前 文 再續 啊 書 接上 一回 啊 。
話 説 韋小寶 聽 胡逸之 話 ， 佢 喺 陳圓圓 身邊 住 咗 二十三年 ， 覺得 好 奇怪 嘞 ， 佢 就 話 ：
胡大俠 ， 你 武功 咁 使得 嘅 ， 點解 唔 將 陳圓圓 一手 抱 起 佢 就 走 呢 ？
胡逸之 一聽 呢 句 説 話 ， 塊面 閃過 一 啲 憤怒 神情 ， 雙眼 裏 便 啊 精 光閃閃 。
韋小寶 嚇 咗 一 跳 啦 ， 隻 手 一 鬆 ， 酒杯 跌 咗 落 嚟 爛 咗 ，瀄 到 周身 都 係 酒 。
胡逸之 耷 低頭 ， 歎 一口氣 佢 話 ：
當年 ， 我 喺 四川 成都 ， 無意之中 見 咗 陳姑娘 一眼 ， 唉 ， 亦 係 前生 冤孽 ， 從此 呢 就 神魂顛倒 不能自拔 嘞 。
韋香主 ， 胡某 係 個 冇 出息 、 冇 志氣 嘅 人 啊 。
當年 陳姑娘 喺 平西王 府 嘅 時候 ， 我 喺 王府 裏 便 做 園丁 ， 同 佢 種花 拔草 。
佢 去 咗 三 聖 庵 呢 ， 我 就 跟 住 去 做 火夫 。
我 都 冇 咩 嘢 希望 咯 ， 只 係 望 一早 一 晚 ， 偷偷 見到 佢 一眼 唧就 心滿意足 。
點會 ， 點會 有 啲 多 唐突 佳人 嘅 舉動 呢 ？
韋小寶 話 ： 噉 你 咁 鐘意 佢 ， 呢 二十幾年 嚟 ， 佢 始終 都 唔 知道 啊 ？
唔 知 ， 我怕 洩漏 咗 身份 ， 平時 啊 ， 喺 一日 裏 便 難得 講 三句 説 話 ， 喺 佢 面前 呢 直情 係 啞口無言 啊 。
呢 二十三年 裏 便 ， 同 佢 亦 只 係 講 過 三十九 句 説 話 。
佢 呢 ， 反而 同 我講 咗 五十五 句 啊 。
韋小寶 笑 住 話 ： 哈 你 記得 咁 清楚 嘅 ？
吳六奇 同 馬超興 都 覺得 好 淒涼 ， 個心 諗 ：
佢 連 兩個 人 講過 幾多 句 説 話 都 數 得 咁 清清楚楚 ， 真 係 痴情 到極 嘞 。
吳六奇 又 怕 韋小寶 胡言亂語 ， 啲 説 話 傷 咗 佢 個 心 ， 佢 就 話 ：
胡大哥 ， 我 哋 性情中人 ， 有 啲 學武 成痴 ， 有 啲 就 鐘意 飲酒 ， 有 啲 係 鐘意 賭錢 。
陳圓圓 係 天下第一 美人 ， 你 呢 就 鐘意 鑑賞 美色 ， 不過 對 佢 清清白白 ， 實在 係 難得 到極 啊 。
兄弟 斗膽 ， 有 一句 説 話 想 勸 下 你 ， 唔 知 能 唔 能夠 採納 呢 ？
胡逸之 話 ： 吳兄 請講 。
嗰 個 陳圓圓 當然 梗 係 美貌 無比 啦 ， 但 係 到 咗 呢 個 時候 ， 年紀 大喇 ， 睇 嚟 。
胡逸之 猛 咁 擰頭 ， 唔 想 再 聽 落 去 嘞 ， 佢 話 ：
吳兄 ， 人各有志 。
兄弟 係 個 大 傻瓜 ， 你 如果 睇 我 唔 起 ， 我 就 走 。
講完 企 起身 。
韋小寶 話 ： 誒 咪 住 咪 住 。
胡兄 ， 陳圓圓 嘅 美貌 ， 直情 都 唔 係 人世 所有 ， 真 係 好似 ， 誒 ， 好似 天上 嘅 仙女 一樣 。
好 在 吳香主 、 馬香主 冇 見 過唧 ， 如果 唔 係 啊 ， 一見 之後 ， 多數 亦 係 甘心 同 佢 種菜 擔水 㗎 。
噉 我 哋 天地會 就 少 咗 兩位 香主 嘞 。
吳六奇 喺 個 心 處 鬧 佢 話 ： 豈有此理 呢 個 僆 仔 信口開河 。
韋小寶 繼續 話 ： 呢 我 係 親眼 見過 㗎 。
佢 個 女 阿 珂 啊 ， 只有 佢 一半 咁 靚唧 ， 唔 怕 同 你 講吖 ， 我 係 揸 定 咗 主意 ， 就算 係 千刀萬剮 粉身碎骨 ， 亦非 娶 佢 做 老婆 不可 。
尋 日 喺 賭場 ， 佢 要 挖 我 雙眼 ， 心狠手辣 ， 老子 亦 唔 在乎 ， 呢點 你 老兄 係 親眼 見 㗎 ， 一 啲 都 冇 假 㗎 。
胡逸之 一聽 ， 當堂 覺得 同 佢 啊 同病相憐 啊 ， 佢 話 ：
唉 ， 我 睇 嗰 個 阿 珂 對 韋兄弟 呢 似乎 係 有 啲 流水無情 噃。
韋小寶 話 ： 咩 流水無情 啊 ？ 簡直 係 嬲 到 我 入骨 。
叉叉 叉 ， 誒 誒 誒 胡大哥 ， 你 唔 好 誤會 吓 ， 我 不過 係 隨口 噉 鬧 下唧 ， 唔 係 鬧 佢 阿媽 陳圓圓 啊 。
嗰 個 阿 珂 ， 佢 唔 係 喺 我 心口 狠狠 噉 刺 咗 一劍 咩 ？
收尾 佢 又 刺 我 雙眼 ， 如果 唔 係 我 運氣 好 啊 ， 佢 早就 謀殺 親夫 喇 ， 佢 。
哼 ， 睇 中 咗 台 灣 嗰 個 鄭公子 ， 一心一意 想 同 佢 做 夫妻 ， 偏偏 嗰 個 姓 鄭 嘅 喺 條 江 處 又 冇 浸 死 。
胡逸之 坐低 ， 揸 住 韋小寶 隻 手 佢 話 ：
小兄弟 ， 世上 情 呢 件 嘢 呢 ， 不能 強求 嘅 。
你 能夠 遇到 阿珂 ， 同 佢 又 有 師姐 師弟 嘅 名份 ， 噉 就 係 緣分 喇 ， 並 不是 非 做 夫妻 不可 嘅 。
你 一生 之中 ， 已經 睇 過 佢 好多 眼 ， 同 佢 講 過 好多 説 話 。
佢 鬧 過 你 ， 打 過 你 ， 用刀 㓤 過你 ， 噉 即 係 話 ， 佢 個 心裏 便 有 咗 你 呢 個人 咯 ， 噉 已經 係 好 大 嘅 福分 喇 。
你 講得 啱 ， 講得 啱 。
佢 如果 對 我 唔 啾 唔 睬 ， 當 世上 冇 我 呢 個人 ， 呢種 滋味 啊 真 係 難頂 啊 。
我 寧可 佢 打 我 ， 鬧 我 ， 用刀 嚟 殺 我 。
只要 我 冇 畀 佢 殺死 噉 就算 嘞 。
唉 ， 就算 係 畀 佢 殺 咗 ， 亦 好 啊 。
佢 殺 咗 你 咯 ， 個心 啊 不免 有 啲 抱歉 ， 夜晚 發夢 ， 講唔 定 就 會 見到 你 ；
日頭 得閒 冇 事 ， 偶然 亦 會 想到 你 。
噉 豈不是 好過 心裏 便 從來 冇 你 呢 個人 咩 ？
吳六奇 同 馬超興 聽 佢 噉 講 ， 眼都擎 晒 ， 覺得 呢 個人 啊 ， 真 係 痴 到極點 咯 。
如果 唔 係 啱 先 親眼見到 佢 同 馮 錫 范 相鬥 ， 武功 出神入化 ， 真 係 唔 信 佢 就 係 當年 名聞 四海 、 風流倜儻 嘅 美 刀王 啊 。
不過 韋小寶 就 聽到 猛 咁 岌頭 ， 佢 話 ：
胡大哥 ， 你 呢 番 説 話 真 係 講 得 透徹 嘞 ， 我 以前 都 冇 諗 到 。
不過 我 鐘意 咗 一個 女子 呢 ， 就 一定 要 佢 做 老婆 嘅 ， 我 啊 冇 你 咁 好 耐心 啊 。
阿珂 真 係 要 我 種菜 擔水 ， 要 我 陪 佢 一世 ， 噉 我 當然 係 肯做 啦 。
但 係 嗰 個 鄭公子 如果 喺 佢 身邊 ， 老子 啊 非 劏 佢 不可 。
小兄弟 ， 你 噉 講就 唔 係 點對路 咯 。
你 鐘意 一個 女子 ， 就 係 要 等 佢 個 心 高興 啫 嘛 ， 噉 呢 係 為 咗 佢 ， 就 唔 係 為 你 自己 。
如果 佢 想 嫁 畀 鄭公子 ， 你 就 應該 千方百計 噉 幫 佢 完成 心願 。
噉 如果 有人 要害 鄭公子 咯 ， 你 為 咗 心上人 ， 就 應該 全力 保護 鄭公子 ， 就算 貼 埋 自己 條命 啊 ， 都 無傷大雅 嘅 。
唔 係 啊 唔 係 啊 有傷 大雅 之 至 啊 。
蝕本 生意 兄弟 係 唔 做 嘅 。
胡大哥 ， 兄弟 係 對 你 十分 佩服 ， 好 想 拜 你 為師 。
不過 就 唔 係 學 你 嘅 刀法 ， 係 學 你 對 陳圓圓 嗰 一片 痴情 啊 。
呢門 功夫 ， 兄弟 同 你 真 係 爭得 好遠 啊 。
胡逸之 極之 高興 佢 就 話 ： 拜師 就 不必 ， 我 哋 兩個 切磋 互勉 噉 就 不妨 。
吳六奇 同 馬超興 ， 對 任何 女子 都 不 睇 在 眼 內 嘅 ， 佢 哋 諗 嘞 ：
美貌 女子 ， 老舉 寨 都 唔 知 幾多 ， 只要 白雪 雪 嘅 銀 一 搬出去 啊 ， 要 幾多 有 幾多 啊 ， 睇 嚟 ， 呢 兩個 嘢 都 係 癲癲地 㗎 嘞 。
胡韋 兩個 人 一老一少 ， 就 越 傾 就 越 情投意合 ， 真 係 有 相見恨晚 之感 。
胡逸之 忽然間 話 ：
小兄弟 ， 你 我 一見如故 ， 噉 世上 最 難得 嘅 係 知心人 啊 。
開講 有話 ： 得 一 知己 死而無憾 。
胡 某人 當年 相識 遍 天下 ， 知心 無一人 啊 ， 今日 有緣 同 你 相見 ， 我 哋 兩個 結為 兄弟 呢 好 唔 好 啊 ？
韋小寶 好 歡喜 噉 話 ： 噉 啊 梗 係 好 啦 。
誒 ， 誒 ， 哎呀 恐怕 有件 事情 唔 係 點妥唧 。
咩 嘢 事 啊 ？
嗱， 如果 將來 你 我 各 如所願 ， 你 呢 就 娶 咗 陳圓圓 ， 我 啊 娶 咗 阿 珂 ， 噉 你 就 變成 我個 外父 大人 嘞 噃。
噉 仲以 兄弟 相稱 就 唔 係 點對 路 噃。
吳六奇 同 馬超興 一聽 忍 唔 住 哈哈大笑 嘞 。
胡逸之 就 好 唔 高興 ， 佢 話 ： 唉 ， 你 總 係 唔 明白 我 對 陳姑娘 嘅 情意 嘅 。
我 呢 一生一世 ， 決 唔 會 掂 下 佢 ， 用 隻 手指 尾 掂 一 掂 佢 嘅 衫 角 都 唔 會 ， 如 有 虛言 ， 有 如此 桌 。
講完 ， 左手 一伸 ， 咔 一聲 ， 就 搣 咗 茶几 一隻 角仔落 嚟 ， 雙手 一搓 ， 變成 木屑 。
吳六奇 話 ： 哎呀 好 功夫 啊 ！
胡逸之 矋 咗 佢 一眼 ， 佢 諗 ：
武功 算 得 乜嘢 唧 ？ 我 呢 番 心情 噉 先至 難得 㗎 嘛 。
可見 你 唔 係 我 嘅 知己 。
韋小寶 又 冇 本事 學 佢 噉 樣 ， 就 拔出 匕首 ， 切 咗 茶几 另外 一隻 角落 嚟 ， 放 喺 茶几 上 便 ，攞 起 匕首 隨手 斫 幾 斫 ， 將 嗰 隻 茶几 角 啊 斫 成 幾塊 佢 就 話 ：
韋小寶 如果 娶 唔 到 阿 珂 做 老婆 ， 有如 呢 塊 茶几 角 ， 畀 人 切開 幾 嚿。
啲 人 見到 匕首 咁 犀利 都 好 驚奇 ， 但 係 聽 佢 噉 樣 發誓 又 覺得 好笑 。
韋小寶 話 ： 胡大哥 ， 照 你 噉 樣講 ， 我 一 世人 都 唔 會 做 你 女婿 㗎 啦 ？ 好 ， 我 哋 就 結為 兄弟 啦 。
胡逸之 哈哈大笑 ， 噉 啊 拖住 佢 隻 手 行 到 船頭 ， 對住 月光 一齊 跪低 ， 佢 話 ：
胡逸之 今日 同 韋小寶 結為 兄弟 。
此後 有福 共享 ， 有難同當 ， 如果 違背 誓言 ， 叫 我 喺 江中 浸死 。
韋小寶 亦 照 佢 噉 講 嘞 ， 噉 啊 最後 嗰 句 説 話 呢 就 講成 係 ， 叫 我 都 喺 柳江 浸死 。
因 為 佢 諗 啊 ： 我 就 決 唔 會 對 唔 住 胡大哥 嘅 ， 不過 萬一 有 咩 過錯 呢 ？ 噉 就 好 難講 㗎 嘛 。
但 我 從此 唔 嚟 廣西 嘞 ， 就 唔 會 喺 柳江 浸死 ， 噉 第二條 江河 就 唔 算 嘅 。
兩個 人 哈哈大笑 ， 拖住 手 返入 船艙 ， 就極 之 親熱 。
吳六奇 同 馬超興 恭喜 佢 哋 兩個 ， 噉 四個 人 舉起 酒杯 一齊 飲酒 。
吳六奇 啊 怕 呢 對 癡情 金蘭 兄弟 ， 又講 陳圓圓 同阿珂個 事 ， 噉 聽 起 嚟 實在 厭煩 嘞 就 話 ： 我 哋 返 去 呢 ？
胡逸之 岌頭 話 ： 好 啊 。
馬 兄 ， 韋兄弟 ， 我 有件事 想求 下 你 哋 ， 呢 位 阿 珂 姑娘 我要 帶 佢 去 昆明 啊 。
馬超興 啊並 唔 在意 。
韋小寶 呢 卻 係 大吃一驚 啊 連忙 問 ：
吓 ？ 帶 去 昆明 做 咩 嘢 啊 ？
胡逸之 話 ： 嗰 日 陳姑娘 喺 三 聖 庵 同 佢 個 女 相認 ， 當晚 就 病 嘞 。
一味 喺 度 叫 ： 阿珂 ， 阿珂 ， 你 點解 唔 嚟 睇 下 你 阿媽 啊 ？
又 話 ： 阿珂 啊 ， 阿媽 只有 你 呢 個 心肝寶貝 ， 阿媽 想 你 想 得 好 淒涼 啊 。
我 聽見 好 唔 忍心 ， 就 一路 跟 住 嚟 。
喺 路上 ， 我 苦苦 勸 阿 珂 姑娘 返去 ， 去 陪伴 佢 母親 啦 ， 佢 又 點 講 都 唔 肯 。
噉 呢種 事情 又 唔 能夠 夾硬 嚟 嘅 ， 我 又 束手無策 ， 只有 暗中 跟 住 ， 希望 勸 得 佢 回心轉意 啦 。
而 家 佢 畀 你 哋 捉住 咯 ， 如果 馬香主 要 佢 應承 返去 昆明 見 母親 ， 就 可以 釋放 佢 ， 怕 佢 唔 聽 都 唔 得 嘞 。
馬超興 話 ： 呢 件 事 在 下並 冇 主見 嘅 ， 韋香主 話點 就點 啦 。
胡逸之 對 韋小寶 話 ：
兄弟 ， 你 要 娶 佢 做 老婆 來日方長 啊 ， 但 係 如果 陳姑娘 一病不起 ， 從此 再見 唔 到 佢 個 女 。
噉 ， 噉 就 係 終身 之恨 喇 。
講講 下 ， 已經 有 啲 哽噎 嘞 。
吳六奇 諗 嘞 ：
呢 個人 嘅 英雄 豪氣 ， 都 消磨 晒 嘞 ， 咁 婆婆媽媽 嘅 ， 為 咗 吳三桂 一個 愛妾 ， 竟然 搞 到 神魂顛倒 ， 邊度 係 好漢 嘅 所 為 吖 ？
陳圓圓 係 斷送 大明 江山 嘅 禍首 之一 ， 哼 ， 下次 老子 提兵 打入 昆明 ， 將 佢 一刀 殺 咗 先 。
韋小寶 就 話 ： 大哥 要 帶 佢 去 昆明 ， 噉 亦 可以 ， 不過 ， 呵呵 ， 不過 啊 唔 怕 同 大哥 講吖 ， 我 同 佢 明媒正娶 ， 早就 拜過 天地 㗎 嘞 ， 做媒 人 嘅 呢 ， 係 沐 王府 嘅 搖頭 獅子 吳立身 。
偏偏 我 老婆 唔 肯同 我 成親 ， 要 去 改嫁 畀 嗰 個 鄭公子 喎 。
呢 如果 佢 應承 同 我 做 夫妻 呢 ， 噉 當然 就 可以 放 佢 啦 。
吳六奇 聽到 呢 處 發火 嘞 ， 佢 點 都 忍 唔 住 ， 用手掌 喺 茶几 上面 出力 噉 一 拍 ， 酒壺 酒杯 當堂 跌 晒 ， 佢 大聲 話 ，
胡大哥 ， 韋兄弟 ， 呢 個 姑娘 仔 唔 肯 去 見 老母 ， 係 大 不孝 。
佢 同 韋兄弟 拜 過堂 嘞 ， 已經 有 夫妻 名分 ， 又 要 去 跟 嗰 個 鄭公子 ， 呢 啲 係 不貞 。
呢種 不貞 不孝 嘅 女子 ， 留 喺 世間 有 乜嘢 用 啊 ？
佢 嘅 樣 越 靚 ， 人品 就 越壞 ， 我而家 去 將 佢 條 頸 咔 一聲 扭鬼 斷 佢 ， 免 致使 人 聽到 都 心煩 ， 見親 就 激氣 啊 。
跟 住 大聲 催促 啲 船家 ： 快 啲 扒 ， 快 啲 扒 。
胡逸之 、 韋小寶 、 馬超興 三個 人 大家 睇 下 ， 都 變 咗 面色 。
眼見 佢 威風凜凜 ， 殺氣騰騰 ， 額頭 青筋 都 爆起 晒 ， 憤恨 到極點 ， 邊 個人 都 唔 敢勸 佢 。
隻 船 漸漸 靠近 岸邊 嘞 ， 吳六奇 叫 ：
嗰 一男一女 喺 邊 處 啊 ？
一隻 船上 便 有人 回答 話 ： 喺 呢 度 綁住 啊 。
吳六奇 向 嗰 個 艄公 一 揮手 ， 隻 船 就 調 轉頭 ， 向 住 嗰 隻 小船 扒 過去 。
吳六奇 對 韋小寶 話 ：
韋兄弟 ， 你 同 我 都 係 會 中 兄弟 ， 情同骨肉 。
我 做 阿哥 嘅 ， 唔 想見 你誤 於 美色 ， 葬送 咗 一生 ， 今日 ， 同 你 作個 了 斷 。
韋小寶 啊 聲 都 震 晒 佢 話 ：
誒 呢 件 事 ， 誒 仲仲要 ， 誒 仲要 仔細 商量 下先 啦 。
仲 商量 啲 咩 嘢 啊 ？
眼見 兩隻 船 漸漸 靠近 嘞 ， 韋小寶 憂心如焚 ， 只有 請 馬超興 幫手 啦 。
馬大哥 ， 你 勸 下 吳大哥 啦 。
吳六奇 話 ： 天下 好 女子 極 多 ， 包 喺 阿哥 身上 ， 我同 你 搵 一個 稱心滿意 嘅 好 老婆 就 係 喇 。
呢 啲 噉 嘅 下賤 女子 何必 留戀 呢 ？
唉 ， 噉 誒 ， 誒 噉 誒 。
韋小寶 愁眉 苦面 ， 都 唔 知點 好 嘞 。
突然 間 ， 呼 一聲 一個 人 跳 起身 ， 撲 到 去 對面 船頭 ， 係 胡逸之 啊 。
只見 佢 一 蜎 入 船艙 ， 跟 住 就 由 船尾 蜎 翻 出 嚟 ， 佢 已經 抱住 一個 人 。
身法 迅速 到極 ， 一眨眼 就 跳 咗 上岸 ， 幾個 起落 唧 ， 就 已經 喺 幾十丈 之外 嘞 。
佢 把 聲 遠遠 噉 傳 嚟 話 ：
吳大哥 、 馬大哥 、 韋兄弟 ， 實在 對 唔 住 喇 ， 日後 上門 請罪 ， 任 你 哋 責罰 啦 。
説 話 聲 漸漸 遠 嘞 ， 但 係 中氣 充沛 ， 仍然 係 聽 得 清清楚楚 嘅 。
吳六奇 又 驚 又 嬲 啊 ， 想話 去 追 啦 ， 眼見 胡逸之 已經 去 咗 好 遠 嘞 ， 轉念 一想 ， 不禁 捧腹大笑 。
韋小寶 拍掌 叫好 啊 ， 諗 住 胡逸之 抱 咗 阿 珂 去 ， 梗 係 將 佢 送 去 同 陳圓圓 相會 定 嘞 。
噉 過 咗 一陣 間 ， 兩隻 船靠 埋 嘞 ， 天地會 嘅 兄弟 將 鄭克 塽 推 咗 過 嚟 。
韋小寶 鬧 佢 話 ： 死人頭 你 嘩 ， 你 殺害 天地會 嘅 兄弟 ， 又 想 害死 天地會 總舵主 ， 我 非 劏 開 你 個 肚 挖 你 嘅 心 出 嚟 不可 。
豈有此理 ， 你 明知 阿珂 係 我 老婆 吖 嘛 ， 又 同 佢 勾勾搭搭 。
講完 行 上前 ， 正右 開弓 ， 啪啪 啪啪 ， 摑 咗 佢 四 巴 。
鄭克 塽 啊 飲 飽 咗 江水 ， 早就 死死 下 噉 㗎 嘞 ， 見到 韋小寶 凶神惡煞 噉 樣 ， 驚 喇 就 哀求 佢 話 ：
韋大人 ， 唔 該 你 睇 在 我 阿爹 份 上 ， 放過 我 啦 。
從今 而後 ， 我 ， 唉 ， 我 再 唔 敢 同 阿 珂 姑娘 講 嘢 嘞 ， 一句 説 話 都 唔 敢講 喇 。
韋小寶 話 ： 如果 佢 同 你 講 嘢 又 點 啊 ？
嗯 ， 噉 ， 噉 我 都 唔 答 佢 嘞 ， 否則 ， 否則 。
否則 點樣 呢 ， 一時之間 就講 唔 出 嘞 。
韋小寶 話 ： 你 呢 個人 講 説 話 就 好似 放屁 噉 。
我將 你條 脷 割 咗 佢 先 ， 等 你 想 同 阿珂講 嘢 都 唔 得 至 得 。
講完 ， 拔出 匕首 喝 佢 話 ： 伸條 脷 出 嚟 。
唉 ， 誒 ， 唔 好 啊 ， 唔 好 啊 ， 哦 我 唔 同 佢 講 嘢 就 係 啦 ， 我 唔 講喇 ， 只要 講 一句 説 話 ， 就 係 ， 誒 我 就 係 龜 蛋 。
韋小寶 恐怕 陳近南 責罰 佢 ， 亦 唔 敢 真 係 殺 鄭克 塽 ， 就 話 ：
嗱， 以後 你仲敢 對 天地會 總舵主 無禮 ， 對 啲 兄弟 無禮 ， 仲敢 同 我 老婆 不三不四 ， 想 整頂 綠帽 畀 老子 戴 ， 老子 啊 一劍 插 喺 你 呢 個 姦夫 頭殼 裏 便 。
講完 攞 起 匕首 輕輕 一 掟， 嗰 把 匕首 啊 ， 喥 聲 插入 船頭 。
鄭克 塽 連忙 話 ： 誒 ， 唔 敢 喇 ， 唔 敢 喇 ， 我點 都 唔 敢 喇 。
韋小寶 擰 轉頭 對 馬超興 話 ：
馬大哥 ， 佢 係 你家 後堂 捉 到 嘅 ， 請 你 發落 啦 。
馬超興 話 ： 唉 ， 你 哋 話 國姓爺 幾 咁 英雄 吖 ， 佢 嘅 孫 呢 ， 就 係 咁 唔 成器 嗰 ？
吳六奇 話 ： 呢 個人 返到 去 台灣 ， 必定 同 總舵主 為 難 㗎 嘞 ， 不如 一刀兩段 永無 後患 啊 。
鄭克 塽 大驚失色 ， 連忙 話 ： 誒 唔 會 嘅 ， 唔 會 嘅 。
我 返到 去 台灣 ， 求 阿爹 封 陳永華 陳先生 嘅 官 ， 誒 ， 誒 ， 封個 好 大 嘅 官 。
馬超興 話 ： 哼 ， 總舵主 冇 稀罕 喇 。
低聲 對 吳六奇 話 ： 呢 個人 ， 係 鄭王爺 嘅 公子 ， 我 哋 如果 殺 咗 佢 ， 恐怕 害到 總舵主 有 弒 主 之 名 噃。
各位 ， 弒 呢 ， 就 即 係 殺 噉 解 。
古時候 ， 地位 低 嘅 人 殺死 地位 高 過 佢 嘅 人 呢 就 叫做 弒 。
天地會 係 陳永華 奉 鄭成功 嘅 命令 建立 嘅 ， 陳永華 係 天地會 首領 ， 但 係 仍然 係 台灣 延平郡王 府 所屬 嘅 官員 。
會 中 兄弟 如果 殺 咗 延平郡王 個 仔 ， 陳永華 雖然 唔 在場 啊 ， 不過 亦 一樣 有 關係 嘅 。
吳六奇 一 諗 冇 錯 啊 ， 雙手 一 掹， 就 拉斷 咗 綁住 鄭克 塽 嘅 繩索 ， 將 佢 扚 起 嚟 喝 叫 話 ： 躝 啦 ！
一手 就 掟 佢 上岸 。
鄭克 塽 當堂 好似 騰雲駕霧 噉 飛出去 ， 喺 空中 啊 呱呱 聲 咁 叫 。
佢 估 話 跌 呢 一跤 呢 難免 筋折 骨斷 㗎 嘞 ， 點知 𦣇 柚 掂 地 ， 喺 一片 草地 上面 滑 咗 好 遠 ， 雖然 震到 全身 疼痛 啊 ， 不過 就 冇 受傷 ， 即刻 躝 翻 起身 啊 急急 腳 走 人 嘞 。
嗱 各位 ， 欲知 後事 如何 ， 且 聽 下回分解 。
