前文 再續 啊 書 接 上 一回 啊 。
話説 韋小寶 ，話 肥瘦 二頭陀 搞𢰸咗 教主 同 夫人 嘅 大事 ，罪 大惡極 。
肥瘦二頭陀 即刻 話 ：亂講 ！我哋 點樣 搞 𢰸咗 教主 同 夫人 嘅 大事 啊 ？
韋小寶 冷笑 唔 回答 嘞 。
佢 喺 一時之間 ，亦 講唔出 一番 説話 嚟 誣賴 佢哋 兩個 。
不過 預先 埋伏 一條 線索 ，等到 明白 肥陸 兩個 人 為 咩事 由 北京 嚟到 神龍島 喇 ，噉 再 嚟 捏造 一啲 説話 ，使到 洪夫人 疑心 。
佢 捩轉頭 望下 大海 ，只見 大海茫茫 ，竟然 冇 一隻 船 追嚟 ，偶然 隱約 聽見 遠遠 幾下 炮聲 ，估計 係 施瑯 同 黃總兵 仲 喺度 率領 戰船 ，圍殲 神龍教 嗰啲 逃跑 嘅 船隻 。
陸高軒 見 佢 雙眼 睩嚟睩去 就 話 ：
夫人 ，呢個 人 係 本 教 大 罪人 ，我哋 稟告 教主 ，就 將 佢 掉落 大海 喂 海龍 罷啦 。
韋小寶 大吃一驚 啊 佢 心諗 ：
我 呢個 小白龍 係 假貨 咋 ，假白龍 落海 啊 ，就係 咁 大 㗎 嘞 喂 。
洪夫人 話 ：教主 仲有 説話 問 佢 啊 。
陸高軒 話 ：係 。
就 喺 韋小寶 背脊 推一 推話 ： 去 參見 教主 。
韋小寶 睇咗 方怡 一 眼 ，只見 佢 神情 木木獨獨 ，冇 釐 表情 ，佢 嬲 到 不得了 。
佢 話 ：方姑娘 ，恭喜 你 喇 。
方怡 話 ：恭喜 我 咩嘢 啊 ？
你 為 本 教 立 咗 大 功 吖 嘛 ，教主 仲 會 話 唔 升 你 嘅 職 咩 ？
方怡 哼咗 一 聲 ，冇 答 佢 。
洪夫人 話 ：大家 都 入嚟 啦 。
陸高軒 捉住 韋小寶 後 領 ，將 佢 扚入 船艙 。
只見 洪教主 ，赫然 坐 喺 船艙 裏 便 。
韋小寶啊 雖然 畀 人 捉住 ，雙腳 離地 ，但係 佢 搶住 話 ：
教主 同 夫人 仙福 永享 ，壽 與 天 齊 ，屬下 白龍 使 參見 教主 同 夫人 。
陸高軒 將 佢 放低 。
方怡 等人 一齊 躬身 話 ：教主 仙福 永享 ，壽 與 天 齊 。
佢哋 雖然 亦 想 討好 洪夫人 ，但 呢句 説話 向來 講慣咗 嘞 ，畢竟 唔 願 厚起 面皮 ，加埋 同 夫人 三個字 。
韋小寶 見到 洪教主 雙眼 望住 船艙外 便 嘅 大海 ，好似 聽唔見 噉 。
又見佢 身邊 企住 四個人 ，係 赤龍 使 無根 道人 、黃龍 使 殷錦 、青龍 使 許雪亭 、黑龍 使 張淡月 。
韋小寶 心念 一動 ，就 擰轉頭 對 瘦頭陀 話 ：
你呢個嘢 亂咁 造謠言 ，話 教主 同 夫人 有難 啊噉 。
噉 我 就 不顧一切 趕嚟 救駕 啦 ，誰知 教主 同 夫人 一啲 事 都 冇 ，幾位 掌門 使 邊度 有 造反 唧 ？
洪教主 冷冰冰 噉 話 ：你 有 咩嘢 説話 講 啊 ？
韋小寶話 ：屬下 奉教主 同 夫人 之 命 ，混入 皇宮 ，得咗 兩部 經書 ，收尾 去 雲南 吳三桂 平西 王府 呢 ，又 得咗 三部 經書 啊 。
洪教主 嗰 兩道 眼眉 ，輕輕 向上 一揚 ，佢 問 ：你 得咗 五部 啊 ？啲 經書 呢 ？
喺 皇宮 得 嗰 兩部 ， 屬下 已經 派 陸高軒 呈 上 教主 同 夫人 喇 ， 教主 同 夫人 話 屬下 辦事 妥當 ， 叫 陸高軒 賜 咗 仙藥 啊 。
洪教主 點 一點 頭 。
韋小寶 又 話 ：雲南 得到 嗰 三部 ，屬下 放 喺 北京 一個 非常 穩陣 嘅 地方 ，叫 肥頭陀 同 陸高軒 看住 。
肥頭陀 同 陸高軒 當堂 面色 都 變晒 ，連忙 話 ：
冇 ， 冇 啊 ， 邊有 噉 嘅 事 啊 ？ 教主 你 老人家 唔 好聽 佢 亂講 啊 。
韋小寶話 ：經書 總共有 八部 ，屬下 得到 線索 ，另外 嗰 三部 呢 多數 都 能夠 攞到 手 嘅 ，我 預備 攞到 之後 呢 ，一齊 呈上 神龍島 。
已經 得到 嗰 三部 經書 ，屬下 就 恐怕 畀 人哋 偷咗 去 吖 ，所以 就 砌 喺 牆 裏 便 。
我 吩咐 陸高軒 同 肥頭陀 一步 都 唔好 離開 㗎 嘞 。
陸高軒 、肥頭陀 ，我 叫 你哋 喺 間 屋 處 看住 唔好 四圍 走 ，點解 你 兩個人 嚟咗 呢處 啊 ？
如果 失咗 寶經 ，誤咗 教主 同 夫人 嘅 大事 ，呢個 責任 邊個 擔當 啊 ？
肥陸 兩個 人 ， 你 睇 我 我 睇 你 冇 說話 講 嘞 。
過咗一陣 ，陸高軒 先至 話 ：
你 又 冇 話 墻 裏 便 收埋 寶經 喺 處 ，我哋 點 知道 啊 ？
韋小寶 話 ： 教主 同 夫人 吩咐 落 嚟 嘅 事 ， 越 係 機密 就 越 好 ， 多 一個 人 知道 就 會 多一分 洩 漏 嘅 危險 。
我 對 你哋 兩個 啊 ，老實 講 吖 ，亦 唔係 點 信得過 㗎啫 。
我 每日 朝早 起身 ，一定要 大聲 噉 念誦 ：教主 同 夫人 仙福 永享 ，壽 與 天 齊 。
每次 食飯 、每日 瞓覺 又 必定 再 念 一次 。
不過 你 兩個人 呢 離開咗 神龍島 之後 ，未曾 稱讚過 教主 一句 神通廣大 ，腰腎魚湯 嘅 。
陸高軒 同 肥頭陀 兩個人 塊面 啊 青 一陣 白 一陣 ，個 心驚 嘞 。
離開咗 神龍島 之後 ，佢 兩個人 的確 冇 念過 教主 仙福 永享 壽 與 天齊 嘅 説話 ，想唔到 畀 呢個 衰仔 捉到 雞腳 。
但 呢個 衰仔 又 幾時 念過 啊 ？
陸高軒 話 ：你 自己 犯咗 滔天大罪 ，而家 花言巧語 想 討好 教主 同 夫人 放生 你 條命 啊 ？
哼 ，我哋 島上 老少 兄弟 呢次 傷亡 慘重 ，教主 幾十年 辛苦 經營 嘅 基業 ，冚𠾴唥 畀 你 整到 𢰸晒 ，你 想 有命 啊 ，咪 指意 都 得 喇 。
韋小寶 話 ：哈 你 噉 講 係 錯晒 喇 。
我哋 一 跟住 教主 同 夫人 呢條 命 啊 早就 唔係 自己 㗎 喇 。
教主 同 夫人 派 我哋 去 做 咩嘢事 ，人人 都 應該 忠字當頭 ，萬死不辭 。
教主 同 夫人 要 我哋 死 ，大家 就 死 ；
要 我哋 生 ，大家 就 生 。
你 想 自己 作主 ， 就 係 對 教主 同 夫人 唔 夠 死心塌地 ， 唔 夠 盡忠報國 啫 。
洪教主 聽 韋小寶 噉樣 講 ，用 手 捋 下 鬍鬚 慢慢 噉 點 下 頭 。
佢 對 肥陸 兩個人 話 ：
你哋 話 白龍 使 統率 水師 ，要 對 本教 不利 ，到底 係 咩嘢 一回事 啊 ？
陸高軒 一聽 教主 嘅 説話 有 啲 唔高興 嘅 味道 ，連忙 話 ：
啟 稟 教主 ， 我 哋 兩個 人 奉命 監視 白龍 使 ， 對 佢 嘅 一舉一動 ， 時時 留神 ， 一陣 都 唔 敢 疏忽 。
嗰 日 皇帝 升 佢 嘅 官職 ， 水師 提督 施瑯 嚟 拜訪 佢 ， 屬下 兩個 人 將 佢 哋 講 嘅 説 話 聽 得 好 仔細 ， 呢 啲 ， 已經 啟 稟 咗 教主 嘞 。
過咗冇幾多日 ，白龍使 就 帶咗 施瑯 出差 ，不過 要 佢 扮成 驍騎營 嘅 一名 小官 ，同時 又 唔准 屬下 同 肥頭陀 跟住 佢 去 ，屬下 非常 疑心 㗎 嘞 。
韋小寶 個心 諗 ： 死人頭 你 嘩 原來 教主 派 你 哋 兩個 人 嚟 監視 我 嘅 。
陸高軒 繼續 稟報 話 ：
早幾日 ，屬下 搜查 白龍使 房間 嘅 字紙笠 ，倒出嚟 嘅 嘢 ，發現 好多 碎紙片 ，夾埋 嚟 一睇 ，原來 係 用 滿漢文字 寫 嘅 遼東 地名 。
白龍使 又 唔識字 ，更加 唔識 滿文 ，呢啲 地名 ，當然 係 皇帝 寫 畀 佢 㗎 嘞 。
收尾 又 探聽到 ，佢 呢次 出差 ，仲 帶咗 好多 門 大炮 。
屬下 兩個人 商量 ，都 諗住 白龍 使 係 奉咗 皇帝 之 命 ，前嚟 遼東 一帶 ，又 有 水師 將領 ，又 有 大炮 ，梗係 想 不利於 啲 本教 嘞 。
所以 一等 白龍 使 離開 北京 ，屬下 兩個人 就 騎住 快馬 ，日夜 不停 噉 趕住 返嚟 神龍島 稟報 。
夫人 仲 話 白龍 使 耿耿 忠心 ，決 唔會 噉樣 嘅 。
點知道 知人知面 不知心 ，白龍 使 狼心 狗肺 ，辜負 咗 教主 嘅 信任 啊 。
韋小寶 歎咗 口氣 ，擰擰 頭 就 話 ：
唉 ，陸 先生 ，你 係 自以為 聰明 能幹 啦 ，不過 邊度 及得 教主 同 夫人 嘅 萬一 呢 ？
我 同 你 講 啦 ，你 錯晒 喇 ，只有 教主 同 夫人 先 係 永遠 係 啱嘅 。
你 亂 。
陸高軒 呢 兩 個 字 一 出口 ，即刻 知道 不妙 嘞 ，雖然 霎 一 聲 ，停 咗 口 ，但係 人人 都 知道 你 亂 兩 個 字 之下 ，一定 跟住 個 講 字 嘅 。
韋小寶 話 ：你 話 我 亂講 啊 ？
哈 ，我 話 你 錯晒 ，只有 教主 同 夫人 先 永遠 係 啱嘅 你 唔服氣 啊 ？
唔通 教主 同 夫人 永遠 唔啱 ，只有 你 陸 先生 先至 永遠 係 啱 㗎 嘞噃 ？
我 唔 係 呢 個 意思 ， 嗰 啲 係 你 講 嘅 ， 我 冇 講過 。
教主 同 夫人 話 我 白龍 使 忠心耿耿 ， 佢 唔 會 叛 教 。
佢 兩位 老人家 料事如神 ，點 會 錯 㗎 ？
我 講畀你聽啦 ，皇帝 派 我 帶 啲 水師 大炮 去 遼東 ，話 就 話 係 去 長白山 祭天 ，其實 ，誒誒 其實 係 。
哼 ，你 知道 咩嘢 吖 你 ？
韋小寶 一便 講 ，個 心 一便 喺度 猛咁 諗 ：
應該 講 皇帝 派 我 去 做 乜嘢 好 呢 ？
洪教主 話 ：你 講 ，皇帝 派 你 去 做 乜嘢 ？
韋小寶 話 ：呢件事 呢 ，本來 係 萬分 機密 ，無論如何 係唔能夠 講嘅 ，一洩漏 出去 啊 ，皇帝 一定 會 殺 我 個 頭 㗎 。
不過 教主 既然 問到 咯 ， 喺 屬下 嘅 心裏 便 ， 教主 同 夫人 高過 皇帝 成 百倍 ， 佢 係 萬歲 ， 你 係 百 萬歲 ， 佢 係 萬萬歲 啊 ， 你 係 百萬 萬歲 。
教 主 要 我 講 ，梗係 不能 隱瞞 啦 。
佢 諗 ：要 點樣 講 先至 能夠 呃到 教主 同 夫人 信 我 呢 ？
洪教主 聽住 韋小寶 猛咁 恭維 自己 ，一啲 都 唔 嫌 佢 噃 ，反而 微微 笑 怡然自得 ，慢慢 噉 點頭 。
韋小寶 又 話 ： 啟 稟 教主 同 夫人 得知 ， 皇帝 身邊 呢 ， 有 兩個 紅毛 外國人 ， 呢 兩個 人 ， 一個 叫做 湯若望 ， 一個 又 叫 南懷仁 ， 封 咗 欽 天監監 正 嘅 官職 嘅 。
洪教主 話 ：湯若望 呢個 人 嘅 名 我 亦 聽過 ，聽講 佢 懂得 天文 地理 ，陰陽曆 數 嘅 。
啊 教主 不 出門 ，能 知 天下事 啊 。
嗰個 湯 若望 啊 算嚟算去 ，算到 北方 有 個 羅剎國 ，要 對 大清 不利 。
洪教主 眼眉 一豎 就 問 ：噉啊 點啊 ？
韋小寶 聽 嗰個 鬍鬚佬 蒙古人 罕帖摩 講過 ：
吳三桂 同 羅剎 國 、 神龍教 勾結 ， 吳三桂 又 遠 在 雲南 ， 拉 佢 唔 埋 ， 羅剎 國 就 喺 遼東 嘅 側 跟 。
果然 一提 羅剎國 三個字 唧 ，洪教主 即刻 就 神情 唔同 嘞 。
韋小寶 知道 噉樣 講 啱 牙喇 ，好 歡喜 ，就 跟住 話 ：
小皇帝 一聽 呢 ，就 好 憂愁 啦 ，就 問 湯若望 計 將 何 出 ，快快 獻來 噉 。
湯若望啟奏話 ：等臣返去 夜觀天文 ，日算陰陽 ，仔細推算 啦噉 。
過咗幾日 ，佢 向 皇上 啟奏 話 ：
羅剎國 嘅 龍脈 係 喺 遼東 ，有 座 叫做 乜嘢 苦到 你 屙 山 ，有 條 叫做 咩嘢 咬 墨魚 河 。
洪安通 啊 喺 遼東 好耐 嘞 ，對 當地 山川 極之 熟悉 ，聽 韋小寶 噉樣 講 ，就 對 洪夫人 笑住 話 ：
夫人啊 ，你 聽 呢個 細佬哥 講得 真係 好笑 。
將 呼瑪爾 窩 集山 講成 係 苦 到 你 屙 山 ， 將 阿穆爾河 又 講成 係 咬 墨魚 河 ， 哈哈哈哈 哈哈哈哈 ， 哈哈哈 哈哈哈 。
洪夫人 亦 係 咭咭聲 咁 笑 。
韋小寶 話 ：係啊係啊 ，吖 教主 無所不知 ，無所不曉 ，屬下 真係 認真 佩服 嘞 。
嗰個 外國 紅毛鬼 呢 講咗 好幾次 㗎喇 ，屬下 總係 記唔住 ，噉 小皇帝 就 用 滿漢文字 寫低 交咗 畀 我 。
不過 屬下 唔 識字 ， 呢 個 苦 到 你 屙 乜嘢 山 啊 咬 墨魚 咩 河 啊 ， 吖 總 係 記唔 住 嘅 。
洪教主 呵呵 大笑 ，一擰 轉頭 ，向 陸高軒 睩咗 一眼 ，眼光 極之 嚴厲 。
哼 ，噉就 弊傢伙 喇 ，陸高軒 同 肥頭陀 個 心 啊 不停 噉 叫苦 。
韋小寶 話 ：噉嗰個 湯若望 話 ，要 趕造 十門 紅毛 大炮 ，由 海路 運 去 遼東 ，對準 嗰啲 咩 山 啊 咩 河 啊 連 轟 兩百 炮 ；
打壞咗 羅剎國 嘅 龍脈 ，噉 今後 二百年 大清國 呢 就 太平無事 喇 ，叫做 一炮 保 一年 平安 噉 。
噉 小皇帝 就 話 喇 ：不如 連 轟 佢 一千炮 ，保得 一千年 平安 噉 咪 仲 好 ？
湯若望 話 ：轟得 太多 反而 唔靈 㗎 。
又 講 咩 天機 不可 洩漏 ，黃道 黑道 啊 ，嘰哩咕嚕 噉 講咗 好耐 ，屬下 啊 一句 都 唔 識 ，聽到 我 啊 都 唔 知 幾 悶 。
洪教主 點頭 話 ：
湯若望 編咗 一部 大清 時憲曆 ，確實 係 只有 二百 年 。
睇嚟 清廷 嘅 氣運 ，最多 亦 不過 係 二百年 而已 唧 。
韋小寶 車 大炮 呢 有 個 竅門 ，就係 一切 細節 啊 不厭 求 詳 ，而家 全部 真實 無誤 嘅 。
只有 喺 重要 關頭 ，佢 就 亂講 一番 。
呢一點 ，佢 係 喺 妓院 裏頭 學 翻嚟 嘅 。
咁啱 洪安通 非常 淵博 ，居然 知道 湯若望 呢部 大清 時 憲曆 嘅 內容 ，韋小寶 車 呢個 大炮 呢 ，竟然 係 合晒 榫頭 。
洪夫人 話 ： 噉 樣講 ， 係 唔 係 小 皇帝 派 你 去 遼東 開 大炮 啊 ？
韋小寶 詐 假意 好 驚異 噉 話 ：咦 ？乜 夫人 你 又 知 嘅 ？
我 睇 你 啊 呢番 説話 仲係 不盡不實 。
小皇帝 派 你 去 遼東 ，你 點解 又 嚟 神龍島 呢 ？
嗰個 外國人 話啊 ，羅剎人 嘅 龍脈 呢 ，係 條 海龍 ，所以 呢 十門 大炮 ，要 由 海路 運去 ，對準咗 嗰 條 龍 嘅 龍口 ；
計好時辰 ，等 佢 啱啱 喺 大海 吸水 嘅 時候 ，就 立即 開炮 ，噉 呢條 龍 身受 重傷 咯 ，噉 就 唔逳得 㗎 喇 。
如果 係 由 陸地 開炮 轟佢 ，呢條 龍 捱咗 一炮 ，即刻 就 飛天遁走咗 咯 。
一炮 只係 保得 一年 平安 ，噉 出年 又 要 嚟 轟過 ，噉就 好 麻煩 㗎嘛 。
佢 話 ：我哋 嘅 大炮 由 海路 運 去 ，仲要 兜 個 大圈 免致 驚動 咗 龍脈 喎 。
從來 講 風水 啊 十分 注重 龍脈 嘅 ， 不過 只 係 話 地 形似 龍 啫 ， 就 唔 係 話 真 係 有 一條龍 啊 。
咩嘢 龍脈 會 驚動 咗 就 逃走 喇 等等 ，冚𠾴 唥 係 韋小寶 亂噏 一通 嘅 。
洪安通 聽咗 ，不由得 有啲 將信將疑 嘞 。
韋小寶 睇 佢 個 樣 知道 佢 唔係 點 信 ，就 話 ：
嗰個 外國鬼 ，係 會 講 中國話 㗎 。
佢 畫 咗 好幾張 圖畫 畀 小 皇帝 睇 ， 用 幾把 尺量 嚟 量 去 ， 呢 處 畫個 圈 ， 嗰 處 畫 條 線 ， 解釋 畀 小 皇帝 聽 ， 為 咩 呢條 龍脈 會 逃走 啊 噉 。
屬下 太過 笨 喇 一啲 都 唔 懂 ，小皇帝 就 聽到 津津有味 啊 。
洪安通 岌一岌頭 ，佢 諗 ：
外國人 睇 風水 必定 係 另外 有 一套 本事 嘅 ，梗係 比 中國 風水 先生 更加 厲害 嘞 。
韋小寶 見 佢 同意咗 ，就 放心 嘞 佢 諗 ：
呢關 一過 ，以後 個 大炮 就算 點 車 都 得嘞 唔會 穿煲 嘅 。
就話 ：嗰一日 ，小皇帝 啊 叫 欽天監 選 咗 個 黃道吉日 ，下 聖旨 派 我 去 長白山 祭天 。
噉啊 有 一個 福建 水師 提督 施瑯 呢 ，係 喺 台灣 投降 過嚟 嘅 ，話 鄭成功 亦都 輸過 畀 佢 個 喎 。
呢個人 呢 善於 喺 船上 開炮 ，小皇帝 就 派 佢 跟埋 我 一齊 去 ，千叮萬囑 ，一定 要 嚴守 機密 。
如果 洩漏咗 啊 ，呢件 大事 就 𢰸㗎喇 ，講唔定 羅剎國 啊 ，會 派 海船 攔阻 添 。
噉 我哋 由 天津 出海 ，兜咗 個 大圈 ，要 靜靜 去 遼東 。
點知 尋日 下午 ，喺 海上 見到 好多 浮屍 ，其中 啊 有 真 有 假 ，假嗰個 ，就係 瘦 頭陀 喇 。
我 好心 救起 佢 啦 。
哈 ， 佢 又 話 不得了 啊 ， 神龍 島上 啊 打 到 天翻地覆 ， 洪 教主 派 人 殺 咗 青龍 使 許雪亭 啊 噉 。
瘦頭陀 大叫 話 ：假嘅 ，我 冇 話 教主 殺咗 青龍使 啊 。
洪夫人 睩 咗 佢 一 眼 ，就 話 ：
瘦頭陀 ，喺 教主 面前 唔 准 大呼小叫 。
係 。
韋小寶 話 ：你 話 青龍 使 畀 人 殺咗 係 唔係 啊 ？
瘦頭陀話 ：係啊 ，係 教主 吩咐 要 噉樣 呃 你 㗎 。
教主 叫 你 同我 開 個 玩笑 當然 可以 啦 。
不過 你 話 教主 為 咗 報仇 ， 殺 咗 青龍 使 同埋 赤龍 使 噃。
教主 又 大公無私 ，大仁大義 ，決唔會 對 屬下 記仇 嘅 。
佢 講 一句 ，瘦頭陀 就 嗌 一句 假嘅 。
韋小寶 話 ： 你 話 教主 為 咗 報仇 ， 殺 咗 青龍 使同 赤龍 使 噃。
瘦頭陀 就 話 ：假嘅 ，我 冇 講 。
教主 大公無私 。
假嘅 ！
大仁大義 。
假嘅 ！
決唔會 對 屬下 記仇 嘅 。
假嘅 ！
陸高軒 知道 瘦頭陀 又 暴躁 又 老實 ，早就 入咗 韋小寶 嘅 圈套 嘞 。
佢 不停 噉 大叫 假嘅 ，每 叫 多 一 聲 ，教主 嘅 面色 就 難睇 多 一 分 。
陸高軒 恐怕 瘦頭陀 再 叫 落去 ，教主 一 發脾氣 就 不可收拾 嘞 。
於是 掹 一掹 瘦頭陀 個 衫袖 話 ：聽 佢 啟稟 教主 啦 唔好 打斷 佢 個 話頭 。
瘦頭陀話 ：佢 亂咁噏 ，唔通 都 由得 佢 嘞噃 ？
教主 聰明 智慧 無所不知 無所不曉 ，唔使 你 着急 ，教主 自然 明白 嘅 。
哼 恐怕 未必 。
呢句 説話 一 出口 ，突然 擘大 個 嘴 唔出聲 嘞 ，慌 喇 。
韋小寶 雙眼 睩實 瘦頭陀 ，突然 扮 個 鬼臉 。
兩個人 身材 都 好 矮 嘅 ，瘦頭陀 更 矮 。
韋小寶 耷低頭 扮 鬼臉 ，其他 嘅 人 都 睇唔到 ，瘦頭陀 就 睇得 清清楚楚 啊 ，即刻 就 想 發作 嘞 。
又 恐怕 激嬲咗 教主 啊 ，只有 夾硬 忍住 ，神色 尷尬 。
一時之間 ，船艙 裏 便 寂靜無聲 ，只 聽見 瘦頭陀 ，呼嘩呼嘩 噉 猛咁 喘氣 。
過咗 好耐 下 ，洪教主 問 韋小寶 話 ：佢 仲 講咗 啲 乜嘢 啊 ？
韋小寶 話 ： 啟 稟 教主 ， 佢 又 講 教主 播弄是非 ， 挑撥 赤 龍門 去 打 青龍門 啊 。
瘦頭陀 叫嘞 ：我冇講 ！
洪教主 好嬲 噉 望實佢 ，喝佢 話 ：收聲 ！你 再 怪叫 一 聲 ，我 將 你 呢個 矮冬瓜 劈開 兩邊 。
嗱 各位 ，欲知 後事 如何 ，且 聽 下回 分解 。
