前文 再續 啊 書 接 上 一回 。
話說 柳大洪 、吳立身 同 歸 家 三個人 爭執 起上嚟 ，柳大洪啊 同 歸 辛樹 對咗 一掌 ，搞到 胸口 氣血 翻湧 ，吳立身 就 畀 歸 鐘 揦住 胸口 要穴 。
陳近南 衝上前 勸佢話 ：大家 都係 好朋友 ，唔好 逳手 。
韋小寶 話 ：大家 猛咁 爭 ，終歸 唔係 了局 㗎 。
不如 噉 呢 ， 我 哋 擲 手 骰仔撞 下彩數 啦 。
如果 歸大爺 贏 呢 ，我哋 不但 唔阻止 三位 入 宮 ，晚輩 仲 將 宮裏 便 嘅 情形 詳細 講畀 兩位 知道 噉 好唔好 吖 ？
歸二娘 話 ：如果 係 你 贏 呢 ？
韋小寶 話 ：噉就 將 呢件事 抌低 先 ，等 吳三桂 死咗 之後 我哋 再 向 皇帝 落手 咯 。
歸 二娘 諗 ： 如果 自己 人先 打起 嚟 ， 沐家 多數 會報 畀 官府 知 嘅 ， 噉 呢 件 事 終歸 做 唔 成 ， 不如 聽 佢 嘅 啦 。
就 問 丈夫 話 ：二爺 ，你 話 呢 ？
歸辛樹 向 韋小寶 話 ：你 輸咗 就 唔准 賴 㗎 。
韋小寶 笑住 話 ：男子漢 大丈夫 ，一言既出 ，死馬難追 吖嘛 ，嗰個 小皇帝 又 唔係 我 老子 我 點解 要 回護 佢 唧 ？
只不過 贏 要 贏得 夠 威 ，輸 要 輸得 光彩 。
無論 邊個 輸 邊個 贏 ，都 唔會 傷 咗 和氣 。
陳近南 覺得 佢 最後 呢句 説話 都 幾 有道理 ，就 話 ：
呢件事 牽涉 重大 ，到底 對 我哋 光復 大業 係 禍 呢 定係 福 呢 ，實在 好 難 預料 㗎 。
古人 用 占卦 嚟 解決 疑難 ，我哋 嚟 擲 手骰仔 ，亦係 一樣 嘅 意思 唧 。
大家 唔使 爭執 喇 ，就 憑 天意 行事 啦 。
歸二娘話 ：阿仔 ，放開手啦 。
歸鐘話 ：我 唔 放 。
呢位 小兄弟 要 同 你 擲骰仔 玩 啊 。
歸鐘 歡喜 到 乜嘢 噉 ，立即 鬆手 ，放開 吳立身 胸口 嘅 穴道 。
吳立身 嘅 胸口 痠痛 得 好 緊要 啊 ，內息 不暢 ，不停 咁 擰頭 。
韋小寶 話 ：歸少爺 ，唔該 你 將 骰仔 攞出嚟 啦 ，用 你哋 嘅 。
歸鐘 話 ： 骰仔 呀 ， 我 ， 我 冇 噃， 你 有 冇 啊 ？
我 都 冇 啫 ，誒 邊 一位 身上 帶有 骰仔 啊 ？
眾人 都 慢慢 擰 下 個 頭 ，都 諗 ：
我哋 又唔係 爛賭鬼 ，邊度 有 隨身 帶住 骰仔 嘅 啫 ？
歸二娘話 ：冇骰仔 ，噉 我哋 嚟 估 銅錢 啦 。
韋小寶 話 ：噉 仲 係 擲骰仔 公平 ，貨真價實 童叟無欺 。
嗱 ，我 係 童 ，歸 二爺 係 叟 ，可見 非 擲骰仔 不可 喇 。
親兵 裏頭 總係 有人 有 嘅 ，等 我 去 問 下 啦 。
講完 ，拉開 門戌 ，開咗 門 行 出去 。
佢 行出 東廳 ，就 行入去 大廳 嘞 ，喺 個 袋 處 攞咗 六粒 骰仔 出嚟 ，呢啲 係 佢 隨身 攜帶 嘅 法寶 。
不過 如果 當場 喺 個 袋 處 攞出嚟 呢 ，歸氏 夫婦 啊 實 有 疑心 嘅 。
噉佢 喺 大廳 處 坐咗 一陣 就 返去 東廳 ，笑住 話 ：骰仔 搵到 喇 。
歸二娘話 ：輸贏 點樣 賭法 啊 ？
韋小寶 話 ：擲骰仔 嘅 嘢 ，我 一啲 都 唔 識 㗎 。
歸少爺 ，你 話 點樣 賭法 啊 ？
歸鐘搦起兩粒骰仔話 ：我 同 你 比 邊個 ，打得準 啦 。
手指 一彈 ，嗤嗤 兩 聲 ，兩粒 骰仔 飛起 ，打熄咗 兩支 蠟燭 。
跟住 噗噗 兩 聲 ，兩粒 骰仔 嵌入 板墻 。
群雄 一齊 讚 ：好功夫啊 ！
韋小寶 話 ：不過 我 見 人哋 賭 骰仔 ，係 鬥 點數 大小 嘅 ，就 唔係 比 暗器 功夫 噃 。
歸二娘話 ：冇錯喇 。
你哋 兩個人 ，一人 擲 一手 ，邊個 擲出嚟 嘅 點數 大 ，邊個 就 贏啦 。
韋小寶 個 心 諗 ：只係 擲 一手 啊 ，講唔埋 佢 行 起 運 嚟 ，一下 擲咗 個 三十六點 呢 ？
佢 話 ：噉樣啦 ，我哋 一人 擲 三手 ，三盤 兩勝 啦 。
歸鐘 係 擲 嘅 次數 越 多 就 越 高興 ，佢 話 ：
唔好唔好 ，我哋 一人 擲 三百次 ，贏咗 兩百次 嘅 就算 贏 啦 。
歸二娘 話 ：邊度 有 咁 麻煩 嘅 呢 ？一人 擲 三手 就 夠 喇 。
徐天川 將 嵌入 板壁 嗰 兩粒 骰仔 挖翻出嚟 ，誒 放喺 枱面 。
韋小寶 話 ：歸少爺 ，你 擲 先 啦 。
歸鐘攞起骰仔 ，笑騎騎噉正話想擲 。
歸二娘話 ：咪住 。
擰 轉頭 問 柳大洪 同 沐劍聲 話 ：
呢場 賭賽 如果 係 我哋 贏咗 ，沐王府 算唔算數 㗎 ？
柳大洪 先頭 同歸 辛樹 對咗 一掌 ，胸口 氣血 翻湧 ，而家 呢 仲 未 平復 。
佢 諗 對方 仲 話 只係 使咗 五成 力 ，此人 係 前輩 英雄 ，當然 唔會 係 講 大話 嘅 。
佢 真 係 要 去 皇宮 行刺 ， 單靠 沐 王府 又 點阻 得 佢 住 呢 ？
就 岌 一岌頭 。
沐劍聲話 ：天意 如何 全憑 兩位 擲骰仔 決定 就係喇 。
歸二娘話 ：好 。
向歸鐘話 ：擲啦 ，擲嘅 點數 越大越好啊 。
歸 鐘仔 細噉 睇 下 六粒 骰仔 ，佢 話 ：
最 多 嘅 係 六點 ， 最少 嘅 ， 係 兩點 ， 仲有 一粒 係 有 個 大 凹凹 嘅 。
歸二娘話 ：大凹凹 係 一點 。
咁古怪嘅 ，哈 四點 又 係 紅色 㗎喎 。
右掌 一揮 ，啪噉 一聲 ，六粒 骰仔 都 嵌咗 入去 枱面 ，向上 嘅 冚𠾴 唥 係 六點 。
原來 佢 喺 手板 上 將 骰仔 放好 嘞 ，六粒 骰仔 都 係 一點 向 下 ，噉樣 一擲 ，自不然 都係 六點 向 上 啦 。
眾人 又 吃驚 又 好笑 啊 。
呢個 肺癆鬼 睇起上嚟 係 弱不禁風 ，內力 竟然 間 咁 深厚 。
不過 天下間 擲骰仔 ，邊處 有 佢 噉樣 擲法 嘅 啫 ？
歸二娘 話 ：仔 ，唔係 噉樣 擲 嘅 。
佢 用 手掌 喺 枱面 一拍 ，六粒 骰仔 都 跳翻 出嚟 。
眾人 齊聲 喝采 啊 。
歸二娘 攞起 骰仔 隨手 一轆 出去 ，佢 話 ：轆到 幾點 就算 幾多點 ，不過 呢 ，就 唔能夠 自己 話 點樣 就 點樣 㗎 。
歸鐘話 ：哦 ，原來 係 ，噉嘅 。
就學 母親 嘅 樣 ，攞起 骰仔 輕輕 擲 喺 枱 上 ，骰仔 一轆 ，定落嚟 嘅 時候 ，總共 係 二十點 。
六粒 骰仔 擲 成 二十點 ，贏 嘅 機會 比較 高 嘞 。
韋小寶 攞起 骰仔 ，用 手指尾 撥 幾撥 ，暗中 使 花樣 ，佢 話 ：通殺 ！一手 擲咗 出去 。
五粒 骰仔 呢 就 轆咗 十七 點 ，最後 一粒 呢 仲 不停 咁 轆 。
依照 佢 作弊 嘅 手法 啊 ，呢粒 骰仔 一定 係 轆 成 六點 嘅 ，噉 二十三點 呢 ，就 贏 第一手 嘞 。
點知 呢 粒 骰仔轆 過去 ， 突然 跌落 咗 枱面 一個 窿 仔 ， 嗰 個 窿 仔 啊 ， 係 歸鐘 先頭 用 骰仔 拍出 嚟 嘅 。
噉嗰粒骰仔微微一震 ，唔能夠再轆嘞 ，向天嘅係一點 ，噉十八點就輸咗一手嘞噃 。
韋小寶 話 ：枱面 上面 有 個 窿 嘅 噉 唔 算 。
攞起 骰仔 想話 再 擲過 。
陳近南 擰頭 話 ：呢啲 係 天意 ，你 輸咗 第一手 嘞 。
韋小寶 諗 ：仲有 兩手 我 非 贏咗 你 不可 。
就 將 骰仔 交畀 歸鐘 。
歸鐘 贏咗 第一手 ，得意 非凡 咯 ，輕輕 一擲 ，只有 九點 。
沐家班人 見到 呢一手 係 輸實 㗎喇 ，就 不禁 歡呼 起上嚟 。
韋小寶 行去 張方枱 嘅 另外 一角 ，離開 枱面 嗰 六個 窿仔 遠啲 ，一手 擲 出去 ，竟然 係 四粒 六點 ，兩粒 五點 ，咪 總共 三十四點 ，勝得 無 驚 無 險 。
噉啊 雙方 各 贏 一手 。
第三手 呢 ，就係 決 最後 輸贏 嘞 。
歸鐘一擲 ，六粒骰仔 轉咗 好耐 ，轉出 三十一點 ，噉 贏 嘅 機會 呢 ，已經 係 好高 㗎 喇 。
沐家班人 都 好 擔心 啊 ， 佢 哋 諗 要 贏 呢 三十一點 啊 ， 真 係 要 好好 運氣 至 得 。
韋小寶 一啲 都 唔 擔心 噃 佢 諗 ：我 仲 係 照 先頭 嘅 法子 ，擲 成 三十四 點 唔係 贏 你 囉 。
噉啊手指尾喺手板心輕輕撥下 ，安好咗骰仔嘅位置 ，輕輕就轆出去 。
只見 六粒 骰仔 喺 枱面 上 逐粒 轉定 ，六點 、五點 、五點 、六點 ，噉啊 四粒 轉定咗 個 骰仔 呢 都係 大點 ，已經 有 廿二 點 嘞 。
第五粒 又 轉咗 個 六點 出嚟 ，總共 係 二十八點 。
噉 最 收尾 嗰粒 骰仔 呢 ，不停 咁 轉 。
如果係三點 ，雙方和局 ，需要再擲一次 ，一點 或者 兩點 係 輸 嘞 ，四、五、六點 呢 就 贏 。
贏嘅 機會 佔咗 六成 。
韋小寶 諗 ：就算 係 三點 和局 ，再 擲 一次 ，你 未必 再 能夠 有 咁 好運 嘅 。
呢粒 骰仔 轉轉轉轉 到 冇 停 ，噉 眼見 就嚟 定 喺 六點 上 便 嘞 ，佢 大叫 一 聲 ：好 ！
忽然間 粒 骰仔 翻咗 個 身 ，又 轉咗過去 。
佢 大吃一驚 ：哎呀 有鬼喇 。
一擸眼 ，只見 歸辛樹 正在 對住 骰仔 輕輕 吹氣 。
就喺呢個時候 ，嗰粒骰仔 停住 唔轉嘞 ，大凹凹 仰面朝天 乃係 一點 。
噉啊 眾人 齊聲 大叫 。
韋小寶 又 驚 又 嬲 啊 ，擲骰仔 作弊 嘅 人 呢 見過 無數 咁多 嘞 ，吹氣 嚟到 轉 骰仔 嘅 ，今日 第一次 遇到 唧 ，以前 呀 連 聽 都 未 聽過 。
呢個 伯爺公 內功 高強 到 極 ，聚氣 成 線 ，不但 將 呢粒 骰仔 ，由 六點 吹 成 一點 啊 ，怕 啱 先 歸 鐘 擲 成 三十一點 ，都 唔係 完全 靠 好運氣 嘅 。
你 慌 唔係 佢 老豆 喺 旁邊 吹氣 幫 佢 啊 ？
佢 唂 到 面 都 紅晒 大聲 噉 話 ：歸 大爺 ，你你 ，呼 ，呼 ，呼 ！
講完 ，嘟 長條嘴 學佢 吹氣 。
歸辛樹話 ：廿九點 ，你 輸 嘞 。
攞起 第六粒 骰仔 ，用 兩隻 手指 一捻 ，啪 一聲 ，捻碎 粒 骰仔 ，流咗 啲 水銀 出嚟 散 喺 枱面 上 便 。
即刻 就 化為 千百粒 細細 嘅 圓珠 四面 咁 轆 。
歸鐘 拍手 笑住 話 ：哎呀 好玩啊 好玩啊 。
呢啲 係 乜嘢 嚟㗎 ？又 好似 水 ，又 好似 係 ，係 銀 噉 嘅 ？
韋小寶 見 歸 辛樹 拆穿 咗 骰仔 裏 便 灌 水銀 嘅 弊端 ，亦 唔能夠 再 同 佢 辯論 吹氣 嘅 事 喇 。
就 詐 假意 好 驚異 噉 話 ：吖 ，原來 骰仔 裏 便 有 水銀 嘅 。
大爺啊 ，你啊 教識咗 晚輩 喇 。
骰仔 係 用 牛骨 做 嘅 ， 我 今日 先至 知道 ， 水銀 係 喺 牛 骨 裏 便 生出 嚟 嘅 ， 以前 仲以 為 係 銀撈 水溝 成 嘅 添 。
黃牛 會 耕田 又 會 造 水銀 ，哈 真係 使得 嘞 。
歸 二娘 唔理 佢 亂噏 無為 喇 就 話 ：大家 冇 説話 講 啦 嘛 ？
韋兄弟 ，皇宮 裏 便 嘅 情形 唔該 你 詳細 啲 講出嚟 啦 。
韋小寶 望住 師父 。
陳近南岌一岌頭話 ：天意就係噉樣 ，你就老老實實講畀兩位前輩聽啦 。
佢 明知 呢個 徒弟 十分 狡猾 ，佢 特別 加上 老老實實 四個 字 。
韋小寶 心念 一轉 ，有咗 主意 喇 佢 話 ：
既然 係 輸咗 咯 ，賭賬 梗係 唔 能夠 賴 數 㗎 啦 。
大丈夫 偷呃拐騙 都 唔緊要 ，賭賬 呢 千祈 不可 不還 噃 。
不過 皇宮 裏 便 嘅 房屋 太 多 ，講 又 講唔清 嘅 。
不如噉啦 ，我 去 畫 張 圖 出嚟 啦 。
徐三哥 、 錢 大哥 ， 唔 該 你 哋 陪 歸 大爺 佢 哋 啦 ， 我 去 畫圖 啊 。
噉啊 向 眾人 拱 一拱手 ，就 行 出去 東廳 ，行去 書房 嘞 。
呢座 伯爵府 係 康親王 送 嘅 ，書房 裏 便 圖書 滿壁 ，枱面 擺住 紙張 筆墨 。
書房 嘅 書 字 同 賭錢 輸贏 嘅 輸 字 同音 ，韋小寶 怕 賭錢 唔好運 啊 ，所以 間 書房 呢 ，平日 半步 都 唔 入 嘅 。
而家 嚟喇 ，坐 喺 書枱 前面 叫 一 聲 ：磨墨 ！
嗰個 親 隨即 刻 上前 侍候 。
韋小寶 捉住 支筆 ， 蘸 飽墨 正話 想 寫 ， 忽然間 耷 一聲 ， 一大 滴 墨汁 啊 喺 筆尖 上面 跌 咗 落 嚟 ， 當堂 將 一張 金花 玉版 箋 整污糟 。
不過 韋小寶 一啲 都 唔 在乎 噃 。
佢 喺 墨 點 左便 呢 一 筆 直落 ，畫 咗 一條 彎彎曲曲 嘅 樹幹 ，又 喺 樹幹 左便 啊 輕輕 一 點 。
韋小寶 話 ：我 呢個 小字 寫得 好唔好 啊 ？
嗰 個 親隨 初時 以為 韋小寶 係 畫畫 啫 噃， 而家 先至 知道 係 寫 咗 個 小字 ， 佢 連忙 讚 好 嘢 喇 佢 話 ：
大人 嘅 書法 ，筆順 由 右 至 左 ，別 創 一格 ，天縱 奇才 啊 。
你 去 傳 張 提督 入嚟 。
嗰個 親隨 應咗 就 出去 嘞 。
韋小寶 喺 個 小 字 下 便 畫 咗 個 圓圈 。
喺 圓圈 下 便 呢 ，畫咗 一條 既 似 硬柴 又 似 擔挑 嘅 一劃 ，再 畫 一條 蚯蚓 穿過 扁擔 。
呢條 蚯蚓 穿 扁擔 啊 乃係 一個 子字 ，噉 三字 串起 上嚟 呢 ，係 康熙 個 名 小 玄子 。
玄字 就 唔會 寫 喇 ，畫 個 圓圈 代替 。
想當日 佢 喺 清涼寺 做 和尚 ，康熙 曾經 畫圖 畫 代替 聖旨 畀 佢 。
今日事勢緊急啊 ，韋小寶 有樣學樣 ，就 畫幅圖畫 嚟 代替 奏章 嘞 。
佢 喺 小玄子 嘅 名字 之後 ，再 畫 一把 劍 ，劍尖 啊 直 刺入 圓圈 。
呢一把刀 唔似 刀劍 唔似 劍 嘅 嘢 ，只 畫到 佢 滿頭大汗 ，啱啱 畫好 唧張勇 啊 已經 嚟到 嘞 。
韋小寶 折好 金花 玉版 箋 ，入咗 落 信封 封好 佢 ，就 交咗 畀 張勇 ，低聲 話 ：
張提督 ，呢道 緊要 嘅 奏章 ，你 即刻 送入去 皇宮 呈畀 皇上 。
你話 係 我 嘅 密奏 ，侍衞 太監 就 會 即刻 同 你 通報 㗎喇 。
張勇 應咗 雙手 接過嚟 ，正 話 要 放入 懷內 ，聽見 書房 外 便 兩名 親兵 齊聲 噉 喝 ：咩人 啊 ？
房門 嘭 一聲 推開 ，闖咗 三個人 入嚟 ，乃係 歸氏 夫婦 同 歸鐘 。
歸 二娘 一眼 見到 張勇 手上 嘅 奏章 ，一手 搶咗 大聲 噉 問 韋小寶 ：
你 同 清廷 皇帝 告密 啊 ？
韋小寶 嚇到 傻晒 ，只係 話 ：唔 ，唔係啊 ，唔係啊 。
歸二娘 撕開 信封 ，攞咗 張 信箋 出嚟 ，見到 上面 畫咗 古古怪怪 嘅 圖形 ，噉 愕然 喇 佢 話 ：你 睇下 。
噉啊 交咗 畀 歸辛樹 ，佢 問 韋小寶 話 ：呢啲 係 咩嘢 啊 ？
哦 ，我 吩咐 佢 去 廚房 ，去 整 ，誒 整啲 湯圓 啫 嘛 愛嚟 請客人 食 嘅 。
要 細個 嘅 湯圓 ，唔 要 大個 嘅 ，誒 湯圓 上 便 ，要 刻 花 嘅 。
噉佢 ，佢 搞唔清楚 我 就 畫圖 畫畀佢 睇 啫 嘛 。
歸辛樹 同 歸 二娘 都 點 一 點頭 ，神情 即刻 和氣 翻 嘞 。
信箋上面 畫 嘅 果然 係 用刀 喺 細湯圓 上面 刻花 ，絕非 向 皇帝 告密 。
就畀 翻 張 信箋 同埋 信封 過 張勇 。
韋小寶 連忙 向 張勇 揮手 話 ：快啲 去啦 快啲 去啦 。
張勇 轉身 就 出 房 。
韋小寶 話 ：要 多啲 預備 ，多啲 派 人手 ，趕住 做 啊 。
大家 要 馬上 食 㗎 ，呢啲 啊 性命交關 嘅 事 ，一陣 都 唔 能夠 耽擱 得 㗎 。
張勇 喺 門口 又 應咗 一 聲 。
歸 二娘 話 ：湯圓 嘅 事 唔 使 急 嘅 。
韋兄弟 ，你 畫 嘅 皇宮 地圖 呢 ？
韋小寶 攞咗 一張 玉版 箋 鋪 喺 枱面 ，將 支 筆 交畀 歸二娘 佢 話 ：
我 畫 來 畫去 都 畫唔好 ，不如 我 嚟 講 ，你 嚟 畫啦 。
歸二娘 接過 筆 ，坐落嚟 佢 話 ：好 ，你 講啦 。
韋小寶 諗住 呢啲 嘢 都 唔使 呃 佢 嘅 ，於是 從 午門 講起 ，向 北 到 金水橋 。
屈向西便 ，過 弘義閣 ，經 太和 、中和 、保和 三 大殿 ，等等等等 ，一一二二啲 宮閣樓台 講清楚 。
好在佢記性啊好噃 ，平日 喺 皇宮 裏 便 到處 咁 玩 極之 熟悉 。
歸二娘 寫咗 好耐 先至 將 皇宮 之內 ，九堂 四十八處 嘅 方位 寫完 。
佢 放低 支筆 吐咗 啖氣 ，微笑 話 ：
難為 韋 兄弟 記得 咁 明白 ，真係 多謝晒 你 嘞 。
佢 聽 韋小寶 將 每處 宮殿 門户 嘅 名稱 方位 逐樣 咁 講 ，如 數 家珍 絕無 阻滯 ，估計 都 係 真 㗎 喇 ，佢 如果 要 捏造 亦 冇 咁 叻 嘅 本事 吖 。
韋小寶 笑住 話 ：呢啲 係 歸少爺 擲骰仔 贏翻嚟 嘅 彩頭 你哋 唔使 多謝 我 。
誒 仲有 啊 ， 皇宮 嘅 御 前 侍 衞 呢 ， 平時 一般 都 喺 東華門 側 跟 嘅 鑾輿 衛 一帶 侍候 嘅 。
不過 目前 同 吳三桂 打仗 ，嗰個 小皇帝 一定 嚴加 戒備 ，估計 紫禁城 四十八處 之中 ，到處 都有 侍衞 把守 㗎喇 。
佢 諗 ：我 講定 一句 先 ，免得 小玄子 接 咗 我 密奏 之後 加派 衛士 ，呢 三 隻 烏龜 疑心 我 通風報信 啊 。
歸二娘話 ：哦 ，噉啊 梗係啦 。
韋小寶話 ：宮裏 便嘅 侍衞 雖然 多 ，亦 冇 咩 大 高手 ，就係 一味 人多 唧 。
滿洲人 射箭 嘅 本事 係 好 厲害 㗎 ，不過 三位 當然 亦 唔 放在心上 啦 。
多承指教喇 ，我哋 走喇 。
三位 食咗 湯圓 先至 去 啦 ，噉 先至 有 氣力 做 嘢 㗎 嘛 。
行到 門邊 大聲 話 ：嚟人啊 ，送 點心 嚟 。
門外 侍役 高聲 答應 。
歸二娘話 ：唔使喇 。
拖住 個 仔 隻 手同 歸辛樹 一拍 噉 行出 書房 。
夫婦 兩個人 都 諗 ：你 喺 呢啲 刻 花 湯圓 裏 便 ，多數 又 做咗 啲 咩 嘢 手腳 ，湯圓 又 何必 刻 花唧 ？
上咗 一次 當 ，就 唔能夠 上 第二次 喇 。
佢哋 三個人 喺 韋小寶 屋企 裏 便 自始至終 啊 ，連 清茶 都 冇 飲 一啖 。
韋小寶 送 佢哋 去 門口 ，拱手 分別 佢 話 ：晚輩 喺度 等住 你哋 好消息 。
歸辛樹 用 手 喺 大門口 嘅 石獅子 頭 上 打咗 一掌 ，當堂 石屑 紛飛 ，冷笑 幾聲 ，揚長而去 啊 。
話説 韋小寶 返到 東廳 ，只見 陳近南 佢哋 正在 飲酒 。
噉佢 話畀 師父 聽 ，已經 將 紫禁城 裏 便 嘅 詳細 情形 ，講咗 畀 歸氏 夫婦 知道 喇 ，噉 先頭 送 咗 三個 人 走 噉 。
陳近南 岌一岌頭 ，佢 話 ：
唉 ，歸氏夫婦 就算 能夠 刺殺 當今 皇帝 ，恐怕 都 返唔到嚟 喇 。
群雄 默默噉 飲酒 ，各有各 想心事 ，偶然間 有人 講咗 兩句 説話 亦都 冇 旁人 接口 。
過咗 大半個 時辰 ，門外 有人 話 ：啟稟 爵爺 ，張提督 有事 求見 。
韋小寶 好 歡喜 喇 不過 佢 話 ：三更半夜 有 咩 緊要事 吖 ，你 話 我 已經 瞓咗 喇 ，有事 聽日 再 講 啦 。
係 。
陳近南 低聲 話 ：或者 係 皇宮 裏 便 有 消息 呢 ，你 去 問 下 啦 。
韋小寶 應咗 ，就嚟到 大廳 ，只見 趙良棟 、王進寶 、孫思克 三個人 企響處 ，神情 好 驚惶 ，但係 就 唔見 張勇 。
嗱 各位 ，欲知 後事 如何 ，且 聽 下回 分解 。
