前 文 再續 啊 書 接上 一回 啊 。
話 說 韋小寶 啊 按照 施 瑯 嘅 策劃 ， 分派任務 。
噉 當日 ， 眾 軍士 食飽戰飯 。
傍晚 時分 ， 一艘 艘 戰船 駛出 去 ， 噉 啊 約定 第二 朝早 卯時 啊 ， 就 三面 進攻 嘞 。
卯時 即 係 ， 朝早 五點 到 七點 。
到 咗 第二日 朝早 ， 韋小寶 登上 瞭望台 。
呢 個 台 係 軍士 趕 搭 㗎 喇 ， 向 東面 瞭望 ， 隱約 聽見 遠處 炮響 ， 火花 閃動 。
海面 上 ， 捲起 一 團團 嘅 濃煙 ， 咪 知道 施瑯 呢 ， 喺 度 發炮 進攻 ， 不由得 擔心 方 怡 嘅 安全 嘞 。
但 係 想到 施瑯 做事 謹慎 ， 自己 呢 又 再三再四 叮囑 ， 唔 好 殺傷 島上 嘅 女子 ， 噉 啊 估計 佢 呢 ， 必定 加以 小心 嘅 。
佢 喺 瞭望台 上面 企 咗 一陣 ， 攰 嘞 ， 就 返去 中軍帳 ，攞 出 六粒 骰仔 ， 噉 佢 諗 ：
呢 一次 如果 大獲全勝 呢 ， 就 擲 個 滿堂紅 。
一擲 ， 哈 ， 誰知 冚𠾴唥 都 係 黑色 ， 連 一粒 紅色 嘅 都 冇 。
豈有此理 ， 你 都 同 我 搗亂 ？
就 使 作弊 手法 ， 將 六粒 骰仔 都 係 三點 嘅 朝 上 ， 用 手 力 輕輕 一轉 。
呢 次 啊 果然 有 五粒 骰仔 呢 係 紅色 嘅 四點 ， 不過 仲 係 有 一粒 黑色 嘅 五點 。
佢 明知 係 自己 作弊 ， 唔 算 好 手氣 啊 ， 不過 噉 亦 高興 咗 啲 。
雙兒 斟 咗 一杯 茶 嚟 ， 畀 韋小寶 飲 ， 佢 話 ：
相公 ， 你 唔 使 擔心 嘅 ， 呢 一次 啊 ， 一定 打個 大 勝仗 嘅 。
你點 知道 啊 ？
我 哋 咁 多 大炮 開起 嚟 ， 人 哋 點 頂得住 吖 ？
噉 韋小寶 同 雙兒 傾 偈 打發 時候 。
忽然 聽見 號炮 連響 ， 跟 住 號角 呢 又 嗚嗚聲 咁 吹 ， 韋小寶 嗱嗱 聲 走出 中軍帳 ， 上 咗 瞭望台 。
只見 遠處 神龍 島上 升起 三條 大 火柱 ， 直衝 雲霄 ， 全島 都 畀 黑煙 籠罩 住 ， 估計 神龍 島呢 ， 已經 畀 大 炮轟 成 一片焦土 嘞 。
又 見 一隻 隻 戰船 向東 便 駛去 ， 不過 海上 戰船 來往 呢 就 極之 緩慢 㗎 。
佢 喺 瞭望台 上面 企 咗 好 耐 ， 亦 唔 見到 神龍 島上 有 船隻 逃跑 出 嚟 ；
更見 唔 到 施瑯同 黃總兵 點樣 東西 夾擊 ， 於是 又 返去 中軍帳 休息 嘞 。
等 咗 兩個 幾 時辰 ， 親兵 嚟 報告 話 ， 先頭 見到 煙花 信號 嘞 ， 兩路 戰船 ， 都 向 都統 大人 報捷 噉 。
韋小寶 好 歡喜 。
佢 只 係 望 方 怡 平安無事 ， 頭髮 都 冇 畀 炮 火燒 燶 一條 就 更加 好 喇 。
又過 咗 個 幾 時辰 ， 就 快 挨 晚 嘞 ， 親兵 嚟 報告 ， 話 有 幾隻 小船 啊 押 咗 俘虜 ， 正在 駛緊 嚟 通食島 。
韋小寶 好 歡喜 喇 好似 滾水 淥 腳 噉 就 走 到 海邊 ， 果然 見到 五隻 船仔 啊 駛過 嚟 。
韋小寶 叫 親兵 問 隻 船 仔 ， 捉 到 啲 咩 人 啊 噉 。
小船 上面 有人 應話 ： 呢 一批 都 係 女人 ， 男人 啊 喺 後 便 。
韋小寶 好 歡喜 啊 ： 施瑯 辦事 果然 妥當 啊 。
噉 就 睩 大 雙眼 猛 咁 望 ， 希望 見到 方怡 咯 噃。
當然 最好 仲 能夠 活捉 到 老舉 乸 。
如果 再 將 嗰 個 千嬌百媚 嘅 洪夫人 捉 到 ， 嘩 喺 船上 每日 睇 多 佢 幾眼 ， 噉 就 更加 妙不可言 咯 。
等 咗 好 耐下 ， 五隻 小船 先至 靠岸 ， 驍騎 營 官兵 大聲 噉 呼喝 ， 押 咗 二百 幾名 女子 上 嚟 。
韋小寶 一個 一個 噉 睇 ， 只見 都 係 赤 龍門 下 嘅 少女 ， 人人 垂頭喪氣 ， 有 啲 係 衣衫 破爛 ， 有 啲 身上 帶傷 。
一直 睇 睇 到 最後 一個 ， 始終 唔 見方 怡 。
韋小寶 好 失望 啦 ， 就問 ： 仲有 女仔 冇 啊 ？
一名 佐 領話 ： 啟 稟 都統 大人 ， 後 便仲有 啊 。
而家 有 三隊 人馬 ， 喺 島上 搜索 ， 就 係 毒蛇 太 多 喇 ， 搜索 起 嚟 就 慢 咗 啲 。
嗰 個 神龍教 嘅 教主 有 冇 捉 到 啊 ？
呢 場仗 係 點樣 打 㗎 ？
啟 稟 都統 大人 ， 今朝 一早 ， 三十隻 戰船 就 逼近 岸邊 ， 一齊 發炮 嘞 。
大家 遵從 大人 嘅 吩咐 ， 發 三炮 ， 停一停 ， 打 嘅 只 係 島上 嘅 空地 。
等到 島上 有人 出 嚟 抵抗 喇 ， 就 排 炮轟 出去 。
都統 大人 真 係 料事如神 啊 ， 用 呢 個 法子 只 係 轟 咗 三次 唧 ， 就 轟 死 咗 教匪 四五百 人 嘞 。
噉 收尾 ， 有 一 大隊 少年 ， 唔 怕死 噉 猛 咁 衝鋒 ， 仲 大叫 話 咩 嘢 ， 洪 教主 百戰百勝 ， 壽比南山 。
錯 喇 ， 錯 喇 ， 洪 教主 永享 仙福 ， 壽與天 齊 。
吖 ， 係 ， 係 。
誒 都統 大人 原來 對 教匪 早就 瞭如指掌 嘞 ， 唔 怪 得 大軍 一出 ， 勢如破竹 啦 。
教匪 叫 嘅 ， 的 確係 壽與天 齊 啊 ， 誒 卑職 講錯 咗 咯 。
收尾 點啊 ？
呢 班 少年 呢 ， 好似 發 咗 癲 噉 噃， 衝 到 海邊 ， 上 咗 小船 ， 想 上 我 哋 大船 嚟 搶 啲 大炮 。
我 哋 都 唔 理 佢 ， 等 佢 哋 幾十隻 船 仔駛到 海 中間 嘅 時候 ， 噉 先至 發炮 ， 景轟景 轟 ， 三 十幾隻 小船 呀 ， 一齊 沉晒 。
三千 幾名 少年 教匪 ， 個個 都 葬身大海 啊 。
呢 啲 賊 仔 臨死 嘅 時候 ， 仲 喺 處 大叫 洪 教主 壽與天 齊 噉 啊 。
韋小寶 個心 諗 ： 你 都 嚟 謊報 軍情 喇吓 。
神龍教 嘅 少年 ， 最 多 亦 不過 八九百 人 啫 ， 邊度 有 三千 幾名 咁 多 㗎 ？
好 在 殺敵 越 多 ， 功勞 就 越 大 ， 就算 報 佢 四千 五千 ， 又 有 咩 緊要 吖 ？
嗰 個 佐 領 話 ： 噉 清除 咗 少年 教匪 之後 呢 ， 就 有 一大群 人 走 到 去 島 嘅 西面 ， 上船 逃走 嘞 。
我 哋 各 戰船 遵照 都統 大人 嘅 計策 ， 隨後 追住 去 。
卑職 呢 帶隊 上 島 搜索 ， 男 嘅 女 嘅 ， 總共 已經 捉 到 三四百 人 。
施 大人 吩咐 ， 先將 呢 一批 女教匪 送 嚟 通食島 ， 等 都統 大人 盤查 啊 。
韋小寶 點 咗 點頭 。
呢 一仗 雖然 係 打勝 嘞 ， 但 係 見 唔 到 方怡 ， 總之 係 極之 唔 放心 。
唔 知轟炮 個 時候 會 唔 會 轟 死 咗 佢 呢 ？
唔 得 。
韋小寶 擰 轉身 ， 再 去 睇 嗰 批 女子 。
突然 之間 ， 見到 一個 面口 圓圓 嘅 少女 。
佢 當堂 想起 嘞 ， 嗰 日 教主 召集 大家 聚會 ， 呢 個 少女 曾經 話 自己 係 肥 頭陀 嘅 私生子 。
又 喺 自己 塊面 呢 搣 咗 一下 ， 踢 咗 一腳 𦣇 柚 。
一 想起 呢 件 事 ， 佢 又 想 惡作劇 咯 喎 。
佢 行 到 個 少女 面前 ， 出力 噉 喺 佢 塊 面 處 搣 咗 一下 ， 嗰 個 姑娘 尖聲 大叫 鬧 佢 話 ： 哎 吖 ， 狗賊 ， 你 ， 你 。
韋小寶 笑 騎騎 噉 話 ： 阿媽 ， 你 唔 記得 你 嘅 仔 喇 ？
嗰 個 姑娘 好 奇怪 ， 擘 大 雙眼 望 實 佢 ， 噉 啊 依稀 覺得 有 啲 面善 喇 。
但 係 點都 想 唔 起 呢 個 清兵 大官 ， 就 係 本 教 嘅 白 龍 使 。
韋小寶 問 ： 你 叫做 咩 名 啊 ？
嗰 個 姑娘 話 ： 快 啲 殺 咗 我 啦 ， 你 想問 我 啲 嘢 啊 我 一句 都 唔 回答 。
好 啊 ， 你 唔 回答 吖 嘛 ？ 嚟 人 啊 。
幾十名 親兵 一齊 應 ： 喳 。
將呢 個妹 釘 帶 落 去 ， 全身 嘅 衣服 同 佢 剝 到 乾乾淨淨 ， 打 佢 一百 板 𦣇 柚 。
眾 親兵 又 試 嗌 一聲 ： 喳 ！ 行前 就要 拖 佢 嘞 。
嗰 個 少女 啊 嚇 到 面無人色 ， 連忙 話 ： 唔 好 啊 ， 我講 喇 ， 我講 喇 。
韋小寶 一 揮手 ， 叫 啲 親兵 唔 好 拖 佢 ， 微微 笑話 ： 噉 你 叫做 咩 嘢 名 吖 ？
嗰 個 少女 啊 驚到 乜嘢 噉 ， 到 而家 先至 流出 眼淚 ， 佢 話 ：
我 ， 我 叫做 ， 雲素梅 。
你 係 唔 係 赤 龍門 門下 㗎 ？
係 。
你 哋 赤 龍門 有個 方怡方 姑娘 ， 收尾 啊 調 咗 去 白龍門 嘅 ， 你識 唔 識 佢 啊 ？
識 。
佢 去 咗 白龍門 之後 ， 已經 升 咗 做 小隊長 喇 。
好 啊 ， 升 咗 官 喇 ？ 佢 喺 邊 處 啊 而 家 ？
今日 上午 ， 你 哋 ， 你 哋 開炮 個 時候 ， 我仲見 過方 姐姐 嘅 ， 收尾 ， 收尾 一亂 就 冇 見到 佢 咯 。
韋小寶 聽講 方怡 今日 仲 喺 島上 便 ， 就 稍 為 放心 啲 ， 佢 嘅 心 諗 ：
嗰 日 你 喺 我 𦣇 柚 踢 咗 一腳 ， 哼 呢 一腳 啊 ， 今日 你 個 私生子 就要 踢翻 你 喇 。
行 到 佢 後 便 ， 提起 隻 腳 ， 正話 要 踢 佢 嘅 時候 ， 帳外 親兵 報告 話 ：
啟 稟 都統 大人 ， 又 捉 咗 一批 俘虜 返 嚟 啊 。
韋小寶 個心 一 歡喜 ， 呢 一腳 呢 就 唔 踢 喇 ，嗱嗱 聲 趯 到 海邊 ， 噉 啊 見到 有 隻 小 戰船 嚟 緊 。
又過 咗 一陣 ， 韋小寶 睇 清楚 船頭 有 幾個 女子 企響 處 。
其中 有 個人 呢 依稀 就 係 方怡 ， 佢 歡喜 到 乜嘢 噉 ， 飛奔 落 海灘 ， 啲 海上 一直 浸到 佢 腳 坳 。
嗰 隻 戰船 又 駛近 咗 幾丈 ， 果然 呢 個 女子 就 係 方怡 嘩 歡喜 到 佢 啊 ， 真 係 非同小可 啊 大叫 話 ：
快 啲 快 啲 ， 快 啲 駛過 嚟 。
忽然間 ， 嗰 隻 戰船 搖 咗 幾搖 ， 打 咗 個轉 ， 船上 幾名 水手 大叫 起 嚟 ：
哎呀 弊 喇 ， 撞 到 淺灘 喇 ， 擱淺 喇 。
只 聽見 方 怡 喺 度 叫 ： 小寶 ， 小寶 啊 ， 係 唔 係 你 啊 ？
韋小寶 呢 個 時候 仲 邊度 顧得 咩 都統 大人 嘅 身份 啦 ， 就 高聲 大叫 ： 好 姐姐 ， 係 我 啊 ， 小寶 喺 呢 度 啊 ！
方怡話 ： 小寶 ， 你 快 啲 嚟 救 我 啦 ， 佢 哋 綁住 我 啊 ， 小寶 ， 小寶 啊 ， 你 快 啲 嚟 啦 。
你 唔 使 擔心 㗎 ， 我 嚟 救 你 。
韋小寶 即 係 跳 上 一隻 傳遞 軍情 嘅 小艇 ， 吩咐 水手 話 ： 快 啲 扒 ， 快 啲 扒 過去 。
噉 小艇 上面 嗰 四名 水手 攞 起 漿 ， 就 猛 咁 扒 喇 。
忽然間 ， 岸上 有 個人 飛身 一跳 ， 上 咗 小艇 ， 佢 係 雙兒 啊 ， 佢 話 ： 相公 ， 我同 你 過去 睇 下 啦 。
韋小寶 心花怒放 就 話 ： 雙兒 啊 ， 你 估 嗰 個人 係 邊個 吖 嗱？
我 知道 ， 你 話 係 你 嘅 少 奶 吖 嘛 ， 嗰 日 我 都 叫 過 少 奶 喇 。
不過 ， 不過 呢 位少奶 唔 肯應 我唧 。
嘿 佢 嗰 時候 怕醜 啫 嘛 ，嗱 呢 次 你 再 叫 啦 ， 我 非 要 佢 應 你 不可 。
嗰 隻 戰船 仍然 喺 度 慢慢 噉 打轉 ， 小艇 啊 迅速 扒 埋 去 。
方怡話 ： 小寶 啊 ， 真 係 你 啊 ？
聽 佢 把 聲 都 唔 知 幾 歡喜 。
韋小寶 話 ： 係 我 啊 。
就 喝 佢 身邊 嘅 軍官 話 ： 快 啲 同 呢 位 姑娘 鬆綁 。
個 軍官 應 咗 ， 就 解開 方怡 手上 嘅 繩索 。
方怡 張開 手臂 ， 等候 韋小寶 過去 嘞 。
兩隻 船 靠近 喇 ， 戰船 上 嘅 軍官 話 ： 都統 大人 小心 啊 。
韋小寶 企 起身 ， 嗰 個 軍官 伸手 掹 佢 上去 。
韋小寶 一 上 船頭 ， 就 撲 埋方 怡 嘅 懷抱 佢 話 ：
好 姐姐 ， 我 想 你 啊 真 係 想到 我 死 啊 。
講完 兩個 人 緊緊 噉 擁抱 。
突然 間 ， 隻 船 逳 喇 。
韋小寶 都 唔 得閒 諗 啊 ， 只 係 抱住 方怡 ， 就 想 去 吻 佢 個 嘴 。
忽然 覺得 後頸 一 緊 ， 畀 人 哋 一手 揦 實 。
一個 嬌媚 異常 嘅 聲音 話 ： 白龍 使 ， 你好 吖 嘛 ？
呢 次 你 帶 人 攻破 神龍 島 ， 功勞 好 大 噃。
韋小寶 一 聽見 係 洪夫人 把 聲 ， 嚇 到 佢 魂飛天外 ， 知道 大事 不妙 喇 ， 就 出力 掙扎 。
點知 畀 方怡抱 住 逳 都 唔 逳 得 ， 跟 住 條腰 一痛 ， 已經 畀 人點 住 穴道 嘞 。
呢 個 變故 突然 而來 ， 韋小寶 一時之間 啊 好似 發夢 噉 。
佢 個 心裏 便 只有 一個 念頭 ： 弊喇弊 喇弊 喇 ， 方怡 呢 個 衰女 又 呃 咗 我 。
就 擘 大 喉嚨 大叫 ： 嚟 人 喇 ， 嚟 人 喇 ， 快 啲 救 我 啊 ！
方怡 啊 輕輕 放 翻開 佢 ， 企埋 一便 。
韋小寶 穴道 被點 ， 企 唔 穩 嘞 ， 嘣 敢坐 低 。
只見 隻 戰船 扯 咗 風帆 ， 正在 向 北方 飛快 噉 駛過 去 ， 自己 坐 嚟 嗰 隻 小艇 呢 ， 已經 喺 十幾丈 之外 嘞 。
隱約 聽見 岸上 官兵 ， 喺 度 大聲 呼叫 喝問 。
佢 喺 個 心 處 禱告 ：
天公 菩薩 保佑 啊 ， 施瑯同 黃總兵 ， 快 啲 派 船 攔截 ， 誒 不過 千祈 唔 好 開炮 啊 。
噉 啊 聽見 通食 島上 眾 官兵 嘅 呼叫聲 漸漸 遠 嘞 ， 終於 聽 唔 到 嘞 。
放眼 四望 大海 茫茫 ， 竟然 一隻 船 都 唔 見 。
佢 所 統帶 嘅 戰船 雖然 係 好多 ， 但 係 都 派 咗 去 攻打 神龍 島 ， 有 啲 就 喺 通 食 島 同 神龍 島 之間 攔截 。
咪 講話 呢 個 時候 唔 知道 主帥 已經 嘅 被俘 啦 ， 就算 知道 咗 ， 海上 相隔 幾十里 咁 遠 ， 又點 追 得到 呢 ？
韋小寶 坐 喺 艙 板 上 便 ， 慢慢 擔 高頭 ， 見到 幾名 驍騎 營 軍官 對 住 佢 冷笑 噃。
佢 定 一定 神 ， 噉 先 至 睇 清楚 ， 原來 一個 係 瘦頭陀 ， 一個 係 陸高軒 ， 一個 係 肥 頭陀 。
佢 唔 明白 喇 ： 矮冬瓜 係 綁住 喺 中軍帳 後 便 嘅 ， 嗯 ， 實 係 畀 陸高軒 同肥 頭陀 救 咗 佢 出 嚟 定 嘞 。
不過 佢 哋 兩個 人 ， 明明 喺 北京 㗎 ， 點解 會 嚟 到 呢 處 嘅 呢 ？
再 擰 轉頭 一望 ， 只見 秀麗 嬌美 嘅 洪夫人 笑吟吟 噉 望 住 自己 。
洪夫人 喺 韋小寶 面珠 搣 咗 一下 笑 住 話 ：
都統 大人 ， 你 小小年紀 不過 真 係 厲害 啊 。
韋小寶 話 ： 教主 同 夫人 仙 福永享 ， 壽與天 齊 。
屬下 呢 次 辦事 唔 妥當 啊 ， 冇 咩 功勞 唧 。
好 ， 好 妥當 啊 ， 冇 咩 唔 妥 吖 。
教主 佢 老人家 非常 稱讚 你 啊 ， 話 你 帶領 清兵 ， 炮轟 神龍 島 ， 轟 到 島上 嘅 樹木 房屋 融融 爛爛 ， 燒到 變灰 。
佢 老人家 向來 料事如神 嘅 ， 不過 呢 次 就 估錯 喇 ， 佢 好 佩服 你 啊 。
韋小寶 到 咗 呢 個 地步 ， 知道 條 命 喺 人 哋 手上 ， 哀求 亦 係 冇 用 嘅 。
眼前 只有 胡鬧 ， 再 隨機應變 係 嘞 ， 佢 就 笑 住 話 ：
教主 佢 老人家 福體 安康 ， 我 真 係 想念 佢 啊 。
屬下 呢 一排 呢 時時 都 想起 夫人 ， 日日 都 祝禱 你 越 嚟 越 年輕美貌 ， 等 教主 佢 老人家 ， 陪住 你 嘅 時候 呢 仙 福永享 啊 。
洪夫人 咭 咭 聲 咁 笑 佢 話 ：
你 呢 隻 馬 騮 仔 吖 ， 到 咗 呢 個 時候 仲 係 唔 知 死活 ， 仲 喺 度 同 我 油嘴滑舌 。
你 話 我 係 唔 係 越 嚟 越 年輕 美麗 呢 ？
韋小寶 歎 一口氣 佢 話 ：
唉 ， 夫人 啊 ， 你 呃 我 啊 呃 得 好 淒涼 啊 。
我 咩 嘢 事 呃 你 啊 ？
先頭 清兵 捉 咗 一批 島上 嘅 姊妹 嚟 ， 都 係 赤 龍門 嘅 年輕 姑娘 ， 收尾 話 ， 又 有 一船 姐妹 嚟 喇 噉 。
我 就 企 喺 海邊 望 啦 ， 見到 咗 夫人 ， 一時 認 唔 出 噃， 個心 就 話 ：
嘩 ， 赤 龍門 幾時 新 嚟 咗 個 咁 年輕貌美 嘅 姑娘 仔 啊 ？
係 咪 教主 夫人 嘅 妹妹 啊 ？
呢 個 靚女 啊 要 快 啲 過去 睇 下 先 。
夫人 ， 我 心慌意亂 ， 跳 上船 嚟 睇 下 呢 個 靚女 啦 ， 點知 竟然 係 夫人 你 自己 喎 。
洪夫人 聽到 一味 咁 笑 ， 笑 到 個 身 都 震 埋 。
佢 雖然 着 住 驍騎 營 軍官 嘅 服裝 ， 仍然 係 冚 唔 住 身材 嘅 風流 婀娜 。
瘦頭陀 就 唔 耐煩 喇 ， 喝 佢 話 ：
你 呢 個 貪戀 美色 嘅 死 仔 吖 ， 喺 夫人 面前 ， 都 膽敢 咁 發 噏 瘋 ， 睇 我 唔 抽 你 嘅 筋 ， 剝 你 嘅 皮 吖 嗱。
韋小寶 話 ： 你 呢 個人 啊 一 嚿 飯 噉 啊 ， 我 唔 想 同 你講 咁 多 廢話 啊 。
我點 一 嚿 飯 啊 ？ 你 自己 先至 一 嚿 飯 啊 。
我 伏 喺 海 上面 扮 浮屍 ， 你 都 睇 唔 出 ， 居然 仲將 我 救 上船 ， 打聽 神龍 島 嘅 事 。
我 就 遵照 教主 嘅 吩咐 ， 同 你 亂 噏 一通 ， 你 就 句句 都 信以 為 真 嘞 ， 你 仲 唔 係 一 嚿 飯 ？
韋小寶 喺 個 肚 處 鬧 自己 嘞 ：
真 係 一 嚿 飯 噉 啊 你 ， 韋小寶 你 嘅 嘢 啊 抵死 有餘 啊 。
瘦頭陀 內功 深湛 ， 要扮 浮屍 ， 話 咁 容易 啦 你 噉 都 想 唔 到 ？
仲 居然 對 佢 嘅 説 話 深信不疑 ， 以為 神龍 島上 啊 真 係 發生 咗 內訌 ， 就 一切 都 唔 防備 嘞 。
韋小寶 話 ： 我 中 咗 教主 同 夫人 嘅 計 啫 嘛 ， 唔 係 我 一 嚿 飯 噉 啊 。
哦 ， 你好 叻 ， 你好 聰明 。
我 梗 係 聰明 啦 。
不過 我同 你 講吖 ， 就算 係 天下 最 聰明 嘅 人 呢 ， 只要 喺 教主 同 夫人 手下 ， 就 邊個 都 搵 唔 到 着數 嘅 。
呢 啲 係 教主 同 夫人 神機妙算 ， 算無遺策 ， 勢如破竹 ， 大功告成 。
佢 講到 大功告成 嘅 時候 ， 不禁 向 洪夫人 個 櫻桃小嘴 望 咗 一眼 。
洪夫人 又 笑 咗 一笑 ， 佢 話 ：
白龍 使 ， 你 真 係 高明 過 瘦頭陀 好多 ， 講 佢 係 講 唔 過 你 嘅 。
你 點解 話 佢 一 嚿 飯 噉 呢 ？
夫人 啊 ， 呢 個 瘦頭陀 就 已經 見過 夫人 㗎 啦 。
夫人 好似 仙女 噉 ， 所以 無論 邊個 只要 見過 夫人 一眼 呢 ， 邊處仲會 再 去 睇 第二個 女人 㗎 ？
我 點解 話 佢 好似 一 嚿 飯 噉 呢 ？
因為 我 知道 啊 佢 個 心 念念不忘 嘅 呢 仲 掛住 第二個 女人 。
瘦頭陀 ， 呢 個 女人 係 邊個 ， 要 唔 要 我 講出 嚟 啊 ？
瘦頭陀 一聲 大哮 喝 佢 話 ： 唔 能夠 講 ！
韋小寶 笑 住 話 ： 誒 嘿 唔 講咪 就 唔 講 ， 呢 ， 你 師弟 就 比 你 高明 得 多 呢 。
佢 自從 見到 夫人 之後 ， 就 話 從今 之後 ， 再 冇 興致 睇 第二個 女子 喇 。
肥 頭陀 塊面 一紅 低聲 話 ： 亂講 ， 邊有 噉 嘅 事 呢 ？
韋小寶 話 ： 冇 ？ 唔 通 你 見到 夫人 之後 ， 仲想 再 去 睇 第二個 女人 咩 ？
肥 頭陀 耷低 個頭 佢 話 ： 老衲 係 出家人 ， 六根清淨 四大皆空 ， 個 心裏 便 ， 早就 冇 男女 嘅 事 喇 。
老和尚 念經 啊 有口無心 ， 你 師兄 同 你 一樣 ， 亦 係 頭陀 啫 ， 又 點解 日日 都 想 住 佢 個 契 家 婆 呢 ？
韋小寶 個心 啊 不停 咁 思索 ：
我 明明 吩咐 佢 同 陸先生 啊 留 喺 北京 等 我 嘅 ， 點解 佢 兩個 會同 埋 夫人 喺 一齊 呢 真 係 奇 哉 怪 也 喇 。
肥 頭陀 就 話 ： 師兄 還 師兄 ， 我還 我 ， 兩個 人 不能 一概而論 嘅 。
我 睇 你 哋 兩個 啊 都 差 唔 多個 啫 。
你 師兄 為 人 雖然 係 糊塗 ， 不過 呢 就 老實 過你 啲 。
哼 ， 你 哋 師兄弟 兩個 人 啊 ， 搞 𢰸 咗 教主 同 夫人 嘅 大事 啊 ， 實在 係 罪大惡極 啊 。
肥瘦 二 頭陀 一齊 話 ： 亂講 ！ 我 哋 點樣 搞 𢰸 咗 教主 同 夫人 嘅 大事 啊 ？
嗱 各位 ， 欲知 後事 如何 ， 且 聽 下回分解 。
