前文 再續 啊 書 接 上 一回 。
話說 嗰個 伯爺 婆 兩 掌 打低 咗 玄貞 ，雙腳 喺 地 下 一𨂽 ，個 身 就 飛起 ，倒退 翻去 坐翻落 架 車 處 。
群雄 當堂 嘈 起 上嚟 ，一齊 向 架 大車 撲 過去 。
嗰個 病漢 揦住 趕車 嘅 使媽 背心 ，輕輕 一扚 ，就 同佢 換咗 位置嘞 ，將 個 使媽 揦咗 入去 車 裏 便 ，自己 坐咗 趕車人 嘅 座位 。
呢個 時候 ，咁啱 錢 老本 飛身 雙掌 擊落 ，嗰個 病漢 左手 一拳 打出 ，同 佢 雙掌 一 碰 ，竟然 係 無聲無息 。
錢老本 只 覺得 一股 強勁 嘅 大力 湧到 ，身不由主 噉 兩個 關斗 倒翻 出去 。
雙腳 着地 之後 ，想要 企翻 定啦 ，突然間 覺得 雙膝 冇力 ，就 想 跪低 噃 驚到 佢 乜嘢 噉 。
連忙 出力 向 後 一昂 𢴈 喺 處 ，噉 先至 唔使 向 敵人 跪低 咁 醜 。
錢老本 啱啱 跌倒 ，風際中 跟住 撲到嚟 嘞 。
嗰個 病漢 又 係 一拳 擊出 ，風際 中 唔同 佢 拳力 相遇 啊 ，右掌 中途 變咗 方向 ，突然 向 佢 條 頸 處 斬落 。
嗰個 病漢 咦 一聲 ，似乎 覺得 對方 嘅 武功 使得 ，頗 出意料 之外 。
噉啊 右手 手指公 扣住 中指 ，向 佢 掌心 彈過去 。
風際中 立即 收掌 ，右腳 啊 踏上 騾背 。
高彥超 同 樊綱 分別 向 兩名 男僕 進攻 。
兩個 僕人 縱馬 退開 佢哋 話 ：等 少爺 搞掂 你哋 。
原來 高 、樊 兩個人 ，都 諗住 同 對方 僕人 打鬥 啊 勝之不武 ，見 呢 兩個 僕人 退開 啱晒 啦 ，即刻 轉身 ，一齊 跳起 攻 嗰個 病漢 左側 。
突然 嗰隻 騾 長嘶 一聲 ，成隻 僂 低 喺 地 ，噉 就 帶動 大車 跟住 傾倒 嘞 。
原來 風際中 踏上 騾背 ，腳底 暗運 重力 ，一踩 ，隻 騾 嘅 脊骨 就 斷 嘞 。
嗰個 病漢 腳 唔 彈 身 唔起 ，喺 咳嗽 聲 中 ，已經 企 喺 地下 嘞 。
大車 裏 便 嘅 伯爺 公伯爺 婆 呢 ，一 人 扚住 一個 使媽 ，喺 車 裏 便 跳出嚟 。
呢 三個 人 行動 似乎 唔係 點 快 嘅 ，不過 都係 離開 架 車 先 ，大 車 噉 先至 翻到 嘅 。
錢老本 同 徐天川 向住 伯爺 公伯爺 婆 衝過去 。
嗰個 伯爺 婆 左手 搖 一搖 ，右手 向 病漢 指 一指 ，笑住 話 ：你哋 過去 ，陪 我 個 仔 玩 下 罷 啦 。
意思 即 係 要 佢 兩個 人去 捱 佢 個 仔 嘅 拳頭 ， 等 佢 高興 下 噉 。
徐天川啊 右拳 向 嗰個 伯爺 公 頭頂 擊落 ，不過 見 佢 年紀 老邁 喇 ，雖然 知道 佢 武功 不弱 啊 ，仲 係 怕 一拳 打死咗 佢 ，就 話 ：看拳 ！
噉 手上 呢 亦 只係 使咗 三成 力 。
佢 自從 失手 打死 白寒松 ，同 沐王府 搞出 唔少 糾紛 之後 ，已經 非常 警惕 嘞 。
嗰個 伯爺公 一手 就 捻住咗 佢 隻 拳頭 。
呢個 伯爺公 身材 瘦小 ，手掌 呢 竟然 出奇 咁 大 噃 ，捻住 佢 拳頭 之後 就 話 ：去 嗰 便 玩下 啦 。
徐天川 嘅 年紀 雖然 係 細過 呢個 伯爺公 ，不過 亦係 個 白髮 老人 喇 ，呢個 伯爺公 呢句 説話 ，就 好似 係 同 個 頑童 講説話 嘅 語氣 。
徐天川 右手 出力 想 掹翻開 ，左拳 就 跟住 擊出去 。
呢一招 青龍白虎 本來 係 相輔相成 嘅 招式 ，左拳 就 唔係 真係 想 擊中 對方 嘅 ，只係 要 逼 對方 鬆手 。
但 係 如果 對方 唔 肯 鬆手 呢 ， 呢 一拳 就 正中 鼻樑 㗎 喇 。
點知 個 伯爺 公 用 手 一 送 ，跟住 鬆翻 手 。
徐天川 只 覺得 一股 非常 渾厚 嘅 大力 推過嚟 ，再加埋 自己 左拳 正在 用力 打出去 ，噉啊 右力 在 後 左力 在 前 ，個 身 當堂 好似 陀螺 噉啊 急速 旋轉 ，一直 向 嗰個 病漢 轉過去 。
嗰個 病漢 正在 同 風際 中 、高彥超 、樊綱 、李力世 四個人 打緊 ，見到 徐天川 轉到嚟 就 拍手 笑住 話 ：吖 ，得意 啊 ，誒 得意啊 。
四個人 嘅 拳腳 正係 好似 疾風驟雨 噉 向 佢 打過去 ，佢 竟然 有 餘裕 嘅 時間 拍手 歡呼 ，哎 真係 奇怪 嘞 。
跟住 伸手 一撥 ，徐天川 就 忽然 反咗 方向 ，本來 係 向右轉 嘅 ，突然 就 變成 向左轉 ，就 急速 向住 嗰個 伯爺公 旋轉過去 。
嗰個 病漢 笑住 話 ：阿爹 啊 ，好好玩啊 ，你 ，你再 將 呢個 陀螺 ，轉過嚟 啦 。
玄貞 奮力 衝上去 。
哈 ， 個 病漢 隨手 一撥 一 推 ， 一撥 一 推 ， 竟然 將玄貞 、 高彥超 、 樊綱 、 李力世 四個 人 亦 都 轉成 咗 個 陀螺 。
只係 風際中 冇 畀 佢 帶動 唧 ，不過 胸口 啊 已經 氣血 翻湧 ，急忙 跳 後 三 步 ，雙掌 護身 。
五位 天地會 嘅 豪傑 都 轉到 冇 停 ，想 運力 定住 啦 ，不過 點 都 定唔住 。
當 有 個人 轉得 稍為 慢啲 ，嗰個 病漢 就 衝過去 一撥一推 ，旋轉 嘅 勢頭 當堂 又 急翻 嘞 。
呢 個 情景 呢 ， 就 好似 係 細佬 哥 喺 枱面 轉 銅錢 ， 五個 銅錢 喺 枱面 急轉 ， 直立 唔 跌倒 嘅 。
邊 一個 轉得 慢 嘞 ，睇住 跌倒 嘞 ，嗰個 細佬哥 又 去 用 手指 轉翻 一轉 噉 。
韋小寶 睇到 眼睩睩 口擘擘 ，驚到 不得了 。
雙兒 啊 企 喺 佢 前 便 提心吊膽 噉 護住 佢 。
韋小寶 低聲 話 ：我哋 三十六 着 咯 。
雙兒 話 ：快啲 去 莊家 啦 。
冇錯喇 ，一到 莊家 就 大吉大利 ，做莊嘅 可以 食夾棍 ，大殺三方 。
講完 轉身 就 走 。
噉 雙兒 拉住 吳之榮 ，跟 喺 後 便 。
嗰個 病漢 轉 陀螺 啊 轉到 興高采烈 。
一對 老夫婦 微微笑 睇住 個 仔 。
四名 僕人 拍手 喝彩 ，為 小主人 助興 啊 。
嗰個 病漢 見到 風際中 企穩 馬步 ，左 掌 高 右 掌 低 ，擺成 個 古松 矯立 勢 ，立即 上前 ，伸手 想 撥 佢 右 膊 咯 喎 。
風際中 右腳 退咗 一步 ，側膊 避開 佢 ，不過 就 唔敢 出掌 還手 。
嗰個 病漢 發 惡話 ：你 呢個 壞人 ，你 ，你 你唔 轉 陀螺 啊 ？
伸手 又 向 佢 右膊 撥 過去 。
風際中又再後退 ，點知 左膊 後便 ，突然 一股 大力 推到 ，即時 身不由主 ，喺 嗰個 病漢 大聲 笑 中 ，加速 咁 旋轉 。
噉 想話 使 千斤墜 定住 個 身 啦 ，點知 畀 個 病漢 喺 後腰 出力 一 撥 ，又 轉起嚟 嘞 。
吳之榮 見 嗰個 病漢 同 對頭 為難 ，突然間 覺得 機會 嚟喇 ，就 行一步 跌一步 噉 行得 幾步 ，詐 假意 一腳 𠽤倒 ，就 跌 喺 地 唔肯 起身 。
雙兒 出力 咁 拉佢 ，佢 就係 唔肯 起身 。
韋小寶 急到 不得了 啦 ，怕 同 敵人 講出 真相 啊 ，於是 左手 托住 佢 下顎 ，出力 一捻 ，噉 吳之榮 就 擘大 個 口 嘞 。
韋小寶 喺 靴筒 裏 便 拔出 匕首 ，喺 佢 個 口 裏 便 一撩 ，將 佢 條 脷 割咗 大半 闕 。
吳之榮 啊 痛到 暈咗 。
雙兒 啊 以 為 韋小寶 已經 將呢 個 奸賊 殺死 嘞 就 話 ： 相公 啊 ， 快 啲 走 啦 。
噉 兩個人 係 向前 飛奔 。
噉 兩個人 跑咗 唔夠 一里 路 ，就 聽見 後便 馬蹄 響 ，有人 騎馬 追住 嚟 。
韋小寶 見到 左手 便 有 個 亂石崗 ，兩個人 就 離開 條 小路 ，走入去 亂石堆 裏 便 。
嗰個 病漢 同 一名 僕人 騎馬 追到嚟 ，眼見 馬匹 就 唔能夠 入 亂石崗 裏 便 㗎 ，嗰個 僕人 啊 跳落 馬 佢 話 ：
兩個 細佬 哥 唔 使 怕 。
我哋 少爺 叫 你哋 陪 佢 玩 下 唧 ，快啲 返嚟 啦 。
韋小寶 話 ：要 轉 陀螺 喎 老子 真係 唔䎺 啊 。
就趯得 更加快 嘞 。
嗰個 僕人 入去 亂石堆 追 ，韋小寶 同 雙兒 啊 走得 好快 個 僕人 係 追唔到 。
嗰 個 病 漢 話 ： 哎呀 ， 捉匿匿 啊 ？ 嘩 ， 好 過癮 啊 。
就 落咗 馬 ，喺 南 便包抄 過嚟 ，一便 走 啊 一面 猛咁 咳 。
韋小寶 同 雙兒 轉身 向住 東北角 逃跑 ，反而 向 嗰個 僕人 走過去 。
嗰個 僕人 撲過嚟 要 捉 韋小寶 嘞 噃 。
韋小寶 使出 九難 教 佢 嘅 神行百變 功夫 ，個 身 一側 ，嗰個 僕人 就 撲空 咗 嘞 。
雙兒 反手 一掌 打 佢 後腰 。
嗰個 僕人 見 佢 小小 年紀 啫 一啲 都 唔 將 佢 放 喺 心上 ，竟然 唔 招架 噃 ，噉 伸手 去 扭 佢 右臂 。
雙兒 左掌 飛快 斬落 ，嚓 一聲 ，已經 斬中 佢 後腰 。
嗰個 僕人 痛嘞 ，哎吖 噉 大叫 一聲 。
就喺呢個時候 ，雙兒 捉住 佢 右手手腕 ，反過嚟 一扭 ，咔喇一響 ，扭斷 佢 手踭 嘅 關節 。
嗰個 病漢 見到 ，咦咗 一聲 ，係 一嚿 岩石 跳 到 另外 一嚿 岩石 。
幾個 起落唧 ，就 跳到 雙兒 身前 ，左手 一揮 ，噉 雙兒 戴住 頂帽 呢 畀 佢 掃咗 落地 ，一把 長頭髮 就 散開 嘞 。
嗰 病 漢 笑 住 話 ： 吖 ， 係 個 姑娘 啊 。
噉啊 伸手 揦住 佢 嘅 長頭髮 。
雙兒 吖噉 一聲 大叫 ，一招 雙回龍 ，兩隻 手 踭 向 後 撞 。
嗰個 病漢 笑住 話 ：好 ！
噉左手 由 左 而 右 一掠 ，就 捉住 佢 兩隻 手掌 ，反 喺 背後 。
跟住 右手 將 雙兒 嘅 長頭髮 喺 佢 雙手 手腕 上面 繑 咗 兩轉 ，再 打 個 裂 ，哈哈大笑 。
雙兒 急到 喊 喇 佢 話 ：相公 ，你 快啲 走 啦 ，快啲 走啦 。
嗰個 病漢 用 手指 喺 佢 條 腰 處 輕輕 一 督 ，點咗 穴道 ，笑住 話 ：佢 呀 ，走唔甩 嘅 。
就 撇低 雙兒 去 追 韋小寶 ，一陣間 ，就 追到 好近 嘞 。
韋小寶 喺 亂石 裏 便 東竄西走 ，嗰個 病漢 幾次 要 捉到 佢 嘞 ，都 畀 佢 用 神行百變 嘅 功夫 走甩 咗 。
嗰 病漢 笑住 話 ：哈 你 捉匿匿 ，嘅 本事 都 好 叻 㗎 噃 。
韋小寶 內力 不足 ，跑咗 咁 耐 嘞 已經 隔夜 風爐 都 吹得着 咯 。
知道 再 過 一陣 呢 實 畀 佢 捉到 嘅 ，佢 就 話 ：
你 ， 你 捉 我 唔 到 嘅 ， 而家輪 到 我 捉 你 喇 ， 你 快 啲 走 啦 ， 我 嚟 捉 你 喇 。
講完 就 轉過身 向 個 病漢 撲過去 。
嗰個 病漢 騎騎聲 咁 笑 ，吖 真係 轉身 就 逃走 噃 ，佢 亦 喺 亂石堆 裏 便 轉嚟轉去 。
韋小寶 早就 睇出 佢 嘅 武功 雖然 係 好高超 啊 ，不過 為人 卻 係 癡癡呆呆 。
四十幾歲 嘅 年紀 ，做起事嚟 呢 仍然 好似 細佬哥 噉 嘅 。
不過 佢 喺 亂石堆 裏 便 忽來忽去 ，啱啱 見到 佢 喺 東邊 唧 ，眨下眼 ，佢 又 喺 西邊 出現 嘞 ，快 到 好似 鬼怪 噉 。
韋小寶 又 驚 又 佩服 啊 佢 話 ： 我 一定 要 捉 到 你 嘅 ， 你 ， 你 你 實走 唔 甩 嘅 。
噉啊詐假意追佢 ，走到 雙兒 身邊 ，一下 將佢抱起 大聲 噉叫話 ：
喂 ，我 就算 抱住 一個人 啊 ，我 都 追到 你 嘅 。
嗰個 病漢 哈哈大笑 佢 話 ：咦 ，咦你 吹牛 ，你 吹牛嘅 ，你 吹牛嘅 。
韋小寶 抱住 雙兒 詐 假意 追 嗰個 病漢 ，不過 呢 ，越 走 就 越 遠 。
嗰個 病漢 話 ：你個 豆丁 ，冇用嘅 ，邊度 捉得到 我 吖 ？
就 向 韋小寶 逼近 幾步 嘞 。
韋小寶 話 ：呢下 仲 捉唔到 你 ，你 咳 到 走 唔逳 喇 。
噉啊 講完 作狀 向 佢 撲過去 。
嗰個 伯爺 婆 喺 遠處 喝 佢 話 ：衰仔 ，你 敢 引 我 個 仔 咳 吖嗱 。
嗤一聲 ，一粒 石仔 破空 飛過嚟 。
石仔 雖然 係 細 啊 ，不過 飛過嚟 嘅 聲音 好 得 人 驚 嘅 。
韋小寶 哎吖 一聲 ，踎低身 嚟 躲避 啦 ，不過 慢咗 一步 ，嗰粒 石仔 啊 打中 佢 隻 腳 坳 ，成個 𢴈 喺 處 同 雙兒 趢埋 一嚿 。
嗰 伯爺 婆 話 ：捉過嚟 。
一名 男僕 走過嚟 捉住 韋小寶 同 雙兒 嘅 背心 ，扚到 個 伯爺 婆 面前 ，將 佢哋 掉 喺 地下 。
嗰個 病漢 騎騎聲 咁 笑 ，佢 拍住手 話 ：
咁冇用嘅 ，跌倒 個 大冬瓜 喎 ，冇用嘅 ，冇用嘅 。
韋小寶 又 驚 又 嬲 啊 ，只見 徐天川 、風際中 等 人 都 已經 畀 條 長 繩 綁住 ，排 成 一 串 。
一個 使 媽 揸住 條 長 繩 ，連 吳之榮 都 綁 喺 嗰 一 串 人 嘅 尾尾 。
每個人 都 耷頭耷腦 眯埋 雙眼 ，似乎 ，已經 係 失咗 知覺 。
嗰個 伯爺 婆 話 ：你 個 女仔 女 扮 男裝 ，哼 ，你嘅 分筋錯骨 手 ，喺 邊處 學 翻 嚟 㗎 ？
嗰個 男仔 你 嘅 神行百變功夫 係 跟 邊個 學 㗎 ？
韋小寶 吃咗 一驚 嘞 佢 諗 ：
呢個 伯爺婆 嘅 眼光 真係 厲害 嘞 ，知道 我 呢門 功夫 個 名 喎 。
諗到 人哋 竟然 認到 出嚟 ，噉 即係 自己 嘅 神行百變 功夫 ，顯然 已經 練得 頗為 到家 啦 ，又 不禁 有啲 得意 嘞 ，佢 話 ：
咩 神行百變 喇 ？你 話 我 會 神行百變 嘅 功夫 啊 ？
嗰 伯 爺 婆 話 ： 呸 ， 你 呢 幾下 狗 跳 唔 似狗 跳 ， 蟹 躝 唔 似蟹 躝 都 算 係 神行 百變 咩 ？
韋小寶 坐起身嚟 佢 話 ：
係 你 自己 講 嘅 係 神行百變 啫 嘛 又 唔係 我 講 嘅 ，我 點知 係 神跳百變 呢 定係 神躝百變 啊 ？
嗰個 病漢 拍手 笑住 話 ：你 會 神跳 百變 ，又 會 神躝 百變 啊 ？哈 ，好得意 啊 。
護低 個 身 ，喺 韋小寶 背 上 點咗 一下 。
韋小寶 覺得 一股 暖氣 直透入 身 ，痠麻 嘅 下肢 當堂 靈活 翻 嘞 佢 企 起身 話 ：
你 解穴 嘅 本事 好 高明 噃 。
嗰個 病漢 話 ：你 快啲 躝 啦 ，誒 躝翻 一百 樣 變化 出嚟 ，誒又 要 烏龜 躝 ，又 要 蛤乸 躝 ，噉 先至 係 神躝百變 㗎嘛 。
韋小寶 話 ： 我 唔 會 神 躝 百 變 嘅 ， 誒 你 如果 會 你 躝 畀 我 睇 下 啦 。
我 都 唔會 啫 。
我 阿爹 話 ，武學 大師 呢 ，就 唔淨止 學 人哋 嘅 ，仲要 能夠 別出心裁 ，獨創一格 ，先至 叫得上 係 大師 㗎 。
阿爹啊 ，武學 之中 ，誒 有冇 神躝百變 呢門 功夫 㗎 ？
嗰個 伯爺公 皺住 眉頭 擰擰頭 。
韋小寶 對 嗰個 病漢 話 ：
你 係 武學 大師 啦嘛 ，天下 既然 冇 呢門 功夫 咯 ，你 自己 就 創 佢 出嚟 ，立 一 個 神躝 門 。
説話 都 未 講完 ，𦣇柚 上 已經 捱咗 伯爺 婆 一 腳 嘞 。
咪 亂講 一通 啊 。
嗰個 伯爺 婆 睇咗 個 仔 一 眼 ，啲 表情 啊 有 啲 擔憂 。
似乎 怕 個 仔 聽 呢 個 少年 嘅 慫恿 ， 真 係 去 創 咩 嘢 神 躝 百 變 嘅 新 功夫 。
佢 唔 願 個 仔 多 想 呢件事 喇 ，又 問 韋小寶 話 ：
你 叫 咩 名 啊 ？你 嘅 師父 係 邊個 啊 ？
韋小寶 諗嘞 ：呢 兩個 老妖怪 一個 小妖怪 ，誒 唔係 唔係 唔係 ，中妖怪 ，武功 叻過 頭 ，老子 係 鬥唔過 佢哋 嘅 。
好漢 不 吃 眼前 虧 ，只有 呃 下 佢哋 啦 。
老子 如果 冒充 係 吳三桂 嘅 朋友 ，估計 佢哋 就 唔 敢 難為 我 㗎 喇 。
佢 向 吳之榮 擸咗 一 眼 ，靈機一動 就 話 ：
我 姓 吳 ，叫做 吳之榮 ，字 顯揚 ，揚州府 高郵 縣 人氏 。
我 個 伯父 平西王 冇 幾 耐 就 會 打到嚟 北京 㗎 嘞 。
你哋 如果 得罪咗 我 呀 ，哼 ，平西王 就 會 對 你哋 唔 客氣 㗎 喇 。
嗰對 老夫婦 同 嗰個 病漢 都 十分 驚訝 ，互相 望咗 一眼 。
嗰個 病漢 話 ：假嘅 ，平西王 ，點會 有 你 ，噉樣 嘅 侄 呢 ？
韋小寶 話 ：點會 係 假 嘅 啫 ？
平西王 屋企 嘅 事 你 不妨 一件件 噉 問 我 。
只要 我 有 一件 講錯 咯 ，你 斬 我 個 頭 就 係 喇 。
好 ！我 問 你 ，平西王 ，最 鐘意 嘅 係 乜嘢 ？
你話 係 嘢 呢 定係 人 啊 ？
佢 最鐘意 嘅 人 呢 ，以前 係 陳圓圓 。
收尾 陳圓圓 年紀 老喇 ，佢 就 鐘意 一個 叫做 四面觀音 嘅 美人 ，而家 呢 佢 最 深愛 嘅 美人 ，叫做 八面觀音 。
嗰個 病漢 話 ：美人 ，誒 有 咩 好 鐘意 唧 ？我 係 話佢 ，最 鐘意 嘅 嘢 。
哦 你 問 佢 鐘意 嘅 嘢 係 嘛 ？
平西王 呢 有 三件 寶貝 ，佢 係 最 鐘意 㗎 喇 。
第一 ，係 一件 白老虎皮 ；
第二 ，係 一 嚿 雞蛋 咁 大 嘅 紅寶石 ；
第三 ，係 一面 老虎 花紋 嘅 大理石 屏風 。
哈哈 ，你 ，你你 真係 知道 㗎 噃 ，嗱 你 睇下 啦 。
嗰個 病漢 解開 衫紐 ，左手 揸住 長袍 嘅 大襟 向外 便 一揚 ，就 露出 裏便 着住 嗰件 皮裘 。
嗰件 皮裘 白底 黑章 ，係 白老虎皮 做嘅 。
韋小寶 十分 奇怪 嘞 佢 話 ： 咦 ？ 呢 件 係 平西王 第一 心愛 嘅 白 老虎皮 噃 你 你 ， 你 ， 你點 偷 翻 嚟 㗎 ？
嗰個 病漢 得意洋洋 噉 話 ：咩咩 偷翻嚟 㗎 ，係 平西王 送畀 我 㗎 。
吖噉 我 就 唔係 點 信 咯 。
我 聽 我姐夫 夏國相 講 。
夏國相 係 你 ，姐夫 咩 ？
係定啦 ，係 堂姐夫 ，我 堂姐 吳之吳之芳 呢 ，係 嫁畀佢 做 老婆 嘅 。
我姐夫啊 好會 打仗 㗎 ，係 平西王 麾下 十大 總兵 之一 。
冇 錯 喇 。
平西王 請 我 阿爹 、我阿媽 同埋 我 飲酒 ，我阿爹 阿媽 就 唔去 ，我 一個人 去 。
平西親王 呀 ，親自 陪 我 。
佢 手下 嗰 十大 總兵 都 嚟 喇 。
你 姐夫 啊 排 喺 第一個 。
梗係啦 ，仲有 馬寶馬 大哥 、王屏藩 王大哥 、張國柱 張大哥 ，佢哋 都係 頂呱呱 嘅 戰將 ，幾威風 啊 。
你姐夫 話 ，誒 我 呢件 白老虎皮 咩 話 ？
韋小寶 有心啊 討佢 歡喜 ，就 信口開河 話 ：
我 聽 我姐夫 講 ，當年 陳圓圓 最 得 寵 嘅 時候 呢 有 一次 佢 受 咗 風寒 ，有啲 傷風 咳嗽 。
噉聽人話 ，只要 攞 呢件 白老虎皮 當 被𢫏 ，𢫏咗 三日 就會 好翻 㗎嘞 。
噉佢就 同 吳 同平 西王 攞 呢件 白老虎皮 嘞噃 。
平西王 話 ：借畀 你 𢫏 幾日 呢 可以 嘅 ，不過 賜畀 你 就 唔得 喇 。
呢件 白老虎皮 呀 ，係 天下 最 吉祥 嘅 寶貝 。
八百年 先 係 出 一隻 白老虎 ，就算 出咗嚟 喇 ，你哋 打佢 唔到 亦 剝 唔到 皮 啦 。
呢張 白老虎皮 擠 喺 屋企 呀 ，邪鬼 惡魔 一 見到 ，即刻 就 趯 到 遠遠 。
身上 有 病 呢 ，亦 唔 使 食藥 ，只要 將 白老虎皮 當 被𢫏 ，𢫏 冇 幾多 日 ，就 皮 到 病 除 喇 。
人哋 賭牌九 ，左門 叫做 青龍 ，右門 叫做 白虎 。
青龍皮 、白虎皮 都係 無價之寶 啊噉 。
嗰個 伯爺婆 聽 佢 講得 活靈活現 ，佢 個仔 有 病 ，係 佢 唯一 關心 嘅 事 嘞 。
聽講 白老虎 皮 當 被𢫏 可以 治 咳 ，噉 雖然 唔係 點 信 啊 ，不過 就 盼望 真係 噉 就 好嘞 。
佢 話 ：仔 啊 ，平西王 將 呢件 寶貝 送咗 畀 你 ，你 面子 都 唔 細 噃 。
你 愛嚟 做 皮袍 着 真係 聰明 喇 ，如果 呢件 白虎皮 真係 能夠 醫病 。
我 又 冇 病 一味 提 佢 做 咩 嘢 呢 ？
係 喇 係 喇 ， 你 生龍活虎 一樣 ，嗱， 呢 幾個 都 係 江湖 好漢 ， 畀 你轉 陀螺 、 耍 流星 ， 玩 到 不亦樂乎 啊 。
嗰個 病漢 哈哈大笑 ，喺 笑聲 之中 呢 ，夾住 幾聲 咳 。
嗰 伯爺婆 話 ：你 夜晚 瞓覺 嘅 時候 ，記得 將 件 皮袍 𢫏 喺 被 上 便 噃 。
嗰個 病漢 擰轉頭 唔理 佢 嘞 。
嗱 各位 ，欲知 後事 如何 ，且 聽 下回 分解 。
