前文 再續 啊 書 接 上 一回 啊 。
話 住 嗰 個 黃衫女子 話 ： 三少奶 ， 等陣 我 師伯醒 翻 嘅 時候 ， 實會 大 發脾氣 嘅 ， 我 哋 又 唔 能夠 殺 咗 佢 不如 噉 啦 。
等佢哋 留喺 呢度 ，我哋 大家 鬆人 ，等佢哋 永遠 都 唔 知道 畀 邊個 綁住 嘅 你 話 好唔好 啊 ？
三少奶話 ：師父 吩咐 點 就 點啦 。
但係 諗起 喺 呢度 住咗 咁多年 ，突然間 立刻 要 走 ，個 心 固然 係 唔捨得 啦 ，又 覺得 咁多 嘢 搬遷 唔 容易 ，不禁 面 有 難色 。
一個 白衣 老婦人 話 ：仇人 已經 捉到 喇 ，我哋 去 祭過 各位 相公 ，靈位 就 可以 焚化 喇 。
三少奶話 ：婆婆 講得 啱啊 。
於是 眾人 嚟到 靈堂 ，將 吳之榮 拉過嚟 ，跪 喺 地下 。
三少奶 喺 供桌 上 便 攞咗 一部 書 嚟 ，搦到 吳之榮 面前 佢 話 ：
吳大人 ，呢部 係 咩 書 你 梗 認得 㗎 ？
吳之榮 對 呢一部書 早就 睇到 滾瓜爛熟 。
一見 呢部 書 嘅 厚薄 、大小 、冊數 ，就 知道 係 自己 賴以 升官 發財 嘅 明史 ，再 睇下 題簽 ，果然 係 明書 輯略 ，就 岌一岌頭 。
三少奶 又 話 ：你 再 睇清楚啲 ，呢度 拜 嘅 英靈 ，當年 你 都 係 認得 嘅 。
吳之榮 定眼睇 下 靈牌 上面 嘅 名字 ，只見 一塊塊 靈牌 上面 寫 嘅 名字 係 莊允城 、莊廷鑨 、李令晰 、程維藩 、李煥 、王兆楨 、茅元錫 ，等等 等等 一百幾 塊 靈牌 上 嘅 名字 ，個個 都 係 因為 自己 舉報告密 ，為 明史 一案 而 被 朝廷 處死 嘅 。
吳之榮 只係 睇咗 八九個 名 ，已經 係 魂飛天外 喇 。
佢 條 脷 畀 韋小寶 割咗 ，流血 不止 ，本來 已經 死咗 幾成 㗎 喇 ，而家 全身 冇力 坐 喺 地下 嚟 成個人 滴滴 咁 震 。
三少奶話 ：你 為咗 貪圖 功名 富貴 ，害死咗 咁多人 。
列位 相公 ，有啲 喺 牢獄 裏 便 飽受 折磨 而 死 ，有啲 慘遭 凌遲 ，身受 千刀萬剮 之 苦 。
我哋 如果 唔係 好彩 得到 師父 搭救 ，亦 早就 畀 你 害死 喇 。
今日 如果 一刀 殺咗 你 ，未免 太過 便宜咗 你 嘞 。
只不過 我哋 做事 唔似 你哋 咁 殘忍 ，你 想 死得 痛快 ，就 自己 作個 了斷 啦 。
講完 ，解咗 佢 身上 嘅 穴道 ，哐 一聲 ，將 一把 短刀 拋 喺 地下 。
吳之榮 周身 滴滴 震 ， 執起 把 刀 ， 不過 要 佢 自殺 佢 又 邊 處 有 呢 啲 勇氣 呢 ？
突然間 轉身 ，就 想 衝出去 逃命 咯噃 ，只係 𨂾咗 一步 唧 ，見到 幾十個 白衣 女子 擋住 前便 。
佢 喉嚨 嗬嗬嗬 噉 幾 聲 ，噼啪 噉 𢴈 低 喺 處 ，扭曲 咗 幾 下 ，就 逳 都 唔 逳 嘞 。
三少奶摱 轉 佢 個 身 ，見 佢 呼吸 已經 停咗 ，滿面 鮮血 ，擘大 雙眼 ，神情 可怖 ，佢 就 話 ：
惡有惡報 ，呢個 奸賊 終於 死咗 喇 。
喺靈前跪低佢話 ：列位相公 ，你哋 大仇得報 ，在天之靈 ，請安息啦 。
眾女子 一齊 趴 喺 地下 處 ，嚎啕 痛哭 。
韋小寶 同 天地會 群雄 都 喺 靈 前 行 禮 。
嗰個 黃衫 女子 啊 企埋 一便 ，皺住 眉頭 唔 出聲 。
眾女子 哭泣咗 一陣 ，又 一齊 向 韋小寶 叩頭 多謝 佢 捉到 仇人 返嚟 。
韋小寶 連忙 叩頭 還禮 佢 話 ：一件 小事 啫 ，何必 客氣 吖 。
誒 如果 你哋 仲 有 咩 仇人 ，講畀 我 聽得喇 ，我 再 去 同 你 捉翻嚟 就係喇 。
三少奶話 ：奸相鰲拜 係 韋少爺 親手 殺咗 喇 ，吳之榮 ，已經 由 韋少爺 捉嚟 處死 。
我哋 嘅 大仇 已經 報晒 啦 ，再 冇 仇人 喇 。
噉 眾 女子 啊 撤咗 靈位 ，火化 靈牌 。
嗰個 黃衫 女子 見到 佢哋 繁文縟節 ，做完 呢樣 又 做 嗰樣 ，唔耐煩 起嚟 ，就 行 出去 睇下 被擒 嗰啲 人 嘞噃 。
韋小寶 同 天地會 群雄 跟埋 出去 ，只見 嗰個 伯爺公 、伯爺婆 、病漢 都 仲 未 醒 。
嗰 黃衫 女子 微微 笑話 ：
細佬哥 ，你 要 放 毒害人 呢 要 認真 學 下 至 得 喇 。
韋小寶 話 ：係啊係啊 ，晚輩 放藥 迷人 實在 係冇法子嘅啫 。
佢哋 武功 啊 太過 強 嘞 ，我 如果 唔 使 個 詭計 ，實 畀 人 扭斷 自己 條 頸 啫 。
噉嘅 下流 手段 ，江湖 上 嘅 好漢 英雄 係 好 睇唔起 嘅 。
我 知錯 喇 下次 唔 敢 嘞 。
咩上流下流唧 ？殺人 就係 殺人 ，用 刀 係 殺人 ，用 拳頭 係 殺人 ，放毒 用 藥 ，又唔係 一樣 殺人 ？
江湖上 嘅 英雄 好漢 睇唔起 啊 ？
哼 ，邊個 要 佢 睇得起 啊 ？
呢 ，好似 嗰個 吳之榮 啊 ，佢 同 朝廷 告密 ，殺咗 幾千幾百 人 ，佢 亦 冇 用 毒藥 啊 ，唔通 就 應該 睇得起 佢 咯 噃 ？
呢番 説話 ，句句 都 使到 韋小寶 喺 個 心底處 歡喜 出嚟 ，不禁 眉開眼笑 佢 話 ：
婆婆姐姐 啊 ，你 呢番 説話 ，真係 啱到 冇得再啱 喇 。
我 細個 嗰陣時 啊 ，幫 人哋 手打交 ，用 石灰 糝 敵人 雙眼 就 幫佢 打贏 咗 交 ，救翻 佢 條命 啦 。
哈 ，你 估 點 啊 ？嗰個人 呀 反而 話 我 係 用 下三濫 嘅 手段 ，仲 出力 噉 摑 咗 我 一 巴 添 。
可惜 嗰陣時 婆婆 姐姐 唔 喺 身邊 唧 ，否則 教訓 下 佢 就 好嘞 。
不過 你 向 我 歸 師伯 放 毒 ，我 都 要 出力 摑 你 幾 巴啫 。
哎呀唔好啊唔好啊 ，嗰陣時 我 唔知道 佢 係 你 師伯 㗎嘛 。
如果 你 知道 佢 係 我 師伯 ，佢 又 要 扭斷 你 條 頸 ，你 有 毒藥 喺 手 嚟 噉 你 放唔放 毒 嚟 迷 佢 呢 ？
呵呵呵 ，條命 咁 緊要 ，噉 都 唯有 得罪 佢 喇 。
噉就算 你 老實 啦 。
人哋 要 攞 你 條命 ，你又 點 能夠 唔 攞 人哋 條命 先 呢 ？
我話 要 摑 你 幾 巴 ，皆因 你 太過 唔識嘢 喇 。
人哋 係 大名鼎鼎 嘅 神拳 無敵 歸辛樹 歸 二爺 ，功力 幾咁 深厚 啊 。
你 想 攞 呢 啲 食 咗 頭 又 唔 會 暈 、 眼 又 唔 會 花 嘅 狗屁 蒙汗藥 嚟 迷 佢 ， 佢 老人家 當 係 胡椒粉 啦 。
不過 佢 ，佢 。
你 呢 啲 唔 出得 場面 嘅 蒙汗藥 撈 埋 喺 茶 裏 便 ， 人 哋 八十年 嘅 老江湖 啊 ， 會 糊糊塗塗 噉 就 飲 咗 落 去 㗎 喇 ？
你 嗰啲 係 開黑店 嘅 流氓 賊仔 嘅 次貨 ，要 落 毒 ，就 要 落 第一流 嘅 。
啊原來 ，原來 婆婆 姐姐 同 我 換咗 第一流 嘅 。
亂講啦 ，我冇換啊 ，歸師伯 佢哋 自己 攰 喇 ，頭痛 發燒 ，暈咗 之嘛 同我 有 咩 關係 啊 ？
一個 係 肺癆鬼 ，兩個 係 八十幾歲 嘅 老公公 老婆婆 ，忽然 之間 自己 暈咗 喇 有 咩 稀奇 唧 ？
佢 把 口 就 講得 一本正經 啊 ，之 眼光 之中 就 露出 頑皮 嘅 神氣 。
韋小寶 知道 佢 怕 日後 師父 知道咗 責罵 佢 ，所以 就 唔 認唧 。
個 心 呀 對 呢個 女子 真係 講唔出 咁 佩服 。
突然間 佢 跪 喺 地下 佢 話 ：婆婆 姐姐 ，我 拜 你 為 師 ，你 收 咗 我 呢個 徒弟 啦 ，我 叫 你 做 師父 姐姐 。
嗰個 女子 咭咭聲 咁 笑 ，伸出 隻 右手 ，將 手掌 晾住 佢 下 爬底 。
韋小寶 只 覺得 個 下爬底下 有 件 嘢 好 硬 嘅 絕對 唔係 人手 。
耷低頭一睇 ，嘩 ，大吃一驚啊 ，只見 嗰件嘢 ，竟然 係 一個 黑卒卒 嘅 鐵鈎 ，鈎尖 好 利 嘅 閃閃發光 。
嗰個 女子 笑住 話 ：你 再 睇 清楚 啲 。
左手 捋起 右手 嘅 衫袖 ， 露上 一段 雪白 嘅 上臂 ， 但 係 喺 手腕 嗰 處 呢 斷 咗 ， 冇 手掌 。
嗰隻 鐵鈎 ，竟然 係 安裝 喺 手腕 上便 。
嗰個 女子 話 ：你 要 做 我 嘅 徒弟 噉 亦 無 不可 ，你 而家 割 咗 隻 手掌 我 同 你 安 隻 鐵鈎 啦 。
呢個 黃衫 女子 啊 ，就係 當年 天下 聞名 嘅 五毒教 教主 何 鐵手 嘞 。
收尾 拜咗 袁承志 為 師 ，改咗 個 名 叫做 何惕守 。
明朝 亡咗 之後 ，佢 就 跟埋 袁承志 走咗去 海外 。
嗰年 奉師命 嚟 中原 辦事 ，無意之中 就 救咗 莊家 三少奶 等 一班 寡婦 ，咪 教咗 佢哋 一啲 武藝 。
呢次 又 嚟到 嘞 啱啱 遇到 雙兒 攞咗 蒙汗藥 嚟 ，噉 講起 情況 ，佢 雖然 唔 知道 對方 係 咩 人 啊 ，不過 武功 既然 係 咁 高強 ，平常 蒙汗藥 啊 絕無 用處 嘅 ，於是 另外 用 啲 藥物 放入 水缸 裏 便 。
何惕守 使 毒 嘅 本領 世上 無 雙 ，自從 歸 華山派 之後 ，唔 玩 呢樣嘢 好耐 嘞 。
忽然 見到 有人 要 喺 水缸 裏 便 放 毒 喎 ，不禁 手痕 起嚟 ，牛刀 小試 ，天下 邊個 人 能夠 頂得住 呢 ？
如果唔係 ，歸辛樹 內力 深厚 ，仲 喺 佢 師父 袁承志 之上 嘅 ，韋小寶 呢包 同 御前侍衞 攞嚟 嘅 平常 蒙汗藥 ，點樣 迷得 佢 倒 吖 ？
嗰個 病漢 叫做 歸鐘 ，佢 喺 娘胎 之中 就 已經 得病 嘞 ，本來 係 絕難 養大 嘅 ，收尾 食咗 珍貴到極 嘅 靈藥 ，噉 先至 保翻 條 命 。
但係 身體 腦力 ，都 已經 受咗 損害 ，始終 唔能夠 好似 常人 咁 壯健 。
歸辛樹夫婦啊 只有 呢個 獨子 ，愛佢 仲 緊要過 自己 條命 ，因為 佢 自細 病苦 纏綿 啊 ，不免 過分 嬌寵 ，失咗 管教 。
歸鐘 雖然 學 咗 一身 高強 武功 ， 但 係 人到中年 ， 個 心智 性情 呢 ， 仲 係 好似 八九歲 嘅 細 佬 哥 一樣 嘅 。
何惕守 落藥 嘅 時候 ，唔知道 對方 係 邊個 ，等到 發覺 竟然 係 歸師伯 一家 ，不由得 心中 惴惴不安 。
不過 事情 到咗 噉嘅 地步 咯 ，唯有 置之度外 啦 。
而家 聽見 韋小寶 講説話 嘅 時候 咁 討人歡喜 ，對 佢 又 非常之 鐘意 ，個 心 諗 ：
喺 域外 海島 之上 ，邊度 有 咁 伶俐 頑皮 嘅 少年 啦 ？
韋小寶 聽講 要 割咗 一隻 手 去 先至 拜得 佢 為 師 ，攞 隻 手掌 睇下 ，又 怕 手痛 又 唔 捨得 ，神情 就 好 躊躇 嘞 。
何惕守 笑住 話 ：師父 係 唔使 你 拜 喇 ，我 亦 冇 時間 教 功夫 畀 你 。
我 有 一件 非常 好玩 嘅 暗器 就 送咗 畀 你 啦 ，免致 你 嘅 心 一味 嗌唔抵 ，白白 叩咗 頭 ，又 叫咗 一陣 師父 姐姐 。
師父 姐姐 唔 會 白白 噉 叫 嘅 。
你就係唔教功夫畀我 ，唔畀嘢過我 ，好似 你 咁 美貌 嘅 姑娘 呀 ，我 叫 多 幾 聲 師父 姐姐 個 心 都 好快活 㗎 。
何惕守 咭咭聲 咁 笑佢 話 ：你 隻 馬 騮仔 吖 油嘴滑舌 ，同 你 婆婆 冇 上 冇 下 噉 亂講 。
佢 係 苗族 嘅 女子 ，對於 漢人 嘅 禮法 規矩 向來 都 唔 放 喺 心上 嘅 。
韋小寶 讚佢 美貌 ，佢 不但 唔怪 韋小寶 啊 ，反而 好開心 添 ，就 笑住 話 ：馬騮仔 ，你 再 叫 一聲 啦 。
姐姐 ，好 姐姐 。
哎呀 你 越嚟越 唔似樣 嘞 。
突然 左手 揦住 佢 後頸 將 佢 扚 喺 左側 ，跟住 聽見 嗤嗤嗤 三 聲 ，枱 上 三 支 燭火 當堂 熄滅 。
對面 木板牆 上 便 ，噼噼啪啪 ，好似 落 大雨 噉 響咗 一陣 。
韋小寶 又 驚 又 喜 就 問 ：呢啲 係 咩 暗器 啊 ？
你 自己 去 睇 下 啦 。
噉啊鬆手放佢落地 。
韋小寶 喺 茶几 上面 攞咗 個 燭台 ，哄埋 去 板牆 上面 睇下 。
只見 幾十口 亮閃閃 嘅 鋼針 ，都 深深 噉 釘入去 板墻 ，佢 佩服 到 極 啊 就 話 ：
姐姐 ，你 逳 都 冇 逳 ，點樣 發射咗 咁多 鋼針 嘅 ？
呢種 暗器 啊 ，天下 有 邊個 避得過 啊 ？
何惕守 笑住 話 ：當年 我 曾經 用 呢種 含沙射影 暗器 射 我 師父 ，佢 就 避過咗 ，一眼 針 都 射 佢 唔中 。
不過 除咗 我 師父 之外 ，避得過 嘅 ，都 怕 冇 幾多 個 唧 。
你 師父 啊 實係 要 你 試下 嚟 射 佢 ，有 咗 防備 先 啫 嘛 。
如果 突然 之間 射出去 呀 ， 佢 老人家 武功 更強 啊 ， 呢 種來 無影 去 無蹤 嘅 暗器 ， 佢 又 點樣 避 得到 啊 ？
嗰個 時候 ，我 同 師父 係 對頭 ，正在 惡鬥緊 。
佢 唔係 叫 我 試下 射 佢 ，事前 完全 唔 知道 㗎 。
唔怪得知啦 ，你 師父 正在 全神貫注 噉 防備 你 噉 先至 避開 咗 啫 嘛 。
如果 你 嗰陣時候 向 東 便 一指 ，擰轉頭 一睇 就 話 ：咦 ？邊個 嚟 啊 ？
你 師父 必定 向 東 便 睇 一眼 㗎 ，噉 嗰陣時 你 忽然間 發射 ，我 睇 呀 ，非 中 不可 。
唉 ，或者 你 講得 啱啦 。
呢啲 鋼針 上 便 餵咗 劇毒 ，我 師父 嗰陣時 如果 避唔開 就 已經 死咗 嘞 。
嗰陣時 ，我 唔想 殺佢 。
哦 ，你 個 心 鐘意 咗 師父 呢 係咪 呢 ？
何惕守 塊面 微微 一紅 呸咗 佢 一聲 就 話 ：
邊度 係 呢 ，你 唔好 亂講 添噃 。
畀 我 師娘 聽見咗 ，實 割咗 你 半條 脷 啫 。
韋小寶 就 萬萬 諗唔到 ，嗰陣時 何惕守 所 暗中 鐘意 嘅 ，卻係 呢個 女扮男裝 嘅 師娘 啊 。
少年 往事 突然 間 湧 上 心頭 ， 雖然 已經 事隔 幾十年 喇 ， 何惕守 塊面 ， 仲 係 不禁 發燒 啊 。
佢 攞 出 兩隻 鹿皮 嘅 手指套 ， 戴 喺 左手 嘅 手指 公 同埋 食指 上 便 ， 將板 牆上 嘅 鋼針 一眼 眼拔 翻落 嚟 。
噉 跟住 喺 衣襟 裏 便 ，解咗 一 條 鐵帶 出嚟 ，帶 上面 裝住 一個 鐵盒 ，盒蓋 上面 有 好多 窿仔 嘅 。
韋小寶 恍然大悟 ，拍住手 噉 話 ：
姐姐啊 ，呢種 暗器 啊 真係 巧妙 喇 ，原來 你 裝咗 喺 件 衫 裏 便 嘅 。
只要 一撳 鐵帶 上面 嘅 機關 ，鐵盒 裏 便 就 射 啲 鋼針 出去 喇 。
韋小寶 諗住 佢 應承 送 一件 暗器 畀 自己 ，多數 就係 呢件 喇 ，不禁 心花怒放 啊 。
何惕守 微笑 話 ：無論 幾 咁 厲害 嘅 暗器 ，發射 嘅 時候 總係 要 靠 手力 準頭 嘅 。
你 武功 太過 差嘞 ，除 呢種 含沙射影 之外 ，其他 嘅 暗器 畀 你 都 冇用 嘅 。
於是 將 鋼針 一眼眼 插翻入去 鐵盒 裏 便 ，噉啊 要 韋小寶 捋起 長袍 ，將 鐵帶 綁 喺 佢 身上 ，鐵盒 係 喺 正 心口 ，噉啊 教 咗 佢 撳 機關 嘅 方法 。
又 傳咗 配製 針 上面 毒藥 同埋 解藥 嘅 藥方 ，佢 話 ：
盒裏 便 嘅 鋼針 ，總共 可以 用 五次 ，用完 之後 ，就 要 加翻 落去 㗎喇 。
我 師父 一再 叮囑 ，千祈 唔好 誤殺 無辜 啊 。
呢種 暗器 本來 係 餵咗 劇毒 嘅 ，不過 而家 餵嘅 呢 ，就 唔係 要 攞 人 條命 嘅 毒藥 ，只係 叫 人 中咗 之後 ，又 麻 又 癢 ，全身 都 冇力 嘅 啫 。
但係 你 仍然 唔好 亂咁 使 啊 。
韋小寶 千 應承 萬 應承 ，又 再 跪低 拜謝 。
何惕守 話 ：你 將 佢哋 三位 扶起 坐翻 好啦 。
韋小寶 應咗 ，噉 啊 先 將 歸辛樹 扶起 坐翻 落 張 椅 處 。
又 去 扶 歸 鐘 嘅 時候 ， 碰到 佢 腰間 圓轱轆 好似 有個 葫蘆 噉 ， 噉 啊 拉 起 佢 長袍 一睇 ， 係 個 革囊 。
韋小寶 一時 好奇 ，拉開 革囊 上面 嘅 皮繩 一 睇 ，突然間 大叫 起嚟 ：
哎吖 ！係 個 死人頭 啊 ，佢 ，佢 ，佢 睩 大 雙眼 喺度 睇住 我 啊 。
何惕守 又 覺得 好奇怪 就 話 ：
佢 唔知 殺咗 咩 緊要 嘅 人物 ，成日 噉 將 個 首級 掛 喺 腰間 呢 ？你 攞 出嚟 睇 下 吖 。
哦 ，嗱 ，死人喇 ，我 攞 你 出嚟 喇 ，你 唔好 咬 我 啊 。
慢慢 伸 隻 手 落 革囊 ，揸住 嗰個 首級 嗰條 辮 ，噉 啊 扚 咗 出嚟 放 喺 枱面 。
燭光 之下 睇得 明明白白 ，呢個 首級 怒目 圓睜 ，虬髯 戟張 。
韋小寶 大叫 一聲 連退 三步 ：係 ，係 吳大哥 啊 ！
何惕守 微微 一驚 嘞 問 佢 話 ：你 認得 佢 嘅 咩 ？
佢 ， 佢 係 我 哋 會 裏頭 嘅 兄弟 ， 吳六奇 吳大哥 啊 ！
佢 嘅 心 極之 悲痛 放聲 大哭 。
天地會 群豪 聽 佢 狂叫 大哭 嗱嗱聲 走嚟 大廳 ，見到 吳六奇 嘅 首級 ，個個 都 吃驚 悲憤 。
各人 手撳 刀柄 望 實 何惕守 ，以為 吳六奇 係 佢 殺 嘅 。
跟住 雙兒 亦 趯咗 出嚟 嘞 。
韋小寶 拉住 佢 隻手指 住 首級 佢話 ：
雙兒 ，呢個 係 你 義兄 吳 大哥 ，佢 ，佢 ，佢 畀 呢個 惡賊 害死 咗 啊 。
講完 ，衝到 去 歸鐘 前 便 ，喺 佢 身上 出力 噉 踢咗 幾 腳 。
就 向 徐天川 佢哋 話 ：吳大哥 嘅 首級 ，呢個 惡賊 呀 掛 喺 身上面 嘅 。
眾人 再 睇下 呢個 首級 ，只見 血跡 早就 乾咗 嘞 ，頸口 嘅 地方 冚𠾴唥 都 係 石灰 ，顯然 係 用 藥材 同 石灰 保護住 ，唔 使 佢 腐爛 。
雙兒 攬住 首級 放聲 大哭 。
李力世 話 ：我哋 用 冷水 淋醒 呢個 惡賊 ，問 清楚 佢 ，再 殺咗 佢 同 吳大哥 填命 ！
群雄 齊聲 讚成 啊 。
何惕守話 ：呢個人 係 我 師弟 ，你哋 唔能夠 逳 佢 一條 寒毛 啊 。
講完 ，伸出 右手 鐵鈎 ，向住 枱 上一 支 蠟燭 揮 咗 幾 揮 ，就 飄然 入咗 去 裏 便 。
玄貞 道人 發惡喇 ：就算 係 你 師父 啊 ，都 要 將 佢 斬 為 肉醬 。
突然 風際中 咦噉 一聲 ，左手 用 兩隻 手指 ，搦咗 七八分長 一闕 蠟燭 將 佢 舉起嚟 。
燭 台上 嘅 蠟燭 本來 仲有 七八 寸長 嘅 ， 但 係 而家 已經 割成 六七 闕 嘞 ， 每 闕 都 唔 到 一 寸長 ， 齊齊整整 噉 疊 埋 一齊 ， 冇 跌落 嚟 噃。
嘩 ，呢手 武功 啊 ，真係 得人驚 啊 ，天地會 群雄 人人 都 變咗 面色 。
玄貞 嚓 一 聲 ，拔出 佩刀 佢 話 ：我 殺咗 呢個 嘢 為 吳大哥 報仇 ，等 嗰個 女人 殺翻 我 啦 。
李力世話 ：咪住 ，問明白先 ，然後 將 三個人 一齊 殺咗佢 。
韋小寶話 ：冇錯喇 ，呢位 婆婆 姐姐 只係 怕 佢 師伯 㗎啫 。
只要 連 佢 師伯 、師伯老婆 一齊 都 殺埋 反而 冇事 㗎 。
雙兒 ，你 去 打 盆 冷水 嚟 ，不過 千祈 唔好 去 廚房 裏 便 落過 藥 嗰啲 噃 。
噉 雙兒 入去 打咗 盆 冷水 出嚟 。
徐天川 接過嚟 ，喺 歸鐘頭 上 慢慢噉 淋落去 ，見到 佢 連氣 打咗 幾個 乞嗤 ，就 慢慢 擘開 眼嘞 。
佢 個 身 一逳 ，發覺 手腳 都 畀 人 綁住 ，腰間 又 畀 人 點咗 穴道 ，嬲 喇 。
邊個 啊 ？ 邊個 同 我 哦 搵 啲 噉 嘢 嚟 玩 啊 ？
玄貞 將 刀刃 喺 佢 塊 面 上 輕輕 拍咗 一 拍 鬧 佢 話 ：你 祖宗 同 你 玩 啊 ！
指住 吳六奇 嘅 首級 問 ：呢個 人 係唔係 你 害死 嘅 ？
冇錯 ，係 我 殺 㗎 。
阿媽 ， 阿爹 啊 ， 你 哋 喺 邊 處 啊 ？
擰 轉頭 見到 父母 都 畀 人 哋 綁住 ， 嚇 到 佢 爭 啲 喊 咁 滯 啊 。
佢 一生 跟隨 父母 事事 如意 ，啲 咁多 挫折 都 未 受過 嘅 ，幾時 經歷過 噉嘅 情景 吖 ，佢 苦口苦面 噉 話 ：
你 ， 嗯 你 哋 ， 你 哋 做 乜嘢 啊 ？ 你 哋 ， 你 哋 打 我 唔 過 ， 誒 點解 又 ， 又 又 綁住 我 ， 誒 綁住 我 阿爹 、 阿媽 啊 ？
徐天川 反過手掌 ，啪一聲 ，摑咗佢一巴 ，喝佢話 ：
呢個人 ，你 點解 要 殺佢 ？快啲 講出嚟 ，如果 講 半句 大話 ，即刻 督盲 你 雙眼 。
講完 ，將 刀尖 伸過去 對準 佢 隻 右眼 。
嗱 各位 ，欲知 後事 如何 ，且 聽 下回 分解 。
