前文 再續 啊 書 接 上 一回 啊 。
話説 康熙 叫 韋小寶 整冧 天地會 ，將 佢哋 斬草除根 ，如果 唔得 呢 ，就 殺咗 佢 噉 。
韋小寶 啊 嚇到 全身 冷汗 掂流 啊佢 話 ：
誒 ，係嘅 ，係嘅 。
皇上 要 殺 奴才 ， 不過 好似 捻 死 隻 蟻 仔 啫 嘛 ， 不過 ， 嘿嘿 ， 誒 不過 皇上 係 腰 腎 魚湯 ， 係 唔 殺 忠臣 嘅 。
康熙 哼咗 一 聲 佢 話 ：哼 ，你 係 忠臣 啊 ？你 係 大花面 奸臣 。
皇上 明 鑒 ， 奴才 呃 咗 皇上 ， 有 啲 事情 冇 同 你講 ， 呢 啲 係 有 嘅 。
不過 的的確確 唔係 大花面 奸臣 噃 。
董卓啊 、曹操啊 我 係 決唔做嘅 。
好 ，就算 你 唔係 大花面 奸臣 ，你 係 白鼻哥 小丑 。
韋小寶 得到 皇帝 分派 佢 噉樣 一個 角色 ，當堂 鬆翻啖氣 啊 佢 話 ：
小丑 就 小丑 啦 ， 誒 好似 ， 好似 時遷 啊 、 朱 光祖 啊 噉 ， 噉 亦 能夠 幫 皇上 立功 嘅 。
哼 ，你 總係 要 將 自己 講成 係 好人 。
噉樣啦 ，你 點齊 兵馬 ，去 將 天地會 、沐王府 、歸辛樹 一班 反賊 ，冚𠾴唥 都 捉齊 嚟 。
如果 走甩咗 一個 ，斬 你 一隻 手 ，走甩 四個 ，一雙 手 一雙 腳 都 斬晒 佢 。
如果 走甩 五個 ，噉 再 斬 你 咩嘢 呢 ？
噉 誒 ， 嘿嘿 ， 噉 誒 ， 奴才 只有 真 係 做 太監 喇 。
哈哈哈哈 哈哈哈 哈哈哈 ， 叉叉 叉 ， 你 啊 真會 打算盤 啊 。
韋小寶 愁眉苦面 噉 話 ：
皇上 斬咗 我 兩隻手 兩隻腳 ，奴才 多數 都 係 冇命 㗎 啦 ，呢個 人頭 斬 唔 斬 都 差唔多 嘅 啫 。
佢 諗 ：佢 連 沐王府 都 知道 ，佢 真係 消息 靈通 噃 。
康熙 喺 衫袖 籠 攞咗 一 張 紙 出嚟 ，佢 念 ：
天地會 總舵主 陳近南 ，青木堂 香主 韋小寶 ，屬下 李力世 、徐天川 、玄貞道人 、錢老本 、高彥超 、風際中 等等 ；
沐家 嘅 沐劍聲 、柳大洪 、吳立身 等等 ；
三名 入嚟 皇宮 嘅 刺客 係 歸辛樹 、歸二娘 、歸鐘 。
一 、二 、三 、四 、五 、六 ，總共 係 四十三 名 反賊 ，除咗 你 自己 暫時 唔算 之外 ，總共 係 四十二 名 。
韋小寶 又 即刻 跪低 ，叩咗 兩個 頭 佢 話 ：
皇上 ，呢班人 雖然 話 要 反清復明 啫 ，不過 佢哋 亦 冇 反成功 復成功 啊 。
不如 ，等 我 去 同 佢哋 講 ，話 皇上 上知 天文 ，下知 地理 ，過去 未來 乜嘢 都 知道 晒 喇 。
皇上 話過 大清 江山 萬萬年 ，噉 實係 冇錯 嘅 。
反清 係 反唔成 㗎 喇 ，大家 不如 散咗 夥 啦 噉 好唔好 啊 ？
康熙 出力 一拍 張枱 ，大聲 話 ：
你 係 一意抗命 ，唔肯 去 捉拿 反賊 喇 係唔係 啊 ？
韋小寶 諗 ：江湖 上 好漢 義氣 為重 噃 。
我 如果 將 師父 佢哋 都 捉 起嚟 ，皇上 一定 斬 咗 佢哋 嘅 頭 嘅 。
噉樣 一嚟 ，韋小寶 出賣 朋友 ，唔係 變成 吳三桂 囖 ？
唉 ，當初 冒充 咩人 唔好 吖 ，偏偏 就 冒充 小桂子 。
小桂子 小桂子 ， 之 唔 係 吳三桂 個 仔 囖。
我 呢個 伯爵 大人 啊 亦都 唔 做 嘞 ，想法子 通知 師父 佢哋 大家 逃走 ，躝屍 趷 路 罷 啦 。
康熙 見 佢 唔 回答 ，個心 就 更 嬲 喇 ，喝 佢 話 ：
到底點啊 ？唔通 你 仲 唔知道 自己 犯咗 大罪 咩 ？
我 畀咗 個 改過自新 、將功贖罪 嘅 機會 畀 你 ，乜 你 仲 想 同 我 討價還價 ？
皇上 ，佢哋 要 嚟 害 你 ，我 就 搏命 攔阻 佢哋 ，奴才 對 你 係 講 義氣 㗎 。
皇上 要 捉 佢哋 ，噉 奴才 挾 喺 中間 ，難以 做人 噉 只有 向 你 求情 啦 ，噉 亦 係 講 義氣 啫 嘛 。
你個心 係 向住 反賊 ，噉 就係 順逆不分 ，目無 君上 仲 話 講義氣 ？
冇錯 ，你 救過 我 條命 ，救過 父皇 ，救過 太后 ，今日 我 如果 殺咗 你 ，你嘅 心 啊 實係 唔服 ，會話 我 對 你 唔 講義氣 㗎 喇 係唔係 吖 ？
到咗 呢個 地步 韋小寶 啊 索性 硬住 頭皮 話 ：
係定啦 。
從前 皇上 應承過 嘅 ，奴才 就算 做錯咗事 ，皇上 亦都 放過 我 。
萬歲爺 嘅 金口 ，講咗 就 唔能夠 反悔 㗎 嘛 。
好 喇 你 ， 你 啊 真 係 深謀遠慮 ， 早就 行定 呢 步棋 嘞 ， 哼 ， 其心 可 誅 啊 。
韋小寶 唔明白 其心 可 誅 呢 四個字 係 咩嘢 意思 ，不過 估計 呢 決 唔係 好話 嘞 。
佢 自從 認識 康熙 以嚟 啊 ，從來 都 冇 見過 佢 發 咁 大 脾氣 嘅 ，佢 諗 ：
我 呢個 人頭 ，已經 係 斬咗 成 大半 㗎 嘞 。
小皇帝 嘅 脾氣 啊 ，向 佢 求情 係 冇用 嘅 ，只有 同 佢 講 道理 嘅 啫 。
於是 佢 就 話 ：皇上 ，我 拜過 你 做 師父 ，你 又 應承 收 我 做 徒弟 嘅 。
嗰個 陳近南 呢 亦 係 我 個 師父 。
噉 我 如果 要 存心 害 你 ，噉就係 欺師滅祖 嘞 。
噉 我 如果 害 嗰個 師父 呢 ，亦係 欺師滅宗 啫 。
再講吖 ，皇帝 斬 奴才 嘅 人頭 ，當然 係 好 平常 啦 。
不過 師父 斬 徒弟 嘅 人頭 ，噉 就 有啲 ，有啲 唔係 點 對路 咯 。
康熙 諗 ：收佢 做 徒弟 雖然 係 講笑 ，不過 當時 確係 講過 嘅 。
呢個 嘢 恃 寵 而 驕 無法無天 ，居然 將 我 同 天地會 嘅 匪首 相 提 並論 ，實在 係 胡鬧 之至 啊 。
佢 正係 諗到 呢處 ，忽然間 聽到 遠處 隱約 人聲 喧嘩 ，乒乒乓乓 ，又 有 兵器 相交 嘅 聲音 。
韋小寶 跳起身 ，佢 話 ：好似 有 刺客 嚟 啊 。
師父 請坐 喺 處 ，唔好 逳 ，等 徒弟 喺 你 前面 擋住 啦 。
康熙 哼咗 一 聲 佢 諗 ：
呢 個 嘢 就算 有 一 千種 唔 啱 ， 對 我 畢竟 係 有忠愛 之 心 嘅 。 就 話 ：
你 以後 唔准 叫 我 做 師父 喇 。
你 唔 守 本門 嘅 門規 ，本 師父 將 你 革除 咗 喇 。
講完 ，不禁 有啲 好笑 。
喺 呢 個 時候 ， 只 聽見 腳步 聲響 ， 有 幾個 人 跑 到 殿 門外 便 ， 就 停住 腳 唔 逳 嘞 。
韋小寶 跑到 殿門 後 便 ，即刻 攞起 門戌 上咗 戌 。
呢啲 係 性命交關 嘅 大事 啊 ，手腳 快到 冇得比 ，佢 問 ：咩 人 啊 ？
外便 有人 大聲 話 ：啟奏 皇上 ，宮內 闖 咗 三名 刺客 入嚟 ，內班 宿衞 已經 沊沊𡃈 圍住 佢哋 ，好快 就 可以 捉住 佢哋 喇 。
韋小寶 諗 ：歸家 三個人 終於 走唔甩 。
佢 話 ：皇上 知道 喇 。
立即 火速 加調 一百名 侍衞 ，嚟 養心殿 前後 護駕 ，屋頂 上 便 ，亦 要 企 三十名 。
殿外 嘅 侍衞 首領 應咗 就 去 嘞 。
康熙 諗 ： 佢 真 係 想 得 周到 啊 。
嗰日 喺 五台山 遇險 ，嗰個 白衣 尼姑 撞爛 屋頂 落嚟 ，真係 難以 防備 ，好彩 佢 奮不顧身 噉 喺 我 前面 擋咗 一劍 唧 。
過咗一陣 ，呼喝聲 漸漸 輕嘞 ，但係 好快 脆 兵刃 撞擊 嘅 聲 又 響起上嚟 。
康熙 皺起 眉頭 話 ：連 三名 刺客 都 捉唔住 。
如果 嚟嘅 係 三百 名 三千 名 噉 啊 點算 啊 ？
韋小寶 話 ：皇上 唔使 煩惱 嘅 。
好似 歸辛樹 噉樣 嘅 人物 ，世上 係 好少 嘅 ，最多 亦 不過 係 四五個 啫 。
再嗰一陣 ，只聽見 腳步聲 響 ，加調 嘅 內班 宿衞 嚟到 殿外 嘞 。
噉又聽見 殿頂 四圍 瓦面 就 發出 響聲 ，上去 守衞 嘅 宿衛 ，跳上咗 殿頂 。
班衛士 知道 皇帝 就 喺 殿 裏 便 ，噉 啊 都 喺 殿簷 殿角 把守 ，唔敢 行去 殿心 屋頂 。
否則 ，企喺 皇帝 頭頂 係 極大 嘅 不敬 啊 。
康熙 知道 淨係 養心殿 周圍 ，至少 都有 四五百 名 侍衞 把守 ，噉啊 實唔會 有事 嘅 ，就 唔再 理 啲 刺客 喇 ，佢 話 ：
你 睇下 呢張 係 乜嘢 ？
喺 衫袖 籠 又 攞出 一張 紙 嚟 鋪 喺 枱面 。
韋小寶 行埋去 一睇 ，見 係 一幅 圖畫 ，中間 畫嘅 係 一座 大屋 ，屋前面 有 旗杆 、石獅子 ，吖 有啲 似 係 自己 嘅 伯爵府 嘞 ；
間屋嘅四周圍 ，排列住 十幾門 大炮 ，炮口 都 對準 大屋 。
噉 再 仔細 睇 下 ，嗰 間 屋 呢 就 越 睇 越 似 自己 嗰 間 屋 。
康熙話 ：你 認唔認得 呢間 屋 啊 ？
韋小寶 話 ：吖 好似 有啲 似 奴才 嘅 狗竇 噃 。
你 認得 就 好嘞 。
康熙 又 指住 圖畫 裏 便門 楣 上 嗰 四個 字 ，佢 話 ：
忠勇伯府 四 個 字 ，你 都 認得 㗎 ？
韋小寶 聽見 果然 就係 自己 間 屋 ，不禁 冷汗 掂 流 啊 。
自己 間屋 四圍 排列 咗 咁多 大炮 ，梗係 弊傢伙 定 㗎 啦 。
噉 想起 大炮 轟擊 嗰種 威勢 啊 ，不由得 全身 打震 啊 。
康熙話 ：今晚 黑 ，你哋 天地會 、雲南 沐家 、華山派 姓歸 嘅 ，仲有 王屋派 門下 司徒 鶴 一班人 ，都 要 喺 你 屋企 聚會 。
我 呢 十二門 大炮 呢 ， 呢 陣 ， 已經 喺 你 間 屋 嘅 四周圍 啲 民房 裏 便 架 好 ， 炮彈 火藥 都 上 好 嘞 。
只要 打開 個 窗 ，露出 炮口 ，一點 藥線 ，哼 ，怕 冇 一個 反賊 能夠 執翻 條 命 。
就算 大炮 轟 佢哋 唔死 ，噉 逃跑 出嚟 ，圍 喺 外 便 嗰 幾 隊 前鋒 營 兵馬 ，總 唔會 只係 食飯 唔理 事 㗎 ？
先頭 ，你 見到 前鋒 營 統領 阿濟赤 吖嘛 ？佢 已經 去 點兵 預備 逳手 嘞 。
前鋒營 向來 同 你 統帶 嘅 驍騎營 不大 和睦 嘅 ，我 睇 ，未必 肯 放 你 走 啩 ？
皇上 乜嘢 都 預料到 嘞 ，而家 同 奴才 講明白 ，即係 放過 奴才 一條命 。
奴才 以前 一啲啲 小功勞 ，就此 將 功 折罪 都 折到 乾乾淨淨 ，唉 一啲 都 冇 剩嘞 。
你 明白 就 好嘞 。
好似 我哋 兩個人 賭牌九 噉 ，你 先不先 ，贏咗 唔少 銀 ，不過 呢 ，喺 一注 之中 都 輸翻晒 畀 我 。
呵呵呵呵 ，荷葉 凝珠 ，不禁 東風 一浪 ，從此 就 冇咗 輸贏 。
我哋 如果 要 再 玩過 呢 ，就 要 從頭 嚟過 至 得 。
韋小寶 松翻啖氣 ，佢 話 ：真係 多謝 皇上 龍恩 ，奴才 今後 只係 專心 同 皇上 當差 。
咪 講話 天地會 啊 ，就算 係 天九會 嘅 香主 奴才 亦 都 唔 做 嘞 。
佢 個 心 就 暗暗 着急 嘞 ， 佢 諗 ：
哎呀 ，師父 佢哋 約好咗 ，今晚 喺 我 嗰處 聚會 ，點樣 通知 佢哋 唔好 去 呢 ？
噉佢又話 ：
皇上 吩咐 我 去 捉拿 呢一班 反賊 ，只不過 係 試下 奴才 嘅 心 嘅 啫 ，其實 皇上 早就 神機妙算 ，乜乜乜乜 之中 ，乜乜 千里 之外 喇 。
突然間 ，聽見 殿門外 便 有人 大聲 話 ：回 皇上 ，反賊 捉到 喇 。
康熙 好 歡喜 嘞 佢 話 ：帶入嚟 ！
韋小寶 話 ：係 。
行過去 拔開 門戌 ，打開 殿門 。
只見 幾十名 侍衞 ，擁住 歸家 三個人 入嚟 ，一齊 話 ：叩見 皇上 ，下跪 ！
噉啊 幾十 名 侍衞 一齊 跪低 。
歸辛樹 、歸二娘 、歸鐘 三個人 滿身血污 到處 都係 傷口 ，卻係 昂然 直立 。
三個人 都係 畀 粗繩 綁住 ，身邊 呢 ，就 有 兩名 侍衞 拉住 佢哋 。
侍 衞 嘅 領班 喝 佢 哋 話 ： 跪低 ， 跪低 ！
歸家 三個 人 一啲 都 冇 理 佢 。
只聽見 殿上 滴滴答答 咁 響 ，歸家 三個人 同 受傷 嘅 侍衞 身上 嘅 鮮血 啊 不停 噉 向下 滴 。
歸 二娘 睩 實 韋小寶 喝 佢 話 ：
小漢奸 ，你 ，你呢個 臭賊 ！
韋小寶 見到 三個人 嘅 慘狀 ，個 心 不禁 難過 嘞 ，咪 由得 佢 鬧 亦 唔 回答 。
康熙 岌一岌 頭 佢 話 ：神拳 無敵 歸 辛樹 ，原來 係 噉樣 嘅 老坑 啊 。
我哋 嘅 人 死傷 咗 幾多 啊 ？
侍衞領班 話 ：回 皇上 ，反賊 兇悍 到 極 ，侍衞 殉職 嘅 三十 幾 人 ，受傷 嘅 四十 幾 人 。
康熙 擺 一擺手 ，個心 暗暗 稱讚 ：吖 ，真係 使得 嘞 。
噉啊侍衞領班 呢 吩咐 手下 將 三個人 帶 出去 。
突然間 ，歸辛樹 大喝 一聲 ，運起 內力 ，右膊 向 身邊 嘅 侍衞 一撞 。
嗰個 侍衞 吖噉 一聲 大叫 ，個 身 啊 成個 飛 出去 ，頭殼 撞落 埲墻 處 當堂 斃命 。
歸辛樹 揦住 綁 喺 歸鐘 身上 嘅 繩索 出力 一掹 ，啪 一聲 ，繩索 斷晒 ，噉啊 揦住 佢 個 身 ，佢 話 ：
阿仔 ，快啲 走 ，我 同 媽媽 跟住 就嚟 。
向外 一 送 ，噉 歸鐘 就 喺 殿 門口 飛咗 出去 。
就喺呢個時候 ，歸氏夫婦 一齊 跳起 ，向 康熙 撲過去 。
韋小寶 見到 噉樣 ，嘩 大吃一驚 啊 ，撲上去 ，一手 抱住 康熙 ，趢 喺 枱 底 ，噉 自己 背脊 向外 便 ，保護住 康熙 。
只聽見啪啪兩聲 ，跟住 就 有 幾名 侍衞 衝過嚟 ，噉啊 扶起 康熙 同 韋小寶 。
再睇下 歸氏夫婦 ，只見 佢哋 都 已經 倒 喺 血泊 之中 嘞 ，背上 插咗 七八把 刀劍 ，已經 死咗 嘞 。
歸辛樹 力 殺 幾十名 侍衞 之後 啊 ，身受重傷 ，最後 運起 內力 ，掹斷咗 個仔 身上 嘅 繩索 ，噉 啊 立即 向 康熙 撲過去 。
歸二娘 就 明白 丈夫 嘅 用意 啊 ：一來 ，只係 希望 臨死 一擊 ，噉 能夠 殺死 清廷 皇帝 ；二來 呢 ，等 個 仔 喺 混亂 之中 逃走 。
兩個人 嘅 手腳 ，都 畀 繩索 綁到 實一實 ，自己 再 冇 力 擢得 斷 嘞 ，噉 仲 係 一齊 跳起 ，向 康熙 衝擊 。
但係 兩個 人力 戰 之餘 啊 ，已經 油盡燈乾 ，都係 身在 半空 就 狂噴 鮮血 ，點 都 支持唔住 ，噉 跌翻落地 。
班侍衛 就算 唔再 斬 佢哋 啊 ，佢 兩個人 早就 死咗 咯 。
康熙 驚魂 稍定 噉 皺住 眉頭 話 ：拉出去 ，拉出去 。
侍衞 齊聲 答應 ，噉 正話 要 抬 兩個 人 嘅 尸首 出去 ，突然間 殿門口 人影 一晃 ，飚咗 一個 人 入嚟 ，身法 呀 快到 極 ，噉 撲 喺 歸氏 夫婦 嘅 屍體 上 便 ，大叫 話 ：媽 ！爹 ！
係歸鐘啊 。
噉幾名侍衞兵器斬落去 ，歸鐘啊竟然唔識閃避噃 ，噉兵器呢冚𠾴唥斬中佢 ，佢喘息住話 ：
媽 ，你 ，你唔陪住我 ，我 點算啊 ？我唔識路㗎 。
咳咗 兩 聲 ，個 頭 一 側 ，死咗 嘞 。
歸鐘 一生 同 母親 寸步不離 ， 件 件 事由 母親 安排 照料 ， 而 家 佢 離開 父母 ， 竟然 係 手足無措 啊 。
雖然 喺 養心殿 逃走 出去 啊 ，終歸 仲係 返嚟 依附 喺 父母 身邊 。
侍衞總管 多隆 噔噔聲 跑入嚟 養心殿 跪低 話 ：
啊 ，回 皇上 ，宮 裏 便 嘅 刺客 已經 全部 ，全部 肅清 嘞 。
見到 殿上 滿地 係 血 ，個心 十分 惶恐 ，佢 叩頭 話 ：
刺客 驚動 聖駕 ， 奴才 ， 奴才 該死 。
康熙 啱先 畀 韋小寶 噉樣 抱住 一趢 ，雖然 十分 狼狽 有損 尊嚴 啊 ，但係 此人 捨命 護駕 ，忠君 之心 呢 就 確實 無疑 嘞 。
佢 就 對 多隆 話 ：外便 ，仲 有人 要 行刺 韋小寶 ，你 好好 保護 佢 ，唔好 離開 佢 半步 ，更加 唔好 畀 佢 離開 皇宮 。
聽朝早 ，再 另外 聽 我 吩咐 啦 。
多隆 連忙 答應 話 ： 係 ， 係 ， 奴才 盡心 保護 韋都統 。
韋小寶 啊 暗暗 叫苦 喇 ：死啦 ，皇上 今晚 要 炮轟 天地會 ，怕 我 通風報信 吩咐 多隆 看 實 我 啊 。
康熙 行到 殿門口 ，佢 又 諗 ：
嗰個 小桂子 好 狡猾 嘅 ，多隆 呢個 老粗 唔係 佢 對手 。
就擰轉頭話 ：多隆 ，你 派 多啲 人手 ，緊緊 跟住 韋小寶 ，唔能夠 畀 佢 同 人哋 講説話 ，亦 唔能夠 畀 佢 傳遞 啲 咩 嘢 出 皇宮 。
總而言之 ，局勢 危險 ，你 就 當 佢 係 ，當 佢 係 欽犯 辦 啦 。
多隆 話 ： 係 ， 係 。 皇上 恩待臣 下 ， 無微不至 啊 。
多隆 以為 皇上 愛惜 韋小寶 ，唔 畀 刺客 有 危害 佢 嘅 機會 啫噃 。
韋小寶 話 ：皇上 恩典 ，奴才 粉身碎骨 亦 難以 報答 啊 。
佢 個 心 知道 皇帝 噉樣 講 ，係 顧全 自己 嘅 面子 ，日後 ，仲 有 用得着 自己 嘅 地方 嘅 。
康熙 微微 一笑 話 ：你 又 贏咗 一注 嘞 ，我哋 由 聽日 起 再 嚟 玩過 啦 。
你 嗰隻 金飯碗 ，要 捧實啲 啊 ，唔好 打爛 佢 啊 。
講完 ，就 行出 殿門 嘞 。
康熙 呢 兩句 説話 當然 只有 韋小寶 先至 明白 。
啱先 自己 抱住 康熙 護駕 ，噉 佢 又 算 自己 立咗 一 功 。
佢 今晚 殺咗 師父 陳近南 等等 一班人 之後 呢 ，噉 自己 同 天地會 就 冇乜 關係 嘞 ，皇帝 又 會 重用 自己 。
嗰隻 金飯碗 上面 刻住 公忠體國 四個 字 ，皇帝 係 要 自己 對 佢 忠心耿耿 ，唔好 再 有 二心 啊 。
韋小寶 想到 師父 同 天地會 裏 便 一班 兄弟 血肉橫飛 嘅 慘狀 ，噉 自己 就算 再 加官進爵 啊 ，個 心 啊 點 安樂 呢 ？
佢 諗 ：做人 唔 講義氣 ，唔算 烏龜 王八蛋 算 乜嘢 啊 ？
皇上 消息 咁 靈通 ，係 邊個 龜蛋 同 佢 講 嘅 呢 ？
今朝早 我 第一次 見到 皇上 ，佢 對 我 好好 㗎 ，話 要 派 我 去 打 勝仗 ，希望 我 捉到 吳三桂 封 我 做 平西王 。
嗰個 時候 ，皇上 一定 仲 唔 知道 天地會 韋香主 嘅 事 啊 。
佢 知道 消息 ，係 我 押 老舉乸 去 呈 畀 太后 嗰陣時 嘅 。
吖 ，係 邊個 狗賊 通風報信 嘅 呢 ？
哼 ，多數 係 沐王府 嘅 人 ，一 係 呢 就 係 王屋 派 司徒 鶴 嘅 手下 。
噉否則 我 偷 四十二 章經 ，喺 神龍教 做 白龍使 呢啲 事 ，皇上 點解 唔 知道 嘅 呢 ？
多隆 見到 佢 愁眉苦面 神情恍惚 ，就 拍下 佢 膊頭 笑住 話 ：
韋兄弟 ，皇上 咁 寵愛 你 呀 ，真係 唔知 你 前世 係 幾生 修翻嚟 嘅 。
朝廷上 無論 邊 一位 親王 、貝勒 、將軍 、大臣 ，皇上 從來 都 未曾 派過 御前侍衞 嚟 保護過 佢 嘅 。
大家 都 話 喇 ，韋 都 統 唔 到 二十 歲 啊 ，就 會 封 公 封 王 㗎 喇 。
嘿兄弟 ，你 唔使 擔心 ，只要 唔走出 宮門口 一步 ，反賊 就算 有 千軍萬馬 ，亦 傷害 唔到 你 一條 寒毛 嘅 哈哈哈哈哈哈哈 。
韋小寶 啊 只有 苦笑 喇 佢 話 ：
呵呵 ，皇上 恩德 ，天高地厚 。
我哋 做 奴才 嘅 應該 盡心竭力 ，報答 皇上 嘅 恩典 啊 。
眼見 幾十名 侍 衞 企 喺 前後左右 ， 唉 ， 想同 天地會 兄弟 送個 信真 係 千難萬難 咯 ， 佢 諗 ：
咩嘢 封王封公 吖 ，老子 真係 唔想 啊 。
寧可 小皇帝 喺 我 囖柚 踢 一 腳 ，大喝 一 聲 ：躝屍趷路 啦 你 ，從此 唔准 你 再見 我 個 面 噉 就 好嘞 。
而家 噉樣 保護法 啊 ，嘿 ，真係 攞 我 條命 喇 。
嗱 各位 ，欲知 後事 如何 ，且 聽 下回 分解 。
