前 文 再續 啊 書 接上 一回 啊 。
話説 施瑯 講畀 韋小寶 聽 ，話 佢 部下 有 一 個 小校 ，嚴重 失職 ，誒 施瑯 要 殺咗 佢 。
呢個 小校 呢 ，趯咗 去 鄭成功 屋企 ，搵 鄭成功 個 夫人 董夫人 求情 。
董夫人 就 派人 向 施瑯 求情 ，叫佢 饒恕 咗 呢個 小校 ，施瑯 唔肯 。
佢 話 ：施瑯 係 國姓爺 嘅 部將 ，只係 奉 國姓爺 嘅 將令 嘅 啫 。
董夫人 嬲咗 卑職 嘅 説話 ，竟然 用咗 個 小校 做 府裏 便嘅 親兵 ，仲 叫 人 傳話 我 聽 ，有 本事 就 將 嗰個 小校 拉嚟 殺咗 佢 啦 噉 。
卑職 一時 吞唔落 呢啖 氣 ，就 親自 去 將 嗰個 小校 一手 捉住 ，一刀 斬咗 佢 嘅 人頭 。
韋小寶 拍手 大讚 話 ：嘩 ，殺得 好 殺得 妙 ！殺得 乾淨 利落 ，大快人心 啊 。
施瑯 話 ：卑職 殺咗 呢個 小校 ，自己 知道 闖咗禍 嘞 ，就 去 向 鄭成功 謝罪 啦 。
我 想 ，我 立過 大功 ，部屬 犯咗 軍法 ，殺佢 並 冇 錯 吖 。
但係 鄭成功 聽咗 婦人 之 言 ，話 我 犯上 不敬 ，即時 就 將 我 扣押 起嚟 。
我 想 國姓爺 英雄 慷慨 ，一時之氣 ，韞 我 幾日 就 會 算 㗎 嘞 。
點知道 過咗 好耐 ，我 阿爹 同 細佬 ，以及 我 個 妻子 都 畀 人 捉咗 韞咗 入 監 。
我噉先至知道弊喇 ，鄭成功 要 殺 我 啊 ，我就 趁住 監守 嘅 人 疏忽 ，趯咗出嚟 。
過咗 冇 幾耐 就 得到 消息 ，鄭成功 ，將 我 全家 殺 到 一個 不留 啊 。
唉 ，都係 董夫人 個 衰 婆 唔好啦 。
韋小寶 又 擰頭 又 歎息 。
施瑯 咬牙切齒 噉 話 ：鄭家 同 我 仇 深 似 海 ，只係 可惜 鄭成功 死得 早過 頭 嘞 ，呢個 大仇 報唔到 。
卑職 發過 重誓 ，總有一日 ，亦要 將 鄭家 全家 一個個 殺到 乾乾淨淨 。
韋小寶 早就 知道 鄭成功 海外 為 王 ，係 個 大 英雄 。
但係 聽見 施瑯 要 殺 鄭氏 全家 ，噉 梗係 包括 佢 嘅 大 對頭 鄭克塽 在 內 嘞 ，覺得 係 志同道合 噃 ，就 猛咁 岌頭 話 ：
該殺 ，該殺 ，你 唔 報 呢個 仇 啊 ，就 唔係 英雄 好漢 。
施瑯 自從 畀 康熙 召嚟 北京 之後 ，只係 見到 皇帝 一次 ，從此 呢 ，就 喺 北京 冇事 做 嘞 。
做嘅官 ，仍然 係 福建 水師 提督 ，爵位 仍然 係 靖海 將軍 。
不過 喺 北京 領 一份 糧餉 ，無 職 無 權 ，仲 差過 順天府 衙門 裏 便 一 個 小小 嘅 公差 。
以 佢 一個 雄心勃勃 嘅 人 ，當然 係 坐困愁城 ，好似 熱鑊 上 嘅 螞蟻 噉 。
呢 三年 之中 ，佢 幾日 就 去 兵部 打個轉 。
送禮打點 ，錢 係 使得 唔少 啊 ，歷年來 做官 嘅 積蓄 ，都 填咗 喺 北京 官場 呢個 無底洞 裏 便 嘞 。
但係 皇帝 又 唔再 召見 ，回任 福建 嘅 上諭 ，亦 唔知 何年何月 先至 得到 手 。
到咗 收尾 ，兵部 衙門 一 聽到 施瑯 嘅 名 就 頭 赤喇 。
佢 手頭 已經 好 緊 嘞 ，冇 錢 送禮 ，就 邊個 都 唔 再 理 佢 。
而家 聽見 韋小寶 同 佢 傾得 咁 投機 ，覺得 回任 福建 有 希望 嘞 所以 好 興奮 。
索額圖話 ：施將軍 ，鄭成功 殺 你 全家 ，確係 唔應該 。
不過 你 亦 因為 噉樣 而 因禍得福 ，棄暗投明 。
如果 唔係 噉 啊 ，恐怕 你 而家 仲 喺 台灣 抗拒 王師 ，做 嗰啲 叛逆 造反 嘅 事 咯 。
施瑯 話 ：索大人 講得 啱 。
韋小寶 問 佢 話 ：鄭成功 殺 咗 你 全家 ，噉 你 一嬲之下 就 向 大清 投誠 喇 係咪 ？
係 。先帝 恩重如山 ，卑職 起義 投誠 ，噉 啊 先帝 派 我 喺 福建 辦事 。
卑職 感恩圖報 ， 奮不顧身 ， 立 咗 啲 微小 功勞 ， 升為 福建 同安 副將 。
咁啱 ，鄭成功 帶兵 嚟 進攻 ，噉 卑職 同 佢 拼命 ，全靠 先帝 洪福 ，大獲全勝 。
先帝 大恩 ，升 我 為 同安 總兵 。
收尾 ，攻克咗 廈門 、金門 同 梧嶼 ，又 聯合 一批 紅毛兵 ，坐住 甲板船 ，用 洋槍 洋炮 ，將 鄭成功 打到 落海 而 逃 。
噉 先帝 升卑職 為 福建 水師 提督 ，又 加咗 靖海 將軍 嘅 頭銜 。
其實 ，卑職 嘅 功勞 真係 一分 都 冇 ，一來 係 我 大清 皇上 福份 大 ，二來 ，係 朝中 各位 大人 指示 得宜 啊 。
你 以前 ，喺 鄭成功 軍隊 嗰處 吖 ，噉 又 喺 福建 同 佢 打 咗 幾 場 硬仗 ，台灣 嘅 情形 ，當然 係 好 明白 㗎 嘞 。
皇上 召 你 嚟 問 進攻 台灣 嘅 方略 ，你 點樣 講 啊 ？
卑職 啟奏 皇上 話 ：台灣 係 個 海島 ，孤零零 ，易守 難攻 。
台灣 將士 ，都係 當年 跟隨 鄭成功 嘅 百戰 精兵 。
如果 要 進攻 台灣 ，統兵官 需要 事權 統一 ，內 無 掣肘 ，便宜行事 ，噉 先至 能夠 成功 。
哦 ， 噉 你 即 係 話 要 獨當一面 ， 等 你 一個 人 嚟 發號施令 嘞 噃？
卑職 唔 敢 咁 狂妄 。
不過 攻打 台灣 ，需要 出其不意 ，攻其無備 。
京師 同 福建 距離 幾千里 ，如果 遇到 有 進攻 台灣 嘅 好 機會 ，上奏 請示 ，等到 朝中 批示 落嚟 ，講唔定 時機 已經 失咗 咯 。
台灣 第二啲 將領 由 自可 啊 ，有 一個 陳永華 ，足智多謀 ，又 有 一個 劉國軒 驍勇善戰 ，係 個 好大 嘅 強敵 ，如果 貿貿然 出兵 ，好 難 打得贏 㗎 。
你噉 亦 講得啱 。
皇上 英明 到 極 ，唔會 怪 你 呢 説話 講得 唔啱 嘅 。
你 仲 講咗 啲 咩 添 啊 ？
皇上 又 問 我 進攻 台灣 嘅 方略 。
卑職 回奏話 ：台灣 雖然 兵 精 ，到底 為數 唔多 。
大清 攻台 ，應該 雙管齊下 。
第一 步 ，係 用 離間計 ，使到 佢 內部 不和 。
最好啊散佈謠言 ，話 陳永華 有 廢主 自立之心 ，要 同 劉國軒 兩個人 陰謀 篡位 。
噉 鄭 經 一 疑心 呢 ，講唔定 就 會 殺咗 陳 劉 兩個 人 ；
就算唔殺啊 ，亦必定 唔肯 重用 ，削咗 兩個人 嘅 權柄 㗎喇 。
陳劉 兩個人 ，一相一將 ，係 台灣 嘅 兩條 大柱 ，能夠 兩個人 一齊 鏟咗去 當然 最好 啦 。
就算 只係 鏟去 一個人 ，剩翻 一個 ，亦係 獨木 難支 大廈 喇 。
韋小寶 個 心驚 喇 佢 諗 ：豈有此理 你 嘩 ，你 想 害 我 師父 啊 ？
韋小寶 問 ：仲有 一個 一劍無血 馮錫范 呢 ？
施瑯 好驚奇啊 ，就話 ：乜韋大人 ，居然 連 馮錫范 亦 知道 啊 ？
韋小寶 話 ：我 係 聽 皇上 閒談 嘅 時候 講起 佢 嘅 。
皇上 對於 台灣 嘅 內情 都 唔知 幾 清楚 。
皇上 話 啊 ，董夫人 鐘意 白板仔 ，鄭克塽 ，就 唔 鐘意 世子 鄭克臧 ，要 個 仔 啊 改立 世子 ，不過 鄭經 又 唔 肯 ，啊 有冇 呢件事 啊 ？
施瑯 又 驚 又 佩服 ，佢 就 話 ：聖天子 聰明 智慧 曠古 少有 ，居於 深宮 之 中 明見 萬里 之外 啊 。
皇上 呢番 説話 一啲 都 冇 錯 。
韋小寶話 ：你話 攻打 台灣 有 兩條 法子 吖 ，一條 ，係 用 反間計 害死 陳永華 同 劉國軒 ，噉 另外 一條 係 咩 計 啊 ？
施瑯 話 ：另一條 就係 用 水師 進攻 嘞 。
淨係 攻 一路 就 好難 成功 嘅 ，需要 三路 齊 攻 至 得 。
北攻雞籠港 ，中攻台灣府 ，南攻打狗港 ，只要 有 一路 成功 ，登咗陸 企穩咗腳 ，台灣人心 一亂 ，噉 就 勢如破竹 嘞 。
統帶 水師 喺 海上 打仗 ，你 好 內行 㗎 噃 ？
卑職 一生 都 喺 水師 ， 熟悉 海戰 啊 。
韋小寶 心念 一動 ，佢 諗 ：
呢個人 要 去 殺 姓 鄭 嗰 一家 ，噉 做 低 鄭克塽 呢個 衰仔 都 唔 錯 。
不過 鄭成功 係 個 大 英雄 噃 ，殺咗 佢 全家 就 講唔過去 吖 。
何況 佢 攻台灣 就係 要害 我 師父 噉 點得 㗎 。
嗯 ，佢 善打 海戰 ，派 佢 去 做 呢件事 呢 就 一舉兩得 嘞 。
韋小寶 問 索額圖 話 ：大哥 ，你 以為 呢件事 應該 點 做好 呢 ？
索額圖 話 ： 皇上 英明 ， 高瞻遠矚 ， 諗 過個 嘢 都 冇 遺漏 㗎 喇 ， 我 哋 做 奴才 嘅 ， 一切 聽 皇上 吩咐 辦事 就 係 喇 。
韋小寶 個 心 諗 ：哈 你 個 滑頭鬼 吖 ，乜嘢 都 唔 肯 黐 身 。
噉就攞起隻焗盅 。
喺 處 侍候 嘅 僕人 高聲 噉 叫 ：送客 ！
施瑯 起身 行禮 就 告辭 出去 嘞 。
索額圖 傾咗 一陣 閒偈 ，亦都 告辭 嘞 。
話說 韋小寶 入宮 去 見 皇帝 ，稟告 施瑯 想 進攻 台灣 嘅 事 。
康熙話 ：先 除 三藩 再 平台灣 ，呢啲 係 根本 嘅 先後 次序 。
施瑯 呢個人 才能 係 有嘅 ，我 怕 放佢 返去 福建 之後 ，佢 急於 立功 報仇 輕舉妄動 ，反而 使到 台灣 有咗 戒備 ，因此 一直 留住 佢 喺 北京 啫嘛 。
韋小寶 恍然大悟 啊 佢 話 ：冇錯 嘞 冇錯 嘞 。
施瑯 一 返到 福建 呢 ，一定要 建造 戰船 、操演 兵馬 ，搞到 個 打草驚蛇 。
噉 我哋 進攻 台灣 ，一定 要 神不知 ，鬼不覺 至得 㗎 嘛 。
等到 人人 都 以為 唔打 咯 ，忽然間 就 打起嚟 ，打 嗰個 姓 鄭 嘅 衰仔 啊 一個 手忙腳亂 。
康熙 微笑話 ：用兵 虛實之道 ，就 應該 噉樣 。
仲有一層啊 ，遣將不如激將 ，我 留施瑯喺北京 ，等佢全身嘅力氣都冇埞使 ，悶到佢死死下 ，等到一派出去 ，佢就會奮力效命唔敢偷懶嘞 。
皇上 呢條 計策 啊 ，諸葛亮 亦 不過 如此 咋 。
奴才 睇過 一齣 定軍山 嘅 戲 噃 ，諸葛亮 呢 激到 老黃忠 搏命 咁 打 ，就 一刀 斬咗 嗰個 乜鬼嘢 ，春夏秋冬 嘅 大花面 喇 。
呵呵呵 ，夏侯淵 。
啊係啊係啊 ，吖 皇上 記性 真係 好喇 ，睇完戲 ，連 大花面 個 名 都 記得 嘅 。
呢個 大花面 嘅 名 ，書 上面 寫住 㗎 嘛 。
施瑯 送咗 咩 禮物 畀 你 啊 ？
哎呀 皇上 乜嘢 都 知道 㗎喎 。
冇 ，施瑯 送咗 一隻 玉碗 畀 我 啫嘛 ，不過 ，我 唔係 幾 鐘意 唧 。
隻 玉碗 有 咩 唔好 啊 ？
玉碗 雖然 係 珍貴 啊 ，不過 一打 就 爛 。
奴才 跟住 皇上 辦事 ，雙手 捧 嘅 係 一隻 千年 打唔爛 ，萬年 唔生鏽 嘅 金飯碗 ，噉 就 大不相同 咯 。
哈哈哈哈哈哈哈哈哈哈哈哈 。
皇上 啊 ， 奴才 忽然 想到 一個 主意 ， 請 皇上 睇 下 能 唔 能夠 做 吖 嗱？
咩嘢 主意 啊 ？
嗰個 施瑯 話啊 ，佢 統帶 水師 ，好 會 打 海戰 嘅 。
康熙 左手 喺 枱 上一拍 佢 話 ：好主意 好主意 ！小桂子 你 好 聰明 啊 。
你就 帶佢 去 遼東 ，派佢 去 打神龍島 啦 。
韋小寶 個 心 啊 真係 驚 喇 ，佢 望 實 康熙 ，過 咗 好耐 先至 話 ：
皇上 實係 神仙 下凡 定嘞 ，點解 奴才 個 心裏 便 想嘅 主意 都 仲 未 講 出口 ，皇上 就 知道 嘅 呢 ？
康熙 微笑 話 ： 好 喇 好 喇 唔 使 托 咁 多 大腳 喇 ， 小桂子 ， 呢 個 法子 好妙 啊 。
我 本來 就 擔心 ，你 去 攻打 神龍島 呢 都 唔 知道 能唔能夠 成功 嘅 。
施瑯 係 個 打海戰 嘅 人才 ，噉啊 叫佢 去 神龍島 操練 下 先 啦 ，不過 事前 唔 能夠 洩漏 咗 風聲 啊 。
係 ，係 。
康熙 即刻 派 人 去 傳 咗 施瑯 嚟 ，對 佢 話 ：
朕 派 韋小寶 去 長白山 祭天 ，佢 一力 舉薦 ，話 你 辦事 能幹 ，要 帶埋 你 一齊 去 。
朕啊即管聽住先 ，不過就唔係點信嘅 。
韋小寶 喺 個 心處 笑嘞 ：諸葛亮 喺度 激 老黃忠 喇 。
施瑯 又 猛咁 叩頭 話 ：臣 跟住 韋都統 去 辦事 ，一定 盡忠效命 ，奮不顧身 ，以 報 皇上 天恩 。
康熙話 ：呢 一次 呢 ，係 試一試 你 先 ，如果 確實 可以 用 嘞 ，將來 再 派 你 去 辦 第二啲 事情 。
施瑯 好 歡喜 ，佢 叩頭 話 ：皇上 天恩 浩蕩 。
康熙話 ：呢件事 非常 機密 ，除咗 韋小寶 一個人 之外 ，朝中 冇人 知道 嘅 。
你 一切 遵從 韋小寶 個 差遣 就係 嘞 ，你 下去 啦 。
施瑯 叩咗 頭 ，正話 要 退出去 ，康熙 微笑 話 ：
韋都統 待 你 都唔錯 ，你 打 一隻 大大 嘅 金飯碗 送 畀 佢 啦 。
施瑯 應咗 ，但係 唔明白 皇上 嘅 用意 噃 ，不過 見到 皇帝 好 歡喜 噉樣 ，咪 估計 決 唔會 係 壞事 。
韋小寶 返到 子爵府 嘅 時候 ，見到 施瑯 已經 喺 門口 等 嘞 ，噉 講咗 唔少 感恩 提拔 嘅 説話 。
韋小寶 笑住 話 ：施將軍 啊 ，呢 一次 只好 委屈 你 一下 喇 ，請 你 喺 我 營 裏 便 做 一個 小小 參領 ，因為 怕 畀 外人 知覺 啊 。
施瑯 好 歡喜 就 話 ：一切 遵從 都統 大人 吩咐 。
佢 知道 韋小寶 派 佢 嘅 職司 越 小 ，就 越 加 當 佢 係 自己人 ，噉 將來 飛黃騰達 嘅 機會 就 越 多 ，如果 派 佢 做 個 親兵 噉 就 更加 妙 嘞 。
佢 話 ：皇上 吩咐 卑職 打 隻 金飯碗 ，奉呈 都統 。
唔知 都統 大人 歡喜 咩嘢 款式 呢 ？
韋小寶 笑住 話 ：呢啲 係 皇上 嘅 恩典 ，無論 咩嘢 款式 ，我哋 做 奴才 嘅 雙手 捧住 金飯碗 食飯 ，個 心 都 係 感激 皇恩浩蕩 嘅 。
施瑯 猛咁 話 係啊係啊噉 。
韋小寶 個 心 諗 ：老子 本來 想 逃之夭夭 就 辭官 唔 做 㗎 喇 。
而家 搵到 你 呢個 替死鬼 ，哼 ，最好 呢 你 同 洪教主 拼 個 同歸於盡 ，你 兩個 壽 與 蟲 齊 啦 。
施瑯 扯 咗 之後 ，韋小寶 叫 咗 李力世 、風際中 、徐天川 、玄貞道人 等 天地會 嘅 兄弟 嚟 ，將 經過 嘅 情形 詳細 講 咗 。
李力世 話 ：呢個 姓 施 嘅 賊子 反叛 國 姓爺 ，又 要 攻打 台灣 ，陷害 總舵主 ，好彩 佢 撞正 韋香主 手裏 便 ，我哋 點樣 擺佈 佢 先至 好 呢 ？
韋小寶話 ：神龍教 啊 勾結 吳三桂 同 羅剎國 ，而家 皇帝 派 我 帶埋 施瑯 去 剿滅 神龍教 。
我諗 ，等 施瑯 同 神龍 教 打到 個 昏天黑地 ，兩敗俱傷 ，我哋 再 嚟 個 漁翁得利 。
眾人 啊 齊聲 讚好 。
韋小寶話 ：施瑯 精明能幹 ，我 要 靠佢 打神龍島 ，就 唔能夠 殺咗 佢 先 嘅 。
眾位 阿哥 要 特別 小心 ，咪 畀 佢 睇出 破綻 啊 。
高彥超話 ：我哋 都 扮作 驍騎營 嘅 官兵 ，平日 少啲 同 佢 見面 ，就算 見到 嘞 ，諒 佢 亦 唔敢 得罪 我哋 嘅 。
第 日下午 ，施瑯 啊 捧住 一個 錦盒 ，嚟到 子爵府 求見 。
韋小寶 打開 錦盒 ， 果然 係 一隻 好 大 嘅 金飯碗 ， 都 怕 有 成 六七 兩重 嘅 。
施瑯 話 ：卑職 本該 再 打得 大啲 ，就係 怕 ，誒 就係 怕 都統 大人 用 起上嚟 唔 方便 唧 。
韋小寶 左手 將 金飯碗 喺 手裏 便 稱咗 一 稱 ，笑住 話 ：
呵呵 已經 夠晒 重咯 ， 誒 施將軍 啊 ， 上面 咁 多 字 ， 寫住 啲 咩 嘢 啊 ？
中間 四個 大字 ，係 公忠體國 。
上面 呢 行 細字 呢 係 ，欽賜 領 內侍衛 副 大臣 、兼 驍騎營 正 黃旗 都統 、賜 穿 黃馬褂 、巴圖魯 勇號 、一等 子爵 韋小寶 。
下便 更 細嘅 字 係 ，臣 靖海 將軍 施瑯 奉旨 監造 。
韋小寶 十分 歡喜 笑住 話 ：真係 多謝晒 嘞 。
個心就話 ：冇錯喇 ，我嘅 金飯碗 係 皇上 賜 嘅 ，你 能夠 畀 我 乜嘢 金飯碗 唧 ？
呢個 老施 亦 唔 蠢得晒 。
過咗 兩日 ，康熙 頒下 上諭 ：命令 韋小寶 帶同 十門 神武 大炮 ，由 大沽 出海 ，渡 遼東灣 北上 ，先 祭 遼海 ，再 登陸 遼東 ，到 長白山 放炮 祭天 。
韋小寶 接咗 上諭 ，個 心 諗 ：
呢次 係 去 攻打 神龍教 ，肥頭陀 同 陸高軒 就 唔好 帶埋 去 嘞 。
就 命令 佢 兩個人 留 喺 北京 。
噉啊 帶埋 雙兒 ，同 天地會 兄弟 ，率領 驍騎營 人馬 就 嚟到 天津 。
文武官員 迎接 欽差大臣 ，有啲 係 十分 恭謹 ，馬屁 十足 ，有啲呢 係 奉承 得體 ，恰到好處 。
吖唯獨 有 一個 鬍鬚佬 武官 啊 ，卻係 神色 傲慢 ，行禮 嘅 時候 ，顯然 係 敷衍了事 ，一啲 都 唔 將 韋小寶 睇在眼內 。
韋小寶 好嬲啊 ，即時 就 想 發作 嘞 ，不過 轉念一想 ：
皇上 吩咐 過 嘅 ，呢次 一切 要 辦得 十分 秘密 ，唔好 多 生事端 惹 人 談論 。
哼 ，你 睇唔起 我 ，唔通 老子 就 睇得起 你 啊 ？
好啦 ，我哋 兩個 嚟 鬥下 吖 ，睇下 邊個 做得 官 大啲 吖 ？
噉 跟住 又 有 個 官 大 讚 佢 殺咗 鰲拜 嘅 英雄事蹟 ，噉 韋小寶 啊 洋洋自得 ，就 唔 去 理 嗰個 鬍鬚佬 嘞 。
當晚 ，韋小寶 請咗 天津 水師營 總兵 嚟 ，攞出 康熙 密旨 。
嗰個 水師營 總兵 叫做 黃甫 啊 ，見到 密旨 裏 便 吩咐 佢 帶領 水師營 官兵 船隻 ，聽由 欽差 大臣 指揮 ，去 做 軍情 要務 。
黃甫 接 旨 之後 ，躬身 聽 韋小寶 訓示 。
韋小寶 問咗 水師營 嘅 官兵 人數 ，船隻 有 幾多 ，就 傳 施瑯 嚟 ，要 佢 同 黃甫 商量 出海 嘅 事 。
自己 就 去 後營 ，同 眾 兵將 推牌九 賭錢 嘞 。
噉喺 天津 停留咗 三日 ，水師 營 辦咗 糧食 、清水 、彈藥 、弓箭 等等 物資 上船 。
韋小寶 率領 水師營 同 驍騎營 官兵 ，大戰船 十 艘 ，二 號 戰船 三十八 艘 ，出海 揚帆 而去 嘞 。
欲知 後事 如何 ，且 聽 下回 分解 。
