶 睩 大 雙眼 望 實 佢 ，睇到 施瑯 心慌意亂 。
自古以來啊 ，做臣子嘅 如果 自以為 功大賞薄 ，皇帝 必定 極之 痛恨 嘅 。
臣子 都 不必 口出 怨言 啊 ，只要 心存 怨望 四個字 ，就係 殺頭 嘅 罪名 嘞 。
當 施瑯 心意 彷徨 嘅 時候 ，畀 韋小寶 氹 佢 講出 鳥盡 弓藏 四個 字 ，説話 一 出口 ，即時 知道 不妙 嘞 ，不過 已經 收唔翻嚟 喇 。
何況 除咗 韋小寶 之外 ，仲有 林興珠 、洪朝 兩個人 在場 ，想要 抵賴 呀 ，亦 無從 賴起 嘞 。
韋小寶 話 ：施將軍 話 鳥盡 弓藏 ，呢句 説話 係唔係 誹謗 皇上 我 係 唔懂 嘅 。
朝廷上 有 學問 嘅 大學士 啊 、尚書 啊 、翰林 啊 好多 ，我哋 不妨 請 佢哋 嚟 講下 吖 。
不過 我 跟 皇上 日子 唔 少 ，好似 皇上 唔 鐘意 聽 人 話 咩 鳥盡 弓 藏 嘅 。
施瑯 又 驚 又 嬲 ，佢 諗 ：
一不做二不休 ，你噉樣 誣陷 我 ，索性 將 你 三個人 冚𠾴 唥 殺晒 ，以免 留下 禍根 。
佢 諗到 殺人 ，不由得 雙眼 露出 兇光 。
韋小寶 見 佢 突然間 面目猙獰 ，個心 都 不禁 一寒喇 ，佢 話 ：
施將軍 一言既出 ，死馬 難追 。
你 目前 有 兩條 路 行 。
第一條 ，立即 將 我 同 林洪 兩個人 殺咗 ，再 將 我 班 夫人 同 仔女 都 殺埋 ，然後 發兵 台灣 自立 為 王 。
不過 你 率領 嘅 都係 大清 官兵 ，唔見得 肯 跟埋 你 一齊 造反 ，台灣 嘅 軍民 ，亦 未必 服 你 噃 。
施瑯 喺 個 心處 正在 諗緊 呢件事 ，聽 佢 督 穿 咗 ，即刻 縮沙 ，佢 話 ：
卑職 絕無 此意 ，大人 唔好 多疑 ，加重 卑職 嘅 罪名 喇 。
誒唔知 大人 所講 嘅 第二條路 係 咩嘢 呢 ，請 大人 開恩 指點 。
韋小寶 聽 佢 口氣 軟 嘞 ，當堂 個 心 寬翻 ，晾起 隻 腳 搖 幾 搖佢 話 ：
第二條路 呢 ，噉 就 要 兄弟 同 林洪 兩位 幫 個 忙 至得嘞 。
先頭 施將軍 講到 皇上 嘅 時候 ，恭誦 皇上 恩德 如 山 ，好到 極 啦 。
兄弟 日後 見到 皇上 ， 一定 話 施將軍 忠字 當頭 ， 念念不忘 皇恩浩蕩 。
喺 閒談 嘅 時候 ，時時 都 話 伍子胥 呀 ，忘恩負義 。
吳王 發兵 幫 佢 報咗 殺父 大仇 ，噉 以後 派 佢 無論 做 乜嘢 ，佢 都 應該 昧水衷腸 ，乜 都 去 至 係 㗎嘛 ，哈 點 能夠 可以 口出 怨言 ，心懷 不滿 㗎 噉 。
當年 施將軍 如果 做咗 伍子胥 呀 ，不但 保得 吳王 江山 萬萬年 喇 ，噉 莫講話 西施 能夠 保得住 啦 ，連 東施 、南施 、北施 、中施 ，都 冚𠾴唥 搶晒 嚟 獻畀 吳王 啊 。
伍子胥 呢 ，念念不忘 嘅 只係 自己 ，施將軍 念念不忘 嘅 呢 ，卻係 大清 聖明 天子 。
好心 有 好報 ，皇上 論功行賞 ，施將軍 當然 亦 係 公侯萬代 喇 。
呢一番説話 ，施瑯 聽到 心花怒放 啊 ，急忙 深深 作個揖 ，佢 話 ：
如果 大人 喺 皇上 面前 噉樣 美言 ，卑職 永遠 唔敢 忘記 大人 嘅 恩德 。
韋小寶 起身 還禮 佢 微微 笑話 ：
講呢説話又唔使錢嘅 ，如果 我 心情好 ，當然 會 奏知 皇上 嘅 。
施瑯 諗 ：如果 唔 畀 你 去 台灣 行 一 趟 ，你 個 衰仔 嘅 心情 啊 點 會 好 㗎 ？
佢 坐翻 喺 處 話 ：台灣 啱啱 收翻 ，人心 未 定 。
卑職 想 奏明 皇上 ，派 一位 位 尊望重 嘅 大員 前去 宣示 聖上 嘅 德音 ，安撫 百姓 。
呢一位 大員 ，當然 以 韋大人 最為 適宜 咯 。
卑職 立即 上表 ，奏請 皇上 降旨 ，委派 大人 前去 台灣 宣撫 啊 。
韋小寶 擰擰頭 話 ：你 上表 去 北京 ，仲要 等 皇上 聖旨 落嚟 ，噉樣 一來一去 ，幾個月 就 過咗 去咯 。
至怕 傳入 皇上 耳仔 嘅 閒言閒語 ，冇 一千句 都有 八百句 咯 。
最好呢施將軍 立即 請 一位 皇上 親信 嘅 大員 ，一齊 去 台灣 徹查 先至 能夠 證明 你 絕無 喺 台灣 自立為王 嘅 用心 。
外便啲 傳説 話 你 連 名號 都 定咗 嘞噃 叫做 咩嘢 ，叫做 咩嘢 大明 台灣 靖海王 ，係咪 呢 ？
施瑯 聽到 大明 台灣 靖海王 七個字 ，不由得 嚇咗一跳 ，佢 諗 ：
你 喺 荒島 上 便 ，邊處 聽得到 咩 流言 吖 ，都係 你 生安白 造出嚟 嘅 啫 。
但 呢啲 嘢 一 傳到 北京 ，朝廷 實係 寧可信其有 ，不 可信其無 嘅 ，自己 噉 就 死 無 葬身之地 喇 。
就連忙話 ：呢啲 係 謠言 ，大人 千祈 唔好 信喇 。
韋小寶話 ：係 ，我 同 你 相識 咁耐 ，自然 係 唔信 啦 。
不過 施將軍 平定 台灣 ，殺 嘅 人 咁多 ，冤家 一定 結落 唔少 㗎 喇 。
你 嘅 仇人 要 中傷 你 ， 我 睇 亦 係 防不勝防 難以 辯白 嘅 。
開講有話 ：朝裏 無人 莫 做官 。
唔知 朝廷 上 有 邊位 大官 ，係 肯 拼 咗 身家 性命 全力 嚟 維持 施將軍 嘅 呢 ？
施瑯 個 心 更加 打 個 特嘞 ，自己 喺 朝廷 上 便 ，並 冇 有力 嘅 人 撐腰 。
否則 當年 亦 唔會 喺 北京 投閒置散 ，到處 鑽營 而 冇 門路 可 走 。
真正 能夠 為 自己 講得話 嘅 ，亦 只有 眼前 呢位 韋大人 。
於是 咬一咬牙 ，佢 話 ：大人 指點 ，卑職 感激不盡 。
既然 時勢 緊迫 ，卑職 斗膽 請 大人 聽日 啟程 ，前赴 台灣 查明 真相 。
韋小寶 歡喜 到 乜嘢 噉 ，諗住 係 你 嚟 求 我 喇 呢趟 ，不妨 刁難 下 佢 。
噉佢就話 ：以 我哋 兩個 嘅 交情 ，為咗 替 施將軍 辯冤 ，辛苦 一趟 亦 冇乜嘢 。
就係 我 喺 島 上 住咗 咁 耐 咯 ，再 出海 至 怕 會 暈船 噃 。
同時 我 個 妻子 兒女 ，日日 都 喺 身邊 嚟 ，亦 唔 捨得 同 佢哋 分開 吖 。
施瑯 喺 個 肚處 鬧 佢 話 ：你 都 唔知 出過 幾多 次 海 嘞 ，從來 都 冇 見 你 暈鬼 過 船 嘅 。
但係 佢 就 賠笑話 ：
大人 嘅 各位 夫人 、公子 同 小姐 ，自不然 陪同 一齊 去 啦 。
卑職 揀 隻 最大 嘅 海船 請 大人 坐 ，呢一排 海上 並 無 風浪 ，大人 大 可以 放心 。
韋小寶 皺住 眼眉 話 ：噉 既然 係 噉 講 ，兄弟 亦 只有 勉為其難 ，為 施 將軍 行 一 趟 喇 。
施瑯 啊 猛 咁 多謝 佢 啦 。
第日 ，韋小寶 帶埋 七位 夫人 ，兩個 仔 ，虎頭 、銅錘 ，一個 女 ，雙雙 ，噉啊 上咗 施瑯 嘅 旗艦 。
彭參將 想 話 阻攔 佢 ，施瑯 即時 下令 ，將 佢 綁 喺 一樖 大樹 上 便 。
噉 所有 啲 船 呢 ，就 起錨 啟程 喇 。
韋小寶 望住 居住咗 幾年 嘅 通食島 ，笑住 話 ：
莊家 已經 離開咗 島 嘞 ，呢處 唔 能夠 再 叫做 通食島 嘞 喎 ，我哋 要 同 個 島 改過 個 名 至 得 。
施瑯 話 ：係 ，大人 睇下 改 個 咩 嘢 名 最好 呢 ？
嗯 ，皇上 啊 曾經 派人 嚟 傳旨 ，話 周文王 有 姜太公 釣魚 ，漢光武 呢 有 嚴子陵 釣魚 ，凡係 聖明 天子 啊 必定 有 個 忠臣 釣魚 嘅 。
皇上 派 我 喺 呢處 釣魚 ，我哋 就 叫 佢 做 釣魚島 啦 。
施瑯 拍手 讚好 佢 話 ：大人 呢個 名 改得 真係 好喇 。
一來 ，恭誦 皇上 好比 周文王 、漢光武 ；
二來呢 ，顯得 大人 好似 姜太公 噉樣 文武全才 ，又 好似 嚴子陵 噉樣 清高 風雅 。
冇 錯 ， 冇 錯 ， 我 哋 以後 就 叫 佢 做 釣魚島 啦 。
嘿嘿嘿嘿嘿 ，不過 我 呢個 通食侯 ，要 改名 做 釣魚侯 嘞 ，噉 日後 再 升官 進爵 ，叫做 咩 釣魚公 ，怕 意頭 就 唔係 點好 咯噃 。
漁翁 得利 ，大 有所獲 ，意頭 好 到 極 啦 。
吖噉又係 ，皇上 封咗 我 做 通食伯 、通食侯 ，我又覺得 幾好 吖噉 ，但係 我 嗰 幾位 夫人 呢 就 唔係 點 鐘意 。
日後 奏請 皇上 改為 釣魚侯 ，吖 講 唔定 大家 都 高興 喇 。
施瑯 喺 個 肚處 偷笑 喇 佢 諗 ：
咩嘢 通食伯 、通食侯 ，都係 皇上 同 你 開玩笑 啫嘛 ，皇上 當 你 個 弄臣 ，一啲 都 冇 尊重 你 。
就算 改為 釣魚侯 ，又 有 咩 咁 好聽 唧 ？
但係 口 呢 就 話 ：開講 有 話 ，漁樵耕讀 ，漁翁 啊 排名 第一 ，讀書人 呢 排 喺 第四 。
釣魚公 、釣魚王 嘅 封號 ，比 狀元 翰林 啊 仲 尊貴 得多 咯 。
各位 ，至於 呢個 釣魚島 係咪 就係 後世 嘅 釣魚台島 呢 ？可惜 史籍 啊 無從 稽考 嘞 。
如果 能夠 喺 島 上面 搵到 韋小寶 個 遺跡 ，就 可以 知道 喺 康熙 初年 啊 ，呢個 島 ，曾經 由 中國人 長期 居住 ，並且 曾經 派 兵 五百 駐扎 嘅 。
好啦 ，閒話 休提 啊 言歸正傳 。
話說 呢一日 ，韋小寶 坐住 施瑯 嘅 旗艦 嚟到 台灣 ，喺 安平 府 上岸 。
一路上 林興珠 同 洪朝 講 畀 佢 聽 當年 鄭成功 點樣 進兵 ，點樣 大破 紅毛兵 ，韋小寶 聽到 津津有味 啊 。
噉施瑯 既然 帶咗 佢 嚟 台灣 咯 ，佢 講説 話嘅 時候 呢 就 唔再 諷刺 佢 喇 。
施瑯 喺 將軍府 內 大排筵席 ，隆重 款待 。
飲飲下酒 ，忽然 北京 有 聖旨 嚟 ，施瑯 連忙 出去 接 旨 啦 ，返嚟 佢 話 ：
韋大人 ，上諭 要 棄守 台灣 ，噉 就 弊喇 。
韋小寶 問 ：為咩 呢 ？
施瑯 話 ：上諭 命令 卑職 籌備 棄守 台灣 事宜 ，將 全台 軍民 ，冚𠾴唥 遷入 內地 ，唔准 留低 一家 一口 。
卑職 問 傳旨 嘅 使臣 ，原來 朝上 大臣 建議 ，台灣 喺 海外 孤零零 ，好 容易 為 盜賊 聚居 嘅 地方 。
朝廷 要 控制 又 唔 容易 ，如果 派 大軍 駐守 ，又 要 多 費 糧餉 ，因此 決定 唔 要 咯 。
韋小寶 沉吟咗 一陣 佢 問 ：施將軍 知唔知道 朝廷 各位 大官 真正 嘅 用意 係 咩嘢 呢 ？
施瑯 個 心 一驚 ，佢 話 ：唔通 ，唔通 講 伍子胥 啲 説話 ，已經 傳 到 咗 北京 ？
開講有話 ：好事 不出門 惡事 傳 千里 啊 。
朝廷 擔心 將軍 真係 要 做 咩 大明 台灣 靖海王 ，噉 亦 有 可能 㗎 。
噉啊 ，噉點算好啊 ？
台灣 百姓 幾十萬 人 ，喺 呢度 安居樂業 ，已經 有 幾十年 嘞 ，而家 冚𠾴唥 遷去 內地 ，叫 佢 哋 點樣 過日子 啊 ？
如果 夾硬 要 佢 哋 遷移 ， 必定會 有 變亂 嘅 。
何況 大清 官兵 一 走 ，紅毛兵 跟住 又 嚟 佔咗 去 。
我哋 中國人 辛辛苦苦 經營 嘅 基業 ，拱手 送畀 紅毛兵 ，叫人 點 甘心 啊 ？
嗯 呢件事 呢 ，我 睇 亦 唔係 完全 冇法子 挽回 嘅 。
皇上 係 最 體恤 百姓 㗎 嘞 ， 將軍 只要 為 百姓 請命 ， 講唔 定 皇上 就 允准 嘞 。
不過 如果 朝廷 上 已經 有 咗 咩 風言風語 ，卑職 噉樣 向 皇上 請求 ，似乎 唔 肯 離開 台灣 就 顯得 ，誒 顯得 忠誠之心 ，有啲 唔係 點夠 噃 。
我話你聽吖 ，而家 你 只有 立即 去 北京 ，將 呢番 理由 面奏 皇上 。
你既然到咗北京咯 ，咩 意圖 喺 台灣 自立為王 嘅 謠言 ，自不然 就 再 冇 人 相信 啦嘛 。
施瑯 一拍 大髀 佢 話 ：冇錯冇錯 ！啊 真係 多謝 大人 指教 ，卑職 聽日 就 起程 。
突然靈機一動 ，佢 又 話 ：台灣 嘅 文武官員 ，就 請 大人 暫時 統帶 。
皇上 對 大人 係 最 信任 㗎 嘞 ，只要 大人 坐鎮 台灣 ，朝中 大臣 邊個 都 唔 敢 有 半句 閒話 。
韋小寶 歡喜 到 乜嘢 噉 ，佢 諗 ：喺 台灣 過 下 官癮 都 好 滋味 㗎 。就 笑住 話 ：
你 唔 奉聖旨 ，擅自 將 兵馬大權 交咗 畀 我 ，噉 皇上 怪責 起嚟 又 點 啊 ？
施瑯 一聽 又 躊躇 起嚟 喇 佢 諗 ：
佢 係 陳近南 嘅 徒弟 ，反逆 天地會 嘅 同黨 。
皇上 雖然 係 寵幸 佢 啫 ，但係 呢 幾 年 嚟 ，卻 係 一直 將 佢 流放 喺 通食島 上 ，唔 畀 佢 掌權 辦事 。
佢 一得 兵馬大權 ，如果 聯合 天地會 造反 作亂 ，噉 我 ，我 噉又 係 死罪 嘞 噃 。
轉念 一諗 ，有計喇 ：
我 只要 將 全部 水師 帶走 ，佢 就 唔敢 逳卒 。
佢 如果 大膽妄為 ，竟然 敢 造反 ，水師 回過頭嚟 ，即刻 就 掃平 佢 。
佢 就 話 ：兵馬大權 如果 交畀 第二個人 ，講唔定 皇上 會 怪責 ，交畀 大人 ，係 百無禁忌 嘅 。
噉 宴會 啊 草草 收場 嘞 。
施瑯 漏夜 傳令 ，將 台灣 文武 大員 召嚟 參見 韋小寶 ，由 佢 全權 指揮 ，便宜 行事 。
又 請 師爺 代 韋小寶 寫 一道 奏章 ，話 憂心 國事 ，特 來 台灣 暫為 坐鎮 ，等 朝廷 無 東顧 之 慮 ，請 赦 擅專 之 罪 。
又話 台灣 百姓 安居 已久 ，以 臣 喺 台灣 親眼 所見 ，似 以 不 撤 為宜 噉 。
各種 事情 辦完 嘅 時候 ，已經 係 第日 清晨 嘞 ，噉啊 施瑯 就 要 上船 。
韋小寶 問 佢 話 ：有 一件 大事 你 預備好 未 啊 ？
施瑯 話 ：唔知 係 咩嘢 大事 呢 ？
傾鈴 哐唥 囉 。
咩 傾 鈴 哐唥 啊 ？
係定啦 ，你 呢次 平定 台灣 功勞 好大 ，朝中 各位 大臣 ，每一個 送 幾多 禮 啊 ？
呢啲 係 恃住 天子 威德 ，將士 用命 ，先至 平定 台灣 ，朝中 大臣 冇 出過 咩 力 啊 。
唉 老施 啊 老施 ， 你 一 得意 呢 老毛病 又 發作 喇 。
你 打 平台灣 ，人人 都 話 你 金山銀山 ，一個人 獨吞 ，發咗 大 財 。
朝裏 便 做官 嘅 ，邊 一個 唔 眼紅 啊 ？
大人 明鑒 ，施瑯 如果 私自 攞咗 台灣 一兩銀 ，呢次 叫 我 上 北京 畀 皇上 千刀萬剮 ，凌遲 處死 。
你 自己 要 做 清官 啫 ，不過 唔能夠 人人 跟住 你 做 清官 㗎嘛 。
你 越 清廉 啊 ，人哋 就 越 容易 講 你 壞話 ，話 你 喺 台灣 收買 人心 ，意圖 不軌 啊 。
哦 ，噉 照 你 噉講 ，你呢次 去 北京 又 係 兩手空空 ，咩 禮物 都 唔 帶 啊 ？
台 灣 嘅 土產 ， 好似 木雕 啊 、 竹籃 啊 、 草席 啊 、 皮箱 啊 噉 ， 啊 帶 就 帶 咗 一 啲 嘅 。
韋小寶 哈哈大笑 ，笑到 施瑯 先不先 呢 係 面紅耳赤 ，跟住 就 恍然大悟 ，終於 決心 補過 。
佢 向 韋小寶 深深 作 個 揖 話 ：多謝 大人 指點 ，卑職 呢次 啊 爭啲 又 撞 大板 喇 。
於是 韋小寶 召集 文武 官員 ，佢 話 ：
施將軍 呢次 上 北京 ，係 為 百姓 請命 ，如果 唔成功 呢 ，大家 都 要 家破人亡 㗎 喇 。
噉呢筆 請命費 ，唔通 要 施將軍 一個人 墊出嚟 咩 ？
各位 老兄 ，大家 快啲 去 籌措 攤派 啦 。
施瑯 居官 清廉 ，到咗 台灣 之後 ，未 向 民間 攞過 金銀 。
而家 韋小寶 接手 ，第一道 命令 ，就係 大征 請命 費嘞 。
台灣 百姓 聽到 內遷 嘅 消息 之後 ，正 話 人心惶惶 。
而家 知道 施瑯 聽從 韋爵爺 嘅 辦法 ，上京 為 百姓 請命 ，請求 唔好 內遷 。
呢筆 請命費 啊 ，卻 係 邊個 都 出得 心甘情願 嘅 。
好在 台灣 民間 富有 ，只係 半日 功夫 ，就 已經 籌到 三十幾萬 兩 銀 嘞 。
韋小寶 命令 官庫 墊款 六十幾萬 ，噉 啊 夾 成 一百萬 兩 ，又 指點 施瑯 邊個 人 呢 必須 多 送 ，邊個 人 呢 可以 少 送 。
施瑯 感激到 極啦 ，噉啊 到咗 當晚 初更 時分 ，噉 先 開船 。
第日 ，韋小寶 升堂 ，向 眾 官員 話 ：
昨晚 施將軍 起程 赴京 ，呢筆 請命費 我 計 來計去 呢 ，仲係 爭 百幾萬 。
兄弟啊 為咗 全台 百姓 着想 ，噉啊 只有 將 歷年 私蓄 ，仲有 七位 夫人 嘅 珠寶首飾 冚𠾴 唥夾夾埋埋 ，又 夾 咗 一百萬 兩 銀 就 交畀 施將軍 帶去 使用 打點 。
唉喺台灣做官呢真係唔容易啊 ，兄弟只不過係暫時處理啫 ，第一日就虧空咗一百萬咯 。
嘿 ，我 呢次 啊 真係 傾家蕩產 ，全軍覆沒 咯 。
台灣 府 知府 躬身 話 ：大人 愛護 百姓 ，為民 父母 ，真係 萬家 生佛 啊 。
除咗 公庫 墊款 六十多萬 要 還 之外 ，韋大人 呢 一百萬 兩 銀 ，當然 要 全台 百姓 奉還 嘅 。
韋小寶岌頭話 ：你哋 每個人 亦都 墊咗 銀 啦 ，個個 都 搞到 兩袖清風 噉 ，呢層 我 亦都 唔係 唔知 。
你哋 官 大 嘅 墊 咗 成 萬 兩 ，官 細 嘅 呢 ，亦 墊 咗 幾 千 兩 、幾 百 兩 不等 ，大家 齊心合力 ，為 來 為 去 為 咩 唧 ？都係 為咗 班 百姓 啫 嘛 。
呢啲 墊款 ，當然 亦 係 要 地方 歸還 嘅 。
我哋 做 父母官 嘅 ，亦 唔 能夠 向 老百姓 算 利息 ，噉 大家 蝕底啲 ，攞 翻本錢 就 算咯 ，呢啲 啊 ，叫做 愛民如子 吖嘛 。
眾官 歡喜 到 乜嘢 噉 一齊 多謝 ，都 覺得 呢位 韋大人 真係 體貼 下情 ，有財 大家 發 ，果然 係 一位 好 上司 啊 。
韋小寶 第一日 署官 ，就 刮咗 一百萬 兩 銀 ，以後 財源 滾滾 花樣 多端 ，噉 就 唔 講 佢 喇 。
嗱 各位 ，欲知 後事 如何 ，且 聽 下回 分解 。
