前 文 再續 啊 書 接上 一回 啊 。
話説 嗰個 農夫 自己 解開 穴道 ，跶住 對 鞋 ，踢跶踢跶 噉 行咗 出去 。
韋小寶 對 錢老本 話 ：
同 自己啲 兄弟 解開 穴道 啦 ，呢 位 李 ，李 先生 亦 係 自己人 啊 。
講完 ，指一指 李西華 。
錢 老本 應 佢 話 ：好 。就 插翻 好把 刀 ，正 話 要 同 李西華 解穴 。
嗰個 老乞衣 忽然間 話 ：明復清反 ，母地 父天 。
錢 老本 不禁 吖咗 一 聲 。
徐天川 快步 上前 ，喺 嗰個 老乞衣 後心 穴道 上面 推拿 咗 幾下 ，就 行到 佢 面前 ，雙手 兩隻 手指 公 ，對住 佢 面前 一彎 。
天地會 兄弟 人數 眾多 ，好多 都係 唔識 嘅 ，初次 相會 嘅 人 呢 ，就 以 天父 地母 、反清復明 八個字 作為 同會 記 認 。
但係 如果 有 外人 喺 側 跟 ，唔想 洩漏 咗 機密 ，往往 就 將 呢 八 個 字 調轉 嚟 講 。
外人 就算 聽到 啊 ，都係 莫名其妙 㗎 。
徐天川 向 嗰個 老乞衣 屈指 行禮 ，亦 係 一項 唔畀 外人 知道 嘅 禮節 。
噉錢 徐 兩個人 跟住 同 李西華 、肥頭陀 、陸高軒 三個人 解開 咗 穴道 。
而家 只係 剩低 瘦頭陀 一個人 坐 喺 地下 ，佢 塊面 呢 唂 到 通紅 ，佢 大聲 噉 喝 ：
師弟 ，仲唔同我 解穴 ？豈有此理 仲等 咩嘢 啊 ？
肥頭陀 話 ：解穴 就 唔 難 啊 ，不過 你 就 唔 准 再 對 韋大人 無禮 。
邊個 叫 佢 唔 畀 解藥 我 吖 ？
係佢得罪我 ，又唔係 我得罪佢 。
佢 畀咗 解藥 我 ，就算 係 賠罪 畀 我 喇 ，老子 不咎既往 就係 喇 。
肥頭陀 躊躇 噉 話 ：噉就 好難 嘅 噃 。
老乞衣 話 ：你 呢個 矮肥佬 吖 囉嗦 到 冇完冇了 。
咪 講話 韋兄弟 唔畀 解藥 你 啊 ，就算 佢 要 畀 ，我 都 要 勸 佢 唔好 畀 啊 。
右手 一指 ，嗤 一聲 ，一股 勁風 向 瘦 頭陀 射過去 。
跟住 又 連 指 兩 指 ，嗤 ，嗤 ，瘦 頭陀 身上 嘅 穴道 當堂 解開 。
突然間 見到 個 大肉球 喺 地下 彈起嚟 ，猛撲 韋小寶 。
老乞衣 呼噉 一掌 擊出去 ，瘦頭陀 喺 空中 還 咗 一掌 ，成個人 彈起 。
佢 武功 亦 真係 使得 啊 ，凌空 下撲 ，雙掌 向 老乞衣 頭頂 擊落 。
老乞衣 左腳 一踢 ，踢佢 後腰 。
瘦頭陀 又 即時 揮掌 拍落去 ，掌力 同 對方 腿力 一 撞 ，佢 個 肥大 嘅 身體 又 飛起嚟 嘞 。
老乞衣 掌拍 腳踢 ，始終 打唔中 佢 一招 。
肥頭陀 同 陸高軒 全神貫注 ，睇住 老乞衣 出手 ，見 佢 每一招 都係 勁力 凌厲 。
瘦頭陀 成 二百幾 斤 重啊 ，全靠 借 老乞衣 嘅 力 ，先至 能夠 喺 空中 飛舞 唔 跌落嚟 。
兩個人 越鬥越緊 ，拳風 掌力 ，逼到 旁觀 啲 人 啊 要 挨住 埲墻 。
忽然 聽見 瘦頭陀 怪聲 大喝 ，一招 五丁開山 ，左手 先發 ，右拳 跟住 落 ，打 老乞衣 頭 頂 。
老乞衣 喝 一 聲 ：嚟得 好 ！
踎得 個 身 ，使 一 招 天王 托塔 迎擊 而 上 。
噉 兩股 咁 犀利 嘅 力量 一 撞 ，瘦頭陀 騰身而起 ，背脊 就 衝 上 橫樑 。
只聽見嘞嘞聲響 ，屋頂上便啊瓦片同泥塵紛紛跌落嚟 ，大廳裏便灰沙飛揚啊 。
噉瘦頭陀 又 試 撲 落嚟 喇 ，老乞衣 啊 縮身 避開 。
瘦頭陀 撲空 咗 ，乒乓 一聲 ，落喺 地下 。
老乞衣 啊哈哈 大笑 ，笑聲 未完 ，瘦頭陀 又 彈起嚟 ，一個 頭殼 對住 老乞衣 心口 撞過去 。
老乞衣 側身 避開 啦 ，右掌 已經 搭 喺 佢 屁股 上 便 ，內力 吐出 ，大喝 一 聲 。
只見 瘦頭陀 急 飛 而出 ，佢 嘅 頭殼 向住 埲牆 撞過去 ，睇住 啊非 腦漿 迸裂 不可嘞 。
大家 見到 都 驚到 叫起嚟 啦 。
就喺 千鈞一髮 當中 ，肥頭陀 捉住 一名 縮喺 旁邊 嘅 賭場 夥記 ，掟出去 ，轟噉 撞落 埲墻 處 。
跟住 啪 一聲 ，瘦頭陀 個 頭 啊 ，撞落 佢 胸腹 之間 ，成個 頭 蜎 入 嗰個 夥記 嘅 肚 ，陷入 牆壁 ，撞出 個 大窿 。
佢 搖搖岌岌 企起身 ，佢 嗰個 頭殼 啊 一塌糊塗 ，黐滿 晒 嗰個 夥記 嘅 血肉 。
佢 雙手 喺 塊面 處 亂咁 抹 ，好 嬲 噉 話 ：豈有此理 ，噉啊 算 乜嘢 啊 ？
老乞衣 喝佢 話 ：仲 打唔打 ？
當年 我 身材 高大 嘅 時候 ，你 打 我 唔 贏 啊 。
而家 呢 ？
而家 我 打 你 唔 贏 啊 ， 算喇算 喇 。
忽然間 跳起嚟 ，向住 牆壁 猛撞去 ，轟隆 一聲 將 埲墻 撞穿 個 大窿 ，連埋 嗰 個 夥記 嘅 屍體 一齊 穿咗 出去 。
肥 頭陀 大叫 ： 師兄 ， 師兄 ！ 噉 啊 喺 個 窿 處 飛 跳出去 。
陸高軒 話 ：韋大人 ，我 去 睇 下 。
腳前頭 後 身體 平飛 ，喺 個 窿 處 跳 出去 ，雙手 仲 喺度 抱拳 向 韋小寶 行禮 。
姿勢 美妙 到 極 啊 ，眾人 齊聲 喝彩 。
徐天川 、錢老本 等人 都 喺度 諗嘞 ：
韋香主 喺 邊 處 收 咗 呢 兩名 部屬 呢 ？ 武功 咁 使得 嘅 ， 比起 我 哋 啊 高出 十倍 啊 。
李西華 拱手 話 ：失陪 嘞 。
講完 ，嗱嗱聲 行咗 出去 。
韋小寶 向 老乞衣 拱手 話 ：
呢位 兄台 ，唔該 你 畀 佢哋 走 啦 。
講完 ，向 趙齊賢 佢哋 指一指 。
老乞衣 笑住 話 ：哈哈哈哈哈哈哈哈 ，得罪晒喇 。
隨手 拉起 趙齊賢 佢哋 ，亦 唔見 佢 推 宮 解 穴 ，只 一 拉 咁 耐 唧 ，已經 解咗 幾 名 侍衞 嘅 穴道 嘞 。
韋小寶話 ：多謝 。噉啊 吩咐 趙齊賢 、張康年 返去 先 。
徐天川 睇咗 雙兒 一眼 就 問 ：呢位 姑娘 係 韋香主 嘅 心腹 啊 ？
韋小寶話 ：係 ，我哋 咩嘢事 都 唔使 瞞佢 。
老乞衣 話 ：呢位 姑娘 年紀 雖然 係 細 ，一副 忠肝義膽 ，人 所 難及 。
先頭 如果 唔係 佢 奮不顧身 ，忠心 護主 ，韋 兄弟 嗰 一雙 眼 ，已經 保唔住 嘞 。
韋小寶 拉住 雙兒 隻 手 話 ：真係 啊 ，好彩 係 佢 救翻 我 咋 。
雙兒 聽見 兩個人 當眾 稱讚 自己 ，醜 到 佢 啊 滿面 通紅 ，耷低 個 頭 ，唔敢 同 大家 眼光 接觸 。
徐天川 行 上 一步 ，對 老叫化 大聲 噉 話 ：
五人 分開 一首詩 ，身上 洪英 無人 知 。
老乞衣 話 ：自此 傳得 眾 兄弟 ，後來 相認 團圓 時 。
韋小寶 聽見 嗰個 老乞衣 念咗 相認 嘅 詩句 ，就 跟住 念嘞 ：
初進 洪門 結義 兄 ，當天 明誓 表 真心 。
老乞衣 話 ：松柏 兩 枝 分 左右 ，中節 洪花 結 義 亭 。
韋小寶 話 ：忠義堂 前 兄弟 在 ，城中 點將 百萬 兵 。
老乞衣 話 ：福德祠 前 來 誓願 ，反清復明 我 洪英 。
韋小寶 話 ：兄弟 韋小寶 ，現任 青木堂 香主 。
請問 兄長 高姓 大名 ，係 屬於 邊個 堂 ，擔任 咩嘢 職務 呢 ？
老乞衣 話 ：兄弟 吳 六奇 ，現任 洪順堂 紅旗 香主 。
今日 同 韋香主 及 各位 兄弟 相會 ，十分之 歡喜 啊 。
大家 聽見 呢個人 ，竟然 就係 天下 聞名 嘅 鐵丐 吳六奇 ，都 係 又 驚 又 喜 ，一齊 恭敬 行禮 。
徐天川 等人 都 報咗 姓名 ，講咗 好多 仰慕 嘅 説話 。
吳六奇 係 廣東 提督 ，統領 廣東 全省 兵馬 。
當年 ，接受 查伊璜 嘅 勸導 ，決心 反清復明 ，暗中 入咗 天地會 ，任職 洪順堂 紅旗香主 。
紅旗 香主 呢 就 唔係 正職 香主 ，亦 唔 統率 本堂 兄弟 嘅 ，但係 地位 呢 ，喺 正職 香主 之上 ，係 會 中 十分 尊崇 嘅 職份 ，僅次於 總舵主 嘅 啫 。
吳六奇 係 天地會 中 紅旗 香主 呢件事 ，非常之 秘密 ，連 徐天川 、錢老本 佢哋 都 唔 知道 嘅 。
吳六奇 拉住 韋小寶 隻 手 笑住 話 ：
韋香主 ，你 去 雲南 對付 大漢奸 吳三桂 。
總舵主 下令 ，叫 我哋 廣東 、廣西 、雲南 、貴州 四省 兄弟 相機 接應 。
我 一 接到 號令 呢 ，就 派咗 十名 得力 兄弟 ，去 雲南 暗中 相助 。
不過 韋香 主 處置 得當 ，青木堂 各位 兄弟 才幹 又 使得 ，諸事 化險為夷 ，我哋 洪順堂 幫唔到 咩嘢 忙 。
前幾日 ，聽講 韋香主 同 眾位 兄弟 嚟到 廣西 ，兄弟 就 化妝 前 嚟 同 各位 聚會 啊 。
韋小寶 好 歡喜 話 ：哦 原來 係 噉嘅 。
我 恩師 佢 老人家 咁 關照 ，吳香 主 一番 好意 ，我 實在 感激 不盡 。
吳香主 大名 ，天下 無人 唔知 ，原來 係 會中 兄弟 喎 真係 呱呱叫 ，卜卜跳 ，威到不得了 啊 。
其實 吳六奇 個 名 ，佢 今日 先至 第一次 聽見 ，不過 見到 徐天川 等 人 肅然 起敬 ，喜形於色 ，就 順口 加多 幾句 啫 。
吳六奇話 ：韋兄弟 親手 殺死 大奸臣 鰲拜 ，噉 先至 係 天下 冇人 唔知 啊 。
大家 都 係 自己 兄弟 ，客氣 話 亦 唔 使 講 嘞 。
我 得罪咗 韋 兄弟 屬下 嘅 侍衛 ，先至 請得到 你 嚟 ，請 你 唔好 見怪 。
韋小寶 話 ：呢班 嘢 冇 中用 ，輸咗 錢 就 賴賬 。
吳大哥 畀 啲 苦頭 佢哋 食 下 ，教訓 下 佢哋 ，等 佢哋 以後 賭 起 錢 嚟 啊 規規矩矩 ，兄弟 啊 仲 要 多謝 你 添 啊 。
吳六奇 哈哈大笑 。
噉啊眾人 坐落 之後 ，吳六奇 問起 雲南 嘅 事 ，韋小寶 簡單 噉 講咗 。
吳六奇 聽講 已經 攞到 吳三桂 要 造反 嘅 真憑實據 ，個 心 歡喜 到 不得了 ，猛咁 稱讚 佢 話 ：
呢個 奸賊 起兵 造反 ，一定要 打到 廣東 ，呢一次 啊 ，要 同佢 大幹 一場 。
等到 打垮咗 呢個 奸賊 ，我哋 再 回師 向 北 ，打上 北京 。
噉啊 傾緊 嘅 時候 ，家 後堂 香主 馬超興 亦 已經 得到 消息 趕到 ，同 吳六奇 相見 當然 係 有 一番 親熱 啦 。
講到 先頭 賭場 裏 便 嘅 種種 事情 ，吳六奇 破口大罵 馮錫范 ，話 佢 暗中 偷襲 ，陰險卑鄙 ，一定要 同佢 好好噉 打翻 一場 。
韋小寶 又 講到 馮錫范 喺 北京 要 殺 陳近南 嘅 事 。
吳六奇 一手 喺 賭枱 上面 出力 一拍 佢 話 ：
豈有此理 ，我哋 就 喺 呢處 做低佢 ！
一來 同 關 夫子 保仇 ，二來 ，同 總舵主 除去 一個 心腹 大患 ，三來 ，亦 可以 一雪 今日 畀 佢 暗算 嘅 恥辱 啊 。
佢 一生 極少 遇到 敵手 ，呢次 竟然 畀 馮錫范 制住 逳 都 唔逳得 ，實在 係 氣憤 無比 啊 。
馬超興 話 ：李自成 係 害死 崇禎 天子 嘅 大 反賊 ，既然 嚟咗 柳州 咯 ，我哋 唔 能夠 輕易 放過 佢 。
天地會 忠於 明室 ， 崇禎 畀 李自成 逼 到 喺 煤山 吊頸 而 死 ， 噉 天地會 當然 以 李自成 為 敵 啦 。
韋小寶話 ：台灣 鄭家 打 嘅 係 大明 旗號 ，鄭克塽 呢個 衰仔 呢 ，走去 同 李自成 搞埋一堆 ，噉 佢 亦 變咗 反賊 嘞 。
我哋 一不做二不休 ，連 佢 一齊 做低埋 ，噉 就 更加 同 總舵主 除去 一個 心腹大患 嘞 。
大家 你 望 我 我 望 你 都 唔 出聲 。
天地會 係 台灣 鄭氏 嘅 部屬 ，殺咗 馮錫范 唔緊要 啊 ，不過 鄭二公子 就 唔 殺得 嘅 。
何況 眾人 心中 雪亮 ，韋小寶 要 殺 鄭克塽 ，九成九 係 假公濟私 。
吳 六 奇岔開 話頭 ，就 問起 肥瘦 兩個 頭陀 等 人 嘅 來歷 。
韋小寶 又 講得 含含糊糊 ，只係 話 肥頭陀 同 陸高軒 兩個人 ，係 江湖 上 嘅 朋友 ，自己 對 佢 兩個人 有 恩 ，所以 佢 兩個人 呢 ，對 自己 非常 忠心 噉 。
吳六奇 對 嗰個 自己 解穴 嘅 鄉下佬 ，極之 佩服 ，佢 話 ：
兄弟 生平 極少 服 人 嘅 ， 呢 位 仁兄 嘅 武功 高明 到極 啊 ， 兄弟 自愧不如 。
武林 之中 有 噉嘅 功夫 嘅 人 寥寥可數 ，點解 想嚟想去 ，都 想唔出 係 邊個 呢 ？
噉啊 眾人 議論 咗 一陣 。
馬超興 啊 派咗 本 堂兄弟 出去 ，查訪 李自成 、馮錫范 等 人 落腳 嘅 地方 。
一面 呢 ，同 風際中 、玄貞 、雙兒 三個人 治傷 。
韋小寶 問起 雙兒 係 點樣 一路 跟住 自己 嘅 。
原來 雙兒 喺 五台山 上 同 韋小寶 失散 之後 ，到處 咁 搵 佢 。
收尾 問 清涼寺 嘅 和尚 ，知道 佢 已經 返咗 北京 嘞 ，於是 跟住 嚟到 北京 ，噉 韋小寶 派 去 傳話 畀 佢 嘅 人 呢 ，就 遇 佢 唔到 啦 。
當其時 韋小寶 已經 南下 喇 ，於是 雙兒 就 跟住 追住 去 ，未 出 河北省 唧 就 已經 追到 嘞 。
佢 又 擔心 韋小寶 做咗 清廷 嘅 大官 ，唔 要 自己 服侍 嘞 ，所以 唔敢 出嚟 見 佢 ；
就 偷咗 一套 驍騎營 軍士 嘅 衣服 着咗 ，混 喺 驍騎營 裏 便 ，一直 跟住 去 雲南 、廣西 。
到到 喺 賭場 裏 便 遇險 ，阿珂 要 㓤 盲 韋小寶 雙眼 ，噉 先至 挺身 相救 。
韋小寶 個 心 啊 好感激 ，佢 笑住 話 ：
傻女 ，我 點 會 唔 要 你 服侍 呢 ？我 一世人 都 要 你 服侍 ，除非 你 想 去 嫁人 唔 想 服侍 我 啦 。
雙兒 又 歡喜 又 怕醜 ，滿面 通紅 噉 話 ：
唔 會 嘅 唔 會 嘅 ， 我 ， 我 唔 會 去 嫁人 嘅 。
話説 當晚 ，馬超興 喺 柳州 一 間 妓院 裏 便 擺酒 ，同 吳六奇 接風 。
飲酒嘅時候 ，會 中兄弟 嚟 報告 ，話 已經 查到 李自成 一行人 ，係 喺 柳江 一排 木排 嘅 屋仔 裏 便 。
柳州 啊 盛產 木材 啊 ，柳州 棺材 天下 馳名 。
所以 有 住在 蘇州 ，着在 杭州 ，食在 廣州 就 死在 柳州 嘅 講法 。
木材 扎成 木排 ，由 柳江 東流 而下 。
柳江 裏 便 木排 不計其數 ，喺 排屋 裏 便 隱藏 ，確實 係 好 難 搵到 嘅 。
如果 唔係 天地會 喺 當地 人 多 勢眾 ，恐怕 亦 冇法子 查得到 。
吳六奇 即刻 放低 酒杯 ，佢 話 ：我哋 快啲 去 咯 ，酒 亦 唔使 飲 喇 。
馬超興 話 ：而家 仲 係 早啫 ，兩位 慢慢 飲酒 啦 。
等 兄弟 先 去 佈置 一下 ，唔好 畀 佢哋 走甩咗 啊 。
噉就 出去 吩咐 部屬 嘞 。
等到 二更 時分 ，馬超興 帶領 眾人 嚟到 柳江 江邊 ，噉啊 上咗 兩隻 小船 。
三位 香主 坐埋 一隻 船 。
船夫 都 唔 使 吩咐 啊 ，就 自己 扒 出去 嘞 ，後 便 有 七八 隻 船仔 ，遠遠 噉 跟住 嚟 。
喺 江 上 扒 咗 約莫 七八里 啦 ，船 就 停嘞 。
一名 船夫 入嚟 船艙 低聲 話 ：
稟告 三位 香主 ，點子 就 喺 對面 木排 上 便 啊 。
點子 係 江湖 術語 ，即係 對象 。
韋小寶 喺 船篷 裏 便 望 出去 ，只見 木排 上面 一間 屋仔 ，透出 一星 黃光 。
江面上 東 一隻 西 一隻 ，都係 船 ，不下 三四十 隻 。
馬超興 低聲 話 ：呢啲 船 都係 我哋 嘅 。
韋小寶 好高興啊 ，佢 諗 ：
一隻船 如果 有 十個人 ，就 有 三四百人 嘞 ，李自成 同 馮錫范 更 厲害 啊 唔通 佢 飛得 上天 咩 ？
就喺呢個時候 ，忽然間 聽見 有人 沿住 江岸 一便 飛奔 ，一便 呼叫 ：
李自成 ， 李自成 ， 你 縮頭縮腦 ， 匿 埋 喺 邊 處 啊 ？ 李自成 ， 你 有 冇 膽出 嚟 啊 ？ 李自成 ！
係 李西華 嘅 聲音 。
木排 上 間 屋 裏 便 有人 大聲 噉 喝 ：邊個 喺度 大呼小叫 啊 ？
江岸上 一條 黑影 飛身 一跳 ，上咗 木排 ，手中 長劍 喺 月色 之下 閃閃發光 。
排上 間 屋仔 裏 便 有 一 個 人 行 出嚟 ，手 執 禪杖 ，係 李自成 啊 ，佢 話 ：
你 嫌 命長 啊 ？要 老子 攞 你 條 命仔 係 唔係 啊 ？
李西華 話 ：我 今日 攞 你 條命 ，就怕 你 死咗 都 仲係 個 糊塗鬼 。
你 知唔知 我 係 邊個 啊 ？
李自成 話 ：李某 殺人 過百萬 ，唔得閒 逐個 問 姓名 啊 ，嚟啦 ！
呼喝聲中 ，揮杖 就 對住 李西華 打過去 。
李西華 側身 避開 ，長劍 貼住 杖身 ，跳起身 ，劍尖 凌空 下刺 。
李自成 挺杖 ，向 空中 㨃 過去 。
李西華 個人 喺 半空中 啊 ，無從 閃避 ，左腳 喺 杖頭 一點 ，借力 一個 關斗 打出去 ，落翻嚟 嘅 時候 ，單腳 喺 木排 邊邊 上 便 。
吳六奇話 ：扒埋去 ，睇清楚啲 。
噉啊 船夫 就 扒過去 嘞 。
馬超興 話 ：有人 嚟 糾纏 佢 一下 ，我哋 逳手 就 啱喇 。
向 船頭 一 名 船夫 話 ：發號令 啦 。
嗰個 船夫 應咗 ，就 喺 船艙 裏 便 攞咗 一 眼 紅色 燈籠 擺 喺 桅杆 上 便 。
跟住 見到 四圍 啲 船 裏 便 ，都 有人 瀡咗 落 條 江 處 嘞 。
韋小寶 歡喜 到 不得了 ，猛嗌 ：好嘢 ！
佢 武功 啊 唔得 ，對 單打獨鬥 呢 冇 乜嘢 興趣 嘅 ，而家 以 幾百 人 圍攻 對方 兩個 人 ，實 贏 㗎 ，啱啱 啊 投其所好 。
何況 睇見 自己 呢 方面 會眾 精通 水性 ，只要 蜎 到 木排 底下 ，割斷 綁 喺 木排 上 嘅 竹索 ，木排 一 散 ，對方 仲 唔 手到擒來 咩 ？
佢 一 想到 木排 散開 就 連忙 話 ：
阿馬大哥啊 ，嗰便 屋仔 裏頭 有 個 姑娘 ，係 兄弟 未 過門 嘅 老婆 ，千祈 唔好 浸親 佢 啊 。
馬超興 笑住 話 ：冇有 怕 嘅 ，韋兄弟 放心 啦 ，我 早就 安排 妥當 㗎 嘞 。
游水 嗰 班 兄弟 當中 ，有 十 個 係 專門 救 你 呢 位 夫人 嘅 。
呢 十個 兄弟 水性 係 極之 好 ，魚 都 捉得上嚟 啊 ，擔保 冇事 。
嘿嘿嘿 ，誒噉 就 好極 喇 。
韋小寶 諗 ：最好 呢浸 鬼死 嗰個 鄭克塽 。
但係 要 馬超 興 下令 唔 救 鄭克塽 ，呢句 説話 終歸 講唔 出口 。
隻船 慢慢 扒近嘞 ，只見 木排 上面 一團 黑氣 ，一道 白光 盤旋 飛舞 ，鬥得 好 緊張 。
吳六奇 話 ： 李自成 冇 練過 上乘 武功 ， 全靠 氣力 支持 嘅 啫 ， 我 睇 唔 出 三十招 ， 就 會 死 喺 呢 個 李西華 劍 下 。
想唔到 佢 一代 梟雄 ，會 死 喺 柳江 之上 啊 。
韋小寶 睇唔清 兩個人 搏鬥 嘅 情形 ，只係 見到 李自成 退 咗 一步 ，又 退 一步 。
忽然間 聽見 屋仔 裏 便 阿珂 話 ：鄭公子 ，快啲 請 馮師父 幫 我 爹 啦 。
鄭克塽話 ：好 。師父 ，唔該 你 殺咗 呢個 衰仔 啦 。
跟住 屋仔 道 門 一 開 ，馮錫范 揸住 把 劍 行 出嚟 嘞 。
嗱 各位 ，欲知 後事 如何 ，且 聽 下回 分解 。
